୨ କରନ୍ତିୟ 1:5 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁵ ମାନାଡ଼୍ କ୍ରିଷ୍ଟନ୍ ଗାଟି ଦୁଃକାମ୍ କଷ୍ଟତାଗ୍ ‍କାଇଲ୍‍ତାଙ୍କ୍ କ୍ରିଷ୍ଟନ୍ ତଡ଼୍ ଇଶ୍ୱର୍‌ତେ ମହାସାନ୍ତନାତେ ମିକା ତଡ଼୍ ଆଦେ ପାର୍ଦତାଡ଼୍ ।

୨ କରନ୍ତିୟ 1:5 ပူးပေါင်းရင်းမြစ်များ

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 2:25

ମେଣ୍ଡେ ଉଡାଟ୍, ଯିରୁଶାଲେମ୍ ତାଗ୍ ଶିମୀୟୋନ ପେଦେର୍ ତଣ୍ଡ୍ ୱେର୍‍ଣ୍ଡ୍ ଦାର୍ମିକ୍ ନୁ ଲେକେତ୍ ନାରୁଡ଼୍ ମାତ୍‍ତଣ୍ଡ୍; ଅଣ୍ଡ୍‌ ଇସ୍ରାଏଲ ତେ ଉଦ୍ଦାର୍‍ କର୍ତ୍ତାନ୍ କେପି ମାତ୍‍ତଣ୍ଡ୍, ମେଣ୍ଡେ ପବିତ୍ର ଆତ୍ମା ଅନ୍‌ ତଡ଼୍ ମାତ୍‍ତେ ।

ପ୍ରେରିତ 9:4

ଅଣ୍ଡ୍‌ ବୂମ୍‌ଦାଗ୍‍ ରାୟ୍‍ତଣ୍ଡ୍ ନୁ ଅଣ୍ଡୟ୍‌‍ଗଟ୍ କେଞ୍ଜ୍‍ତଣ୍ଡ୍, “ଶାଉଲ୍ ! ନିମ୍‍ ବାତେଙ୍କ୍ ନାକିଂଙ୍କ୍ ଗାଟିତିପାଲ୍ ମାଡ଼ୁତି ?”

ରୋମୀୟ 8:17

ବେଲାବା ମାନାଡ଼୍ ଇଶ୍ୱର୍‌ତେ ମାର୍‍କ୍, ଅନ୍‌ ନାରୁଡ଼୍ ସେଙ୍ଗେ ଇଦାନ୍ ଆର୍ଶିବାଦ୍‍ତାଗ୍ ମାନାଡ଼୍ ବାଗିଦାର୍ ଆଦ୍‍ତାଡ଼୍ । ମେଣ୍ଡେ କ୍ରିଷ୍ଟନ୍ ସେଙ୍ଗେ ଇଶ୍ୱର୍ ବାତ୍ ନେଃଏସ୍ ମିନ୍ଦେଣ୍ଡ୍, ଆଗେ ଗାଲା ମାନାଦ୍‍ ବାଗ୍ ମିନ୍ଦେ । ଯଦି ମାନାଡ଼୍ ଜିସୁନାଦ୍ ଦୁଃକାମ୍‍ତାଗ୍ ବାଗିଦାର୍ ଆତ୍‍ତାଡ଼୍, ଆଲେକେ ଅନ୍‌ ଗୌରବ୍‍ତାଗ୍ ଗାଲା ବାଗିଦାର୍ ଆଦ୍‍ତାଡ଼୍ ।

ଫିଲିପିୟ 1:20

ଜିୱେତାଗ୍ ବା ଡଲାନାଗ୍, ନାୟାଦ୍ ପାଡ଼ିୟିଦାଗ୍ ଗମାଡ଼୍ ମାଡକଟ୍ ସାରେ ସମୟ୍‍ତେ ନୁ ବିଶେଷତେ ଇଦ୍ ଦୁର୍ଦ୍ଦିନତେ ଶକ୍ତିତନ୍ ଆସ୍ ସାରେଲେକାମ୍ ବେଲାନ୍ ନାନ୍‍ନେ କ୍ରିଷ୍ଟଙ୍କ୍ ଗୌରବ୍‍ତେ ମାଡ଼ିତାନ୍, ଇଦ୍ କେ ନାୟାଦ୍ ଅଣ୍ଡୟ୍‌‍କେ ଆଶେ ନୁ ଆକାଂକ୍ଷା ।

ଫିଲିପିୟ 2:1

କ୍ରିଷ୍ଟନ୍‍ତଡ଼୍ କାଇଲି ମାନ୍ଦାନ୍ ନଡ଼୍‍ ମିଇ ଜିୱେତାଗ୍ ଡାଟାମ୍‍ ଆଦ୍‍ତିଡ଼୍, ମେଣ୍ଡେ ଅନାଦ୍‌ ପ୍ରେମ ମିକିଂଙ୍କ୍ ସାନ୍ତନା ଇଦୁତ୍ । ମିଡ଼୍ ପବିତ୍ର ଆତ୍ମାତଡ଼୍ ସାହାସ୍‍ତେ କଷ୍ଟ ମାଡ଼ୁତିଡ଼୍ ନୁ ନିଜେ ନିଜେ ଲୋପେ ମିୟାଦ୍ ପ୍ରେମ ନୁ ଦୟା ମିନ୍ଦେ ।

ଫିଲିପିୟ 3:10

ଇଞ୍ଜେ ନାୟାଦ୍ ଅଣ୍ଡ୍‌‍ଦାମ୍ ଇଚ୍ଛା ନାନ୍ ବେଲାନ୍ କ୍ରିଷ୍ଟଙ୍କ୍ ପୁନ୍ଦ୍‍ତାନ୍ ନୁ ଅନ୍‌ ମେଣ୍ଡେ ୱାଦାନ୍ ଶକ୍ତି ଏର୍କେ ମାଡ଼ିତାନ୍; ତାଙ୍କ୍ ତିପାଲ୍ ବାରେତେ ସାମାନ୍‌ବେଦନା ଏର୍କାମାଡ଼ି ଡଲ୍‍ତାଗେ ମିକା ଅନ୍‌‍ଲେକାମ୍ ଆଦ୍‍ତଣ୍ଡ୍

କଲସୀୟ 1:24

ଇଞ୍ଜେ ମି ସେଙ୍ଗେ ବେନ୍ ଦୁଃକାମ୍ କଷ୍ଟ ସେଙ୍ଗେ ନାନ୍ ୱେଡ଼୍‍କ୍‍ତାନ୍ । ବାତେଙ୍କ୍‍ଇତ୍କେ ନାୟାଦ୍ ମେନ୍ଦୁଲ୍‍ ଦୁଃକାମ୍‍ ତଡ଼୍ ନାନ୍ କ୍ରିଷ୍ଟନ୍ ମେନ୍ଦୁଲ୍ ଲେକାମ୍ ମଣ୍ଡଲି ପାକାଙ୍କ୍ କ୍ରିଷ୍ଟନ୍ ଦୁଃକାମ୍‍ତେ ବାକି ଦୁଃକାମ୍‍ତିଙ୍କ୍ ପୁରା ମାଡ଼ାନ୍‍ ସେଙ୍ଗେ ନାନ୍ ସାହାଯ୍ୟ ମାଡ଼ୁତାନ୍ ।

୨ ତୀମତି 3:11

ନାୟାଦ୍ କଷ୍ଟ ନୁ ଦୁଃକାମ୍ ମିଡ଼୍ ଆଦାଙ୍କ୍‌ ଆଦ୍‌ତିଡ଼୍ ଆଣ୍ଟିୟୋକ୍‌, ଇକନିୟା ନୁ ଲୁସ୍ତ୍ରା ତେ ନା ସେଙ୍ଗେ ଆଦେଲେକାମ୍ ତାଡ଼ନା ଗଟେମ୍ ଆସ୍‍ମାତେ; ନାନେ ଆଦ୍ ସହ୍ୟ ମାଡ଼ିମାତ୍‍ତାନ୍, ମେଣ୍ଡେ ପ୍ରବୁ ନାକିଙ୍କ୍ ଆଉସାରେତାଗାଙ୍କ୍ ଉଦାର୍ ମାଡ଼ିମାତ୍‍ତନ୍ ।

୧ ପିତର୍‍ 4:13

ମେଣ୍ଡେ ୱେଡ଼୍‍କାଟ୍, ବାତେଙ୍କ୍ଇତ୍କେ ମିଡ଼୍ କ୍ରିଷ୍ଟନ୍ ଦୁଃକାମ୍ କଷ୍ଟତେ ଅଂଶି ଆୟ୍‍ନାଦ୍ ଅନାଦ୍‌ ମୟିମା ପ୍ରକାଶ୍‍ ଆଦାନ୍ ୱେଲେ ମିଡ଼୍ ୱେଡ଼୍‍କେତେ ସାର୍‍ଦେ ଆଦ୍‍ତିଡ଼୍ ।