୨ କରନ୍ତିୟ 5:9 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁹ ଆଦିନ୍ ସେଙ୍ଗେ ଇଗେ ନିଜେର୍‍ ଲୋନ୍‌ ମାନିଣ୍ଡ୍ ବା ମେଣ୍ଡନ୍‍ଲନ୍‍ ମାନିଣ୍ଡ୍, ଇଶ୍ୱର୍‌ତିଙ୍କ୍ ଶାନ୍ତି ମାଡ଼ାନାଦ୍ କେ ମାୟାଦ୍‌ ୱେରଡ଼୍ ଇଚ୍ଛା ।

୨ କରନ୍ତିୟ 5:9 ပူးပေါင်းရင်းမြစ်များ

ଯୋହନ୍‌‌ 6:27

ବେନ୍ କାଦି ତେରିତେ, ଆଦିନ୍ ମାଇଦିଙ୍କ୍ କଷ୍ଟ ମାଡ଼୍‍ମାଟ୍ । ବେଲାନ୍ ବେନ୍ କାଦି ସାରେଦିନାତ୍ ଜିୱୁନ୍ ଇଦ୍‍ତଣ୍ଡ୍‌, ଆଦିନ୍ ସେଙ୍ଗେ କଷ୍ଟ ମାଡ଼ାଟ୍ । ଆଦ୍ କାଦି ନାରୁନ୍‍ପିଲେ ମିକିଂଙ୍କ୍ ହିଦ୍‍ତଣ୍ଡ୍, ବାତେଙ୍କ୍ ଇତ୍‍କେ ଅଂକିଙ୍କ୍‌ ବାବାଲ୍ ଇଶ୍ୱର୍ ଇଦ୍ ଅଦିକାର୍‌ ହିତ୍‍ତଣ୍ଡ୍ ।”

ପ୍ରେରିତ 10:35

ବେନ୍ ନାର୍‍ଦେନଣ୍ଡ୍‍ ଆୟି ନାରୁଣ୍ଡ୍ ପ୍ରବୁଙ୍କ୍‍ ପ୍ରାର୍ତନା ମାଡ଼୍‍କେ ନୁ ଅନ୍‌ କଣ୍ଡେତେ ସତ୍‍ କର୍ମ ମାଡ଼୍‍କେ ପ୍ରବୁ ଅଂକିଙ୍କ୍‌ ଗ୍ରହନ୍ ମାଡ଼ିତନ୍ ।

ରୋମୀୟ 14:18

ବେନଆଇ ଇଦ୍‍ରକମ୍ କ୍ରିଷ୍ଟନ୍ ସେବା ମାଡ଼ିତନ୍; ଅଣ୍ଡ୍‌ ଇଶ୍ୱର୍‌ତେ ସାୟେ ମାଡ଼ିତନ୍, ନାରୁଡ଼୍ ଗାଲା ଅଂକିଙ୍କ୍‌ ଆଦର୍ ମାଡ଼ିତଡ଼୍ ।

ରୋମୀୟ 14:8

ପ୍ରବୁନ୍ ପାଡ଼୍‍ୟି ମାଡ଼ାନ୍ ସେଙ୍ଗେ ମାନାଡ଼୍ ବାଦ୍‍କୁତାଡ଼୍ ନୁ ଡଲିତାଡ଼୍ । ଆଦିଙ୍କ୍ ବାଦ୍‍କାନାଗ୍ ନୁ ଡଲାନାଗ୍ ମାନାଡ଼୍ ପ୍ରବୁନାଗ୍ ।

ରୋମୀୟ 15:20

ବେନ୍ ପଡ଼୍‍ୟେତାଗ୍ ନାରୁଡ଼୍ କ୍ରିଷ୍ଟନାଦ୍ ବିଷୟ୍ କେଞ୍ଜଡ଼୍, ଆଗେ ଅନ୍‌‍ୱାଦ୍ କାବୁର୍ କେତାନାଦ୍ ନାୟାଦ୍ ଇଚ୍ଛା, ବାତେଙ୍କ୍‍ଇତ୍‍କେ ମେଣ୍ଡେଅଡ଼୍‌‍ତିଡ଼୍ ୱାଟିମାନ୍ଦାନ୍ ପାଉଣ୍ଡେସନ୍ ପର୍‍ର ଲୋନ୍‌ ମାଡ଼ାନଙ୍କ୍ ନାନ୍ ଚାଏମ୍ ଆୟନ୍ ।

୧ କରନ୍ତିୟ 15:58

ଆଦିଙ୍କ୍ ପ୍ରିୟ ଦାଦାଲଡ଼ି ନୁ ଏଲାସ୍କ୍, ଗାଡ଼୍‍ସ୍ ନୁ ମେୟ୍‍ଲକନ୍‌ସ୍ ମାନୁଟ୍ । ପ୍ରବୁନ୍ ପାଡ଼୍‍ୟିତାଗ୍ ସାର୍ରେୱେଲେ ତିୟାର୍ ଆସ୍ ମାନୁଟ୍ । ବାତେଙ୍କ୍‍ଇତ୍‍କେ ମିଡ଼୍ ପୁତ୍‍ତିଡ଼୍ ଜେ, ପ୍ରବୁନ୍ ସେଙ୍ଗେ ମିୟାଦ୍ ପାଡ଼୍‍ୟି ବେସୁଟ୍‍ବା ଆଙ୍ଗ୍‍ଡ଼ାମ୍ ଆୟ୍‍ୟ ।

୨ କରନ୍ତିୟ 5:6

ଆଦିନ୍ ସେଙ୍ଗେ ମାମ୍‍ମେ ସାରେଦାମ୍ ସାହାସ୍ ପଇତ୍‍ତମ୍ । ମାମ୍‍ମେ ପୁତ୍‍ତମ୍, ବେସ୍ ଦିନା ମାମ୍‍ମେ ଇଦ୍ ମେନ୍ଦୁଲ୍‌ତେ ମାନ୍‍ତମ୍, ଆସର୍ ଦିନା ପ୍ରବୁନାଗେ ଜାକେମାଞ୍ଜ୍ ବାଦ୍‍କ୍‍ତମ୍,

୨ କରନ୍ତିୟ 5:8

ଆଦିଙ୍କ୍ ମାମ୍‍ମେ ସାହାସ୍‍ତଡ଼୍‍, ମେଣ୍ଡେ ଇଦ୍ ମେନ୍ଦୁଲ୍‌ ୱିଡ଼୍‍ସି ମିକା ପ୍ରବୁନ୍ ତଡ଼୍ ମାନ୍ଦାନ୍ ସେଙ୍ଗେ ମାମ୍‍ମେ ଅଦିକ୍‌ ସାର୍‍ଦେ ।

ଏଫିସିୟ 1:6

ଇଶ୍ୱର୍‌ତେ ପ୍ରେମତାଦ୍ ଅନୁଗ୍ରହ ସେଙ୍ଗେ ନୁ ତାନ୍ ପ୍ରିୟ ମାର୍‍ଦିଙ୍କ୍ ବିନା ମୁଲ୍ୟବାନ୍‍ ଦାନ ଲେକାମ୍ ପାଏମ୍ ଆସ୍‍ମାନ୍ଦାନ୍ ମାୟ୍‍ଦିଙ୍କ୍‍, ମାମ୍‍ମେ ଇଶ୍ୱର୍‌ତିଙ୍କ୍‍ ଦନ୍ୟବାଦ୍ ମାଡ଼ୁତମ୍ ।

କଲସୀୟ 1:10

ଆଲେକେ, ମିଡ଼୍ ପ୍ରବୁନ୍‍ ଇଚ୍ଛା ଲେକାମ୍ ବାଦ୍‍କେ ପାର୍‍ଦ୍‍ତିଡ଼୍ ନୁ ଅନାଦ୍‌ ପସନ୍ଦ୍‍ ଲେକେତ୍ କାମ୍ ମାଡ଼େ ପାର୍‍ଦ୍‍ତିଡ଼୍ । ମୀୟାଦ୍ ଜିୱେତାଗ୍ ସାରେ ଲେକାତ୍ ସାୟେତ୍ କାମ୍ ମାଡ଼େ ପାର୍‍ଦ୍‍ତିଡ଼୍ ନୁ ଇଶ୍ୱର୍‌ତେ ବିଷୟତେ ମିୟାଦ୍ ଜ୍ଞାନ୍ ନାର୍ଗେ ଆଦ୍‍ତେ ।

କଲସୀୟ 1:29

ଇଦିଙ୍କ୍ ପୁରା ମାଡ଼ାନ୍‍ ମାୟ୍‍ଦିଙ୍କ୍ ନାୟାଗେ ମାନ୍ଦାନ୍ କ୍ରିଷ୍ଟ ଇତ୍‍ତେ ମହାନ୍ ଶକ୍ତିତିଙ୍କ୍ ବ୍ୟବହାର୍ ମାଡ଼ି ନାନ୍ ଜିୱେ ଅପି ଚେଷ୍ଟା ମାଡ଼ୁତାନ୍‍ ନୁ ପାଡ଼୍‍ୟି ମାଡ଼ୁତାନ୍ ।

୧ ଥେସଲନିୟ 4:1

ଆଦେଲେକାମ୍ ଦାଦାନଡ଼ି ନୁ ଏଲାସ୍କ୍‍, ଇଶ୍ୱର୍‌ତିଙ୍କ୍ ଶାନ୍ତି ମାଡ଼ାନ୍ ସେଙ୍ଗେ ବେଦ୍‍ଲେକାମ୍ ବାଦ୍‍କାନଙ୍କ୍ ଆଦ୍‍ତେ, ଆଦ୍ ମାୟାଗାଙ୍କ୍ ଶିକ୍ଷା ମାଡ଼ିମିନ୍ଦେଣ୍ଡ୍ । ଆଦେଲେକାମ୍ ମୀଡ଼୍ ବାଦ୍‍କ ୱାଦୁତିଡ଼୍, ବାତେଙ୍କ୍ ଇତ୍‍କେ ହିଗାଙ୍କ୍ ବାତେଏ ଅଦିକ୍‌ ମାଡ଼ାନଙ୍କ୍ ମିକିଂଙ୍କ୍ ମାମ୍‍ମେ ହିଞ୍ଜେ ପ୍ରବୁ ଜିସୁନ୍ ପେଦେର୍‍ତେ ବିନତି ବା ସାରେଦା ମାଡ଼ୁତମ୍ ।

୧ ଥେସଲନିୟ 4:11

ମୁନେନ୍ ବେଲା କେସ୍‍ମାତ୍‍ତମ୍, ଶାନ୍ତିତେ ଜିୱୁଣ୍ଡ୍ ବାଦ୍‍କିତାଡ଼୍, ନିଜେତ୍ ପାଡ଼୍‍ୟିତାଗ୍ ମାନ୍‍ ଇଦ୍‍ତାଡ଼୍ ନୁ ନିଜେତ୍ ନିଜେତ୍ ଜିବିକା ଉପାର୍ଜନା ମାଡ଼ାନାଦ୍ ମିୟାଦ୍ ଲକ୍ଷ ଆୟି ।

୧ ତୀମତି 4:10

ବେନ୍ ମୁକ୍ତିଦାତାନାଗ୍ ବିଶ୍ୱାସ୍ ମାଡ଼ାକେ ସାରେତଡ଼୍ ପରିତ୍ରାନ୍ ଲାବ୍ ମାଡ଼େପାର୍‍ତନ୍, ଆ ଜିୱୁନ୍ ତେ ଇଶ୍ୱର୍‌ତାଗେ ବର୍‍ସା ୱାଟି, ମାନାଡ଼୍ ଇସର୍ କଷ୍ଟ ସୀକାର୍ ମାଡ଼ି ହି କାମ୍ ମାଡ଼ି ଅଦୁତମ୍ ।

ଏବ୍ରୀ 12:28

ଆଦିଙ୍କ୍ ୱାଡ଼ାଟ୍, ମାନାଡ଼୍ ରାଜି ଆଦିତାଡ଼୍, ବାତେଙ୍କ୍‍ଇତ୍‍କେ ମାନାଡ଼୍ ସାର୍ରେଦିନାତାଦ୍ ରାଜ୍ୟ ପାଏମ୍‍ ଆଦ୍‍ତାଡ଼୍ । ୱାଡ଼ାଟ୍, ମାନାଡ଼୍ ଦନ୍ୟବାଦ୍ ଇଦ୍‍ତାଡ଼୍ ମେଣ୍ଡେ ବକ୍ତି ନୁ ୱେର୍‍ସ୍ ଇଶ୍ୱର୍‌ତିଙ୍କ୍ ୱେଡ଼୍‍କେ ଆସ୍ ପୁଜେ ମାଡ଼ିତାଡ଼୍ ।

ଏବ୍ରୀ 4:11

ଆଦିନ୍‌ସେଙ୍ଗେ ମାନାଗାନୁଞ୍ଚ୍‌ ବେନ ବେଲାକି ନିଜର୍‍ ଅବିଶ୍ୱାସ୍‌ତେ ମାଇଦିଙ୍କ୍‌ ଆ ନାରୁଡ଼୍‍ଲେକେମ୍‍ ଆଦ୍‍ ରମାନାଗାନାଙ୍କ୍‌ ବଞ୍ଚିତ ଆୟଣ୍ଡ୍‍, ଆଦିନ୍‌ ସାଙ୍ଗ୍ ପାର୍‍ତେଆସର୍‍ ଚେଷ୍ଟା ମାଡ଼ିତାଡ଼୍‍ ।

୨ ପିତର୍‌ 3:14

ଆ ପ୍ରିୟ ସାଙ୍ଗନଡ଼ି, ଆଦ୍ ଦିନାତେ କେପାନ୍‍ ସମୟତେ ମିଡ଼୍ ଇଶ୍ୱର୍‌ତେ କଣ୍ଡେତେ ପବିତ୍ର ନୁ ନିର୍ଦଷ୍‌ ଆସ୍ ଶାନ୍ତିତେ ମାନ୍ଦାନଙ୍କ୍ ଜିୱେତାଗେ ଚେଷ୍ଟା ମାଡ଼ାଟ୍ ।