୨ କରନ୍ତିୟ 12:21 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

²¹ ଇଞ୍ଜେ ମିଇ ପାକେ ଆଦାନ୍ ୱେଲେ ଆଲେନ୍ ଇଶ୍ୱର୍ ମିଇ ସାକ୍ଷାତ୍‍ତେ ନାକିଂଙ୍କ୍ ଅୟିରାଣ ମାଡ଼ିତଡ଼୍, ବେନଡ଼୍ ମୁନେଙ୍କ୍‍କଞ୍ଜ ପାପ୍ ମାଡ଼୍‍ତଡ଼୍, ବାତେଙ୍କ୍ ଇତ୍‍କେ ଅଡ଼ାଦ୍‌ ଅଶୁଚି ପାଡ଼୍‍ୟି ମାଡ଼୍‍ତାଦ୍‍, ବାଣ୍ଡା ନୁ ବ୍ରଷ୍ଟାଚାର୍ ସେଙ୍ଗେ ଅନୁତାପ୍ ଆୟ୍‍ୟଡ଼୍, ଇଦ୍‍ଲେକାମ୍ ନାର୍‍ଗେ ନାରୁଡ଼୍ ସେଙ୍ଗେ ନାକିଂଙ୍କ୍ ଦୁଃକାମ୍ ମାଡ଼ାନଙ୍କ୍ ଆଦ୍‍ତେ ।

୨ କରନ୍ତିୟ 12:21 ပူးပေါင်းရင်းမြစ်များ

ରୋମୀୟ 13:13

କାରାପ୍ ବଗ୍‍ବିଲାସ୍, କାଲ୍ ଉଞ୍ଜ୍ ଅସିମାନ୍ଦାନାଦ୍, ନିତିନିୟମ୍‍ ମାନେମ୍‍ ଆୟ୍‍ୱାଦ୍, କାରାପ୍ ବ୍ୟବହାର୍‌, ଇର୍ଷା, ଗଲ୍‍କ୍ ସାର୍ରେତାୱ୍ ମାଡ଼କଟ୍ ୱାଡ଼ାଟ୍, ୱେସିନାଗ୍ ସାୟେତ୍‍ ପାଡ଼୍‍ୟି ମାଡ଼ାନ୍ ନାରୁଡ଼୍ ଲେକାମ୍ ବଦ୍ର ଇନା ବ୍ୟବହାର୍‌ ମାଡ଼ିକାଡ଼୍ ।

ରୋମୀୟ 9:2

ନାନ୍ ଜେ ବେସର୍ ତିପାଲ୍ ନୁ ଗାଟି ଦୁଃକାମ୍‍ତେ ନା ଜିୱୁଣ୍ଡ୍‍ତାଗ୍‍ ବେସର୍ ପୁଃଉତେ, ଇଦ୍ ଗଟ୍ ନାନ୍ ବୁସା ମାଡ଼ି କେଲନ୍ ।

୧ କରନ୍ତିୟ 5:1

ନିଜାମେ କେଞ୍ଜମିନ୍ଦେମ୍ ଯେ, ମିଇ ଲପେ ବ୍ୟବିଚାର୍ ମିନ୍ଦେ, ଇଦ୍‌ଲେକାତ୍ ବ୍ୟବିଚାର୍, ବାତାକି ୱେର୍‌ ଜାତିନଡ଼୍‌ ଲୋପେ ବା ତଅନ୍‌ଦ, ଇଦ୍‌ଲେକେମ୍‌ କି ୱେରନ୍ ତାମ୍ ବାବାନ୍ ପାୟେତ୍ ମୁତେଙ୍କ୍ ନେଃଏସ୍ ମିନ୍‌ନ୍ଦେନ୍ ।

୨ କରନ୍ତିୟ 10:6

ମିଡ଼୍ ପୁରାପୁରି ଲେକାମ୍ କ୍ରିଷ୍ଟନ୍‍ ଅନୁଗତ ସ୍ୱିକାର୍ ମାଡ଼ାନ୍ ପେର୍‍କେ ମିଇ ଲୋପେ ମେଣ୍ଡେ ବାତେବା ଅବାଦ୍ୟତା ତଅନ୍‌ଦ୍‍କେ, ତାନାଦ୍ ପ୍ରତିକାର୍ ମାଡ଼ାନଙ୍କ୍ ମାମ୍‍ମେ ତିଆର୍ ।

୨ କରନ୍ତିୟ 12:7

ଇଦ୍ ବାଗାତ୍ ମାନ୍ଦାନ୍ ଦେଶ୍‍କିନାଗ୍ ଲାବ୍ ମାଡ଼ି ନାନ୍ ବେଲାନ୍ ଆଂକାର୍ ଆଦାଙ୍କ୍‍ ଆୟ୍‍ୟ, ଆଦିନ୍ ସେଙ୍ଗେ ନା ମେନ୍ଦୁଲ୍‍ତାଗ୍ ୱେରଡ଼୍ ଯନ୍ତ୍ରନାଲେକାତ୍ ବ୍ୟାଦି ଇତ୍‍ତଡ଼୍, ଇଦ୍ ନାକିଂଙ୍କ୍ ଆଶେ ଆୟ୍‍ୱାଙ୍କ୍ ଶୟତାନ୍‍ତେ ଦୂତ୍‍ତିଙ୍କ୍ ରତ୍‍ତତେ ।

୨ କରନ୍ତିୟ 13:2

ମୁନେଙ୍କ୍ ପାପ୍ ମାଡ଼ିମାନ୍ଦାନ୍ ନାରିଡ଼୍‍କ୍ ନୁ ବାଗାତଡ଼୍‍କ୍ ନାନ୍ ରେଣ୍ଡେ ଦାମ୍ ଆଗେ ଆଞ୍ଜ୍ କେସ୍‍ମାତ୍‍ତାନ୍ ନୁ ଇଞ୍ଜେ ଯେକା ମାଞ୍ଜ୍ ମିକା କେତୁତାନ୍ ଯେ, ନାନ୍‍ନେ ଇଞ୍ଜେ ଆତ୍‍କେ, ବେନ ଦଣ୍ଡତାଗାଙ୍କ୍ ୱିଡ଼୍‍ସ୍‍ ପାର୍‍ୱଡ଼୍ ।

୨ କରନ୍ତିୟ 8:24

ଅଡ଼୍‌‍କିଂଙ୍କ୍ ମିୟାଦ୍ ପ୍ରେମ ତମୁଟ୍ । ଆଲାଆତ୍‍କେ ସାରେ ମଣ୍ଡଲି ଇଦ୍ ବିଷୟ୍‍ତେ ନିଜାମ୍ ଆଦ୍‍ତେ ନୁ ମିଇ ସେଙ୍ଗେ ମାମ୍‍ମେ ମାଡ଼ମାନ୍ଦାନ୍ ଗର୍ବ ସତ୍ ଇଞ୍ଜ ବୁଜେମ୍ ଆଦ୍‍ପାର୍‍ଦ୍‍ତଡ଼୍ ।

ଗାଲାତୀୟ 5:19

ମେନ୍ଦୁଲ୍‍ତାୱୁ ପାଡ଼୍‍ୟି ସାରେ ତ ସାୟେ ପୁତ୍‍ତାଡ଼୍, ଦାରି ପାଡ଼୍‍ୟି, ଅଶୁଚି, କାମନା ବା କାରାପ୍‍ ପାଡ଼୍‍ୟି,

କଲସୀୟ 3:5

ମିଇ ଜିୱେତ୍‍ ଲୋପେ ପାଙ୍ଗ୍‍ ମାଡ଼ାନ୍ ଜଗତ୍‍ତେ ପାଡ଼୍‍ୟି ଆତ୍‍ତେ-ଲାଲସା, ପିନ୍ଦଲାଦ୍, ଇନ୍ଦ୍ରିୟଶକ୍ତି, କୁଆବିଲାଷ ନୁ ଲୋତ୍‍ତିଙ୍କ୍ ମିଡ଼୍ ବିନାଶ୍ ମାଡ଼ାଟ୍ । ଲୋବ୍ ପୁତ୍‍ଲାମ୍‍ ପୁଜାତେ ୱେରଡ଼୍ ରୁପ୍ ।

ଏବ୍ରୀ 13:4

ପେଣ୍ଡୁଲ୍‍ ସାରେତଡ଼୍ କଣ୍ଡେତେ ସାରେ ପୁରା ଆୟି, ମୁଦ୍‍ପାନଡ଼୍ ନୁ ମୁତେ ନିଜେ ନିଜେଲୋପେ ପାପ୍‍ ମାଡ଼୍‍ୱେ ମାନୁଟ୍ । ଇଶ୍ୱର୍‍ ଲାଲସା ନୁ ବେବିଚାର୍‍ଡ଼୍‍ ବିଚାର୍ ମାଡ଼ିତଣ୍ଡ୍ ।

୨ ପିତର୍‌ 2:18

ଅଡ଼୍‌ ଆଂକାର୍‍ତେ ନିଣ୍ଡ୍‍ତଡ଼୍ କାରାପ୍ ଗଟି କେସମାନ୍‍ନ୍ତଡ଼୍; ଦସଂକାରୀଡ଼ାଗାଙ୍କ୍ ରକ୍ଷା ଆସ୍ ମିରି ୱାସମାନ୍ଦାନ୍ ନାରୁଡ଼୍‍କିଙ୍କ୍ ନିଚ୍‌ ଶାରିରିକ କାମ୍‍ତେ ମାୟା ତଅସ୍ ଉଡ଼୍‍ୟିତାଗ୍ ୱାଟିତଡ଼୍ ।

ଯିହୁଦା 1:23

ମାୟାତାଗ୍ ରାଲି ଡଲାନ୍ ନାରୁଡ଼୍‍କିଂଙ୍କ୍ କିସ୍‍ତାଗାଙ୍କ୍ ରକ୍ଷା ମାଡ଼ାଟ୍ । ମେଣ୍ଡେ ବେସ୍କ୍‍ତୁଡ଼ାଦ୍ ପାପାମ୍ କାର୍‍କେ ପୟ୍‍ତେ ସିଲେତିଙ୍କ୍ ମିକା ପାସ୍‍କାଟ୍, ଇତ୍‍କେ ୱେର୍ରେତଡ଼୍ ଅଡ଼୍‌‍କିଂଙ୍କ୍ ଦୟା ତଅମୁଟ୍ ।

ଯିହୁଦା 1:7

ସଦୋମ୍‍ ନୁ ଗମୋରା ମେଣ୍ଡେ ତାନ୍ ବକେତ୍ ମାନ୍ଦାନ୍ ନଗରିକିନ୍ ଦସା ଏର୍କା ମାଡ଼ାଟ୍ । ଅଡ଼୍‌ ଆୱୁ ଦୂତକିନ୍ ରକମ୍ ବ୍ୟବହାର୍‌ ମାଡ଼ି ଇନ୍ଦ୍ରିୟ ଲାଲସା ନୁ କାରାପ୍ ପାଡ଼୍‍ୟିତାଗ୍ ମୁଡ଼ୁନ୍ଦି ଆଦ୍‍ତଡ଼୍ । ମେଣ୍ଡେବାଗାତଡ଼୍‍କିଂକ୍ ସତର୍କ ମାଡ଼ାନ୍ ସେଙ୍ଗେ ଅଡ଼୍‌ ସାରେଦିନେ ନିଡ଼୍‍ତାନାଦ୍ କିସ୍‍ତାଗ୍ ଦଣ୍ଡ୍ ପାଏମ୍ ଆଦୁତଡ଼୍‍ ।

ପ୍ରକାଶିତ୍‌ ବାକ୍ୟ 21:8

କିନ୍ତୁ କାପୁରୁଷ, ବିଶ୍ୱାସ୍‍ଗାତତନ୍, ବିକୃତଚିରିତ୍ର, ନରଅନ୍‌ତା, ଲମ୍ପର, ତନ୍ତ୍ରମନ୍ତ୍ରସାବକ୍, ମୁର୍ତ୍ତିକିଙ୍କ୍ ପୁଜାନଡ଼୍‍ ନୁ ମିତ୍ୟାବାଦିଡ଼୍ ଅଡ଼୍‌ ସାରେତଡ଼୍ ବ୍ରଷ୍ଟାଚାରିଡ଼୍‍ନଡ଼୍ ତିଆର୍‍ ଆସ୍‍ମାନ୍ଦାନ୍ ପଡ଼ିୟେ ଅଦୁତ୍, ଗନ୍ଦକ କିସ୍ ନିଡ଼୍‍ସ ମାନ୍ଦାନ୍ ସାୱୁଡ଼େ ଆଗେ ଅଡ଼୍‌ ତୃତିୟଦାମ୍ ଡଲିତଡ଼୍ ।”

ପ୍ରକାଶିତ୍‌ ବାକ୍ୟ 22:15

କିନ୍ତୁ ବିକୃତଚରିତ୍ର, ତନ୍ତ୍ରମନ୍ତ୍ର ମାଡ଼ାନଣ୍ଡ୍, ନରହନ୍ତା, ମୁର୍ତ୍ତିପୂଜାକି, ମିତ୍ୟାବାଦିଡ଼୍, ପ୍ରାତାରକ୍ ସାରେ ବ୍ରାଷ୍ଟାଚାରୀଡ଼୍ ସାରେତଡ଼୍ ନାର୍‍ ବାଇଦେ ମାନ୍‍ତଡ଼୍ ।

ପ୍ରକାଶିତ୍‌ ବାକ୍ୟ 22:20

ବେନ ଇଦ୍ ସାରେ ବିଷୟତେ ସାକ୍ଷ୍ୟ ଇଦୁତନ୍, ଅଣ୍ଡ୍‌ କେତୁତନ୍, “ଇଦ୍ ନିଜାମ୍‍ । ନାନେ ଜାପେ ୱାଦୁତାନ୍ ।” ଆଲେକେ ଆୟି । ପ୍ରବୁ ଜିସୁ ୱାଡ଼ିଣ୍ଡ୍‍ !