୨ କରନ୍ତିୟ 9:8 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁸ ସାରେଲେକାତ୍ ଦାନ୍‍ତେ ମିକିଂଙ୍କ୍ ଉନ୍ନତି ମାଡ଼ାନ୍ ସେଙ୍ଗେ ଇଶ୍ୱର୍‌ ପାର୍‍ଦ୍‍ତଣ୍ଡ୍; ପେର୍‍କେ ମିଡ଼୍ ସାରେଦାମ୍ ସମ୍ପତିତାଗେ ବାଦ୍‍କେ ପାର୍‍ତିଡ଼୍ ନୁ ସାରେ ଲେକାତ୍ ଲେକେତ୍‍ ପାଡ଼୍‍ୟି ସେଙ୍ଗେ ବେସର୍ ଦର୍‍କାର୍ ଆସର୍ ଦାନ ଇଦ୍‍ଏ ପାର୍‍ତିଡ଼୍ ।

୨ କରନ୍ତିୟ 9:8 ပူးပေါင်းရင်းမြစ်များ

ପ୍ରେରିତ 9:36

ଯୋପାତାଗ୍ ଟାବିଥା ପେଦେର୍‍ତେ ୱେରଡ଼୍ ବିଶ୍ୱାସୀ ନାଟାଡ଼୍ ବାସେ ମାଡ଼ମାତ୍‍ତେ । ଆଦିନାଦ୍ ଗ୍ରୀକ୍ ପେଦେର୍ ଦର୍କାସ୍ ଇତ୍‍କେ ଇଦ୍‍ ଅର୍ତ “ହରିଣୀ,” ମାତ୍‍ତେ । ଆଦ୍ ତାନାଦ୍ ସାରେ ଦିନାମ୍ ସାୟେକାମ୍ ଦାଗ୍ ନୁ ଗରିବ୍ ନାରୁଡ଼୍‍କ୍ ସେବା ମାଡ଼ାନାଗ୍ ହିସମାତ୍‍ତେ ।

୧ କରନ୍ତିୟ 15:58

ଆଦିଙ୍କ୍ ପ୍ରିୟ ଦାଦାଲଡ଼ି ନୁ ଏଲାସ୍କ୍, ଗାଡ଼୍‍ସ୍ ନୁ ମେୟ୍‍ଲକନ୍‌ସ୍ ମାନୁଟ୍ । ପ୍ରବୁନ୍ ପାଡ଼୍‍ୟିତାଗ୍ ସାର୍ରେୱେଲେ ତିୟାର୍ ଆସ୍ ମାନୁଟ୍ । ବାତେଙ୍କ୍‍ଇତ୍‍କେ ମିଡ଼୍ ପୁତ୍‍ତିଡ଼୍ ଜେ, ପ୍ରବୁନ୍ ସେଙ୍ଗେ ମିୟାଦ୍ ପାଡ଼୍‍ୟି ବେସୁଟ୍‍ବା ଆଙ୍ଗ୍‍ଡ଼ାମ୍ ଆୟ୍‍ୟ ।

୨ କରନ୍ତିୟ 13:3

କ୍ରିଷ୍ଟ ଯେ ନା ଇସ୍ ଗଟ୍ କେତୁତନ୍, ଇଦ୍ ବିଷୟ୍‍ତେ ମିଡ଼୍ ଆଲ୍‍ସମାନ୍ଦାନ୍ ସାରେ ପ୍ରମାନ୍ ଦର୍‍କିତ୍ । ନୁ ମିଇ ପାକେ ଅଣ୍ଡ୍‌ ତାନ୍ ଶକ୍ତିତେ ପରିଚୟ ଇସ୍‍ମିନ୍ଦେନ୍ । ମିଇ ସେଙ୍ଗେ ଅଣ୍ଡ୍‌ ବେସୁଙ୍କ୍‍ ବା ଦୁର୍ବଲ୍ ଆୟ୍‍ୟଣ୍ଡ୍ ।

୨ କରନ୍ତିୟ 8:19

ମାତର୍ ଆସର୍ ଆୟ୍‍ୟ, ପ୍ରବୁନ୍ ଗୈରବ୍ ନୁ ମାନାଦ୍‍ ନମସ୍କାର୍ କେତ୍‍ତାନ୍ ସେଙ୍ଗେ ବେନ୍ ସେବା ପାଡ଼୍‍ୟି ମାନାଡ଼୍ ପାଏମ୍ ଆତ୍‍ତାଡ଼୍, ଆଗେ ମାନାଦ୍‍ ସାରେତାଗ୍‍ତଡ଼୍ ଆଦାନ୍ ସେଙ୍ଗେ ବେନାବେନା ମଣ୍ଡଲି ଅଂକିଙ୍କ୍‌ ଏଞ୍ଚି ମିନ୍ତେ ।

୨ କରନ୍ତିୟ 8:2

ଅଡ଼୍‌ ଗାଟି ତିପାଲ୍ ଇସ୍ ପରିକ୍ଷିତ୍ ଆଦ୍‍ତଡ଼୍ ନୁ ଅଡ଼୍‌ ଗାଟି ଗରିବ୍ ଆତ୍‍କେ ମିକା, ନାର୍‍ଗେ ଦାନ୍‍ ଇସ୍ ନିଜେର୍‍ ମାନ୍‍ତାଦ୍‍ ୱାସମିନ୍ଦେନ୍ ୱେଡ଼୍‍କ୍‍ କେସ୍ ମିନ୍ଦେ ।

୨ କରନ୍ତିୟ 8:7

ମିଡ଼୍ ମିୟାଗ୍ ବାତ୍ ସାର୍‍ରେ ମିନ୍ଦେ ଆଗେ ସାଉକାର୍ ଆଦ୍‍ତିଡ଼୍, ବିଶ୍ୱାସ୍, ସାୟେ ଗଟି କେତାନଡ଼୍, ବୁଦ୍‍ତେ, ସାହାଯ୍ୟ ମାଡ଼ାନଙ୍କ୍ ତିଆର୍ ନୁ ମା ସେଙ୍ଗେ ପ୍ରେମ ତଅତାନଙ୍କ୍ ନାର୍‍ଗେ ପରିଚୟ ଇମୁଟ୍, ଇଦ୍ ନାୟାଦ୍ ଇଚ୍ଛା ।

୨ କରନ୍ତିୟ 9:11

ମିଇଡ଼୍ ସାରେଦାମ୍ ବେଲାନ୍ ଉଦାର୍ ଲେକାମ୍ ଦାନ ମାଡ଼େ ପାର୍‍ତିଡ଼୍, ଇଦିନ୍‍ ସେଙ୍ଗେ ଇଶ୍ୱର୍ ମିକିଂଙ୍କ୍ ସାରେ ବିଷୟ୍‍ତେ ଉନ୍ନତି ମାଡ଼ିତନ୍ ନୁ ମାନ୍‍ ତଡ଼୍ ମିଡ଼୍ ରଅସ୍‍ମାନ୍ଦାନ୍ ଦାନ ସେଙ୍ଗେ ନାର୍‍ଗେ ଇଶ୍ୱର୍‌ତିଙ୍କ୍ ୱେଡ଼୍‌କେତେ ଦନ୍ୟବାଦ୍ ଇଦ୍‍ତଡ଼୍ ।

ଏଫିସିୟ 2:10

ମାମ୍‍ମେ ବାତେଏ ଆଦ୍‍ପାର୍‍ୱମ୍, ମାତର୍ ଇଶ୍ୱର୍‍କେ ଆଦ୍‍ ମାଡ଼୍‍ତେ; ବେନ୍ ସାରେ ସାୟେ ପାଡ଼୍‍ୟି ମାମ୍‍ମେ ମାଡ଼ିତମ୍ ଇଞ୍ଜ ଇଶ୍ୱର୍ ମୁନେଙ୍କ୍ ତିଆର୍ କିସ୍ ମାତ୍‍ତନ୍, ମାମ୍‍ମେ କ୍ରିଷ୍ଟ ଜିସୁନ୍ ତଡ଼୍ କାଇଲି ମାନ୍ଦାନ୍ ସେଙ୍ଗେ ମା ଜିୱେତାଗ୍ ଆଦ୍ ସାରେ ଆତ୍‍ତେ ।

ଏଫିସିୟ 3:20

ଇଶ୍ୱର୍ ମାନ୍‍ ଲପେ ଅନ୍‌‍ୱାଦ୍ ଚାଲେମ୍‍ ଆସମାନ୍ଦାନ୍ ଶକ୍ତି ତଡ଼୍‍ ମାନାଡ଼୍‍ ତାଲ୍‍କାନାଗାଙ୍କ୍ ନାର୍ଗେ ଇଦ୍‍ପୁଟୁଙ୍ଗ୍ କି ମାନାଦ୍‍ ଆଲ୍‍ସାନ୍ ବିଷୟ୍‍ ଇଦାନ୍ ମାୟ୍‍ଦିଙ୍କ୍ ପାର୍‍ଦ୍‍ତଣ୍ଡ୍‍,

ଫିଲିପିୟ 4:11

ନାନ୍ ନିଜେତିଙ୍କ୍ ଅବହେଲିତ ଆଲ୍‍ସି ଇଦ୍ ଗଟ୍ କେଲନ୍, ବାତେଙ୍କ୍ଇତ୍‍କେ ନାୟାୱୁ ବାତା ମିନ୍ଦେ, ଆସର୍‍ତିଙ୍କ୍ ସନ୍ତୁଷ୍ଟ ଆଦାନଙ୍କ୍‍ ନାନ୍ ଶିକ୍ଷା ମାଡ଼ୁତାନ୍ ।

କଲସୀୟ 1:10

ଆଲେକେ, ମିଡ଼୍ ପ୍ରବୁନ୍‍ ଇଚ୍ଛା ଲେକାମ୍ ବାଦ୍‍କେ ପାର୍‍ଦ୍‍ତିଡ଼୍ ନୁ ଅନାଦ୍‌ ପସନ୍ଦ୍‍ ଲେକେତ୍ କାମ୍ ମାଡ଼େ ପାର୍‍ଦ୍‍ତିଡ଼୍ । ମୀୟାଦ୍ ଜିୱେତାଗ୍ ସାରେ ଲେକାତ୍ ସାୟେତ୍ କାମ୍ ମାଡ଼େ ପାର୍‍ଦ୍‍ତିଡ଼୍ ନୁ ଇଶ୍ୱର୍‌ତେ ବିଷୟତେ ମିୟାଦ୍ ଜ୍ଞାନ୍ ନାର୍ଗେ ଆଦ୍‍ତେ ।

୨ ଥେସଲନିୟ 2:17

ଅଣ୍ଡ୍‌ ମାନ୍‍ ସାରେଦିନାମ୍ ସାୟେ ପାଡ଼୍‍ୟି ମାଡ଼ାନ୍ ସେଙ୍ଗେ ନୁ ସତ୍‍ ବାକ୍ୟ କେତାନଙ୍କ୍ ରହତନ୍ ନୁ ଶକ୍ତି ଇୱିଣ୍ଡ୍ ।

୨ ତୀମତି 2:21

ବେନଆଇ ସାରେ ପାପ କାରାପ୍ ତାଗାଙ୍କ୍ ନିଜେତିଙ୍ଗ୍ ଶୁଚି ନେହେତିତନ୍, ଅଣ୍ଡ୍‌ ପ୍ରବୁନ୍ କାମ୍‍ଦାଗ୍ ବ୍ୟବହୃତ୍ ଆଦ୍‍ତେ, ଅଣ୍ଡ୍‌ ପ୍ରବୁନାଗେ ଅନୁରକ୍ତ, ଅନ୍‌ ସେଙ୍ଗେ ଆଦ୍ ଦର୍‍କାର୍ । ବେନ ବାତେଆଇ ଲେକେତ୍‍ କାମ୍‍ତାଗ୍ ବିନିଯୁକ୍ତ ଆଦାନ୍ ଅଣ୍ଡ୍‌ ତିଆର୍‍ ।

୨ ତୀମତି 3:17

ବେଲାନ୍ କି ଇଶ୍ୱର୍‍ ନାରୁଡ଼୍, ସିଦ୍ଦ ଆସ୍ ସାରେତ୍ ସାୟେ କାମ୍ ସେଙ୍ଗେ ତିଆର୍‍ ଆଦ୍‍ତେ ।

ତୀତସ୍‌ 2:14

ଆଦ୍ କ୍ରିଷ୍ଟ ଜିସୁ ମାନାଡ଼୍ ସାର୍ରେତଡ଼୍‍କିଂଙ୍କ୍ ଆଦାର୍ମିକନ୍‌ସ ମୁକ୍ତି ମାଡ଼ାନଙ୍କ୍ ନୁ ନିଜେତ୍ ନିଜେତ୍ ସାୟେତ୍ ପାଡ଼୍‍ୟିତାଗ୍ ସାର୍‍ଦେ ମାଡ଼ି ନିଜେତ୍ ନାରୁଡ଼୍ ଲେକାମ୍ ସାୟେ ମାଡ଼ାନ୍ ସେଙ୍ଗେ ନିଜେତ୍ ଜିୱୁଣ୍ଡ୍ ଇତ୍‍ତନ୍ ।

ତୀତସ୍‌ 3:14

ମାନ୍‍ ନାରୁଡ଼୍ ଗାଲା ଦର୍‍କାର୍ ସେଙ୍ଗେତ୍ ଉପ୍‍କାର୍ ମାୟ୍‍ଦିଙ୍କ୍ ସାୟେତ୍ ପାଡ଼୍‍ୟି ମାଡ଼ାନଙ୍କ୍ ନାଡ଼୍‍ସିଡ଼୍, ବେଲାକି ଅଡ଼୍‌ ମୁଲ୍ୟହିନ୍ ଆୟ୍‍ମାକିଡ଼୍ ।

ତୀତସ୍‌ 3:8

ଇଦ୍ ୱେରଡ଼୍ ନିଜାମ୍ ଗଟ୍, ମେଣ୍ଡେ ବେଲା ଇଶ୍ୱର୍‌ତିଙ୍କ୍ ବିଶ୍ୱାସ୍ ମାଡ଼ାନଡ଼ି ସାର୍ରେତଡ଼୍ ସାୟେତ୍ ପାଡ଼୍‍ୟି ମାଡ଼ାନଙ୍କ୍ ମାନ୍‍ ମାଡ଼ିତଡ଼୍, ଇଦିନ୍ ସେଙ୍ଗେ ଇଦ୍ ସାର୍‍ରେ ବିଷୟ୍‍ତେ ଗାଡ଼୍‍ସ୍ ଆସ୍ ଶିକ୍ଷା ଇମୁଟ୍ ଇଞ୍ଜ ନାୟାଦ୍ ଇଚ୍ଛା । ଇଦ୍ ସାର୍‍ରେ ନାରୁଡ଼୍‍କିଂଙ୍କ୍ ପାଡ଼ିୟିଦାଗ୍ ଆଦ୍‍ତେ ।

୧ ପିତର୍‍ 4:10

ଇଶ୍ୱର୍‍ ମିଡ଼୍‍ ସାରେତଡ଼୍‍କ୍ ସାୟେତ୍‍ ଦାନ ଇତ୍‍ତନ୍ । ବେନ ବେନ୍ ଦାନ ପାଏମ୍ ଆତ୍‍ତନ୍, ଆଦିନାଦ୍ ସାୟେତ୍‍ ବ୍ୟବହାର୍‌ ଇସାପ୍‍ତେ ମେଣ୍ଡେବାଗାତଡ଼ାଦ୍‍ ସେବା ସେଙ୍ଗେ ଆଦ୍ ଦାନତାଦ୍‍ ସତ୍ ବ୍ୟବହାର୍‌ ମାଡ଼ାନାଦ୍ ସାୟେ ।