୨ କରନ୍ତିୟ 8:21 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

²¹ ବାତେଙ୍କ୍ ଇତ୍‍କେ ମାତର୍ ପ୍ରବୁନ୍ ସାକ୍ଷାତ୍‍ତେ ଆୟ୍‍ୟ, ମାତର୍ ନାରୁନ୍ ସାକ୍ଷାତ୍ ମିକା ସତ୍ ମାନ୍ଦାନ୍ ମାନାଦ୍‍ ଲକ୍ଷ ।

୨ କରନ୍ତିୟ 8:21 ပူးပေါင်းရင်းမြစ်များ

ମାତିଉ 23:5

ଅଡ଼୍‌ ନାରୁଡ଼୍‍କ୍ ତଅତାନ୍ ମାଇଦିଙ୍କ୍ ନିଜେତ୍ ନିଜେତାଦ୍ ସାରେ ପାଡ଼୍‍ୟି ମାଡ଼ିତଡ଼୍, ବାତ୍‍ତେଙ୍କ୍ ଇତ୍‍କେ ଅଡ଼୍‌ ନିଜେତ୍ ନିଜେତ୍ କବଚ ଆସର୍ ମାଡ଼ିତଡ଼୍ ନୁ ଚକେତାଦ୍‍ ଜୁମୁକା ବେଡ଼୍‍ୟ୍ ମାଡ଼ିତଡ଼୍ ।

ମାତିଉ 5:16

ଆଦେପୁଟୁଙ୍କ୍ ମିୱାଦ୍ ୱେସ୍ ସାରେତଡ଼୍ ଗାର୍‍ରେ କେଲିନ୍ । ଆଲେକେ ମିୱାଦ୍ ସତ୍‍କାମ୍ ସାରେ ଉଡ଼ି ଅଡ଼୍‌ ମିଇ ସ୍ୱର୍ଗତଣ୍ଡ୍ ବାବାଲ୍ ଇଶ୍ୱର୍‌ତିଙ୍କ୍ ପ୍ରସଂଶା ମାଡ଼ିତଡ଼୍ ।

ମାତିଉ 6:1

“ନାରୁଡ଼୍‍କିଂଙ୍କ୍ ତଅତାନ୍ ମାଇଦିଙ୍କ୍ ସାରେତଡ଼୍ ମୁନ୍‍ନେ ଦର୍ମକାମ୍ ମାଡ଼୍‍ମାଟ୍ । ଆଲା ମାଡ଼୍‍କେ ବାବାଲ୍ ଇଶ୍ୱର୍‌ତାଗାଙ୍କ୍ ମିଡ଼୍ ପୁରସ୍କାର୍ ପାଏମ୍ ଆୟ୍‍ୱିଡ଼୍ ।”

ମାତିଉ 6:4

ମିୟାଦ୍ ଇଦ୍ ମିଞ୍ଜିମାଞ୍ଜ୍ ଆତ୍‍କେ ମିକା ମିୱଣ୍ଡ୍ ସାରେତିଙ୍କ୍ ଉଡ଼ାନ୍ ବାବାଲ୍ ଇଶ୍ୱର୍ ଆଦ୍ ଉଡ଼ି ପୁରସ୍କାର୍ ହିଦ୍‍ତଣ୍ଡ୍ ।

ରୋମୀୟ 12:17

ବେନ ମିଇ ସେଙ୍ଗେ ଅନ୍‌ୟାୟ୍ ମାଡ଼୍‍କେ, ମିଡ଼୍ ଅଂକିଙ୍କ୍‌ ଅନ୍‌ୟାୟ୍ ମାଡ଼୍‍ମାଟ୍ । ୱେରେ ନାରୁଡ଼୍‍ତେ କଣ୍ଡେତାଗ୍ ବାତ୍ ସାୟେତ୍ ପାଡ଼୍‍ୟି, ଆଦେକେ ମାଡ଼ାଟ୍ ।

ରୋମୀୟ 14:18

ବେନଆଇ ଇଦ୍‍ରକମ୍ କ୍ରିଷ୍ଟନ୍ ସେବା ମାଡ଼ିତନ୍; ଅଣ୍ଡ୍‌ ଇଶ୍ୱର୍‌ତେ ସାୟେ ମାଡ଼ିତନ୍, ନାରୁଡ଼୍ ଗାଲା ଅଂକିଙ୍କ୍‌ ଆଦର୍ ମାଡ଼ିତଡ଼୍ ।

୨ କରନ୍ତିୟ 2:17

ନାର୍‍ଗେ ନିଜେ ଲାବ୍‍ଆଦାନ୍‍ ଆଦାନ୍ ସେଙ୍ଗେ ଇଶ୍ୱର୍‌ତେ ବାକ୍ୟ ବ୍ୟବହାର୍‌ ମାଡ଼ିତଡ଼୍ । ଇତ୍‍କେ ମାନାଡ଼୍ ଆଦ୍‍ଲେକାମ୍ ଆୟ୍‍ୟ । ମାନ୍‍ ଇଶ୍ୱର୍ ରସିସ୍‍ମାନାଙ୍କ୍ ମାନାଡ଼୍ ବିଶ୍ୱାସ୍‍ତେ ତଡ଼୍ ଅନ୍‌ ନିର୍ଦେଶ୍ ପାଲନ୍ ମାଡ଼ୁତାଡ଼୍ ନୁ ଇଶ୍ୱର୍‌ତେ ମୁନ୍‍ନେ କ୍ରିଷ୍ଟନ୍‌ ଦାସ ଲେକାମ୍ ପ୍ରଚାର୍ ମାଡ଼ିକାଡ଼୍ ।

୨ କରନ୍ତିୟ 8:20

ଉଦାର୍‍ତେ ଇସ୍‍ମାନ୍ଦାନ୍ ଇଦ୍ ଦାନତିଙ୍କ୍ ଗାଟି ସାବ୍‍ଦାନ୍‍ତେ ମାମ୍‍ମେ ସେବା କାମ୍‍ତାଗ୍‍ ବ୍ୟବହାର୍‌ ମାଡ଼ୁତମ୍, ନେଲାନ୍ ମା ପରୁ ବେନ ଦୋଷ୍‍ମାଡ଼େ ପାର୍‍ୱନ୍ ।

୨ କରନ୍ତିୟ 8:22

ଆଦିଙ୍କ୍ ଅଡ଼୍‌‍ତଡ଼୍ ଇଣ୍ଡ୍ ଦାଦାଙ୍କ୍ ମାମ୍‍ମେ ରତ୍‍ତମ୍ । ଅଂକିଙ୍କ୍‌ ନାର୍ଗେଦାମ୍ ପରିକ୍ଷା ମାଡ଼ି ଅନ୍‌ ବିଶ୍ୱାସ୍‍ତେ ପରିଚୟ ଦର୍‍ସ୍କ୍‍ତମ୍ । ମିଇ ପରୁ ଅନାଦ୍‌ ଗାଟି ଆଶେ ମାନ୍‍ନାଙ୍କ୍ ଅଣ୍ଡ୍‌ ମିକିଂଙ୍କ୍ ସାହାଯ୍ୟ ମାଡ଼ାଙ୍କ୍ ସେଙ୍ଗେ ଅଦିକ୍‌ ଆଗ୍ରହ ଆତ୍‍ତନ୍ ।

ଫିଲିପିୟ 4:8

ତାନ୍‍ପେର୍କେ, ଦାଦାନଡ଼ି ନୁ ଏଲାସ୍କ୍‍, ବେନ୍ ସାରେ ବିଷୟ ସାୟେ ନୁ ପ୍ରଶଂସ୍ୟ, ବାତ୍ ସାରେ ସତ୍ ନୁ ମହତ୍, ବାତ୍ ଟିକ୍‍, ବିଶୁଦ୍ଦ, ପ୍ରୀତିକର ନୁ ସମ୍ମାନ୍‍ତଡ଼୍, ଆଦ୍ ସାରେ ମିୟାଦ୍ ଚିନ୍ତେତେ ବିଷୟ ଆୟି ।

୧ ଥେସଲନିୟ 5:22

ସାରେ ଲେକେତ୍‍ କାରାପ୍ ପାଡ଼ିୟିତାଗାଙ୍କ୍ ଯେକାମାନୁଟ୍ ।

୧ ତୀମତି 3:7

ମଣ୍ଡଲିତେ ବାଇଦେତ୍ ନାରିଡ଼୍‍ ମିକା ଅଣ୍ଡ୍‌ ୱେରଣ୍ଡ୍ ସମ୍ମାନ୍‍ତେ ନାରିନ୍ ମାନ୍‍ତନ୍, ଇଲୁକ୍‍ ସହଜତେ ଶୟତାନ୍‍ତେ ଉଡ଼ିୟି ଦାଗ୍ ଆରାସ୍‍ ଅଣ୍ଡ୍‌ ବେଲାନ୍ କି ଅପମାନିତ ଆୟିମା କି ।

୧ ତୀମତି 5:14

ସୁତରଂ ନାୟାଦ୍ ମନ୍‍ଦେ ଆଦୁତେ, ସୁଦୁର୍‍ ବୟସତାୱ ରାଣ୍ଡିକି ମେଣ୍ଡନ୍‍ଦାମ୍ ପେଣ୍ଡୁଲ୍‍ଆସ୍ ମାର୍‍ଦେ ମାୟାଡ଼୍‍ଦେ ୟାୟାସ୍ ୱେରଡ଼୍ ୱେର ଲେକେତ୍ ପୁନାଦ୍ ସଂସାର୍ ତିଆର୍‍ମାଡ଼ି । ଆଲାହିକେ, ମା ବିରୁଦ୍ଦ୍‍ତେ ମାନ୍ଦନ୍ ନାରୁଡ଼୍ ଇୱିଙ୍କ୍ ଆସ୍ ସମ୍ପ୍ରଦାୟତେ କାର୍‍ପ ମାଡ଼ାଙ୍କ୍ ଅବକାଶ ପାହେମ୍ ଆୟଡ଼୍ ।

୧ ପିତର୍‍ 2:12

ଅଣଯିହୁଦୀଡ଼ାଗାଙ୍କ୍ ମିୟାଦ୍ ସାୟେତ୍‍ ବ୍ୟବହାର୍‌ ସାରେଦାମ୍ ପ୍ରାକଶ୍ ଆୟି; ଆଲେକେ, ଅଡ଼୍‌ ମିକିଙ୍କ୍ କାରାପ୍‍ ପାଡ଼୍‍ୟି ମାଡ଼ାନଡ଼୍‍ ଇଞ୍ଜ୍ ଅପ୍‍ମାନ୍ ଇସ ମାତ୍‍ତେ ମିକା, ମିୟାଦ୍ ସତ୍‍କାମ୍ ଉଡ଼ି କ୍ରିଷ୍ଟନ୍ ୱାଦାନ୍ ଦିନାତେ ଇଶ୍ୱର୍‌ତିଙ୍କ୍‍ ପ୍ରସଂଶା ମାଡ଼ିତଡ଼୍ ।