୨ ପିତର୍‌ 3:18 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹⁸ କିନ୍ତୁ ମାନ୍‍ ପ୍ରବୁ ନୁ ତ୍ରାଣକର୍ତ୍ତାଲ୍ ଜିସୁ କ୍ରିଷ୍ଟନ୍ ଜ୍ଞାନ୍ ନୁ ଅନୁଗ୍ରହତେ ମିଡ଼୍‍ ପେର୍‍ସାଟ୍‍ । ଇଞ୍ଜେ ନୁ ସାରେଦିନା ଅନାଦ୍‌‍ ଗୌରବ୍‍ ଆୟି, ଆମେନ୍‍ ।

୨ ପିତର୍‌ 3:18 ပူးပေါင်းရင်းမြစ်များ

ମାତିଉ 28:20

ମେଣ୍ଡେ ନାନ୍‍ନେ ବେନ୍‍ସାରେ ଶିକ୍ଷା ଇସ୍‌‍ମିନ୍ଦେନ୍, ଆଦ୍ ପାଲନ୍ ମାଡ଼ାଙ୍କ୍ ଅଡ଼୍‌‍କିଂଙ୍କ୍ ଶିକ୍ଷା ହିମୁଟ୍ । ମେଣ୍ଡେ ହେର୍କା ନେହେମୁଟ୍, ତେରାନ୍‌ ଯାକ ନାନ୍ ସାରେ ଦିନା ମିଇ ତଡ଼୍ ମାନ୍‍ତାନ୍ ।”

ମାତିଉ 6:13

ମାକିଂଙ୍କ୍ ତିପାଲ୍ ପରିକ୍ଷାତେ ମୁନ୍‍ନେ ଆଦାନଙ୍କ୍ ହିମା, ମାତର୍ କାରାପ୍ ତାଗାଙ୍କ୍ ମାକିଂଙ୍କ୍ ରକ୍ଷା ମାଡ଼େ । ବାତେଙ୍କ୍ ଇତ୍‍କେ ରାଜ୍ୟ, ପରାକ୍ରମ୍, ଗୌରବ୍ ଯୁଗ୍‍ଯୁଗ୍ ନିୟାଦ୍, ଆମେନ୍ ।”

ଯୋହନ୍‌‌ 17:3

ନିମ୍‍ ୱେର୍‍ନି ସତ୍ ଇଶ୍ୱର୍, ନିକିଂଙ୍କ୍ ନୁ ନିମ୍‍ ରଅତେନଣ୍ଡ୍ ଜିସୁ କ୍ରିଷ୍ଟଙ୍କ୍ ପୁନ୍ଦାନାଦ୍ ଆଦୁତ୍‍ତେ ସାରେଦିନାତ୍ ଜିୱୁଣ୍ଡ୍ ।

ଯୋହନ୍‌‌ 5:23

ବେନ ମାର୍‍ଦିଙ୍କ୍ ସମ୍ମାନ୍ ମାଡ଼ଣ୍ଡ୍, ଅଣ୍ଡ୍‌ ଅନ୍‌‍ୱାଦ୍ ମାଲ୍‍ସ୍‍ୱାଦାନ୍ ବାବାଙ୍କ୍ ଆନ୍‌‍ତେ ସମ୍ମାନ୍ ମାଡ଼ଣ୍ଡ୍ ।”

ରୋମୀୟ 11:36

ସାର୍‍ରେ ବିଷୟ୍ ଇଶ୍ୱର୍ ତିୟାର୍ ମାଡ଼୍‍ତଣ୍ଡ୍; ସାର୍‍ରେ ବିଷୟ୍‍ ଅନ୍‌ ସେଙ୍ଗେ ନୁ ଅନ୍‌‍ ଗୌରବ୍‍ ସେଙ୍ଗେ ଆସ୍‍ ମିନ୍ଦେ । ଯୁଗ୍‍ଯୁଗ୍ ଇଶ୍ୱର୍ ମହିମା ଆୟିଣ୍ଡ୍ । ଆମେନ୍‍ ।

୨ କରନ୍ତିୟ 4:6

ବାତେଙ୍କ୍ ଇତ୍‍କେ ବେନ୍ ଇଶ୍ୱର୍‌ କେସ୍‍ମାତ୍‍ତନ୍, “ଇକାଡ଼୍ ତାଗ୍ ୱେସ୍ ସାରେପାକ୍ ଆୟି,” ଆଦ୍ ଇଶ୍ୱର୍ ଜିସୁନ୍‌ ମକତାଗ୍ ସାରେପାକ୍ ଐଶ୍ୱରିକ୍ ମାହିମା ଉଡ଼ାନ୍ ସେଙ୍ଗେ ମା ହୃଦୟତିଙ୍ଗ୍ ୱେସ୍ ମାଡ଼୍‍ତଣ୍ଡ୍ ।

ଏଫିସିୟ 1:17

ମେଣ୍ଡେ ଗୌରବ୍‍ତନ୍ ବାବାଲ୍, ମାନ୍‍ ପ୍ରବୁ ଜିସୁ କ୍ରିଷ୍ଟନ୍ ଇଶ୍ୱର୍‌ତିଙ୍କ୍ ପ୍ରାର୍ତନା ମାଡ଼ିତାନ୍, ବେଲା ଅଣ୍ଡ୍‌ ମିକିଂଙ୍କ୍ ପବିତ୍ର ଆତ୍ମା ଇଦ୍‍ତନ୍ । ଆଦ୍ ଆତ୍ମା ମିକିଂଙ୍କ୍ ଜ୍ଞାନ୍‍ବାନ୍ ମାଡ଼ିତେ ନୁ ଇଶ୍ୱର୍‌ତିଙ୍କ୍ ମିଇ ଗାର୍ରେ କେତିତନ୍ । ଆଲାଇତ୍‍କେ, ମିଡ଼୍ ଅଙ୍କ୍‌ ପୁନ୍ଦେ ପାର୍‍ଦ୍‍ତିଡ଼୍ ।

ଏଫିସିୟ 4:15

ପ୍ରେମ ତଡ଼୍‍ ସତ୍ କେସ୍ ସାର୍ରେତଡ଼୍‍ୱାଦ୍‍ ତାଲେତ୍‍ ରକମ୍ କ୍ରିଷ୍ଟନ୍ ଲେକାମ୍ ଆଦ୍‍ତାଡ଼୍ ।

ଫିଲିପିୟ 3:8

ମାତର୍ ଆସର୍ ଆୟ୍‍ୟ; ନାୟାଦ୍ ପ୍ରବୁ ଜିସୁ କ୍ରିଷ୍ଟଙ୍କ୍ ପୁନ୍ଦାନ୍ ସେଙ୍ଗେ ବେନ୍ ସାରେ ଐଶର୍ଯ୍ୟ ଲାବ୍ ମାଡ଼ୁତାନ୍, ଆଦିନ୍ ଲେକାମ୍ ବାଗାତ୍ ସାରେ ବିଷୟତିଙ୍କ୍ ନାନ୍ ଇଞ୍ଜେ ଆସର୍ ମାନେମ୍‍ ଆଦୁତାନ୍ । ଅନ୍‌ ସେଙ୍ଗେ ନାନ୍ ସାରେ ମିକା ୱିଡ଼୍‍ସ୍‍ତାନ୍ । କ୍ରିଷ୍ଟଙ୍କ୍ ଦର୍ସିକି ଆତ୍‍ତାଙ୍କ୍ ।

କଲସୀୟ 1:10

ଆଲେକେ, ମିଡ଼୍ ପ୍ରବୁନ୍‍ ଇଚ୍ଛା ଲେକାମ୍ ବାଦ୍‍କେ ପାର୍‍ଦ୍‍ତିଡ଼୍ ନୁ ଅନାଦ୍‌ ପସନ୍ଦ୍‍ ଲେକେତ୍ କାମ୍ ମାଡ଼େ ପାର୍‍ଦ୍‍ତିଡ଼୍ । ମୀୟାଦ୍ ଜିୱେତାଗ୍ ସାରେ ଲେକାତ୍ ସାୟେତ୍ କାମ୍ ମାଡ଼େ ପାର୍‍ଦ୍‍ତିଡ଼୍ ନୁ ଇଶ୍ୱର୍‌ତେ ବିଷୟତେ ମିୟାଦ୍ ଜ୍ଞାନ୍ ନାର୍ଗେ ଆଦ୍‍ତେ ।

କଲସୀୟ 3:10

ମେଣ୍ଡେ ପୁଃନେ ଅବ୍ୟାସ୍‍ ପୟ୍‍ତ୍‍ତିଡ଼୍ । ନାରୁଡ଼ାୱୁ ଇୱୁ ପୁନାୱୁ, ସୃଷ୍ଟିକର୍ତାଲ୍ ଇଶ୍ୱର୍‍ ନିଜେ ନିଜର୍‍ ଲେକାମ୍ ବାରମ୍ବାର୍ ତିୟାର୍ ମାଡ଼ୁତନ୍ । ଇଦିନ୍ ସେଙ୍ଗେ ମିଡ଼୍ ଅନ୍‌ ବିଷୟତେ ସାରେଲେକାତ୍ ଜ୍ଞାନ୍ ପାଏମ୍ ଆଦୁତିଡ଼୍ ।

୨ ଥେସଲନିୟ 1:3

ହୋ ଦାଦାନଡ଼ି ନୁ ଏଲାସ୍କ୍‍ ! ମିଇ ସେଙ୍ଗେ ଇଶ୍ୱର୍‌ତିଙ୍କ୍ ସାରେଦାମ୍ ଦନ୍ୟବାଦ୍ ଇଦାନ୍ ମାୟାଦ୍‌ ଲେକାମ୍, ମେଣ୍ଡେ ଆଦ୍ ଲେକାମ୍, ବାତେଙ୍କ୍ ଇତ୍‍କେ ମିୟାଦ୍ ବିଶ୍ୱାସ୍ ଲେକାମ୍ ନାର୍‍ଗେ ଆସମିନ୍ଦେ, ନିଜେ ନିଜେତ୍ ଲୋପେ ମୀଡ଼୍ ସାରେତଡ଼୍ ୱେରନ୍ ୱେର୍‍ର ପ୍ରେମ ଅଦିକ୍‌ ଆସ୍‍ମିନ୍ଦେ ।

୨ ତୀମତି 4:18

ପ୍ରବୁ ନାକଂଙ୍କ୍ ସାରେ କାରାପ୍ କାମ୍‍ତାଗାଙ୍କ୍ ରକ୍ଷା ମାଡ଼୍‍ତନ୍ ନୁ ନାକିଂଙ୍କ୍ ରକ୍ଷା ମାଡ଼ି ତାନ୍ ସ୍ୱର୍ଗରାଜ୍ୟତା ଆଦ୍‍ତନ୍; ଯୁଗ୍‍ଯୁଗ୍ ଅନ୍‌ ମହିମା ଆୟି ଆମେନ୍‍ ।

୧ ପିତର୍‍ 2:2

କେହେମୁଲ୍‍ ପିଲାନ୍ ଲେକାମ୍ ଆୟମୁଟ୍ । ସାରେଦାମ୍ ସାୟେତାଦ୍ ପାଲ୍‍ ଉନ୍ଦାନ୍ ସେଙ୍ଗେ କାର୍‍ୱିଙ୍କ୍ ଆୟମୁଟ୍ । ଆଲେକେକ୍ ମୀଇଡ଼୍ ପେର୍ସାନ୍ ସେଙ୍ଗେ ପରିତ୍ରାଣ ପାହେମ୍ ଆଦ୍‍ତିଡ଼୍ ।

୨ ପିତର୍‌ 1:11

ଇଦ୍‍ ଉପାୟତେ ମାନ୍‍ ପ୍ରବୁ ନୁ ତ୍ରାଣକର୍ତ୍ତାଲ୍ ଜିସୁ କ୍ରିଷ୍ଟନ୍ ଅନନ୍ତ ରାଜ୍ୟତାଗ୍‍ ନେଙ୍ଗାନ୍‍ ସେଙ୍ଗେ ମିଡ଼୍‍ ପୁରା ଅଦିକାର୍‌ ପାଏମ୍ ଆଦ୍‍ତିଡ଼୍ ।

୨ ପିତର୍‌ 1:2

ଇଶ୍ୱର୍ ନୁ ମାନ୍‍ ପ୍ରବୁ ଜିସୁ କ୍ରିଷ୍ଟନ୍ ବିଷୟ୍‍ତେ ମିୟାଦ୍ ଜ୍ଞାନ୍‍ ତଡ଼୍‍, ପୁରାପୁରି ମିକିଂଙ୍କ୍‍ ଅନୁଗ୍ରହ ନୁ ଶାନ୍ତି ଆୟି ।

୨ ପିତର୍‌ 1:3

ଲେକେତ୍‍ ଦାର୍ମାମ୍‌ ଜିୱେ ବାଦ୍‍କାନ୍‍ ସେଙ୍ଗେ ମାନାଙ୍କ୍‍ ବାତ୍‍ସାରେ ଦର୍କାଡ଼୍, ଆଦ୍ ଇଶ୍ୱର୍ ନିଜର୍‍ ସ୍ୱର୍ଗୀୟ ଶକ୍ତିତେ ମାନାଙ୍କ୍ ଦାନ ମାଡ଼୍‍ତନ୍ । ବେନ ନିଜର୍‍ ମୟିମା ନୁ ଦାର୍ମାମ୍‌ତାଗ୍‍ ବାଗିଦାର୍‍ ଆଦାନ୍ ସେଙ୍ଗେ ମାନାଙ୍କ୍ ଆହ୍ୱାନ୍ ମାଡ଼୍‍ତନ୍, ଅଙ୍କ୍‌ ପୁତ୍‍ତାଙ୍କ୍‍ ମାମେ ଇଦ୍ ଦାନ ପାଏମ୍ ଆତ୍‍ତମ୍ ।

୨ ପିତର୍‌ 1:8

ଇୱୁ ସାୟେତ୍‍ ଗୁନାମ୍‍ ମିକିଂଙ୍କ୍‍ ଦର୍‍କାର୍‍ ଆଦ୍‍ତେ; ଇୱୁସାରେ ମିୟାଗ୍‍ ମାତ୍‍କେ, ମିଡ଼୍ ପାଏମ୍‍ ଆତ୍‍ତେ ପ୍ରବୁ ଜିସୁ କ୍ରିଷ୍ଟନ୍ ଜ୍ଞାନ୍ ମିକିଙ୍କ୍ ସକ୍ରିୟ ନୁ ସଫଳ ମାଡ଼ି ନେଃଏତିତନ୍ ।

୨ ପିତର୍‌ 2:20

ମାନ୍‍ ପ୍ରବୁ ନୁ ତ୍ରାଣକର୍ତ୍ତାଲ୍ ଜିସୁ କ୍ରିଷ୍ଟନାଗାଙ୍କ୍ ଜ୍ଞାନ୍ ଆସ୍ ବେନଡ଼୍ ସଂସାର୍‍ତେ ବିନାଶ ଆଦାନଡ଼୍ ଶକ୍ତି ନାଗାଙ୍କ୍ ରକ୍ଷା ଆଦାନ୍ ପେର୍କେ ମେଣ୍ଡନ୍‍ ଦାମ୍ ଆୱୁ ସାରେ ଆୟେ, ଅଡ଼୍‌‍ୱାଦ୍ ମାଡ଼େଙ୍କ୍‌ତେ ଦଶା ମୁନେତ୍ ଦଶାତାଗାଙ୍କ୍‍ ଗାଟି ଅଦିକ୍‌ ଶୋଚନିୟ ଆଦ୍‍ତେ ।

ଯିହୁଦା 1:25

ମାୱଣ୍ଡ୍ ଅଣ୍ଡେ ୱେରଣ୍ଡେ ତ୍ରାଣକର୍ତ୍ତାଲ୍ ଇଶ୍ୱର୍‌ତେ ଗୌରବ୍, ପରାକ୍ରମ୍ ନୁ ଶାସନ୍‍; ମାନ୍‍ ପ୍ରବୁ ଜିସୁ କ୍ରିଷ୍ଟନ୍ ତଡ଼୍ ମୁନେତ୍ କନ୍‍ସ୍ ନେଣ୍ଡ୍ ଯାକ ନୁ ଯୁଗ୍‍ଯୁଗ୍ ବିରାଜମାନ୍ ଆୟି । ଆମେନ୍‍ ।

ପ୍ରକାଶିତ୍‌ ବାକ୍ୟ 1:6

ତାମ୍ ବାବାଲ୍ ଇଶ୍ୱର୍‌ତେ ସେବା ମାଡ଼ାନ୍ ସେଙ୍ଗେ ମାନାଙ୍କ୍ ଅଣ୍ଡୟ୍‌ ଯାଜକ ବଂଶ ମାଡ଼୍‍ତନ୍ । ସାରେ ଗଉରବ୍ ନୁ ପରାକ୍ରମ୍ ସାରେଦିନାମ୍ ଜିସୁ କ୍ରିଷ୍ଟନାଦ୍ ଆୟି ଆମେନ୍‍ ।