୨ କରନ୍ତିୟ 10:14 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹⁴ ଆଦିନ୍ ସେଙ୍ଗେ ମାମ୍‍ମେ ମୁନେ କ୍ରିଷ୍ଟନ୍ ସୁସମାଚାର୍‌ ମିଇ ପାକେ ଆସ୍‍ମାନ୍ଦାନ୍ ସମୟ୍‍ତେ ବାତେବା ସୀମା ବାୟ୍‍ଦେତ୍‍ ପାଡ଼୍‍ୟି ମାଡ଼ମ୍ ।

୨ କରନ୍ତିୟ 10:14 ပူးပေါင်းရင်းမြစ်များ

ମାର୍କ 1:1

ଇଶ୍ୱର୍‌ତେ ମାର୍‍ ଜିସୁ କ୍ରିଷ୍ଟନ୍ ସୁସମାଚାର୍ ଇଦ୍‍ଲେକାମ୍ ଆରାମ୍ ଆତ୍‍ତେ ।

ପ୍ରେରିତ 20:24

ଇତ୍‍କେ ନା ସେଙ୍ଗେ ନାନ୍ ନାୟାଦ୍ ଜିୱୁଣ୍ଡ୍‍ତିଙ୍କ୍ ସୁଦୁର୍ ହେର୍କା ମାଡ଼ିତାନ୍ । ଇଶ୍ୱର୍‌ତେ ଅନୁଗ୍ରହ ବିଷୟ୍ ପ୍ରବୁ ଜିସୁ ବେନ୍ କବର୍ ସୁସମାଚାର୍ କେତ୍‍ତାନଙ୍କ୍ ନାକିଂଙ୍କ୍ ହିତ୍‍ତଣ୍ଡ୍, ଆଦ୍ ପୁରନ୍ ମାଡ଼ି ନାୟାଦ୍ ପ୍ରଚାର୍ ପାଡ଼୍‍ୟି ସାରେ ମାଡ଼ିତାନ୍; ଇସରେ ନାୟାଦ୍ ଇଚ୍ଛା ।”

ରୋମୀୟ 1:16

ବାତେଙ୍କ୍ଇତ୍‍କେ ନାନ୍ ସୁସମାଚାର୍‍ତିଙ୍କ୍ ସିଗ୍ ମାଡ଼ନ୍, ଆଦ୍ ସାର୍‍ରେ ବିଶ୍ୱାସିଡ଼୍‍କିଂଙ୍କ୍ ପରିତ୍ରାଣ୍ ସେଙ୍ଗେ ଶାତ୍‍ୱାମ୍‍, ମୁନେନ୍ ଯିହୁଦୀଡ଼ାଗ୍, ମେଣ୍ଡେ ଗ୍ରୀକ୍‍ ନାରୁଡ଼ାଗ୍ ।

ରୋମୀୟ 16:25

ୱାଡ଼ାଟ୍, ଇଶ୍ୱର୍‌ତିଙ୍କ୍ ଗୌରବ୍ ମାଡ଼ିତାଡ଼୍ । ନାନ୍ ପ୍ରଚାର୍ ମାଡ଼ମାନ୍ଦାନ୍ ଜିସୁ କ୍ରିଷ୍ଟନ୍ ବିଷୟ୍‍ତେ ସାୟେତ୍ କାବୁର୍ ନୁ ଯୁଗ୍‍ଯୁଗ୍ ପୟ୍‍ସ୍ ମିଞ୍ଜିମାନ୍ଦାନ୍ ଲୋପେତ୍ ତଥ୍ୟ ଲେକାମ୍ ମିୟାଦ୍ ବିଶ୍ୱାସ୍‍ତିଙ୍କ୍ ଗାଡ଼୍‍ସ୍ ନେଃଏସ୍ ମାନ୍ଦାନ୍ ସେଙ୍ଗେ ଇଶ୍ୱର୍ ପାର୍‍ଦ୍‍ତଣ୍ଡ୍ ।

ରୋମୀୟ 2:16

ବେନ୍ ଦିନ୍ ଇଶ୍ୱର୍ ନାୟାଦ୍ ସୁସମାଚାର୍ ଲେକାମ୍ ଜିସୁ କ୍ରିଷ୍ଟନ୍ ତଡ଼୍ ନାରୁଡ଼ାଦ୍ ମିଞ୍ଜିମାନ୍ଦାନ୍ ବିଷୟ୍‍ତିଙ୍କ୍ ବିଚାର୍ ମାଡ଼ିତନ୍, ଆଦ୍ ଦିନ୍ ଇଦ୍ ପେୟ୍‍ତିତ୍ ।

୧ କରନ୍ତିୟ 2:10

ବାତେଙ୍କ୍ ଇତ୍‍କେ ଇଶ୍ୱର୍ ତାନ୍ ଆତ୍ମାତେ ତଡ଼୍ ଆଦ୍ ମିଞ୍ଜ୍‍ତାୱ୍ ବିଷୟ ମାକିଂଙ୍କ୍ କେସ୍‌ମିନ୍ଦେଣ୍ଡ୍ । ଆଦ୍‌ ପରମଆତ୍ମା କେ ଇଶ୍ୱରତାଦ୍ ଲୋପେତ୍ ଏର୍କାତିଙ୍କ୍ ମେଦ୍‌କି ମିନ୍ଦେଣ୍ଡ୍ ।

୧ କରନ୍ତିୟ 3:10

ନାକିନ୍‌ ଇତ୍‌ତାଦ୍‌ ଇଶ୍ୱରନ୍ ଅନୁଗ୍ରହ ଇସାବ୍‌ତେ ନାନ୍ ୱେରନ୍ ବୁଦ୍ଦ୍‌ତନ୍ ଲୋନ୍‌ ମାଡ଼ାନ୍ ଲେକାମ୍ ବିତ୍ତିମୁଲ ତିଆର୍‌ କିତ୍‍ତାନ୍‌, ମେଣ୍ଡେ ୱେରଣ୍ଡ୍ ତାନ୍‌ପର୍ର ମାଡ଼ିମିନ୍ଦେଣ୍ଡ୍ । ବାତେଙ୍କ୍ ଇତ୍‍କେ ସାର୍ରେତଡ଼୍‌ ତାନ୍‌ପର୍ର ମାଡ଼ିମିନ୍ଦେଡ଼୍, ଆଦିନ୍‌ ସେଙ୍ଗେ ଜତନ୍‌ତେ ମାନ୍ଦାନାଦ୍‌ ।

୧ କରନ୍ତିୟ 4:15

କ୍ରିଷ୍ଟିୟାନ୍ ଜିୱୁଣ୍ଡ୍‍ତାଗ୍ ମିକିଂଙ୍କ୍ ନାର୍‍ଗେ ଦର୍ମଗୁରୁ ମାନ୍‍ତଡ଼୍ । ଇତ୍‍କେ ମିଇ ବାବାଲ୍ ୱେରଣ୍ଡ୍ । ମିଇ ଗାର୍ରେ ନେଲା କାବୁର୍ ପ୍ରଚାର୍ ମାଡ଼୍‍କେ କ୍ରିଷ୍ଟିୟାନ୍ ଜିୱୁଣ୍ଡ୍‍ତାଗ୍ ନାନ୍ ମିଇ ବାବାନ୍ ଲେକେ ।

୨ କରନ୍ତିୟ 2:12

କ୍ରିଷ୍ଟନ୍ ସୁସମାଚାର୍‌ ପ୍ରଚାର୍ ମାଡ଼ାନଙ୍କ୍ ତ୍ରୋୟା ଦୀପ୍‍ତାଗ୍ ହେଉସ୍ ନାନ୍ ଉଡ଼୍‍ତାନ୍, ଇଦ୍ ପାଡ଼ିୟିଦେ ସେଙ୍ଗେ ପ୍ରବୁ ଆର୍ ଟେଣ୍ଡିତ୍‍ତନ୍ ।

୨ କରନ୍ତିୟ 4:4

ଅଡ଼୍‌ ବିଶ୍ୱାସ୍ ମାଡ଼ଡ଼୍‍, ବାତେଙ୍କ୍‍ଇତ୍କେ ଅଡ଼୍‌ ମନ୍‍ତିଙ୍କ୍‌ ଇଦ୍ ଜଗତ୍‌ ନାରୁଡ଼୍‍କିଂଙ୍କ୍ ଶୟ୍‍ତାନ୍‍ କାନାଲ୍‌ ମାଡ଼ିତ୍‍ତେ । ମେଣ୍ଡେ ଇଶ୍ୱର୍‌ତେ ସାରେ ବିଷୟ କ୍ରିଷ୍ଟନ୍ ମାହିମାନିତ ସୁସମାଚାର୍‌ତେ ୱେସ୍ ଅଡ଼୍‌ ପାକ୍ ୱେସ୍ଆୟ ।

କଲସୀୟ 1:5

ବେସୁଙ୍କ୍‍ ସୁସମାଚାର୍‍ତେ ନିଜାମ୍‍ତାଦ୍‍ କାବୁର୍ ମିଇପାକେ ମୁନେଙ୍କ୍ ୱାତ୍‍ତେ, ମିଡ଼୍‍ ଆଦିନ୍ ତଡ଼୍ ଇତ୍‍ତାୱୁ ବର୍‍ସାତାଉ ଗଟି କେଞ୍ଜିମାତ୍‍ତିଡ଼୍ । ମିଡ଼୍ ବାତ୍‍ ବର୍‍ସା ମାଡ଼ିତିଡ଼୍, ବାତ୍‍ ମିଇ ସେଙ୍ଗେ ସ୍ୱର୍ଗତାଗ୍‍ ସୁରକ୍ଷିତ୍, ଆଦିନ୍ ପରୁ ମିଇୟାଦ୍ ବିଶ୍ୱାସ୍ ନୁ ପ୍ରେମ ମିନ୍ଦେ ।

୧ ତୀମତି 1:11

ଇଦ୍‍ ଉପଦେଶ୍‍ ଇଶ୍ୱର୍‌ତେ ଗୌରବ୍‍ ପ୍ରସଂଶା ସେଙ୍ଗେ ଆୟି । ଇଦ୍‍ ସାୟେତ୍‍ ଗଟ୍‍ ପ୍ରଚାର୍‍ ମାଡ଼ାନଙ୍କ୍‍ ଦାୟିତ୍ୱ ନାକିଙ୍କ୍‍ ଇତ୍‍ତଡ଼୍‍ ।