୨ କରନ୍ତିୟ 10:5 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁵ ଇଶ୍ୱର୍‌ତେ ଜ୍ଞାନ୍‍ତିଙ୍କ୍ ବିରୁଦ୍ ମାଡ଼ମାନ୍ଦାନ୍ ସାରେତଡ଼୍ ଆଡାମ୍‍ ଆଦାନଡ଼୍‍କ୍ ମାମ୍‍ମେ ଉୱୁତିତମ୍ ନୁ ନାରୁଡ଼୍‍ତେ ସାରେ ଚିନ୍ତେ ଆୟତ୍ ମାଡ଼ି କ୍ରିଷ୍ଟନ୍ କାହିଲି ମାଡ଼ିକାଡ଼୍ ।

୨ କରନ୍ତିୟ 10:5 ပူးပေါင်းရင်းမြစ်များ

ମାତିଉ 15:19

ବାତେଙ୍କ୍ ଇତ୍‍କେ ହୃଦୟ୍‍ତାଗ୍ କାରାପ୍ ଚିନ୍ତେ, ଆୱୁକାନାଦ୍, ବ୍ୟାବିଚାର୍, ଲାଞ୍ଜେକାମ୍‌, ଚୋର୍ଯ୍, ମିଚ୍‌ କେତାନାଦ୍‌ ନୁ ନିନ୍ଦ୍ ପେଇତିତ୍‍;

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 1:51

ଅଣ୍ଡ୍‌ ତାନ୍‍ୱାଦ୍ କାଇତାଦ୍ ଶକ୍ତିତିଙ୍କ୍ କେତ୍‍ତଣ୍ଡ୍, ଆଂକାର ମାଡ଼ମାନ୍ଦାନ୍ ନାରୁଡ଼୍‍କ୍ ତାମ୍ ହୃଦୟ୍‍ତେ ଆଲ୍‍ସାନାଦ୍‍ ୱେରେୱେରେ ମାଡ଼ିମିନ୍ଦେଣ୍ଡ୍,

ରୋମୀୟ 1:21

ବାତେଙ୍କ୍ଇତ୍‍କେ ଅଡ଼୍‌ ଇଶ୍ୱର୍‌ତିଙ୍କ୍ ପୁଞ୍ଜ୍ ଅଂକିଙ୍କ୍‌ ଇଶ୍ୱର୍ ଇଞ୍ଜ ଗୌରବ୍ ମାଡ଼ଡ଼୍‍ କି ଦନ୍ୟବାଦ୍ ଇୱଡ଼୍, ଅଡ଼୍‌ ତାମ୍‍ତାମ୍ ଯୁକ୍ତିତର୍କ ଆଦ୍‍ତଡ଼୍ ନୁ ଅଡ଼ାଦ୍‌ ବୁଦ୍‍ଇଲ୍‍ୱାଦ୍ ମନ୍ ଇକାଡ଼୍ ଆତ୍‍ତେ;

ରୋମୀୟ 1:5

କ୍ରିଷ୍ଟନ୍‍ ସେଙ୍ଗେ ଇଶ୍ୱର୍ ନାକିଙ୍କ୍‍ ପ୍ରେରିତ୍‍ ଶିଷ୍‍ ଲେକାମ୍‍ ଏଞ୍ଚି ସାର୍ରେ ଅଣଯିହୁଦୀଡ଼୍‍ ନାରୁଡ଼୍‍ ଲୋପେ ପ୍ରଚାର୍‍ ମାଡ଼ାନଷଙ୍କ୍‍ ସୁଯୋଗ୍‍ ଇତ୍‌ତଣ୍ଡ୍‌‍; ବେଲାକି ଅଡ଼୍‌‍ କ୍ରିଷ୍ଟ ଜିସୁନାଗ୍‍ ବିଶ୍ୱାସ୍‍ ମାଡ଼ି ଅନ୍‌‍ ଗଟି ମାନେମ୍‍ ଆଦ୍‍ତଡ଼୍‍ ।

ରୋମୀୟ 16:26

ଆଦିଙ୍କ୍‍ ଆୱୁ ଲୋପେତ୍ ବିଷୟ ସାର୍ରେ ବାବବାଦିଡ଼୍ ଶାସ୍ତ୍ରତାଗ୍ ତଅନ୍‌ଦିମିନ୍ଦେ ମେଣ୍ଡେ ଆଦ୍ ଇଞ୍ଜେ ସାରେଦିନାତ୍ ପ୍ରବୁ ଇଶ୍ୱର୍‌ତଡ଼୍ ସାର୍‍ରେ ନାରୁଡ଼୍‍ ଲପେ ପ୍ରଚାର୍ ଆଦୁତ୍‍ତେ । ଇଦିନ୍‍ତଡ଼୍ ସାର୍ରେତଡ଼୍ ବିଶ୍ୱାସ୍ ମାଡ଼ି ଇଶ୍ୱର୍‌ତେ ନିୟମ୍ ପାଲନ୍ ମାଡ଼େ ପାର୍‍ଦ୍‍ତଡ଼୍ ।

ରୋମୀୟ 7:23

ଇତ୍‍କେ ନାନ୍ ନାୱାଦ୍ ମେନ୍ଦୁଲ୍‍ତାଗ୍ ଅଣ୍ଡୟ୍‌ ୱେର୍ରେ ନିୟମ୍ ଉଡ଼ିତାନ୍, ଆଦ୍ ନାୱାଦ୍ ମନ୍‍ତାଦ୍ ନିୟମ୍ ବିରୁଦ୍‍ତେ ଯୁଦ୍‌ ମାଡ଼ିତ୍, ମେଣ୍ଡେ ନାୱାଦ୍ ମେନ୍ଦୁଲ୍‍ତାଗ୍ ବେନ୍ ପାପ୍‌ ନିୟମ୍ ମିନ୍ଦେ, ନାକିଂଙ୍କ୍ ଆଗେତ୍ ବନ୍ଦି ମାଡ଼ିତେ ।

୧ କରନ୍ତିୟ 1:19

ବେଲାକି ବାଇବଲ୍‍ତାଗ୍‌ ଲେକାମିନ୍ଦେ, “ନାନ୍ ଜ୍ଞାନି ନାରୁଡ଼ାୱୁ ବୁଦ୍ ପେଏଦ୍ ମାଡ଼ିତାନ୍, ବୁଦ୍‍ ନାରୁଡ଼୍ ବୁଜେମ୍ ଆଦାନାଦିଙ୍କ୍ ବେକାର୍‍ ମାଡ଼ିତାନ୍ ।”

୧ କରନ୍ତିୟ 3:19

ବାତାଙ୍କ୍ ଇତ୍କେ ପରମେଶ୍ୱରନ୍‌ କଣ୍ଡେତେ ବୁଦ୍‍ତାଦ୍‌ ଜ୍ଞାନ୍‌ ନିଜାମ୍‌ ମୁର୍କତ୍‌ ଲେକେତ୍‍ । ଦର୍ମଶାସ୍ତ୍ର କେତିତ୍‌; “ବେସୁଙ୍କ୍‍ କି ଜ୍ଞାନିନାରୁଡ଼୍ ତାମ୍‌ ଚାଲାକ୍‌କେ ମାନ୍‌ତଡ଼୍‌, ପରମେଶ୍ୱର୍ ଆସୁଙ୍କ୍ ଅଡ଼୍‌‌କିଂଙ୍କ୍‌ ପଇତିତଣ୍ଡ୍‍ ।”

୨ କରନ୍ତିୟ 11:20

ବେନ୍ ମିଇ ପରୁ ଦାସ ଲେକାମ୍ ପ୍ରବୁତ୍ୱ ବିସ୍ତାର୍‍ ମାଡ଼୍‍କେ, ମୀଇୟାଦ୍ ସାରେପାକ୍ ଆଦ୍‍ପ୍ତା ମାଡ଼୍‍କେ, ମିକିଂଙ୍କ୍ ଉଡ଼ୀଇଦାଗ୍ ୱାଟ୍‍କେ, ମିକିଂଙ୍କ୍ ଗୃଣାମାଡ଼୍‍କେ, ଇଦ୍‍ଲେକାମ୍ କି ମିଇ ବୁକ୍‍ତାଗ୍ ଚାପୁଡ଼ା ରେହେକେ ମିକା ମିଡ଼୍ ଅଂକିଙ୍କ୍‌ ବର୍‍ଦାସ୍ ମାଡ଼ିତିଡ଼୍ ।

୨ କରନ୍ତିୟ 9:13

ଇଦ୍‍ ସେବା ପାଡ଼୍‍ୟି ତଡ଼୍ କ୍ରିଷ୍ଟନ୍ ସୁସମାଚାର୍‌ତେ ସେଙ୍ଗେ ମିୟାଦ୍ ବିଶ୍ୱାସ୍ତେ ସେଙ୍ଗେ ନୁ ସାରେତଡ଼୍ ତଡ଼୍ କାଇଲି ମିକା ମିଡ଼୍ ବେନ୍ ପ୍ରସଂଶା ମାଡ଼୍‍ତିଡ଼୍, ଆଦିନ୍ ସେଙ୍ଗେ ଅଡ଼୍‌ ଇଶ୍ୱର୍‌ତିଙ୍କ୍ ଗୌରବ୍ ମାଡ଼ିତଡ଼୍ ।

ଫିଲିପିୟ 4:7

ଆଲେକେ ନାରୁନାଦ୍ ଡଲାନାଦ୍ ଅଗମ୍ୟ ଇଶ୍ୱର୍‌ତେ ଶାନ୍ତି କ୍ରିଷ୍ଟ ଜିସୁନାଦ୍ ସାହାଚର୍ଯ୍ୟତେ ମିୟାଦ୍ ହୃଦୟ୍ ନୁ ମାନ୍‍ଦିଙ୍କ୍ ସୁରକ୍ଷା ମାଡ଼ିତେ ।

୨ ଥେସଲନିୟ 2:4

ଆଦ୍ କାରାପ୍ ଆତ୍ମା ନାରୁଡ଼ାଦ୍ କେତାନାଦ୍ ସାର୍‍ରେ ପୁଜାମାଡ଼ାନ୍ ଦେୟାମ୍ ନୁ ଉପାସ୍ୟ ବସ୍ତୁତାଦ୍ ବିରୁଦ୍‍ ଆଚରନ୍ ମାଡ଼ିତ୍ ନୁ ନିଜେତିଙ୍କ୍ ସାର୍ରେତ୍ ପର୍‍ର ନେଃତାନଙ୍କ୍ ପାର୍‍ଦ୍‍ତେ । ଇଦ୍ ରକମ୍ କି ଅଣ୍ଡ୍‌ ଇଶ୍ୱର୍‌ତେ ମନ୍ଦିର୍‌‍ତାଗ୍ କୁଦି ନିଜେ ଇଶ୍ୱର୍ ଇଞ୍ଜ ଦାବୀ ମାଡ଼ିତ୍ ।

୨ ଥେସଲନିୟ 2:8

ତାନ୍ ପେର୍‍କେ ପାପଆତ୍ମା ହେକାମ୍ ଆଦ୍‍ତେ; ବାତେଙ୍କ୍ ଇତ୍‍କେ ବେସୁଙ୍କ୍‍ ପ୍ରବୁ ଜିସୁ ୱାଦ୍‍ତନ୍, ଅନ୍‌ ତାନ୍ ମକମ୍‍ତେ ନେହେସ୍‍କାନାଲ୍‌ଦ୍‍ ତଡ଼୍ ଦଂସ ମାଡ଼ିତନ୍, ନୁ ଅନ୍‌ ଜାଜଲ୍‌ଲ୍ୟମାନ୍ ଦିନ୍ ଏୱୁକେ ୱିଡ଼୍‍ସି ଆଦ୍‍ତନ୍ ।

ଏବ୍ରୀ 4:12

ଇଶ୍ୱରତେ ଗଟ୍‌ ଜିୱୁତାଦ୍‌ ନୁ ଆଦ୍‍ ବିଶ୍ୱାତେ ମିନ୍ଦେ । ଆଦ୍‌ ରେଣ୍ଡ୍‌ ୱାୟେ ସୁର୍‌କେସେର୍‌ ତାଗାଙ୍କ୍‍ ଗାଟି ଅଲ୍‌ତେ; ଆତ୍ମା ନୁ ଜିୱେ ମେଣ୍ଡେ ବୁଲା ନୁ ମେଦୁର୍‍ ୱେରେ ମାଡ଼ିତେ, ମେଣ୍ଡେ ନାରୁଡ଼୍‍ତେ ମନ୍‌ତାଗ୍‌ ଆଲ୍‌ସାନାଦ୍‌ ନୁ ଚିନ୍ତେ ମାଡ଼ାନାଦ୍‍ ବିଚାର୍‍ ମାଡ଼ିତ୍‍ ।

ଏବ୍ରୀ 5:9

ଇଦ୍‍ରକମ୍‍ ଇଶ୍ୱର୍ ଅଂକିଙ୍କ୍‌ ୱେରଣ୍ଡ୍‍ ସିଦ୍ଦ ବେଡ଼୍‍ୟେ ପୁଜାରି ଇଞ୍ଜ ଯୋଗ୍ୟ ବିବେଚିତ୍‍ ମାଡ଼୍‍ତଣ୍ଡ୍‍, ଅଣ୍ଡ୍‌ ତାନ୍ ଗଟି କେଞ୍ଜାନ୍ ନାରୁଡ଼୍‍ ମାଇଦିଙ୍କ୍‌ ସାରେ ଦିନାମ୍‍ତେ ମାଇଦିଙ୍କ୍‍ ପରିତ୍ରାଣତେ ଗୁଦାମ୍‍ ଆତ୍‍ତଣ୍ଡ୍‌ ।

୧ ପିତର୍‍ 1:2

ମୀଇଡ଼୍ ବାବାଲ୍ ଇଶ୍ୱର୍‌ତେ ଆଲ୍‍ସାନ୍ ମନ୍‍ଦେ ଏଞ୍ଚ୍‍ତେନଡ଼୍ । ଜିସୁ କ୍ରିଷ୍ଟନ୍ ଗଟ୍ ପାଲନ୍ ମାଡ଼ି ଅନ୍‌‍ ନେତୁର୍‍ତେ ସୁସ୍ଥ ଆଦାନ୍ ସେଙ୍ଗେ ମୀଇଡ଼୍ ପରମାଆତ୍ମା ତଡ଼୍ ୱେରଡ଼୍ ପବିତ୍ର ଜିୱା ଆସ୍‍ମିନ୍ଦେଡ଼ି । ଇଶ୍ୱର୍‌ତେ ଅନୁଗ୍ରହ ନୁ ଶାନ୍ତି ନାର୍ଗେଆସ ମୀଇ ପରୁ ଆୟି ।

୧ ପିତର୍‍ 1:22

ଇଞ୍ଜେ ମିଡ଼୍ ସତ୍‍ତେ ପେର୍କେ ଆନ୍‌‍ନାଙ୍କ୍ ନିଜେ ନିଜେତିଙ୍କ୍ ଶୁଚି ମାଡ଼୍‍ତିଡ଼୍ ନୁ ବିଶ୍ୱାସ୍‍ତେ ଦାଦାନଡ଼କ୍ ପ୍ରେମ ମାଡ଼ାନଙ୍କ୍ ତିଆର୍ତେ ମିନ୍ଦେଡ଼ି । ନିଜେ ନିଜେତିଙ୍କ୍ ହୃଦୟତେ ପ୍ରେମ ମାଡ଼ାଟ୍ ।