୨ କରନ୍ତିୟ 4:12 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹² ଇଦ୍‍ଲେକାମ୍ ମାୟାଗେ ଡଲ୍‍ତାଦ୍ ନୁ ମିଇ ପାକେ ଜିୱୁଣ୍ଡ୍ ପାଡ଼୍‍ୟି ମାଡ଼୍‍ଡ଼ ଆଦୁତ୍‍ତେ ।

୨ କରନ୍ତିୟ 4:12 ပူးပေါင်းရင်းမြစ်များ

ପ୍ରେରିତ 20:24

ଇତ୍‍କେ ନା ସେଙ୍ଗେ ନାନ୍ ନାୟାଦ୍ ଜିୱୁଣ୍ଡ୍‍ତିଙ୍କ୍ ସୁଦୁର୍ ହେର୍କା ମାଡ଼ିତାନ୍ । ଇଶ୍ୱର୍‌ତେ ଅନୁଗ୍ରହ ବିଷୟ୍ ପ୍ରବୁ ଜିସୁ ବେନ୍ କବର୍ ସୁସମାଚାର୍ କେତ୍‍ତାନଙ୍କ୍ ନାକିଂଙ୍କ୍ ହିତ୍‍ତଣ୍ଡ୍, ଆଦ୍ ପୁରନ୍ ମାଡ଼ି ନାୟାଦ୍ ପ୍ରଚାର୍ ପାଡ଼୍‍ୟି ସାରେ ମାଡ଼ିତାନ୍; ଇସରେ ନାୟାଦ୍ ଇଚ୍ଛା ।”

୧ କରନ୍ତିୟ 4:10

କ୍ରିଷ୍ଟନ୍‌ ମାଇଦିଙ୍କ୍‌ ମାନାଡ଼୍ ମୁର୍କ ଇଞ୍ଜ ପୁତ୍‍ତଡ଼୍ । ବାତେଙ୍କ୍ ଇତ୍‍କେ ମିଡ଼୍ କ୍ରିଷ୍ଟନ୍ ତଡ଼୍ କାୟ୍‍ଲ୍‍ତାଙ୍କ୍ ମିଡ଼୍ ଜ୍ଞାନି । ମାମ୍ ଲାୱୁ ଇଲ୍‌ୱାନମ୍‌; ମାତି ମିଡ଼୍ ଲାୱ୍‌ଦନର୍‌ । ମିଡ଼୍ ସମ୍ମାନ୍ ଦର୍‍କ୍‍ତେନଡ଼୍‌, ମାତି ମାମ୍‍ମେ ଅନାଦ୍‌‌ ଇନତେ ନାରୁମ୍ ।

୨ କରନ୍ତିୟ 12:15

ମିଇକିଙ୍କ୍ ସାହାଯ୍ୟ ମାଡ଼ାନ୍ ସେଙ୍ଗେ ନାୟାଦ୍ ସର୍ବସ୍ୱ, ଇଦ୍‍ଲେକାମ୍ କି ନିଜେତିଙ୍ଗ୍ ୱେଡ଼୍‍କେତେ ଉସ୍ୱର୍ଗ ମାଡ଼ିଇଦାନ୍ ସେଙ୍ଗେ ନାନ୍ ତିଆର୍ । ନାନ୍ ମିକିଂଙ୍କ୍ ଇସର୍ ଅଦିକ୍‌ ପ୍ରେମ ମାଡ଼ୁତାନ୍ ଇଞ୍ଜ ମିଇଡ଼୍ ବାତେଏ ନାକିଂଙ୍କ୍ ଇସର୍ ସୁଦୁଟ୍ ପ୍ରେମ ମାଡ଼ିତିଡ଼୍ ?

୨ କରନ୍ତିୟ 13:9

ମାମ୍‍ମେ ଦୁର୍ବଲ୍ ମାନ୍ଦାନ୍‍ୱେଲେ ମିଡ଼୍ ଡାଟୁମ୍‍ ମାନ୍‍ନାଙ୍କ୍ ମାମ୍‍ମେ ୱେଡ଼୍‍କ୍‍ ଆତ୍‍ତମ୍‍ । ଆଦିଙ୍କ୍ ମିୟାଦ୍ ମେନ୍ଦୁଲ୍‍ତେ ଉନ୍ନତି ସେଙ୍ଗେ ମାମ୍‍ମେ ପ୍ରାତନା ମାଡ଼ୁତମ୍ ।

୨ କରନ୍ତିୟ 4:11

ଅନ୍‌ ଜୀୱେତିଙ୍ଗ୍ ଇଦ୍ ନାୟାଦ୍ ମେ‍ନ୍ଦୁଲ୍‍ତାଗ୍ ପ୍ରକାଶ୍ ମାଡ଼ାନ୍ ସେଙ୍ଗେ ଜିସୁନ୍‌ ସେଙ୍ଗେ ସାରେ ଜୀୱୁଣ୍ଡ୍‌ ମାମ୍‍ମେ ଡଲ୍‍ତେ ଲେକାମ୍ ଅଦୁତମ୍ ।

୨ କରନ୍ତିୟ 4:13

ଦର୍ମଶାସ୍ତ୍ରତାଗ୍ ଲେକାମିନ୍ଦେ, “ନାନ୍ ବିଶ୍ୱାସ୍‌ ମାଡ଼୍‍ତାଙ୍କ୍ ଗଟି ତିର୍‍ୟୁତାନ୍ ।” ମାମ୍‍ମେ ଆଦ୍ ବିଶ୍ୱାସ୍‌ତେ ଆତ୍ମା ଦର୍‍ସ୍‍ତମ୍ । ମାମ୍‍ମେ ବିଶ୍ୱାସ୍‌ ମାଡ଼ୁତମ୍, ଆଦିଙ୍କ୍ ମାମ୍‍ମେ କେତୁତମ୍ ।

ଫିଲିପିୟ 2:17

ଇଶ୍ୱର୍‌ତେ ଗଟ୍‍ତେ ମିୟାଦ୍ ବିଶ୍ୱାସ୍ ଲେକାମ୍ ବଲିଦାନତାଗ୍ ଆଲେକେ ବା ନାୟାଦ୍ ଜିୱୁନ୍ ନେତୁର୍‍ଇସ୍ ତସିଦାଙ୍କ୍‍ ଆଦ୍‍ତେ । ଆଦିନ୍ ସେଙ୍ଗେ ନାନ୍ ୱେଡ଼େକେ ନୁ ନାୟାଦ୍ ଇଦ୍ ୱେଡ଼୍‍କେତେ ମିଇ ତଡ଼୍ ମାଡ଼ାନଙ୍କ୍ ନାନ୍ ଇଚ୍ଛାମାଡ଼ୁତାନ୍ ।

ଫିଲିପିୟ 2:30

ବାତେଙ୍କ୍‍ଇତ୍କେ ମିଡ଼୍ ନାକିଂଙ୍କ୍ ବେନ୍ ସାହାଯ୍ୟ ଇଦେପାର୍‍ୱିଡ଼୍, କ୍ରିଷ୍ଟନାଦ୍ ପାଡ଼୍‍ୟି ସିଦ୍ଦ ସେଙ୍ଗେ ଅଣ୍ଡ୍‌ ଆଦ୍ ନା ସେଙ୍ଗେ ମାଡ଼ାନଙ୍କ୍ ଆଞ୍ଜ୍ ନିଜେତ୍ ଜିୱୁଣ୍ଡ୍‍ତିଙ୍କ୍ ଇତ୍‍ତନ୍ ନୁ ଡଲାନ୍ ଦିନ୍‍ତେ ମୁନେଆସ୍ ମାତ୍‍ତନ୍ ।

୧ ଯୋହନ୍‌‌ 3:16

ମାନ୍‍ ସେଙ୍ଗେ କ୍ରିଷ୍ଟନାଦ୍ ଜିୱୁଣ୍ଡ୍ ଇତ୍‍ତାଗାଙ୍କ୍ ମାନାଡ଼୍ ପ୍ରେମ ଶିକ୍ଷା ମାଡ଼ୁତମ୍ । କ୍ରିଷ୍ଟିୟାନ୍‍ ଏଲାଡ଼୍‍ତାମୁଙ୍କ୍ ସେଙ୍ଗେ ଜିୱୁଣ୍ଡ୍‍ ଇଦାନଙ୍କ୍ ମାନାଡ଼୍ ମିକା ତିଆର୍ ଆସ୍ ମାନ୍ଦାନାଦ୍ ସାୟେ ।