୨ କରନ୍ତିୟ 6:1 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹ ଇଶ୍ୱର୍‌ତେ ସେଙ୍ଗେ ଅଣ୍ଡୟାଗେ ପାଡ଼୍‍ୟି ମାଡ଼ମାନାଙ୍କ୍ ମାମ୍‍ମେ ମିକିଂଙ୍କ୍ ବିନତି ମାଡ଼ୁତମ୍, ମିଇ ଜିୱୁଣ୍ଡ୍‍ତାଗ୍ ଇଶ୍ୱର୍‌ତେ ଅନୁଗ୍ରହ ଆଙ୍ଗ୍‌ଡ଼ାମ୍ ମାଡ଼୍‍ମାଟ୍ ।

୨ କରନ୍ତିୟ 6:1 ပူးပေါင်းရင်းမြစ်များ

ମାତିଉ 23:37

“ହୋ ଯିରୁଶାଲେମ୍, ହୋ ଯିରୁଶାଲେମ୍ । ମିଡ଼୍ ବାବବାଦୀଡ଼୍‍କ୍‍ ଆୱୁକୁତିଡ଼୍ ନୁ ଇଶ୍ୱର୍ ରୟ୍‍ସ୍‍ମାନ୍ଦାନ୍ ଗଟିକେ ଅଡ଼୍‌କିଂଙ୍କ୍ କାଲ୍‍କ୍ ହେସି ରେହ୍‍ତୁତିଡ଼୍‍ । କର୍‍ ତାନ୍ ରେକାନ୍‍ ମଦଲ୍ ପିଲାଙ୍କ୍ ପୟ୍‍ସ୍ ନେହେତାନ୍ ଲେକାମ୍, ମିଇ ନାରୁଡ଼୍‍କିଂଙ୍କ୍ ନା ବାହୁତ୍‍ ମଦଲ୍ ରକ୍ଷା ମାଡ଼ାନ୍ ମାଇଦିଙ୍କ୍ ନାନ୍ ବେସଦାମ୍‍ ଆଲ୍‍ସି ମାଡ଼୍‍ତାନ୍ । ବାତେଙ୍କ୍ ଇତ୍‍କେ ମିଡ଼୍ ନାକିଂଙ୍କ୍ ଆଦ୍ ମାଡ଼ାନଙ୍କ୍ ଇୱିଡ଼ି ।”

ପ୍ରେରିତ 11:23

ଅଣ୍ଡ୍‌ ଆଗେ ହେୱୁସ୍‍ ଇଶ୍ୱର୍ ଆ ନାରୁଡ଼୍‍କିଂଙ୍କ୍ ବେଲା ଅନୁଗ୍ରହ ମାଡ଼୍‍ତଣ୍ଡ୍ ଆଦ୍‍ ଉଡ଼ି ୱେଡ଼୍‍କେ ଆତ୍‍ତଣ୍ଡ୍‍ ନୁ ସାରେତଡ଼୍‍ତେ ହୃଦୟ୍‍ତାଗ୍ ପ୍ରବୁନ୍ ସେଙ୍ଗେ ବିଶ୍ୱାସ୍ ମାଡ଼ି ଅନୁରଦ୍‌‍ ମାଡ଼ାନ୍ ମାଇଦିଙ୍କ୍ ଅଡ଼୍‌‍କିଂଙ୍କ୍ ସାର୍‍ଦେ ମାଡ଼୍‍ତଣ୍ଡ୍ ।

ପ୍ରେରିତ 14:3

ମିକା ପ୍ରେରିତ ଶିଷ୍ୟଡ଼୍ ପ୍ରବୁନ୍ ବିଷୟ୍ ସାହାସ୍‍ତଡ଼୍ ପ୍ରଚାର୍ ମାଡ଼ି ନାର୍‍ଗେ ଦିନା ଆଗେ ମାତ୍‍ତଡ଼୍ । ଆଦ୍‍ବୁତ୍‌ ପାଡ଼୍‍ୟି ନୁ ଆଶର୍ଯ୍ୟ ପାଡ଼୍‍ୟି ମାଡ଼ାନ୍ ତଡ଼୍ ପାଉଲ୍‍ ନୁ ବର୍ଣ୍ଣବା ପ୍ରମାଣ୍ ମାଡ଼୍‍ତଡ଼୍ ଯେ, ଇଶ୍ୱର୍‌ତେ ଅନୁଗ୍ରହ ବିଷୟ୍‍ତେ ପ୍ରଚାର୍ ମାଡ଼୍‍ତେ ଗଟ୍ ନିଜାମ୍ ।

ରୋମୀୟ 12:1

ଆଦିଙ୍କ୍ ଦାଦାଲଡ଼ି ନୁ ଏଲାସ୍କ୍‍, ମାନ୍‍ ସେଙ୍ଗେ ଇଶ୍ୱର୍‌ତେ ଗାଟି ଅନୁଗ୍ରହ୍ ମାୟ୍‍ଦିଙ୍କ୍ ମିକିଂଙ୍କ୍ ନାନ୍ ଅନୁରଦ୍‌ ମାଡ଼ୁତାନ୍, ଇଶ୍ୱର୍‌ତାଗ୍ ନିଜେତିଙ୍କ୍ ପବିତ୍ର ଜିୱୁଣ୍ଡ୍ ପୁଜ୍‍ ଇମୁଟ୍ । ଅନ୍‌ ସେବା ମାଡ଼ି ମିଡ଼୍ ଅନାଗ୍ ଶାନ୍ତି ଆୟ୍‍ମୁଟ୍ । ଇଦ୍ ଇଶ୍ୱର୍‌ତାଗ୍ ନିଜାତାଦ୍ ଉପାସନା ।

୧ କରନ୍ତିୟ 3:9

ବାତେଙ୍କ୍‍ଇତ୍‍କେ ମାମ୍‍ମେ ଇଶ୍ୱର୍‌ତେ ତଡ଼୍ ପାଡ଼୍‍ୟିମାଡ଼ାନମ୍; ମିଡ଼୍‌ ଇଶ୍ୱରନ୍‌ ୱାୟା ନୁ ଇଶ୍ୱରନ୍ ଲୋନ୍‌ ।

୨ କରନ୍ତିୟ 10:1

ନାନ୍ ପାଉଲ୍, ମିକିଂଙ୍କ୍ ନାୟାଦ୍ ଇଦ୍ ବ୍ୟାକ୍ତିଗତ ଦନ୍ୟବାଦ୍ ବେନ କେତିତଡ଼୍‍, “ନାନ୍ ମିଇ ପାକେ ମାନ୍ଦାନ୍ ୱେଲେ ଗାଟି ନମ୍ର ନୁ ଶାନ୍ତି, ବାତେଙ୍କ୍ ଇତ୍‍କେ ଯେକା ଆତ୍‍କେ ଅଦିକ୍‌ ସାହାସୀ ।” କ୍ରିଷ୍ଟନ୍ ନମ୍ରତା ନୁ କମଲ ନାନ୍ ମିକିଂଙ୍କ୍ ଦନ୍ୟବାଦ୍ ମାଡ଼ି କେତୁତାନ୍,

ଗାଲାତୀୟ 2:21

ତିନ୍‍ସେଙ୍ଗେ ଇଶ୍ୱର୍‌ତେ ଅନୁଗ୍ରହତିଙ୍କ୍ ନାନ୍ ବେସୁଟ୍‌ ଅସ୍ୱିକାର୍ ମାଡ଼ନ୍ । ବାତେଙ୍କ୍‍ଇତ୍‍କେ ନିୟମ୍ ପାଲନ୍ ମାଡ଼ି ଯଦି ବେନ ଇଶ୍ୱର୍‌ତେ କଣ୍ଡେତାଗ୍ ଦାର୍ମାମ୍ ଆଦ୍‍ତଣ୍ଡ୍, ଆଲେକେ କ୍ରିଷ୍ଟ ଡଲ୍‍ତାଦ୍ ଆଙ୍ଗ୍‍ଡ଼ାମ୍ ଇଞ୍ଜ କେତାନଙ୍କ୍ ଆଦ୍‍ତେ ।

ଗାଲାତୀୟ 3:4

ଅଦିନ୍‌ ସେଙ୍ଗେ ମିୟାଦ୍ ସାରେ ପାଡ଼୍‍ୟି ବାତେ ଆଙ୍ଗ୍‍ଡ଼ାମ୍ ? ଆଗାଙ୍କ୍ ବାତ୍ ଶିକ୍ଷା ପାଏମ୍ ଆୟ୍‍ୱିଡ଼୍ କି ?

୧ ଥେସଲନିୟ 3:5

ଆଦିଙ୍କ୍ ତୀମତିଙ୍କ୍ ରତ୍‍ତାନ୍ । ନାନ୍ ମେଣ୍ଡେ ସତ୍ ଆସ୍‍ମାନ୍ଦେ ପାର୍ୱନ୍ । ମିଡ଼୍ ନିଜେ ବିଶ୍ୱାସ୍‍ତେ ମିନ୍ଦେଡ଼ି କି ଇଲେ, ପୁନ୍ଦାନ୍ ସେଙ୍ଗେ ନାନ୍ ଅଂକିଙ୍କ୍‌ ରତ୍‍ତାନ୍ । ଶୟ୍‍ତାନ୍‍ ମିକିଂଙ୍କ୍ ପ୍ରଲୋବିତ୍ ମାଡ଼ିମାନ୍ତେ ନୁ ମାନାଦ୍‍ ସାରେ ପାଡ଼୍‍ୟି ଆଙ୍ଗ୍‌ଡ଼ାମ୍ ଆସ୍‍ମାନ୍ତେ ? ଇଲେ ହିଦ୍ ବେସୁଙ୍କ୍‍ ନିଜାମ୍ ଆୟ୍‍ୟ ।

ତୀତସ୍‌ 2:11

ବାତେଙ୍କ୍ ଇତ୍‍କେ ସାର୍‍ରେ ନାରୁଡ଼ାଦ୍ ମୁକ୍ତି ସେଙ୍ଗେ ଇଶ୍ୱର୍‌ତେ ଅନୁଗ୍ରହ ଆସ୍ ମିନ୍ଦେ,

ଏବ୍ରୀ 12:15

ସାବ୍‌ଦାନ୍‌, ବେଲାକି ଦେଉଡ୍‌ ଅନୁଗ୍ରମାମେ ଅନ୍‌ୟାୟ୍‌ତେ ବଞ୍ଚେମ୍ ଆୟ୍‍ମାଟ୍ । କାୟ୍‍ତେ ମାଡ଼େ ଲେକାମ୍ ଆୟ୍‍ମାଟ୍ । କାୟ୍‍ତେ ମାଡ଼େ ପେର୍‍ସ୍‍କେ, ତାନ୍ ୱିସାମ୍‍ତେ ନାର୍ଗେ କାରାପ୍ ଆଦ୍‍ତା ।

ଏବ୍ରୀ 12:25

ଉଡ଼ାଟ୍ ସାବ୍‍ଦାନ୍, ଅନ୍‌ ଗଟ୍‍ତିଙ୍କ୍ ଆସାମ୍ ଇଞ୍ଜ ଆଲ୍‍ସ୍‍ମାଟ୍ । ସ୍ୱର୍ଗତାଗାଙ୍କ୍ କାବୁର୍ ଆସ୍ ୱାସ୍‍ ପୃତିବିତାଗ୍ କେତ୍‍ତେନଣ୍ଡ୍ ନାରୁଣ୍ଡ୍‍ତିଙ୍କ୍ ବେନଡ଼୍ କେଞ୍ଜଡ଼୍, ଅଡ଼୍‌ ବେନଡ଼୍ ବା ରକ୍ଷା ପାଏମ୍ ଆୟଡ଼୍ । ଆଲାଇତ୍‍କେ, ଇଞ୍ଜେ ବେନ ସ୍ୱର୍ଗତାଗ୍ ମାଞ୍ଜ୍ ଗଟି କେତୁତଣ୍ଡ୍, ଅଂକିଙ୍କ୍‌ ପାସ୍‍କେ ମାନାଡ଼୍ ବାତ୍ ରକ୍ଷା ପାଏମ୍‍ ଆଦ୍‍ତାଡ଼୍ ?

ଏବ୍ରୀ 4:1

ମାନାଙ୍କ୍‍ ବେନ୍‍ ପ୍ରତିଜ୍ଞାତ କିଣାନ ଦେଶ୍‍ ଇଦ୍‍ତାନ୍ ଇଞ୍ଜ ଇଶ୍ୱର କେସ୍‌ମାତ୍‌ତଣ୍ଡ୍‍, ଆଦ୍‌ ଇଞ୍ଜେ ଗାଲା ପ୍ରତିଜ୍ଞାତ ମିନ୍ଦେ । ଆ ପ୍ରତିଜ୍ଞା ରମାନ୍ ଦିନେ ବେନନ୍ ବେଲାକି ବାତ୍‌ ଆୟ୍‍ମାକିଣ୍ଡ୍‍, ଆଦିନ୍ ମାଇଦିଙ୍କ୍ କେପିମାନୁଟ୍‌ ।

୧ ପିତର୍‍ 4:10

ଇଶ୍ୱର୍‍ ମିଡ଼୍‍ ସାରେତଡ଼୍‍କ୍ ସାୟେତ୍‍ ଦାନ ଇତ୍‍ତନ୍ । ବେନ ବେନ୍ ଦାନ ପାଏମ୍ ଆତ୍‍ତନ୍, ଆଦିନାଦ୍ ସାୟେତ୍‍ ବ୍ୟବହାର୍‌ ଇସାପ୍‍ତେ ମେଣ୍ଡେବାଗାତଡ଼ାଦ୍‍ ସେବା ସେଙ୍ଗେ ଆଦ୍ ଦାନତାଦ୍‍ ସତ୍ ବ୍ୟବହାର୍‌ ମାଡ଼ାନାଦ୍ ସାୟେ ।