୨ ପିତର୍‌ 1:16 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹⁶ ପ୍ରବୁ ଜିସୁ କ୍ରିଷ୍ଟଙ୍କ୍ ଗୌରବ୍‍ମୟ ମେଣ୍ଡନ୍‍ଦାମ୍ ୱାଦାନ୍‍ ବିଷୟ୍‍ତେ ମିକିଙ୍କ୍ କେଞ୍ଜ୍‍ପାନଙ୍କ୍ ମାମେ ଆଲ୍‍ସ୍‍ତେ ୱେଷଡ଼୍‍ ପର ଆସେ ନେଏୱମ୍ । ମାମେ ନିଜର୍‍ କଣ୍ଡେତାଗ୍ ଅନ୍‌ ମଇମା ଉଡ଼୍‍ତମ୍‍ ।

୨ ପିତର୍‌ 1:16 ပူးပေါင်းရင်းမြစ်များ

ମାତିଉ 16:27

ମେଣ୍ଡେ ନାରୁଡ଼୍ ପିଲେ ନିଜେତ୍ ବାବଙ୍କ୍ ମାଇମାତେ ଗୌରବ୍ ପାଏମ୍ ଆସ୍ ନିଜେ ଦୂତତଡ଼୍‍ ୱାଦ୍‍ତଣ୍ଡ୍ ନୁ ଆସୁଙ୍କ୍ ଅଣ୍ଡ୍‌ ସାରେନାରୁଡ଼୍ ଅନ୍‌ ପାଡ଼୍‍ୟି ଲେକାମ୍ କାୟେ ହିଦ୍‍ତନ୍ ।

ମାତିଉ 16:28

ନାନ୍ ମିକିଂଙ୍କ୍ ସତ୍ କେତୁତାନ୍, ନାରୁନ୍ ପିଲେ ନିଜେତ୍ ରାଜ୍ୟତାଗ୍ ୱାଦାନାଦ୍ ଉଡ଼୍‍ୱେ ଯାକ ଇଗେ ନିସ୍ ମାନ୍ଦାନ୍ ନାରୁଡ଼୍ ଡ଼ାଗାଙ୍କ୍ ବେସ୍‌କ୍ ବେଦ୍‍ଲେକାମ୍ ଡଲ୍‍ତାଗାଙ୍କ୍ ଆସ୍ୱାଦ ପାଏମ୍ ଆୟନ୍ ।”

ମାତିଉ 17:1

ଜିସୁ ହିଦିନ୍ ଆରୁଦିନା ପେର୍କେ ପିତର୍ ନୁ ଯାକୁବ୍ ଯୋହନ୍‌ ତେ ଇର୍‍ୱୁଡ଼୍ ତାମୁଣ୍ଡ୍‌କିଡ଼୍‍କ୍ ଆସ୍ ୱେରଡ଼୍ ଡେଙ୍ଗ୍ ମେଟେତାଗ୍ ଆଦ୍‍ତଡ଼୍ ଆଗେ ବେନ ହିଲ୍‍ୱେ ମାତ୍‍ତଡ଼୍ ।

ମାତିଉ 24:27

ପିଡ଼୍‍ଗ୍‍ ବେଦ୍‍ପୁଟୁଙ୍କ୍ ପଡ଼ଦ୍‍ ପେଇତାନାଗାଙ୍କ୍ ପଡ଼ଦ୍‍ ଆଦାନ୍ ଯାକ ମାବ୍‍ତିଙ୍କ୍‍ ୱେସ୍‍ମାଡ଼ିତ୍‍, ନାରୁନ୍‍ପିଲେ ଆନ୍‌‍ତେ ରକମ୍ ୱାଦ୍‍ତଣ୍ଡ୍ ।

ମାତିଉ 24:3

ଜିସୁ ଜିତ ମେଟେତ୍‍ ପର୍‍ର କୁଦି ମାନ୍ଦାନ୍‍ୱେଲେ ଶିଷ୍ୟଡ଼୍ ଅଣ୍ଡୟ୍‌‍ଦାମ୍ ୱାସ୍ ପାଚ୍ରା ମାଡ଼୍‍ତଡ଼୍, “ଇସାର୍‍ରେ ବେସୁଟ୍‌ ଗଟେମ୍‌ ଆଦ୍‍ତେ, ମାକିଂଙ୍କ୍ କେଲ୍‍ମ୍ । ବାତେଏ ଗଟେମ୍ ଆତ୍‍କେ ମାମ୍‍ମେ ପୁନ୍ତମ୍‍ ଯେ ନିୟାଦ୍ ୱାଦାନ୍ ଦିନାମ୍ ଆଦୁତ୍‍ ନୁ ଇ ଯୁଗାନ୍ତ ଆଦ୍‍ତେ ।”

ମାତିଉ 28:18

ଜିସୁ ଅଡ଼୍‌ ଗାର୍‍ରେ ୱାସ୍ କେତ୍‍ତଣ୍ଡ୍, “ସ୍ୱର୍ଗ ନୁ ପୃତିବି ସାରେ ଅଦିକାର୍‌ ନାକିଂଙ୍କ୍ ଇସ୍‌‍ମିନ୍ଦେନ୍ ।

ମାର୍କ 13:26

ଆସୁଟ୍ ନାରୁନ୍‍ପିଲେ ଗୌରବ୍ ନୁ ମହା ପରାକ୍ରମତେ ମାବ୍‍ତାଗାଙ୍କ୍‍ ୱାଦାନାଦ୍‌ ଉଡ଼ିତିଡ଼୍‌ ।

ମାର୍କ 14:62

ଜିସୁ ଉତ୍ତର ଇତଣ୍ଡ୍, “ହଁ ନାନେ ଅଣ୍ତେ । ନିମେ ନାରୁଡ଼ୁ ପିଲେତିଙ୍କ୍‍ ସର୍ବ ଶକ୍ତିମାନ୍‍ତେ ତିନ୍ଦେ ପାକେ କୁଦି ମାନ୍ଦ୍‍ନାଦ୍‍ ଉଡ଼ିତିଡ଼୍ ନୁ ଅଣ୍ଡ୍‌ ସ୍ୱର୍ଗତେ ମୟଲତାଗାଙ୍କ୍‍ ୱାଦାନାଦ୍‍ ଉଡ଼ିତିଡ଼୍ ।”

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 1:2

ମୁନ୍‍ନେ କଞ୍ଚ୍‍ ଇଦ୍ ସାରେତିଙ୍କ୍ ଉଡ଼ିମାନ୍ଦାନ୍ ନାରୁଡ଼୍ ବେଲା ନେଲା କାବୁର୍‍ କେସ୍‍ମାତ୍‍ତଡ଼୍, ଆଦ୍ ଇସାବ୍‍ତେ ଇଦ୍ ଚିଟି ଲେକାଆସ୍ ମିନ୍ଦେ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 9:43

ଆଗେତିନ୍‍ସ୍ ଅଡ଼୍‌‍ ସାର୍‍ତଡ଼୍ ଇଶ୍ୱର୍ ତେ ନାର୍ଗେଶକ୍ତି ତେ ବାକ୍‍ୱା ଆଦ୍‍ତଡ଼୍ । ମାତର୍ ତାନ୍ ମାଡ଼୍‍ତେ ସାରେ ପାଡ଼ିୟି ସେଙ୍ଗେ ସାରେତଡ଼୍ ବାକ୍‍ୱା ଆଦାନ୍ ୱେଲେ ଜିସୁ ତାମ୍ ଶିଷ୍ୟଡ଼୍‍କିଂଙ୍କ୍ କେତ୍‍ତଣ୍ଡ୍ ।

ଯୋହନ୍‌‌ 1:14

ମେଣ୍ଡେ, ଆଦ୍ ବାକ୍ୟ ମେନ୍ଦୁଲ୍ ପଇତେ, ମେଣ୍ଡେ ଅନୁଗ୍ରହ ନୁ ସତ୍‍ତେ ନିଣ୍ଡି ମାନ୍‍ ଲୋପେ ବାସେ ମାଡ଼୍‍ତଣ୍ଡ୍, ମେଣ୍ଡେ ବାବାନାଗାଙ୍କ୍ ୱାତ୍ ୱେରଡ଼୍ ଇଞ୍ଜ ମାର୍‍ଦେ ମହିମା ଲେକାମ୍ ମାମ୍‍ମେ ଅନ୍‌ ମହିମାତିଙ୍କ୍ ଉଡ଼୍‍ତମ୍ ।

ଯୋହନ୍‌‌ 17:2

ନିମ୍‍ ଅଂକିଙ୍କ୍‌ ସାରେ ନାରୁଡ଼୍ ପର୍‍ର ଅଦିକାର୍‌ ହିତ୍‍ତି, ବେଦ୍‍ରକମ୍‍ ନିମ୍‍ ଅଂକିଙ୍କ୍‌ ବେନ୍ ନାରୁଡ଼୍‍କ୍ ହିତ୍‍ତିନ୍, ଅଡ଼୍‌‍କ୍ ସାରେଦିନାତ୍ ଜିୱୁଣ୍ଡ୍ ହିଦ୍‍ତଣ୍ଡ୍ ।

ରୋମୀୟ 1:4

ଇତ୍‍କେ ଦର୍ମତାଦ୍ ଆତ୍ମା ବିଷୟ୍‍ତେ ଡଲ୍‍ତଡ଼୍ ଲୋପେଙ୍କ୍ ମେଣ୍ଡନ୍‍ନ୍ଦାମ୍ ଜିୱେ ଆସ୍ ଇଶ୍ୱର୍‌ତେ ମାର୍‌ ଇଞ୍ଜ ଶକ୍ତିତଡ଼୍ ପେଦେର୍‍ ଆତ୍‍ତଣ୍ଡ୍;

୧ କରନ୍ତିୟ 1:17

ଏର୍‌ ମୁଡ଼୍‌ତାନ୍ ମାଇଦିଙ୍କ୍ କ୍ରିଷ୍ଟ ନାକିନ୍ ରଅତିଲେ । ଅଣ୍ଡ୍‌ ନାକିନ୍ ସାୟେ କାବୁର୍‌ କେତାନଙ୍କ୍ ରହ୍‌ସ୍‌ମିନ୍ଦେଣ୍ଡ୍; ଆଦ୍‍ମିକା ମେଣ୍ଡେ ବାକ୍ୟଲେକେତ୍ ଇଲ୍‍ଲେ, କ୍ରୁଶତ୍ ପର୍‍ର କ୍ରିଷ୍ଟନାଦ୍ ଡଲ୍‍ତାଦ୍ ବେକାର୍‍ ଆଦ୍‍ତେ ।

୧ କରନ୍ତିୟ 1:23

ମାତର୍ ମାମ୍‍ମେ କ୍ରୁଶତାଗ୍ ଡଲ୍‍ତେ କ୍ରିଷ୍ଟନାଦ୍‌ ଗଟ୍ କେତୁତମ୍ । ଇଦୁ ଇହୁଦୀ ନାରୁଡ଼୍‌କ୍‌ ମାଇଦିଙ୍କ୍‌ ତିପାଲ୍ ଲେକାମ୍ ନୁ ଅଣଇହୁଦୀ ନାରୁଡ଼୍ କଣ୍ଡେତାଗ୍ ପିନ୍ଦ ଆସ୍‌ମାନ୍‌ତା;

୧ କରନ୍ତିୟ 1:7

ଆଦିନ୍‌ମାଇଦିଙ୍କ୍ ପ୍ରବୁ ଜିସୁ କ୍ରିଷ୍ଟନାଦ୍‌ ଉଡ଼ାନ୍ ସେଙ୍ଗେ କେପିମାନ୍ଦାନ୍ ୱେଲା ମିୟାଦ୍‌ ବାତା ବା ଜିୱତ୍‌ ଆର୍ଶିବାଦ୍‌ତାଦ୍‌ ଅବାବ୍ ଆୟ୍‍ୟ ।

୧ କରନ୍ତିୟ 2:1

ଦାଦାଲରି ନୁ ଏଲାସ୍କ୍‍, ନାନ୍ ମିୟାଗା ଇଶ୍ୱରନ୍‌ ସାୟେ କାବୁର୍ କେତାଙ୍କ୍ ମାଇଦିଙ୍କ୍ ଆଞ୍ଜମାନ୍ଦାନ୍‌ୱେଲେ ବାକ୍ୟନମ୍ବର ବା ପାଣ୍ଡିତ୍ୟ ତୱେ ମାତ୍‌ତାନ୍‌ ।

୧ କରନ୍ତିୟ 2:4

ନାୟାଦ୍‌ ଶିକ୍ଷା ନୁ କାବୁର୍, ନାରୁଡ଼୍‌ ବୁଦ୍‍ତେ ଗଟିନ୍‍ ଚାଲାକ୍‍ତେ ଆୟାୱା ମାତ୍‌ତା । ଆଦ୍‌ ଇଶ୍ୱରନ୍ ଆତ୍ମାତ୍‌ ଶାତ୍‍ୱାମ୍‍ତଡ଼୍ ନିଞ୍ଜାମ୍‌ ପ୍ରମାନ୍‌ ତଡ଼୍ ପ୍ରଚାର୍ ଆସ୍‌ମାତ୍‌ତା ।

୧ କରନ୍ତିୟ 5:4

ମିଡ଼୍‌ ନୁ ନାୟାଦ୍‌ ଆତ୍ମା ମାନାଦ୍‌ ପ୍ରବୁ ଜିସୁନ୍ ପେଦେର୍‍ତେ ଅଣ୍ଡୟାଗେ ଆଦାନ୍ ୱେଲେ, ଶକ୍ତିତଡ଼୍‌ ଇଦ୍‌ ସ୍ଥିର୍‌ ମାଡ଼ମିନ୍ଦେନ୍ ଯେ,

୨ କରନ୍ତିୟ 2:17

ନାର୍‍ଗେ ନିଜେ ଲାବ୍‍ଆଦାନ୍‍ ଆଦାନ୍ ସେଙ୍ଗେ ଇଶ୍ୱର୍‌ତେ ବାକ୍ୟ ବ୍ୟବହାର୍‌ ମାଡ଼ିତଡ଼୍ । ଇତ୍‍କେ ମାନାଡ଼୍ ଆଦ୍‍ଲେକାମ୍ ଆୟ୍‍ୟ । ମାନ୍‍ ଇଶ୍ୱର୍ ରସିସ୍‍ମାନାଙ୍କ୍ ମାନାଡ଼୍ ବିଶ୍ୱାସ୍‍ତେ ତଡ଼୍ ଅନ୍‌ ନିର୍ଦେଶ୍ ପାଲନ୍ ମାଡ଼ୁତାଡ଼୍ ନୁ ଇଶ୍ୱର୍‌ତେ ମୁନ୍‍ନେ କ୍ରିଷ୍ଟନ୍‌ ଦାସ ଲେକାମ୍ ପ୍ରଚାର୍ ମାଡ଼ିକାଡ଼୍ ।

୨ କରନ୍ତିୟ 4:2

ମାତର୍ ମାମ୍‍ମେ ସିଗ୍‍ଆଦାନାଦ୍ ନୁ ମିଞ୍ଜିମାନ୍ଦାନ୍ ବିଷୟସାରେ ୱିଡ଼୍‍ସ୍‍ତମ୍; ମାମ୍‍ମେ ଚଲନା ମାଡ଼ମ୍ କି ଇଶ୍ୱର୍‌ତେ ବାକ୍ୟତେ ବିକୃତ୍ ଅର୍ତ ମାଡ଼ମ୍ । ବାତେଙ୍କ୍ ଇତ୍‍କେ ସାରେତଡ଼୍ ନିଜମ୍‍ ସତ୍‍ କେଞ୍ଜ୍‍ତେ ଲେକାମ୍ ଇଶ୍ୱର୍‌ତେ ମୁନେ ନାରିଡ଼୍ ମନ୍ ପାକେ ମାମ୍‍ମେ ନିଜେ ନିଜେତେ ଯୋଗ୍ୟତା ପ୍ରନାମ୍ ମାଡ଼ାନ୍ ସେଙ୍ଗେ ଆଲ୍‍ସି ମାଡ଼ୁତମ୍;

ଏଫିସିୟ 4:14

ଗାଟି ଗାଲ୍‍ତେ ନୁ ଗାଟି ଗାଙ୍କୁଡ଼୍‍ତେ ଇକାଆକା ଆସମାନ୍ଦାନ୍ ପିଲାନ୍ ଲେକାମ୍ ମାନାଡ଼୍ ମେଣ୍ଡେ ଦାନ୍ଦେ ଆୟ୍‍ୱାଡ଼୍ । ୱେରେତଡ଼୍‍କିଙ୍କ୍‍ ମେଣ୍ଡେଅନ୍‌ ଆର୍ର୍ ବୁଲ୍‍କା ମାଡ଼ମାନ୍ଦାନ୍ ତିପାଲ୍‍ ମାଡ଼ାନଡ଼୍‍ୱାଦ୍‍ ଚାଲାକ୍‍ ଶିକ୍ଷାତାଗ୍‍ ମାନାଡ଼୍ ଦାନ୍ଦେ ଆୟ୍‍ୱାଡ଼୍ ।

ଫିଲିପିୟ 3:21

ବେନ୍ ଶକ୍ତି ଅଣ୍ଡ୍‌ ସାରେ ବିଷୟତିଙ୍କ୍ ନିଜେତ୍ ବଶିବୂତ ମାଡ଼େ ପାର୍‍ତନ୍, ଆଦ୍ ଶକ୍ତି ଗ୍ରହନ୍ ମାଡ଼ି ଅଣ୍ଡ୍‌ ମାନ୍‍ ଦୁର୍ବଲ୍ ନାୟାଦ୍ ମେନ୍ଦୁଲ୍‌ତିଙ୍କ୍ ଅନାଦ୍‌ ଗୌରବ୍‍ମୟ ମେନ୍ଦୁଲ୍ ଲେକାମ୍ ମାଡ଼ିତନ୍ ।

୧ ଥେସଲନିୟ 2:19

ଆଦ୍ ବାତ୍‍ଆଇ, ନାୟାଦ୍ ବିଶ୍ୱାସ୍, ମାନ୍‍ ପ୍ରବୁ ଜିସୁ ୱାଦାନ୍ ୱେଲେ ଅନ୍‌ ମୁନେ ବାଗାତଡ଼୍ ଲେକାମ୍ ମୀଇଡ଼୍ ମିକା ମାୟାଦ୍‌ ଆଶେ, ୱେଡ଼୍‍କ୍‍ ନୁ ଗର୍ବ ମାଡ଼ାନାଦ୍ ସହଜ୍‍ ବାତେଙ୍କ୍ ଆଦ୍‍ତେ ।

୨ ଥେସଲନିୟ 2:9

ଆଦ୍ ଦୁରଆତ୍ମା ଶୟ୍‍ତାନ୍‍ ଲାୱ୍‌ଦେ ଡାଟୁମ୍‌ ଆସ୍ ୱାଦ୍‍ତନ୍ ନୁ ନାର୍‍ଗେ ଲେକ୍‍ତାଉ ଦାଦ୍‌ରେଲାନ୍ ପାଡ଼୍‍ୟି ମାଡ଼ାନଙ୍କ୍ ବୁସା ମାଡ଼ିତନ୍ ।

୧ ତୀମତି 1:4

ଅଡ଼୍‌‍ ଲେକେତ୍‍ ୱେଷଡ଼୍‍ ନୁ ଆନିଦାଦିଡ଼ାଦ୍‍ ବଂଶତଡ଼୍‍କିଙ୍କ୍ ତିଆର୍‍ ମାଡ଼ାଙ୍କ୍‍ ଆତ୍‍ତଡ଼୍‍ । ଆୱ୍‍ସାରେ ୱିଡ଼୍‍ସାଙ୍କ୍ ଅଡ଼୍‌‍କିଂଙ୍କ୍ ଶିକ୍ଷାହିମୁଟ୍‍, ବାତେଙ୍କ୍‍ଇତ୍‍କେ ଆଦ୍‍ ମାତର୍‍ ଆଙ୍ଗ୍‍ଡ଼ାମ୍‍ ଗଲକ୍‍ ସୃଷ୍ଟି ମାଡ଼ିତ୍‍ । ବେନ୍‍ ସରଳ ବିଶ୍ୱାସ୍‍ତେ ଇଶ୍ୱର୍‌ତେ ଇଚ୍ଛା ପୁନ୍ଦାଙ୍କ୍ ଆଦ୍‍ତେ, ଇୱ୍‍ସାରେ ତାଙ୍କ୍‍କିଙ୍କ୍ ବାଦା ଇଦ୍‍ତା ।

୧ ତୀମତି 4:7

ଇଶ୍ୱର୍‌ତିଙ୍କ୍ ଅପମାନ୍ ମାଡ଼ମାନ୍ଦାନ୍ ମୁଲ୍ୟହିନ କିମ୍ୱଦନ୍ତିକିଙ୍କ୍ ପରିହାର ମାଡ଼ି, ମି ଦର୍ମଜିୱୁଣ୍ଡ୍‍ତେ ଶକ୍ତି ମାଡ଼ାଙ୍କ୍ ଅବ୍ୟାସ୍ ମାଡ଼ାଟ୍ ।

ତୀତସ୍‌ 1:14

ମିଇ ଲୋପେଙ୍କ୍ ବେନ୍‍ବେନ ଇହୁଦୀଡ଼୍ ଶିକ୍ଷାତିଙ୍କ୍‍ ନିଜାମ୍‍ ସତ୍‍ ଗ୍ରହନ୍ ମାଡ଼୍‍ମାଟ୍ । ଆଦେଶ୍‍ତିଙ୍କ୍ ମାନ୍‍ ଇୱକଟ ବିଶ୍ୱାସ୍‍ତାଗ୍ ଗାଡ଼୍‍ସ୍ ଆଦ୍‍ତଡ଼୍, ଆଦିନ୍ ସେଙ୍ଗେ ଅଡ଼୍‌‍କିଂଙ୍କ୍ ଗାଡ଼୍‍ସ୍ ମାଡ଼ାଟ୍ ।

୨ ପିତର୍‌ 2:3

ଇଡ଼୍ ବୁସା ମାଡ଼ାନ୍‍ ମେସ୍ତେରିଡ଼୍ ଦନ୍‍ଆସେତିଙ୍କ୍ ମାନ୍‍ମାୟିସ୍‍ ଗଟି କେସ୍ ଲାବ୍ ତେଃତିତଡ଼୍ । ଇତ୍‍କେ ନାର୍ଗେ ଦିନାକଞ୍ଚ୍‍ ଇଶ୍ୱର୍ ଇଡ଼ାଦ୍‍ ବିଚାର୍‍ ମାଡ଼ ୱାଦୁତଣ୍ଡ୍‍ ନୁ ଇଡ଼ାଦ୍ ଡଲାନ୍‍ ଦିନାମ୍ ଗାରେ ଆସ ୱାଦୁତ୍ ।

୧ ଯୋହନ୍‌‌ 4:14

ଜଗତ୍‍ତେ ତ୍ରାଣକର୍ତ୍ତାଲ୍ ଲେକାମ୍ ଇଶ୍ୱର୍ ରସ୍‍ମାନ୍ଦାନ୍ ତାନ୍ ମାରିଙ୍କ୍ ନିଜର୍‍ କଣ୍ଡେତେ ଉଡ଼ି ଅନ୍‌‍ ବିଷୟ୍‍ତେ ମାମେ ୱେରେତଡ଼୍‍କିଙ୍କ୍‍ କେତୁତମ୍ ।

ଯିହୁଦା 1:14

ଆଦମ୍‍ତେ ସାତ୍‍ ପିଡ଼ିତେ ବଂଶତଣ୍ଡ୍ ହନୋକ ନାର୍‍ଗେ ଦିନା ମୁନେଙ୍କ୍ ଇଡ଼୍ ବିଷୟ୍‍ତେ ବବିଷ୍ୟତ୍‌ ଗଟ୍ କେସ୍‍ମାତ୍‍ତଣ୍ଡ୍, “ପ୍ରବୁ ନାର୍ଗେ ହଜାର୍‌ ସ୍ୱର୍ଗଦୂତକିନ୍ ତଡ଼୍

ପ୍ରକାଶିତ୍‌ ବାକ୍ୟ 1:7

ଉଡ଼ାଟ୍, ଅଣ୍ଡ୍‌ ମୟଲ୍‍ତାଗେ ୱାସମିନ୍ଦେନ୍ ପୃତିବିତେ ସାରେତଡ଼୍ ଅଙ୍କ୍‌ ଉଡ଼ିତଡ଼୍; ଇଦ୍‍ଲେକାମ୍ ଯେ ବେନଡ଼୍ ଅଙ୍କ୍‌ ୱିଡ଼୍‍ସି ମାତ୍‍ତଡ଼୍, ଅଡ଼୍‌‍ଆନ୍ତେ ଅଙ୍କ୍‌ ଉଡ଼ି ୱେର୍‍ସ୍‍ ମିକା କେୟିତଡ଼୍‍ । ଇଦ୍‍ଚାରେ ନିଜାମ୍ ଗଟେମ୍ ଆଦ୍‍ତେ । ଆମେନ୍‍ ।