୨ ପିତର୍‌ 2:14 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹⁴ ଅଡ଼୍‌ ମିକିଙ୍କ୍ ସିଗ୍ ନୁ କାର୍‍କେ ପୟ୍‍ତେ ଲେକାମ୍ । ଅଡ଼ାୱୁ କଣ୍ଡା କାରାପ୍ କାମ୍‍ତେ ନିଣ୍ଡ୍‍ତେ । ଅଡ଼ାଦ୍‌ ପାପ୍ ବେସୁଙ୍କ୍‍ ପୁରା ଆୟ୍‍ୟ । ଅଡ଼ାଦ୍‌ ଦୁର୍ବଲ୍‍ତେ ମନ୍‍ତେ ନାରୁଡ଼୍‍କ୍ ଉଡ଼ିଇଦାଗ୍ ୱାଟିତଡ଼୍ । ଲବି ଆଦାନଙ୍କ୍‍ ଅଡ଼୍‌‍ୱାଦ୍‍ ଅବ୍ୟାସ୍ । ଅଡ଼୍‌ ଇଶ୍ୱର୍‌ତେ ଅବିଶାପ୍‌‍ତେ ନାରୁଡ଼୍‍ ଆଦ୍‍ତଡ଼୍‍ ।

୨ ପିତର୍‌ 2:14 ပူးပေါင်းရင်းမြစ်များ

ମାତିଉ 12:34

ଆରେ ତାଡ଼ାମ୍ ବଂଶତ୍‍ କପାତ୍‍ ନାରୁଡ଼ି ! ନିଜେ କପାମ୍ ଆସ୍ ମିଡ଼୍ ବାତେଏ ସାୟେ ଗଟ୍ କେତ୍‍ପାର୍‍ତିଡ଼୍ ? ହୃଦୟ୍‍ତେ ହେର୍କା ମକମ୍ ଇସ୍‌ ପେହିତିତ୍ ।

ମାତିଉ 23:14

ହାୟ, ଦଣ୍ଡତେ ନାରୁଡ଼୍ ମୁର୍କ ଦର୍ମଗୁରୁ ନୁ ପାରୂଶୀଡ଼୍ ଦଣ୍ଡ୍ ସଶନିୟ, ବାତ୍‍ତେଙ୍କ୍ ଇତ୍‍କେ ମିଡ଼୍ ଚଲତେ ନାର୍ଗେଜେଲ୍‍ ପ୍ରାର୍ତନା ମାଡ଼ାନ୍ ସାଙ୍ଗେ ସାଙ୍ଗେ ରାଣ୍ଡିକିନ୍‍ ଲକ୍‍ସାରେ ନଷ୍ଟ ମାଡ଼ୁତିଡ଼୍; ଆଦିଙ୍କ୍ ମିଡ଼୍ ଗୁରୁଦତେ ଦଣ୍ଡ୍ ଦର୍‍କିତ୍‍ ।

ମାତିଉ 25:41

ତାନ୍‍ପେର୍କେ ଡେବ୍‍ପାକେ ମାନ୍ଦାନ୍ ନାରୁଡ଼୍‍କିଂଙ୍କ୍ ଅଣ୍ଡ୍‌ କେତିତଣ୍ଡ୍, “ଆର୍ ଅବିଶାପ୍‌‍ତେ ମାନ୍ଦେ ! ନା ମୁନେକଙ୍କ୍ ଦୁରାମ୍ ଆୟ୍‍ମୁଟ୍‍ ।” ଶୟ୍‍ତାନ୍‍ ନୁ ତାନ୍ ଦୂତତେ ପେର୍କେ ଆଦାନଡ଼୍‍ ମାଇଦିଙ୍କ୍ ବେଗେ ସାରେଦିନା ନିଡ଼୍‍ତାନାଦ୍ କିସ୍ ତିଆର୍ ଆସ୍‍ମିନ୍ଦେ, ଆଗେ ଆନୁଟ୍ ।

ମାତିଉ 5:28

ବାତେଙ୍କ୍ ଇତ୍‍କେ ନାନ୍ କେତୁତାନ୍ ଯଦି ବେନ ଅଡ଼୍‌‍କିଂଙ୍କ୍ ମୁତେନ୍ ପର୍‍ର ନଜର୍ ୱାଟିତଣ୍ଡ୍, ଅଣ୍ଡ୍‌ ଆଦିନ୍ ତଡ଼୍ ହେର୍କା ମାଡ଼ି ବେବିଚାର୍ ବା ଅପରାଦି ମାଡ଼ିତଣ୍ଡ୍ ।

ମାର୍କ 13:22

ବୁସା ମାଡ଼ାନ୍ ମସିହ ନୁ ବୁସା ମାଡ଼ାନ୍ ବଣ୍ଡକ୍ରିଷ୍ଟଡ଼୍‍ ତନ୍ଦିତଡ଼୍ । ଅଦିକ୍‌ ଆକେ ଇଶ୍ୱର ଏଞ୍ଚ୍‍ତେ ନାରୁଡ଼ୁକ୍‍ ବା ଟକା ମାଡ଼ାନ୍‍ ଅଡ଼୍‌ ବେପଡ଼୍‍ ମାଡ଼୍‍ୱେ ପାଡ଼ିୟି ମାଡ଼ିତଡ଼୍‍ ନୁ ବେସୁଙ୍କ୍‍ ଉଡ଼୍‍ୱେ ଆସୁଙ୍କ୍‌ତାୱୁ ତଅତିତଡ଼୍ ।

ଯୋହନ୍‌‌ 5:44

ମିଡ଼୍ ବେଦ୍‍ପୁଟୁଙ୍କ୍ ନାକିଂଙ୍କ୍ ବିଶ୍ୱାସ୍ ମାଡ଼୍‍ପାର୍‍ଦ୍‍ତିଡ଼୍‍ ? ମିଡ଼୍ ନିଜେ ନିଜେତାଗାଙ୍କ୍ ଗୌରବ୍ ଗ୍ରହନ୍ ମାଡ଼ମିନ୍ଦେଡ଼ି, ମେଣ୍ଡେ ୱେରଡ଼୍ ମାତର୍ ଇଶ୍ୱର୍‍ତାଗାଙ୍କ୍‍ ବେନ୍ ଗୌରବ୍, ଆଦ୍ ଦର୍‍ସ୍କାଙ୍କ୍ ଚେଷ୍ଟା ମାଡ଼୍‍ୱିଡ଼୍ ।

ରୋମୀୟ 16:18

ବେନଡ଼୍ ଇଦ୍ ରକମ୍ ପାଡ଼୍‍ୟିତାଗ୍ ଦାନ୍ଦେ ମାନ୍‍ତଡ଼୍, ଅଡ଼୍‌ ପ୍ରବୁ ଜିସୁ କ୍ରିଷ୍ଟନ୍ ସେବା ମାଡ଼ଡ଼୍‍, ଅଡ଼୍‌ ତାମ୍ ନିଜେତ୍ ଲାଲସା ମେନ୍ଦୁଲ୍ ଲେକାମ୍ ମାଡ଼ାନଙ୍କ୍ ମାନ୍‍ତଡ଼୍ । ଚାଲାକ୍ ଗଟ୍‍ତଡ଼୍ ନୁ ମିଚ୍ ଗଟ୍‍ତଡ଼୍ ଅଡ଼୍‌ ନିରୀହ ନାରୁଡ଼୍‍କିଂଙ୍କ୍ ତିପାଲ୍ ମାଡ଼ିତଡ଼୍ ।

୧ କରନ୍ତିୟ 11:19

ଆଗେକ୍‍ବା ମିୟାଗ୍ ୱେକ୍ ୱେକ୍ ମାନ୍ଦେ ଆଦ୍‍ତେ ନୁ ଇଦ୍ ରାମ୍‍କିନାଗ୍ ଇଶ୍ୱର୍‌ତେ ମୁନ୍‍ନେ ବେନଡ଼ାଦ୍ ଗଟ୍ ନିଜାମ୍, ପୁନ୍ଦାନଙ୍କ୍ ଆଦ୍‍ତେ ।

ଏଫିସିୟ 2:3

ଆଦ୍‍ଲେକାମ୍ ମାମ୍‍ମେ ସାରେତମ୍ ଅଡ଼୍‌‍ପୁଟୁଙ୍କ୍ ମାତ୍‍ତମ୍ ନୁ ମେନ୍ଦୁଲ୍ ନୁ ମନ୍‍ଦେ ଅବିଲାଷତିଙ୍କ୍ ବ୍ୟବହାର୍‌ ମାଡ଼ି ବାଦ୍‍କମାତ୍‍ତମ୍ । ସମ୍ଭବତଃ, ବାଗାତଡ଼୍ ଲେକାମ୍ ମାମ୍‍ମେ ମିକା ଇଶ୍ୱର୍‌ତେ କପାମ୍‍ତେ ପରିମାଣ ବୋଗ୍ ମାଡ଼ାନଙ୍କ୍ ଆଞ୍ଜମାତ୍‍ତମ୍ ।

ଏଫିସିୟ 4:14

ଗାଟି ଗାଲ୍‍ତେ ନୁ ଗାଟି ଗାଙ୍କୁଡ଼୍‍ତେ ଇକାଆକା ଆସମାନ୍ଦାନ୍ ପିଲାନ୍ ଲେକାମ୍ ମାନାଡ଼୍ ମେଣ୍ଡେ ଦାନ୍ଦେ ଆୟ୍‍ୱାଡ଼୍ । ୱେରେତଡ଼୍‍କିଙ୍କ୍‍ ମେଣ୍ଡେଅନ୍‌ ଆର୍ର୍ ବୁଲ୍‍କା ମାଡ଼ମାନ୍ଦାନ୍ ତିପାଲ୍‍ ମାଡ଼ାନଡ଼୍‍ୱାଦ୍‍ ଚାଲାକ୍‍ ଶିକ୍ଷାତାଗ୍‍ ମାନାଡ଼୍ ଦାନ୍ଦେ ଆୟ୍‍ୱାଡ଼୍ ।

କଲସୀୟ 2:18

ବେନଡ଼୍ ବିଶେଷ୍‍ ଦର୍ଶନ୍, ବାୟ୍‍ଦେ ସାୟେତଣ୍ଡ୍‍ ନୁ ଦୂତ ପୂଜା ପରୁ ଗୁରୁତ୍ୱ ଇସ୍ ଗର୍ବ ମାଡ଼ିତଡ଼୍, ଅଡ଼୍‌‍କିଂଙ୍କ୍ ଉଡ଼ି ମିଡ଼୍ ନିଜେତିଙ୍କ୍ ସୁଦୁର୍‍ ଏର୍କା ମାଡ଼୍‍ମାଟ୍ । ଇଦ୍‍ଲେକାମ୍ ନାରୁଡ଼୍ ନିଜେତିଙ୍କ୍‍ ନାରୁଡ଼୍‍ ଚିନ୍ତାତଡ଼୍ ଆଙ୍ଗ୍‍ଡ଼ାତ୍‍ ଗର୍ବତାଗ୍‍ ଗର୍ବୀଆସ୍‍ ମାନ୍‍ତଡ଼୍‍ ।

ଯାକୁବ 1:8

ଅଣ୍ଡ୍‌ ତ ରେଣ୍ଡ୍ ମନ୍‍ଦେ ନାରୁଡ଼୍, ନିଜେତାଦ୍ ସାର୍‍ରେ ବିଷୟ୍‍ତାଗ୍ ଇକ୍‍ ଚିଟି‍କେ ଆଦ୍‍ତଣ୍ଡ୍ ।

୨ ପିତର୍‌ 2:18

ଅଡ଼୍‌ ଆଂକାର୍‍ତେ ନିଣ୍ଡ୍‍ତଡ଼୍ କାରାପ୍ ଗଟି କେସମାନ୍‍ନ୍ତଡ଼୍; ଦସଂକାରୀଡ଼ାଗାଙ୍କ୍ ରକ୍ଷା ଆସ୍ ମିରି ୱାସମାନ୍ଦାନ୍ ନାରୁଡ଼୍‍କିଙ୍କ୍ ନିଚ୍‌ ଶାରିରିକ କାମ୍‍ତେ ମାୟା ତଅସ୍ ଉଡ଼୍‍ୟିତାଗ୍ ୱାଟିତଡ଼୍ ।

୨ ପିତର୍‌ 2:3

ଇଡ଼୍ ବୁସା ମାଡ଼ାନ୍‍ ମେସ୍ତେରିଡ଼୍ ଦନ୍‍ଆସେତିଙ୍କ୍ ମାନ୍‍ମାୟିସ୍‍ ଗଟି କେସ୍ ଲାବ୍ ତେଃତିତଡ଼୍ । ଇତ୍‍କେ ନାର୍ଗେ ଦିନାକଞ୍ଚ୍‍ ଇଶ୍ୱର୍ ଇଡ଼ାଦ୍‍ ବିଚାର୍‍ ମାଡ଼ ୱାଦୁତଣ୍ଡ୍‍ ନୁ ଇଡ଼ାଦ୍ ଡଲାନ୍‍ ଦିନାମ୍ ଗାରେ ଆସ ୱାଦୁତ୍ ।

୨ ପିତର୍‌ 3:16

ଅଡ଼୍‌ ଲେକ୍‍ତେ ଚିଟିନାଗ୍ ଇଦ୍ ବିଷୟତେ ଅଣ୍ଡ୍‌ ଲେକ୍‍ତଣ୍ଡ୍‍ । ଆଲେକ୍‍ତ ଅନ୍‌ ଚିଟିନାଗ୍ ବେସର୍ ବିଷୟ ବୁଜେମ୍ ଆଦାଙ୍କ୍ କଷ୍ଟ ଆଦ୍‍ତେ । କିନ୍ତୁ ମୁର୍କ ନୁ ଦାନ୍ଦେ ଲେକେତ୍ ନାରୁଡ଼୍ ଶାସ୍ତ୍ରତାଦ୍‍ ବାଗାତ୍ ଦୁଡ଼େ ଲେକାମ୍ ପାଉଲ୍‍ତେ ଚିଟିନାଗ୍‍ ମିକା କାରାପ୍‍ ଅର୍ତ ମାଡ଼ିତଡ଼୍‍ । ଇଦିନ୍‍ ତଡ଼୍ ଅଡ଼୍‌ ନିଜେ ନିଜର୍‍ ବିନାଶ୍‍ ସାଦନ୍ ମାଡ଼ୁତଡ଼୍ ।

୧ ଯୋହନ୍‌‌ 2:16

ବାତେଙ୍କ୍‍ଇତ୍‍କେ ମେନ୍ଦୁଲ୍‍ ଅବିଲାଷ, କଣ୍ଡେତାଦ୍‍ ଅବିଲାଷ ନୁ ଜାଗତିକ ଗର୍ବ, ସଂସାରତାଗ୍‍ ମାନ୍ଦାନ୍‍ ଇୱୁସାରେ ବିଷୟ୍‍ ବାବାନାଗାଙ୍କ୍ ଆୟ, ମାତର୍‌ ସଂସାର୍‍ତାଙ୍କ୍‍ ତିଆର୍‍ ଆତ୍‍ତେ ।

ଯିହୁଦା 1:11

ଇଦ୍ ଅଡ଼୍‌ ସେଙ୍ଗେ ବେସର୍ ୱେର୍ରେ । ଅଡ଼୍‌ କୟିନନ୍‌ କାରାପ୍ ଆର୍ର୍‍ଦାଗ୍ ଆଞ୍ଜ୍ ମିନ୍ଦେଡ଼୍‍ । ବାଲାମ୍ ଇତ୍‍କେ ଲୋବିଆସ୍ ବେନ୍ ବୁଲ୍‍ ମାଡ଼୍‍ତଣ୍ଡ୍‍, ଅଡ଼୍‌ ଆଦ୍ ବୁସାତାଗ୍ ରାୟ୍‍ତଡ଼୍ । କୋରଅ ଲେକାମ୍ ଗଲ୍‍କ୍ ମାଡ଼ି ଅଡ଼୍‌ ଦଂସ ଆତ୍‍ତଡ଼୍‍ ।

ପ୍ରକାଶିତ୍‌ ବାକ୍ୟ 12:9

ଆଦ୍ ତାଡ଼ାମ୍ ଆଦୁତ୍, ସାରେ ଜଗତ୍‍ତିଙ୍କ୍ ତିପାଲ୍‌ ମାଡ଼ିମାନ୍ଦାନ୍ ଗାଟି ସାତ୍‍ୱାମ୍‍ ମାନ୍ଦାନ୍‍ ପାଃନ୍ତେ ତାଡ଼ାମ୍, ଶୟତାନ୍‍; ତାନ୍ ଦୂତନ୍‍ତଡ଼୍ ସ୍ୱର୍ଗତାଗାଙ୍କ୍ ରାଲି ପୃତିବିତାଗ୍ ୱାସ୍ ରାଲ୍‍ତେ ।