୨ କରନ୍ତିୟ 13:14 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹⁴ ପ୍ରବୁ ଜିସୁକ୍ରିଷ୍ଟନ୍ ଅନୁଗ୍ରହ, ଇଶ୍ୱର୍‌ତେ ପ୍ରେମ ନୁ ପବିତ୍ର ଆତ୍ମାନ୍‍ ସହଯୋଗ୍‍ ମି ସାରେ ନାରୁଡ଼୍‍ ତଡ଼୍‍ ମାନି ।

୨ କରନ୍ତିୟ 13:14 ပူးပေါင်းရင်းမြစ်များ

ମାତିଉ 6:13

ମାକିଂଙ୍କ୍ ତିପାଲ୍ ପରିକ୍ଷାତେ ମୁନ୍‍ନେ ଆଦାନଙ୍କ୍ ହିମା, ମାତର୍ କାରାପ୍ ତାଗାଙ୍କ୍ ମାକିଂଙ୍କ୍ ରକ୍ଷା ମାଡ଼େ । ବାତେଙ୍କ୍ ଇତ୍‍କେ ରାଜ୍ୟ, ପରାକ୍ରମ୍, ଗୌରବ୍ ଯୁଗ୍‍ଯୁଗ୍ ନିୟାଦ୍, ଆମେନ୍ ।”

ଯୋହନ୍‌‌ 4:10

ଜିସୁ ତାଙ୍କ୍ ଉତ୍ତର୍ ହିତ୍‍ତଣ୍ଡ୍, “ଇଶ୍ୱର୍ ବାତେଏ ହିଦ୍‍ପାର୍‍ତଣ୍ଡ୍ ନିମ୍‍ ଯଦି ପୁଞ୍ଜ୍ ମାନେନି ମେଣ୍ଡେ ବେନ ନି କାଇଦେ କନ୍‍ସ୍ ଉନ୍ଦାନଙ୍କ୍ ତାଲ୍‍କୁତଣ୍ଡ୍ ଆଦ୍ ଯଦି ପୁଞ୍ଜ୍ ମାନେନି ନିମ୍‍ ଅଂକିଙ୍କ୍‌ ତାଲ୍‍କେନି, ମେଣ୍ଡେ ଅଣ୍ଡ୍‌ ନିକିଂଙ୍କ୍ ଜିୱୁନ୍‍ତେ ଏର୍‍ ହିୱେଣ୍ଡ୍ ।”

ଯୋହନ୍‌‌ 4:14

ବାତେଙ୍କ୍ ଇତ୍‍କେ ନାନ୍ ବେନ୍ ଏର୍‍ ହିଦ୍‍ତାନ୍, ଆଦ୍ ବେନମେଣ୍ଡେ ଉନ୍‍ତଣ୍ଡ୍, ଅଂକିଙ୍କ୍‌ ବେସୁଙ୍କ୍‍ମେଣ୍ଡେ ଉନ୍ଦେୱାୱ, ବେଲାନ୍ ନାନ୍ ହିସମାନ୍ଦାନ୍ ଏର୍‍ ଅନ୍‌ ହୃଦୟ୍‍ତାଗ୍ ୱେରନ୍ ଜିୱୁନ୍ ହିଦାନଣ୍ଡ୍ ନିର୍ଜତେ ପରିନତ ଆଦ୍‍ତେ, ଆଗାଙ୍କ୍ ଉତ୍‍କେ ଅଣ୍ଡ୍‌ ସାରେଦିନାତ୍ ଜିୱୁନ୍‍ ଜିୱେଦର୍‍କିତ୍ ।”

ଯୋହନ୍‌‌ 7:38

ବେନ ନାୟାଗେ ବିଶ୍ୱାସ୍ ମାଡ଼ିତନ୍, ଅଣ୍ଡ୍‌ ଉନିଣ୍ଡ୍, ଦର୍ମଶାସ୍ତ୍ରତାଗ୍ ଲେକାମିନ୍ଦେ, ବେନ ନାୟାଗ୍ ବିଶ୍ୱାସ୍ ମାଡ଼ିତନ୍ ଅନାଦ୍‌ ଜିୱୁତାଦ୍ ସ୍ରୋତ ପ୍ରବାହିତ ଆସମାନ୍‍ତେ ।”

ପ୍ରେରିତ 15:11

ହିଲ୍‍ଲେ, ଇଦ୍ ଟିକ୍ ଆୟ୍‍ୟ । ଅଡ଼୍‌ ବେନ୍ ବିଶ୍ୱାସ୍ ମାଡ଼ି ପରିତ୍ରାଣ୍ ପାଏମ୍‍ଆତ୍‍ତଡ଼୍, ମାମ୍‍ମେ ଗାଲା ଟିକ୍ ଆଦେପୁଟୁଙ୍କ୍ ବିଶ୍ୱାସ୍ ମାଡ଼ି ପ୍ରବୁ ଜିସୁନ୍ ଅନୁଗ୍ରହତେ ପରିତ୍ରାଣ୍ ପାଏମ୍‍ଆତ୍‍ତାଡ଼୍ ।”

ରୋମୀୟ 1:7

ଆଦିଙ୍କ୍‍ ରୋମ୍‍ତେ ବେନଡ଼୍‍କିଂଙ୍କ୍ ଇଶ୍ୱର୍ ପ୍ରେମ ମାଡ଼ିତଣ୍ଡ୍‍ ମେଣ୍ଡେ ତାନ୍‍ ନିଜର୍‍ ନାରୁଣ୍ଡ୍‍ ଆଦାନଙ୍କ୍‍ କାର୍‍ଙ୍ଗ୍‍ତଣ୍ଡ୍‍, ଅଡ଼୍‌‍ ସାରେତଡ଼୍‍କିଙ୍କ୍‍ ନାନ୍‍ ଇଦ୍‍ ଚିଟି ଲେକୁତାନ୍‍ । ମାନ୍‍ ବାବାଲ୍ ଇଶ୍ୱର୍ ନୁ ପ୍ରବୁ ଜିସୁ କ୍ରିଷ୍ଟ ମିକିଂଙ୍କ୍‍ ଅନୁଗ୍ରହ ନୁ ଶାନ୍ତି ଇୱିଣ୍ଡ୍‍ ।

ରୋମୀୟ 16:20

ଆଲାଇତ୍କେ, ଶାନ୍ତିତଣ୍ଡ୍ ଇଶ୍ୱର୍ ସିଟ୍‍ପାଟ୍ ଶୟ୍‍ତାନ୍‍ତିଙ୍କ୍ ମିୟାଦ୍ ଡେକେତ୍ ମଦଲ୍ ମାଡ଼ିତନ୍ । ପ୍ରବୁନ୍ ଅନୁଗ୍ରହ୍ ମିଇ ତଡ଼୍ ମାନି । ଆମେନ୍‌ ।

ରୋମୀୟ 16:23

ନା କୁଟ୍‍ମାମ୍‍ତଣ୍ଡ୍‍ ଗାୟସ୍‍, ବେନନ୍ ଲୋନ୍‌ ଉପାସକଡ଼୍ ଗୁଡ଼ିତଡ଼୍ ମେଣ୍ଡେ ଇଦ୍ ନଗରୀତଣ୍ଡ୍ ଗୁଦାମ୍‍ ଅଦକ୍ଷ ଏରାଷ୍ଟ ନୁ ତାମୁଣ୍ଡ୍ କ୍ୱାର୍ତ୍ତ ମିକା ମିକିଂଙ୍କ୍ ନମସ୍କାର୍‍ ମାଡ଼ୁତଡ଼୍ ।

ରୋମୀୟ 16:27

ପ୍ରବୁ ଜିସୁ କ୍ରିଷ୍ଟନ୍ ତଡ଼୍ ସାର୍‍ରେ ପୁତ୍‍ତେନଣ୍ଡ୍ ୱେରଣ୍ଡେ ଇଶ୍ୱର୍ ଯୁଗ୍‍ଯୁଗ୍ ଗୌରବ୍ ଆୟିଣ୍ଡ୍ । ଆମେନ୍‍ ।

ରୋମୀୟ 5:5

ଆଶେ ମାନାଙ୍କ୍‍ ନିରାଶ୍‍ ଆଦାନଙ୍କ୍ ଇୱ, ବାତେଙ୍କ୍ଇତ୍‍କେ ଇଶ୍ୱର୍ ମାକିଂଙ୍କ୍ ପବିତ୍ର ଆତ୍ମା ଇସ୍ ମାନ୍‍ ଜିୱୁଣ୍ଡ୍‍ତିଙ୍କ୍ ତାନ୍ ପ୍ରେମତଡ଼୍ ବର୍ତ୍ତି ମାଡ଼୍‍ତଣ୍ଡ୍ ।

ରୋମୀୟ 8:39

ପରତାଦ୍ ଆୟି ବା ମଦଲ୍‍ତାଦ୍ ଆୟି ବାତ୍ ବିଷୟ୍, ସାର୍‍ରେ ସୃଷ୍ଟିତାଗ୍ ଇଦ୍‍ରକମ୍ ବାତ୍ ବିଷୟ୍ ଇଲ୍‍ଲେ, ବାତ୍ ପ୍ରବୁ ଜିସୁ କ୍ରିଷ୍ଟନ୍ ତଡ଼୍ ତଅନ୍‌ଦ୍‍ତାଦ୍ ଇଶ୍ୱର୍‌ତେ ଆଦ୍ ପ୍ରେମ୍‍ତାଗାଙ୍କ୍ ମାନାଙ୍କ୍‍ ୱେରେ ମାଡ଼ାନଙ୍କ୍‍ ପାର୍‍ଦ୍‍ତେ ।

ରୋମୀୟ 8:9

ଯଦି ନିଜାମ୍ ଇଶ୍ୱର୍‌ତାଦ୍ ପବିତ୍ର ଆତ୍ମା ମିୟାଗେ ମିନ୍ଦେ, ମିଡ଼୍ ମେଣ୍ଡେ ମାନେୟ୍‍ ଲେକାମ୍ ଜିୱୁଣ୍ଡ୍ ବାଦ୍‍କ୍‍ୱିଡ଼୍, ଇତ୍‍କେ ଜିୱୁଣ୍ଡ୍‍ତାଗ୍ ପବିତ୍ର ଆତ୍ମାତେ ଗଟ୍ ପାଲନ୍ ମାଡ଼ୁତିଡ଼୍ । କ୍ରିଷ୍ଟନାଦ୍ ଆତ୍ମା ବେନନ୍ ଗାର୍‍ରେ ଇଲ୍‍ଲେ, ଅଣ୍ଡ୍‌ ବେସୁଟ୍‌ ଅନ୍‌ ନାରୁଣ୍ଡ୍‍ ଆଦାନଙ୍କ୍ ପାର୍‍ୱଣ୍ଡ୍ ।

୧ କରନ୍ତିୟ 12:13

ଆଦେରକମ୍ ଇହୁଦୀ, ଅଣଇହୁଦୀ, କ୍ରୀତଦାସ ନୁ ସ୍ୱାଦିନ୍ ନାରୁଡ଼୍ ସାର୍ରେପେର୍କେ ମାନାଡ଼୍ ସାର୍ରେତଡ଼୍ ଅଣ୍ଡୟ୍‌ ଆତ୍ମାତେ ତଡ଼୍ ଏର୍‍ଦିକ୍ଷାତାଗ୍ ବାପ୍ତିସ୍ମ ଅସ୍ ଆଦ୍ ଅଣ୍ଡୟ୍‌ ମେନ୍ଦୁଲ୍‍ତାଗ୍ କାୟ୍‍ଲ୍‍ତମ୍, ଅଣ୍ଡୟ୍‌ ଆତ୍ମାତିଙ୍କ୍ ଉନ୍ଦୁତାଡ଼୍ ।

୧ କରନ୍ତିୟ 14:16

ଆଲା ଆୟକ୍ ଇଶ୍ୱର୍‌ତିଙ୍କ୍ ମିୟାଦ୍ ଆତ୍ମାତେ ଇଚ୍ଛାତେ ଦନ୍ୟବାଦ୍ ଇଦାନ୍‍ୱେଲେ, ଆଗେ ମାନ୍ଦାନ୍ ୱେରଣ୍ଡ୍ ନାରୁଡ଼୍ ବେଲା ମିଇ ତଡ଼୍ “ଆମେନ୍‍” କେତିତଣ୍ଡ୍ ? ବାତେଙ୍କ୍‍ଇତ୍‍କେ ମିଡ଼୍ ବାତ୍ କେତୁତିଡ଼୍, ଆଦ୍ ଅଣ୍ଡ୍‌ ପୁନ୍ଦାନଙ୍କ୍ ପାର୍‍ୱଣ୍ଡ୍ ।

୧ କରନ୍ତିୟ 16:23

ପ୍ରବୁ ଜିସୁନ୍ ଅନୁଗ୍ରହ୍ ମିଇ ଲୋପେ ବିରାଜ୍‍ମାନ୍ ଆୟି ।

୧ କରନ୍ତିୟ 3:16

ମିଡ଼୍‌ ପୁନ୍ଦାନ୍ ୱାଇତିତା ଯେ, ମିଡ଼୍‌ ପର୍‌ମେଶ୍ୱରନ୍‌ ଗୁଡ଼ିୟ୍‌, ମେଣ୍ଡେ ପରମେଶ୍ୱରନ୍‌ ଆତ୍ମା ମିୟାଦ୍ ଜିୱୁଣ୍ଡ୍‍ତାଗ୍ ମାନ୍‌ତା ।

୧ କରନ୍ତିୟ 6:19

ମିଡ଼୍ ବାତ୍ ପୁନ୍‍ୱିଡ଼୍ ଯେ ମିୟାଦ୍ ମେନ୍ଦୁଲ୍ ପବିତ୍ର ଆତ୍ମାତେ ମନ୍ଦିର୍‌ ? ବେନ୍ ଆତ୍ମା ମିଡ଼୍ ଇଶ୍ୱର୍ ତାଗାଙ୍କ୍ ପାଏମ୍ ଆଦ୍‍ତିଡ଼୍ ।

୨ କରନ୍ତିୟ 8:9

ମୀଡ଼୍ ପ୍ରବୁ ଜିସୁ କ୍ରିଷ୍ଟନ୍ ଅନୁଗ୍ରହ ବିଷୟ ପୁନୁଟ୍ । ଅଣ୍ଡ୍‌ ସାଉକାର୍ ଆସ୍‍ମିକା ମିଇ ସେଙ୍ଗେ ଗରିବ୍ ଆତ୍‍ତଣ୍ଡ୍, ଅନ୍‌ ଗରିବ୍ ତଡ଼୍ ମିଡ଼୍ ଗାଲା ବେଲା ସାଉକାର୍ ଆଦ୍ ପାର୍‍ଦ୍‍ତିନ୍ ।

ଗାଲାତୀୟ 5:22

ଇତ୍‍କେ ପବିତ୍ର ଆତ୍ମାନ୍‍ ଦାନ ଆଦୁତ୍‍ ପ୍ରେମ, ୱେଡ଼୍‍କେ, ଶାନ୍ତି, ଦର୍ଯ୍ୟ, ଉପକାର୍, ସାୟେତଣ୍ଡ୍‍, ବିଶ୍ୱାସ୍‍ତଣ୍ଡ୍‍

ଏଫିସିୟ 2:18

କ୍ରିଷ୍ଟନ୍ ତଡ଼୍ କେ ଇହୁଦି ନୁ ଅଣଇହୁଦିଡ଼୍ ସାରେତଡ଼୍ ଅଣ୍ଡୟ୍‌ ଆତ୍ମାତେ ବାବାନ୍ ମୁନେ ୱାଦାନ୍ ସେଙ୍ଗେ ସାହାସ୍‍ ଆତ୍‍ତମ୍ ।

ଏଫିସିୟ 2:22

ଅନାଦ୍‌ ଶକ୍ତିତଡ଼୍ ମିଡ଼୍‍ ଆନ୍‌ତେ ବାଗାତ୍ ସାରେତଡ଼ାଦ୍‍ ତଡ଼୍‍ ଆତ୍ମା ଲେକାମ୍ ଇଶ୍ୱର୍‌ତେ ମାନ୍ଦାନ୍‍ ସେଙ୍ଗେ ୱେରଡ଼୍ ଲନ୍‍ ଲେକାମ୍ ତିଆର୍ ଆତ୍‍ତେ ।

ଏଫିସିୟ 5:9

ବାତେଙ୍କ୍‍ଇତ୍‍କେ ୱେସ୍ ସାର୍‍ରେ ପ୍ରକାର୍‍ ସାୟେତ୍ ଗୁନାମ୍, ଦାର୍ମାମ୍ ନୁ ସତ୍ ପେସ୍ପିତ୍ ।

ଏଫିସିୟ 6:23

ବାବାଲ୍ ଇଶ୍ୱର୍ ନୁ ପ୍ରବୁ ଜିସୁ କ୍ରିଷ୍ଟ ବିଶ୍ୱାସି ଦାଦାଲଡ଼୍‍ ନୁ ଏଲାସ୍କିଙ୍କ୍ ଶାନ୍ତି, ପ୍ରେମ ନୁ ବିଶ୍ୱାସ୍ ଇୱିଣ୍ଡ୍ ।

ଫିଲିପିୟ 2:1

କ୍ରିଷ୍ଟନ୍‍ତଡ଼୍ କାଇଲି ମାନ୍ଦାନ୍ ନଡ଼୍‍ ମିଇ ଜିୱେତାଗ୍ ଡାଟାମ୍‍ ଆଦ୍‍ତିଡ଼୍, ମେଣ୍ଡେ ଅନାଦ୍‌ ପ୍ରେମ ମିକିଂଙ୍କ୍ ସାନ୍ତନା ଇଦୁତ୍ । ମିଡ଼୍ ପବିତ୍ର ଆତ୍ମାତଡ଼୍ ସାହାସ୍‍ତେ କଷ୍ଟ ମାଡ଼ୁତିଡ଼୍ ନୁ ନିଜେ ନିଜେ ଲୋପେ ମିୟାଦ୍ ପ୍ରେମ ନୁ ଦୟା ମିନ୍ଦେ ।

୧ ଯୋହନ୍‌‌ 1:3

ବାତେ ମାନାଡ଼୍ ନିଜାମ୍‍ତେ ଉଡ଼ୁତାଡ଼୍ ନୁ କେଞ୍ଜୁତାଡ଼୍, ମାତର୍ ଆଦ୍ ଗଟ୍ ମିଇ ଗାରେ କେତୁତମ୍ । ଇଦ୍ କେଞ୍ଜି ବାବାଲ୍ ଇଶ୍ୱର୍ ନୁ ତାନ୍ ମାର୍‍ ଜିସୁ କ୍ରିଷ୍ଟନ୍ ତଡ଼୍ ମାମେ ବେନ୍ ସାରେ ବିଷୟ ମିନ୍ଦେ, ଆଗେ ମିଡ଼୍ ବାଗିଦାର୍‍ ଆଦ୍‍ତିଡ଼୍ ।

୧ ଯୋହନ୍‌‌ 3:16

ମାନ୍‍ ସେଙ୍ଗେ କ୍ରିଷ୍ଟନାଦ୍ ଜିୱୁଣ୍ଡ୍ ଇତ୍‍ତାଗାଙ୍କ୍ ମାନାଡ଼୍ ପ୍ରେମ ଶିକ୍ଷା ମାଡ଼ୁତମ୍ । କ୍ରିଷ୍ଟିୟାନ୍‍ ଏଲାଡ଼୍‍ତାମୁଙ୍କ୍ ସେଙ୍ଗେ ଜିୱୁଣ୍ଡ୍‍ ଇଦାନଙ୍କ୍ ମାନାଡ଼୍ ମିକା ତିଆର୍ ଆସ୍ ମାନ୍ଦାନାଦ୍ ସାୟେ ।

୧ ଯୋହନ୍‌‌ 3:24

ବେନ ଆୟି ଇଶ୍ୱର୍‌ତେ ଆଜ୍ଞା ପାଲନ୍ ମାଡ଼ିତନ୍, ଅଣ୍ଡ୍‌ ଇଶ୍ୱର୍‍ ମାନ୍ଦାନାଦ୍‍ ପୁନ୍ଦେପାର୍‍ଦ୍‍ତଣ୍ଡ୍‍, ଅନ୍‌ ହୃଦୟତାଗ୍ ଇଶ୍ୱର୍‍ ମାନ୍‍ତଣ୍ଡ୍‍ । ଇଶ୍ୱର୍ ମାନ୍‍ ହୃଦୟତାଗ୍ ମାନ୍‍ତଣ୍ଡ୍‍, ଇଦ୍ ଗଟ୍ ମାନାଙ୍କ୍ ଇତ୍‍ତେ ଅନାଦ୍‌ ଆତ୍ମା ସାହାଯ୍ୟତେ ମାନାଡ଼୍ ପୁନ୍ଦାନଙ୍କ୍‍ ପାର୍‍ଦୁତାଡ଼୍ ।

ଯିହୁଦା 1:21

ପ୍ରବୁ ଜିସୁ କ୍ରିଷ୍ଟଟନ୍ ଅନୁଗ୍ରମାମେ ଆୟମ୍‌ ସାର୍ରେଦିନେତ୍ ଜିୱୁଣ୍ଡ୍ ପାଏମ୍ ଆଦାନ୍ ସେଙ୍ଗେ କେପି ଇଶ୍ୱର୍‌ତେ ପ୍ରେମତାଗ୍ କଟ ଆସ୍ ମାନୁଟ୍ ।