୨ କରନ୍ତିୟ 7:2 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

² ମିଇ ହୃଦୟ୍‍ତାଗ୍ ମାକିଂଙ୍କ୍ ପଡ଼ିୟେ ଇମୁଟ୍ । ମାମ୍‍ମେ ବେନଙ୍କ୍ ଅନ୍‌ୟାୟ୍ ମାଡ଼ମ୍, ବେନଙ୍କ୍ ବାତେଏ ଲସ୍‍ ମାଡ଼ମ୍ କି ବେନନାଗାଙ୍କ୍ ବାତ୍‍ତେ ଫାଇଦା ମାଡ଼୍‍ନଙ୍କ୍ ଆଲ୍‍ସି ମାଡ଼ମ୍ ।

୨ କରନ୍ତିୟ 7:2 ပူးပေါင်းရင်းမြစ်များ

ମାତିଉ 10:14

ଯଦି ବେନ ମିକିଙ୍କ୍ ଗ୍ରହନ୍‍ ମାଡ଼ଣ୍ଡ୍‍ ବା ମିୟାଦ୍‍ ଗଟ୍‍ କେଞ୍ଜଣ୍ଡ୍‍, ଆଦ୍‍ ଲୋନ୍‌ ବା ନାର୍‍ତାଗାଙ୍କ୍‍ ପେୟ୍‍ସ୍‍ ଆଦାନ୍‍ ୱେଲେ ଡେକେତ୍ ମାଣ୍ଡୁଲ୍ କାହିସିସ୍ ଆଦ୍‍ପଡ଼ିୟେ ୱିଡ଼୍‍ସିନ୍ ।

ମାତିଉ 10:40

“ବେନ ମିକିଂଙ୍କ୍ କାର୍ଙ୍ଗିତଣ୍ଡ୍‍, ଅଣ୍ଡ୍‌ ନା ସେଙ୍ଗେ ଆଦ୍ ମାଡ଼ିତନ୍ ମେଣ୍ଡେ ବେନ ନାକିଂଙ୍କ୍ କାର୍ଙ୍ଗିତଣ୍ଡ୍, ଅଣ୍ଡ୍‌ ନା ୱାଦାନଡ଼୍ ସେଙ୍ଗେ ଆଦ୍ ମାଡ଼ିତନ୍ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 10:8

ଯଦି ମିଡ଼୍ ବେନ୍‌ଆଇ ନାର୍ ଆଦ୍‍ତିଡ଼୍, ଯଦି ମିକିଂଙ୍କ୍ ଆଗେତ୍ ନାରୁଡ଼୍ କାର୍‍ଙ୍ଗିତଡ଼୍, ଆଲାତ୍କେ ଅଡ଼୍‌‍ ମିକିଂଙ୍କ୍ ବାତ୍ କାଦି ହିଦ୍‍ତଡ଼୍ ଆଦ୍ ତିନୁଟ୍ ।

ପ୍ରେରିତ 20:33

ନାନ୍ ବେନନ୍ ରୁପା, ସୁନା ନୁ ବେନନ୍ ଚକା ପାଏମ୍ ଆଦାନଙ୍କ୍ ଆଶେ ମାଡ଼ନ୍ ।

ରୋମୀୟ 16:18

ବେନଡ଼୍ ଇଦ୍ ରକମ୍ ପାଡ଼୍‍ୟିତାଗ୍ ଦାନ୍ଦେ ମାନ୍‍ତଡ଼୍, ଅଡ଼୍‌ ପ୍ରବୁ ଜିସୁ କ୍ରିଷ୍ଟନ୍ ସେବା ମାଡ଼ଡ଼୍‍, ଅଡ଼୍‌ ତାମ୍ ନିଜେତ୍ ଲାଲସା ମେନ୍ଦୁଲ୍ ଲେକାମ୍ ମାଡ଼ାନଙ୍କ୍ ମାନ୍‍ତଡ଼୍ । ଚାଲାକ୍ ଗଟ୍‍ତଡ଼୍ ନୁ ମିଚ୍ ଗଟ୍‍ତଡ଼୍ ଅଡ଼୍‌ ନିରୀହ ନାରୁଡ଼୍‍କିଂଙ୍କ୍ ତିପାଲ୍ ମାଡ଼ିତଡ଼୍ ।

୨ କରନ୍ତିୟ 1:12

ଜଗତ୍‌ତେ ଜିୱୁନ୍ ନୁ ବିଶେସ୍‍ତେ ମିଇ ତଡ଼୍ ମାୟାଦ୍‌ ସମ୍ପର୍କ ଇଶ୍ୱର୍‌ତେ ପବିତ୍ରତା ନୁ ବିଶ୍ୱସ୍ତତା ତଡ଼୍ ପରିଚାଲିତ୍‍ ଇଞ୍ଜ ମାନ୍‍ ମୋନ୍‍ତାଦ୍‍ ସାକ୍ଷ୍ୟ । ଇଦିନ୍ ସେଙ୍ଗେ ମାନ୍‍ ମନ୍‍ତାଗ୍ ଗର୍ବ ଆଦ୍‍ତେ । ମାନବିକ୍‍ ବୁଦ୍‍ତେ ଆୟ୍‍ୟ, ମାତର୍ ଇଶ୍ୱର୍‌ତେ ଅନୁଗ୍ରହ୍‍ତଡ଼୍ ଆଦ୍ ମାଡ଼ାନଙ୍କ୍ ମାମ୍‍ମେ ତିଆର୍ ଆସ୍‍ମିନ୍ଦେମ୍ ।

୨ କରନ୍ତିୟ 11:16

ନାନ୍ ମେଣ୍ଡନ୍‍ନ୍ଦାମ୍ କେତୁତାନ୍, ବେନ ବେଲାନ୍ ନାକିଂଙ୍କ୍ ମଣ୍ଡି ଇଞ୍ଜ ହେର୍କା ମାଡ଼ଣ୍ଡ୍ । ଯଦି ଆଦ୍‍ଲେକାମ୍ ଏର୍କା ମାଡ଼ାଟ୍, ଆଲେକେ ନାକିଂଙ୍କ୍ ମଣ୍ଡି ଲେକାମ୍ ଗ୍ରହନ୍‍ ମାଡ଼ାଟ୍, ଆଲେକେ ନାନ୍ ଦର୍ପ ମାଡ଼ାନଙ୍କ୍ ସାମାନ୍ୟ ସୁଯୋଗ୍ ପାଏମ୍ ଆଦ୍‍ତନ୍ ।

୨ କରନ୍ତିୟ 11:9

ମୀଇତଡ଼୍ ମାନ୍ଦାନ୍ ୱେଲେ ନାୟାଦ୍ ସାରେ ଅବାବ୍ ସେଙ୍ଗେ ନାନ୍ ବେନଙ୍କ୍ ବାରଗ୍ରସ୍ତ ମାଡ଼ନ୍ । ବାତେଙ୍କ୍‍ଇତ୍କେ ମାସିଦୋନିଆତାଗାଙ୍କ୍ ୱାସ୍‍ମାନ୍ଦାନ୍ ଦାଦାନଡ଼୍ ନାୟାଦ୍ ସାରେ ଅବାବ୍ ମେଣ୍ଟାଇ ଇସ୍‍ମାତ୍‍ତଡ଼୍ । ଅତିତି ଲେକାମ୍ ବବିଷ୍ୟତ୍‍ତେ ମିକା ନାନ୍ ବେସୁଙ୍କ୍‌ବା ମିକିଂଙ୍କ୍ ବାରଗ୍ରସ୍ତ ମାଡ଼ନ୍ ।

୨ କରନ୍ତିୟ 4:2

ମାତର୍ ମାମ୍‍ମେ ସିଗ୍‍ଆଦାନାଦ୍ ନୁ ମିଞ୍ଜିମାନ୍ଦାନ୍ ବିଷୟସାରେ ୱିଡ଼୍‍ସ୍‍ତମ୍; ମାମ୍‍ମେ ଚଲନା ମାଡ଼ମ୍ କି ଇଶ୍ୱର୍‌ତେ ବାକ୍ୟତେ ବିକୃତ୍ ଅର୍ତ ମାଡ଼ମ୍ । ବାତେଙ୍କ୍ ଇତ୍‍କେ ସାରେତଡ଼୍ ନିଜମ୍‍ ସତ୍‍ କେଞ୍ଜ୍‍ତେ ଲେକାମ୍ ଇଶ୍ୱର୍‌ତେ ମୁନେ ନାରିଡ଼୍ ମନ୍ ପାକେ ମାମ୍‍ମେ ନିଜେ ନିଜେତେ ଯୋଗ୍ୟତା ପ୍ରନାମ୍ ମାଡ଼ାନ୍ ସେଙ୍ଗେ ଆଲ୍‍ସି ମାଡ଼ୁତମ୍;

ଫିଲିପିୟ 2:29

ଆଦିଙ୍କ୍ ୱେରଣ୍ଡ୍ କ୍ରିଷ୍ଟ ବିଶ୍ୱାସ୍ ଦାଦାନ୍ ଲେକାମ୍ ମିଡ଼୍ ଅଂକିଙ୍କ୍‌ ୱେଡ଼୍‍କେତେ ଗ୍ରହନ୍ ମାଡ଼ାଟ୍ ନୁ ଇଦ୍‍ ଲେକାମ୍ ସାରେ ଗୁଣତଡ଼୍ ନାରୁଡ଼୍‍କ୍ ବକ୍ତି ମାଡ଼ାଟ୍,

କଲସୀୟ 4:10

ନା ତଡ଼୍ ବନ୍ଦି ଆସ୍‍ମାନ୍ଦାନ୍ ଆରିସ୍ତାର୍କ ନୁ ଅନ୍‌ ତଡ଼୍ ବର୍ଣ୍ଣବାନ୍‍ କୁଟ୍‍ମାମ୍‍ ମାର୍କ ମିକା ମିକିଙ୍କ୍ ନମସ୍କାର୍ ଜଣାମାଡ଼ୁତନ୍ । ମାର୍କ ମୀଇ ଗାରେ ଆତ୍‍କେ ଅଙ୍କ୍‌ ସ୍ୱାଗତ୍ ମାଡ଼ାଟ୍ । ଇଦ୍ ନିର୍ଦ୍ଦେଶ ମିକିଙ୍କ୍ ମୁନେଙ୍କ୍‍କଞ୍ଜ୍ ଇତ୍‍ତଡ଼୍ ।

୧ ଥେସଲନିୟ 2:10

ମିଡ଼୍ ନୁ ନିଜେ ଇଶ୍ୱର୍ ମାନ୍‍ ସାକ୍ଷି ମିଇ ଲେକାମ୍ ବିଶ୍ୱାସିନଡ଼୍‍ ପାକେ ମାୟାଦ୍‌ ବ୍ୟବହାର୍‌‌ ନିର୍ମଲ୍‍, ନ୍ୟାୟସଙ୍ଗାତେ ନୁ ନିର୍ଦୋଷ୍‍ ମାତ୍‍ତା ।

ଫିଲିମୋନ୍‌ 1:12

ଅଣ୍ଡ୍‌ ନା ଜିୱୁଣ୍ଡ୍ ଲେକାମ୍ ନାନ୍ ଅଂକିଙ୍କ୍‌ ମିଇ ବକେତ୍ ନୁ ମାଲ୍‍ପି ରଅତୁତାନ୍ ।

ଫିଲିମୋନ୍‌ 1:17

ଯଦି ନିମ୍‍ ନାକିଂଙ୍କ୍ ନି ତଡ଼୍ ମାନ୍ଦାନଣ୍ଡ୍ ଇଞ୍ଜ ଆଲ୍‍ସୁତିନ୍, ନାକିଂଙ୍କ୍ ବେଲା ସ୍ୱାଗତ୍ ମାଡ଼େନି, ଅଂକିଙ୍କ୍‌ ଆଦେ ପୁଟୁଙ୍କ୍ ମାଡ଼େ ।

୨ ଯୋହନ୍‌‌ 1:10

ବେନ ଯଦି ଇଦ୍ ଶିକ୍ଷା ଆସ୍ ମୀଇ ଗାରେ ୱାଡ଼୍‍କଟ୍ ମାତ୍‍କେ, ଅଙ୍କ୍‌ ମୀଇ ଲନ୍ କାର୍‍ଙ୍ଗ୍‍ମାଟ୍, “ମିୟାଦ୍ ଶାନ୍ତି ଆୟି,” ଇଞ୍ଜ ବେନ ଅଙ୍କ୍‌ ନମସ୍କାର୍ କେଲ୍‍ମାଟ୍ ।