୨ ଥେସଲନିୟ 2:14 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹⁴ ମିଇ ପାକେ ମାମ୍‍ମେ ବେନ୍ ନେଲା କାବୁର୍ କେତ୍‍ତଣ୍ଡ୍, ଆଦିନ୍ ସେଙ୍ଗେ ଇଶ୍ୱର୍ ମିକିଂଙ୍କ୍ କାର୍‍ଙ୍ଗିମିନ୍ଦେନ୍ । ମାନ୍‍ ପ୍ରବୁ ଜିସୁ କ୍ରିଷ୍ଟନ୍ ମାଇମାତେ ଗୌରବ୍‍ତେ କାଇଲାନ୍ ସେଙ୍ଗେ ଅଣ୍ଡ୍‌ ମିକିଂଙ୍କ୍ କାର୍‍ଙ୍ଗିମିନ୍ଦେନ୍ ।

୨ ଥେସଲନିୟ 2:14 ပူးပေါင်းရင်းမြစ်များ

ମାତିଉ 25:21

ମାଲିକ୍ ସାର୍‍ଦେ ଆଶେ କେତ୍‍ତଣ୍ଡ୍, ଟିକ୍ ମାଡ଼୍‍ତିନ୍, ନିମ୍‍ ଲେକେତ୍‍ ନୁ ବିଶ୍ୱାସ୍ତ ଦାସନି । ନିମ୍‍ ବିଶ୍ୱାସ୍ତେ ଲେକାମ୍ ସୁଦୁର୍ ଦନ୍‍ତିଙ୍କ୍ କାର୍‍ବାର୍‍ ମାଡ଼ି ମାନ୍ଦାନ୍ ମାଇଦିଙ୍କ୍ ନି କାୟିଦେ ନାର୍‍ଗେ ଦନ୍ ୱିଡ଼୍‍ସିଦ୍‍ତାନ୍‍ । ୱାଡ଼ା, ନା ତଡ଼୍ ୱେଡ଼୍‍କା ମାଡ଼ା ।

ଯୋହନ୍‌‌ 17:22

ମେଣ୍ଡେ ନିମ୍‍ ନାକିଂଙ୍କ୍ ବେନ୍ ମହିମା ହିତ୍‍ତିନ୍, ନାନ୍ ଅଡ଼୍‌‍କିଂଙ୍କ୍ ଆଦ୍ ହିତ୍‍ତାନ୍, ବେଲା ମାନାଡ଼୍ ଅଣ୍ଡୟାଗେ ଆଦ୍‍ତାଡ଼୍, ଅଡ଼୍‌ ଆଦେଲେକାମ୍ ଅଣ୍ଡୟାଗେ ଆଦ୍‍ତଡ଼୍ ।

ଯୋହନ୍‌‌ 17:24

“ହଁ ବାବା ! ନିମ୍‍ ନାକିଂଙ୍କ୍ ବେନଡ଼କ୍ ହିତ୍‍ତିନ୍, ନାନ୍ ବେଗେ ମାନ୍‍ତାନ୍, ଅଡ଼୍‌ ଆନ୍‌‍ତେ ଆଦେପୁଟୁଙ୍କ୍ ଆଗେ ନା ତଡ଼୍ ମାନ୍‍ତଡ଼୍ ନୁ ଜଗତ୍ ତିଆର୍ ଆଦାନ୍ ମୁନେଙ୍କ୍ ନିମ୍‍ ନାକିଂଙ୍କ୍ ପ୍ରେମ ମାଡ଼ି ବେନ୍ ଗୌରବ୍ ହିତ୍‍ତିନ୍, ନାୱାଦ୍ ଆଦ୍ ଗୌରବ୍ ଅଡ଼୍‌ ବେଲା ଉଡ଼ିତଡ଼୍, ଇଦ୍ ନାୱାଦ୍ ଇଚ୍ଛା ।

ରୋମୀୟ 16:25

ୱାଡ଼ାଟ୍, ଇଶ୍ୱର୍‌ତିଙ୍କ୍ ଗୌରବ୍ ମାଡ଼ିତାଡ଼୍ । ନାନ୍ ପ୍ରଚାର୍ ମାଡ଼ମାନ୍ଦାନ୍ ଜିସୁ କ୍ରିଷ୍ଟନ୍ ବିଷୟ୍‍ତେ ସାୟେତ୍ କାବୁର୍ ନୁ ଯୁଗ୍‍ଯୁଗ୍ ପୟ୍‍ସ୍ ମିଞ୍ଜିମାନ୍ଦାନ୍ ଲୋପେତ୍ ତଥ୍ୟ ଲେକାମ୍ ମିୟାଦ୍ ବିଶ୍ୱାସ୍‍ତିଙ୍କ୍ ଗାଡ଼୍‍ସ୍ ନେଃଏସ୍ ମାନ୍ଦାନ୍ ସେଙ୍ଗେ ଇଶ୍ୱର୍ ପାର୍‍ଦ୍‍ତଣ୍ଡ୍ ।

ରୋମୀୟ 2:16

ବେନ୍ ଦିନ୍ ଇଶ୍ୱର୍ ନାୟାଦ୍ ସୁସମାଚାର୍ ଲେକାମ୍ ଜିସୁ କ୍ରିଷ୍ଟନ୍ ତଡ଼୍ ନାରୁଡ଼ାଦ୍ ମିଞ୍ଜିମାନ୍ଦାନ୍ ବିଷୟ୍‍ତିଙ୍କ୍ ବିଚାର୍ ମାଡ଼ିତନ୍, ଆଦ୍ ଦିନ୍ ଇଦ୍ ପେୟ୍‍ତିତ୍ ।

ରୋମୀୟ 8:17

ବେଲାବା ମାନାଡ଼୍ ଇଶ୍ୱର୍‌ତେ ମାର୍‍କ୍, ଅନ୍‌ ନାରୁଡ଼୍ ସେଙ୍ଗେ ଇଦାନ୍ ଆର୍ଶିବାଦ୍‍ତାଗ୍ ମାନାଡ଼୍ ବାଗିଦାର୍ ଆଦ୍‍ତାଡ଼୍ । ମେଣ୍ଡେ କ୍ରିଷ୍ଟନ୍ ସେଙ୍ଗେ ଇଶ୍ୱର୍ ବାତ୍ ନେଃଏସ୍ ମିନ୍ଦେଣ୍ଡ୍, ଆଗେ ଗାଲା ମାନାଦ୍‍ ବାଗ୍ ମିନ୍ଦେ । ଯଦି ମାନାଡ଼୍ ଜିସୁନାଦ୍ ଦୁଃକାମ୍‍ତାଗ୍ ବାଗିଦାର୍ ଆତ୍‍ତାଡ଼୍, ଆଲେକେ ଅନ୍‌ ଗୌରବ୍‍ତାଗ୍ ଗାଲା ବାଗିଦାର୍ ଆଦ୍‍ତାଡ଼୍ ।

ଏଫିସିୟ 1:18

ନାନ୍‍ନେ ଦନ୍ୟବାଦ୍ ମାଡ଼ିତାନ୍, ବେଲାନ୍ ଅନାଦ୍‌ ୱେସ୍ ଉଡ଼ାନ୍ ସେଙ୍ଗେ ମିୟାଦ୍‍ ଲୋପେତ୍‍ ଇଚ୍ଛା ଦାନ୍ଦେ ଆଦ୍‍ତେ । ଆଦିଙ୍କ୍‍ ବେନ୍ ଆଶେତ୍ ମାୟ୍‍ଦିଙ୍କ୍‍ ମିଡ଼୍ ଅନ୍‌‍ ତଡ଼୍ କାର୍‍ଙ୍ଗିଆସ୍‍ ୱାତ୍‍ତିଡ଼୍ ।

୧ ଥେସଲନିୟ 1:5

ମାତର୍ ବାକ୍ୟତେ ଆୟ୍‍ୟ, ପବିତ୍ରଆତ୍ମା ଲାୱୁ ତଡ଼୍, ସୁସମାଚାର୍‍ତେ ସତ୍ୟତେ ଲେକେତ୍‍ ମାଡ଼ି ମାମ୍‍ମେ ଆଦ୍ ମିଇ ପାକେ କେତୁତମ୍ । ମିଡ଼୍ ପୁତ୍‍ତିଡ଼୍, ମିଇ ତଡ଼୍ ମାନ୍ଦାନ୍ ୱେଲେ ମାମ୍‍ମେ ବେଦ୍‍ଲେକାମ୍ ଲେକେତ୍‍ ଜିୱୁନ୍‍ତେ ମାଡ଼୍‍ତମ୍; ବେଦ୍‍ଲେକାମ୍ ମିୟାଦ୍ ସାୟେ ମା ଜିୱୁନ୍‍ତେ ଆଶେ ମାତ୍‍ତେ ।

୧ ଥେସଲନିୟ 2:12

ମାମ୍‍ମେ ମିକିଂଙ୍କ୍ ଉତ୍ସାହିତ ମାଡ଼ିମାତ୍‍ତମ୍, ସାନ୍ୱନା ଇସ୍ ମାତ୍‍ତମ୍, ମେଣ୍ଡେ ମୀଇଡ଼୍ ବେଲାନ୍ ଇଶ୍ୱର୍‌ତେ ଯୋଗ୍ୟ ଆଚରନ୍ ମାଡ଼ାନ୍ ମାୟ୍‍ଦିଙ୍କ୍ କେସ୍ ମାତ୍‍ତଣ୍ଡ୍ ।

୨ ତୀମତି 2:12

ଯଦି ମାନାଡ଼୍ ଦର୍ଯ୍ୟପଇସ୍ ମାନ୍ତାଡ଼୍, ଆଲେକ୍ ଅନ୍‌‍ତଡ଼୍ ରାଜ୍‍ ମାଡ଼ିକାଡ଼୍; ଯଦି ମାନାଡ଼୍ ଅଙ୍କ୍‌ ଅସ୍ୱିକାର୍ ମାଡ଼୍‍ୱାଲ୍, ଆଲେକ୍ ଅଣ୍ଡ୍‌ ମିକା ମାନାଙ୍କ୍ ଅସ୍ୱିକାର୍ ମାଡ଼ଣ୍ଡ୍;

୧ ପିତର୍‍ 5:10

କ୍ରିଷ୍ଟନ୍‍ ତଡ଼୍ କାଇଲି ମିକା ଅନାଦ୍‌ ସାରେଦିନାତାଦ୍ ଗୌରବ୍‍ତେ ବାଗିଦାର୍‍ ଆଦାନଙ୍କ୍, ଦୟାତଣ୍ଡ୍‍ ଇଶ୍ୱର୍ ମିକିଙ୍କ୍ ଆହ୍ୱାନ୍ ମାଡ଼୍‍ତଣ୍ଡ୍‍ । ମିୟାଦ୍ ଇସୁର୍ ଦୁଃକାମ୍ ଆତ୍‍ତେ ପେର୍କେ ଅଣ୍ଡ୍‌ ନିଜେ ମିକିଙ୍କ୍ ସାକ୍‍ସାକା, ଗାଡ଼୍‍ସ୍‍, ଡୁଟାଙ୍ଗ୍‍ ନୁ ମଜ୍‍ବୁତ୍‌ ମାଡ଼ିତନ୍ ।

୨ ପିତର୍‌ 1:3

ଲେକେତ୍‍ ଦାର୍ମାମ୍‌ ଜିୱେ ବାଦ୍‍କାନ୍‍ ସେଙ୍ଗେ ମାନାଙ୍କ୍‍ ବାତ୍‍ସାରେ ଦର୍କାଡ଼୍, ଆଦ୍ ଇଶ୍ୱର୍ ନିଜର୍‍ ସ୍ୱର୍ଗୀୟ ଶକ୍ତିତେ ମାନାଙ୍କ୍ ଦାନ ମାଡ଼୍‍ତନ୍ । ବେନ ନିଜର୍‍ ମୟିମା ନୁ ଦାର୍ମାମ୍‌ତାଗ୍‍ ବାଗିଦାର୍‍ ଆଦାନ୍ ସେଙ୍ଗେ ମାନାଙ୍କ୍ ଆହ୍ୱାନ୍ ମାଡ଼୍‍ତନ୍, ଅଙ୍କ୍‌ ପୁତ୍‍ତାଙ୍କ୍‍ ମାମେ ଇଦ୍ ଦାନ ପାଏମ୍ ଆତ୍‍ତମ୍ ।

ପ୍ରକାଶିତ୍‌ ବାକ୍ୟ 21:23

ନାର୍‍ଦିଙ୍କ୍ ୱେସ୍ ମାଡ଼ାନଙ୍କ୍ ପଡ଼୍‍ଦ୍‍ ବା ନେଲ୍‍ଞ୍ଜ୍‍ ଇଲ୍‍ଲେ, ବାତେଙ୍କ୍ଇତ୍କେ ଇଶ୍ୱରତେ ଗୌରବ୍‍ତେ ୱେସ୍‍ ଆଦ୍‍ତେ ମେଣ୍ଡେ ମେଣ୍ଢାମେୟ୍‍ତାନଣ୍ଡ୍ ଆଦୁତଣ୍ଡ୍‍ ଆଦ୍ ନାର୍‍ଦେ କୁପି ।

ପ୍ରକାଶିତ୍‌ ବାକ୍ୟ 3:21

ନାନେ ବେଲାନ୍ ଜିଡ଼ି ମିକା ନା ବାବାନ୍ ତଡ଼୍ ତାନ୍ ସିଂହାସନ୍‌ତାଗେ କୁଦିମିନ୍ଦେନ୍, ବେନଡ଼୍ ୱେର୍‍ତଡ଼୍, ଅଣ୍ଡ୍‌ ସାରେତଡ଼୍‍କ୍ ନାନେ ଟିକ୍‌ ଆଦେଲେକାମ୍ ନାୟାଦ୍ ସିଂହାସନ୍‌ତାଗ୍ ନା ଗାରେ କୁଦାନଙ୍କ୍ ଅଦିକାର୍‌ ଇଦ୍‍ତାନ୍ ।