୧ ତୀମତି 6:10 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹⁰ ଅର୍ତଲୋବ୍ ସାରେତଡ଼୍ ଅନର୍ତତେ ମୁଲ । ବେନଡ଼୍ ସାରେଦାମ୍ ମାତର୍ ଅର୍ତାଗମନ୍ ପନ୍ଥା ମେହେକ ମାନ୍‍ତଡ଼୍, ଅଡ଼୍‌ ଦର୍ମବିଶ୍ୱାସ୍‍ତିଙ୍କ୍ ଆରାମାଡ଼ିତଡ଼୍, ମରିମାନତେ ମାତର୍ ନୁ ଦୁଃକାମ୍‍ତେ ଅଡ଼୍‌ ହୃଦୟ କଷ୍ଟ ଆଦ୍‍ତେ ।

୧ ତୀମତି 6:10 ပူးပေါင်းရင်းမြစ်များ

ମାତିଉ 13:22

କୟେ ମାଡ଼ାକ୍ ବେଦ୍‍ଲେକାମ୍ ବେସ୍‍କିଙ୍କ୍ ୱିଜେତିଙ୍କ୍ ଆଦ୍‍ପ୍ତା ମାଡ଼ିଦ୍‍ତେ, ଆଦେଲେକାମ୍ ହିଦ୍ ଜଗତ୍‍ତେ ଜଞ୍ଜାଲ ନୁ ଦନ୍ ସମ୍ପତିତ୍‍ତେ ଆଶେ ବେସ୍‌କ୍ ନାରୁଡ଼ାଗ୍ ହେଉସ୍ ମାନ୍ଦାନ୍ ଗଟ୍‍ତିଙ୍କ୍ ନଷ୍ଟ ମାଡ଼ିଦ୍‍ତେ ନୁ ଅଡ଼୍‌ ବାତେଏ ସୁପଲ୍ ଦର୍‍ସ୍‍କେ ପାର୍‍ୱଡ଼୍ ।

ମାତିଉ 23:13

ଆୟେ ଦର୍ମଗୁରୁ ନୁ ପାରୂଶୀଡ଼୍, ମିୟାଦ୍ ଶେଷ ଦଶା ବେସର୍ ବୟଙ୍କାର୍, ଆର୍ ଚଲ ଦାର୍ମିକ୍‍ମାନ୍ଦେ, ସର୍ଗରାଜ୍ୟତେ ଆସାନ୍ ଆର୍‍ଦିଙ୍କ୍ ବନ୍ଦ୍‍ ମାଡ଼ି ନେହେସ୍ ମିନ୍ଦେଡ଼ି । ନିଜେ ଆଦିନାଗେ ନେଙ୍ଗ୍‍ୱିଡ଼୍‍ ନୁ ବେନଡ଼୍ ନେଙ୍ଗାଙ୍କ୍ ଆଲ୍‍ସି ମାଡ଼ୁତଡ଼୍ ଅଡ଼୍‌‍କିଂଙ୍କ୍ ଆର୍ ୱିଡ଼୍‍ସିୱିଡ଼୍‍ ।

ମାତିଉ 6:19

“ହି ପୃତିବିତାଗ୍ ନିଜେତ୍ ସେଙ୍ଗେ ଦନ୍ ଗୁଡ଼୍‌ପାଟ୍ । ଇଗେତ୍‍ ସେଙ୍ଗେ, କାର୍କେ ପଇସ୍ ଗୁଡ଼୍‍ପାନ୍ ଦନ୍‌ କାରାପ୍ ଆଦ୍‍ତେ, ବା ମାଡ଼୍‍ଡ଼ା ସିନ୍ଦିମାଡ଼ି ଡଙ୍ଗି ଆଦ୍‍ତା ।”

ମାର୍କ 4:19

ବାତେଙ୍କ୍ ଇତ୍‍କେ ସଂସାର୍‍ତେ ଚିନ୍ତେ, ଡାବ୍‍କିନ୍‍ ଆସେ ନୁ ଲେକେତାୱୁ ବେଶତାୱ୍‍ ଲାଲସା ତାମ୍‍ ମାନ୍‍ତାଗ୍ ମାନ୍‍ନାଙ୍କ୍ ମାଡ଼ାନଙ୍କ୍ ଆଦ୍ ଗଟ୍ ବେସୁଙ୍କ୍‌ବା କାୟେ ଆଦ ।

କଲସୀୟ 3:5

ମିଇ ଜିୱେତ୍‍ ଲୋପେ ପାଙ୍ଗ୍‍ ମାଡ଼ାନ୍ ଜଗତ୍‍ତେ ପାଡ଼୍‍ୟି ଆତ୍‍ତେ-ଲାଲସା, ପିନ୍ଦଲାଦ୍, ଇନ୍ଦ୍ରିୟଶକ୍ତି, କୁଆବିଲାଷ ନୁ ଲୋତ୍‍ତିଙ୍କ୍ ମିଡ଼୍ ବିନାଶ୍ ମାଡ଼ାଟ୍ । ଲୋବ୍ ପୁତ୍‍ଲାମ୍‍ ପୁଜାତେ ୱେରଡ଼୍ ରୁପ୍ ।

୧ ତୀମତି 3:3

ଅଣ୍ଡ୍‌ କାଲ୍ ଉନ୍ଦାନଣ୍ଡ୍ ବା ଗଲ୍‍କ୍‍ ଆସମାନ୍ଦାନ୍ ନାରୁନ୍ ଆୟକଟ, କୋମଳ ନୁ ଶାନ୍ତିତେ ମାନ୍ତନ୍ । ଅଣ୍ଡ୍‌‍ ଦନ୍‍ ଲୋବି ଆୟ୍‍ୱେ ମାନ୍‍ନ୍ତେ ।

୧ ତୀମତି 6:21

ବେନ ଆଦ୍ ପାଲନ୍‍ ମାଡ଼୍‍ୱେ ବିଶ୍ୱାସ୍‍ତେ ମୁନେ ଆର୍ ବୁଲ୍‍କା ଆସ୍‍ମିନ୍ଦେଡ଼୍ । ଇଶ୍ୱର୍‌ତେ ଅନୁଗ୍ରହ ମୀଇ ଗାରେ ସାରେଦିନାମ୍ ମାନି ।

୧ ତୀମତି 6:9

ଦନ୍ ସମ୍ପତ୍ତିତେ ଲୋବ୍ ନାରିନାଗେ ପରିକ୍ଷା ନୁ ଚକ୍ରାନ୍ତ ଲୋପେଙ୍କ୍ ଲାଗିଆଦ୍‍ତେ; ଅନ୍‌ ମନ୍‍ଦାଗ୍ ଗାଟି ତୁଚ୍ଚ ଅନିଷ୍ଟ ଲାଳସା ଜାଗ୍ରତ ମାଡ଼ି ଆଦାଙ୍କ୍ ଦ୍ୱସଂ ନୁ ସର୍ବନାଶ ପାକେ ଲାଗିଆଦ୍‍ତେ ।

୨ ତୀମତି 3:2

ନାରିଡ଼୍ ସ୍ୱର୍ତପର୍, ଲୋବି, ଆଂକାରୀ ନୁ ଆତ୍ମାବିମାନୀ ଆଦ୍‍ତଡ଼୍; ଅଡ଼୍‌ ୟାୟ ବାବାଙ୍କ୍ ଅପମାନ୍ ଇଦ୍‍ତଡ଼୍; ଅଡ଼୍‌ ମାନ୍‍ତାଗ୍ କୃତଜ୍ଞତା ନୁ ଅଦର୍ମତେ ମାୟି ଆଦ୍‍ତଡ଼୍,

୨ ତୀମତି 4:10

ଦୀମା ସାଂସାର୍‍ ତିଙ୍କ୍ ପ୍ରେମ ମାଡ଼ି ନାକିଂଙ୍କ୍ ୱିଡ଼୍‍ସିତ୍‍ତେ । ଆଦ୍ ଇଞ୍ଜେ ଥେସଲନିକୀତାଗ୍ ଆତ୍‍ତନ୍ । କ୍ରେସ୍‍କେନ୍‍ସ ଗାଲୀତିଆତାଗ୍ ନୁ ତୀତସ୍ ଡଲମାତିଆତାଗ୍ ଆତ୍‍ତଡ଼୍‍ ।

ତୀତସ୍‌ 1:11

ଅଡ଼ାଦ୍‌ ପାୟୁର୍‍ତିଙ୍କ୍ ବନ୍ଦ୍ ମାଡ଼ାନ୍ ଦର୍‍କାର୍ । ଅଡ଼୍‌ ଦନ୍ ପାଏମ୍ ଆଦାନ୍ ସେଙ୍ଗେ ମିଚ୍ ଶିକ୍ଷା ଇସ୍ ଅଣ୍ଡୟ୍‌ ପରିବାର୍‍ତିଙ୍କ୍ ଆର୍ର୍ ପୁରାପୁରି ବୁଲ୍‍କା ମାଡ଼ିତଡ଼୍ ।

ଯାକୁବ 5:19

ଆ ନା ଦାଦାଲଡ଼ି ନୁ ଏଲାସ୍କ୍‍, ମିଇ ଲୋପେ ବେନ ଯଦି ସତ୍ ହାର୍‍ଦିଙ୍କ୍ ବୁଲ୍‍କା ଆଦ୍‍ତନ୍, ମେଣ୍ଡେ ବେନ୍ ଅଂକିଙ୍କ୍‌ ସତ୍‍ ହାର୍‍ଦାଗ୍ ମାଲ୍‍ପି ତାତିତଣ୍ଡ୍,

ଯିହୁଦା 1:11

ଇଦ୍ ଅଡ଼୍‌ ସେଙ୍ଗେ ବେସର୍ ୱେର୍ରେ । ଅଡ଼୍‌ କୟିନନ୍‌ କାରାପ୍ ଆର୍ର୍‍ଦାଗ୍ ଆଞ୍ଜ୍ ମିନ୍ଦେଡ଼୍‍ । ବାଲାମ୍ ଇତ୍‍କେ ଲୋବିଆସ୍ ବେନ୍ ବୁଲ୍‍ ମାଡ଼୍‍ତଣ୍ଡ୍‍, ଅଡ଼୍‌ ଆଦ୍ ବୁସାତାଗ୍ ରାୟ୍‍ତଡ଼୍ । କୋରଅ ଲେକାମ୍ ଗଲ୍‍କ୍ ମାଡ଼ି ଅଡ଼୍‌ ଦଂସ ଆତ୍‍ତଡ଼୍‍ ।

ପ୍ରକାଶିତ୍‌ ବାକ୍ୟ 18:13

ଦାରୁଚିଇନେ, ଲେକେତ୍‌ ଗାବ୍‌ମାନ୍ଦାନ୍‌ ଦ୍ରବ୍ୟ, ଦୁପାମ୍‌, ସୁଗନ୍ଦି ଲେପ୍ୟଦ୍ରବ୍ୟ, ସୁନା, ମଦ୍ୟ, ନିୟ୍, ମଇଦା, ଗଅମ୍, ଗଡ଼୍‍କ୍, ମେକା, ପିଟେ, ରତେ, କ୍ରିତଦାସ ନୁ ନାରୁଡ଼ାଦ୍ ଜିୱେ ।