୧ ଥେସଲନିୟ 5:27 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

²⁷ ସାରେତଡ଼୍ ଦାଦାନଡ଼୍ ପାକେ ହିଦ୍ ଚିଟି କାର୍‍ତାନଙ୍କ୍ ସେଙ୍ଗେ ନାନ୍ ପ୍ରବୁନ୍ ଅଦିକାର୍‌‍ତେ ମିକିଂଙ୍କ୍ ଅନୁରଦ୍‌ ମାଡ଼ୁତାନ୍ ।

୧ ଥେସଲନିୟ 5:27 ပူးပေါင်းရင်းမြစ်များ

ମାତିଉ 26:63

ବାତେଙ୍କ୍ ଇତ୍‍କେ ଜିସୁ କଟ ମାତ୍‍ତଣ୍ଡ୍ । ବେଡ଼୍‍ୟାଦ୍‍ ଜାଜକ୍ କେତ୍ତଣ୍ଡ୍, ଜିୱୁନ୍‍ମାନ୍ଦାନ୍‍ ଇଶ୍ୱର୍‌ତେ ପେଦେର୍ ତେ ନାନ୍‍ନେ ନିକିଂଙ୍କ୍ ପାଚ୍ରା ମାଡ଼ୁତାନ୍, ସତ୍‍ତେ କେଲ୍‍ମ୍, ନିମ୍‍ ବାତେଏ ଇଶ୍ୱର୍‌ତେ ମାର୍‍ କ୍ରିଷ୍ଟ ନି ?

ମାର୍କ 5:7

ଗାଟିଲେଙ୍ଗ୍‍ଦେ କେତ୍‍ତାନ୍, “ହୋ ସର୍ବୋପରିସ୍ଥ ଇଶ୍ୱର୍‌ତେ ମାର୍‍ ଜିସୁ ! ନା ପାକେ ନିୟାଦ୍‍ ବାତେ ପାଡ଼୍‍ୟି ? ଇଶ୍ୱର୍‌ତେ ପେଦେର୍‍ତେ କେତୁତାନ୍, ନାକିଙ୍କ୍ ଯନ୍ତ୍ରଣା ଇମା ।”

ପ୍ରେରିତ 1:15

ଆଦେ ବେସ୍‍କେ ଦିନାନ୍‍ ଲୋପେ ସାରେ ଶହେ କୁଡ଼ିଏ ଜାନ୍‍ ବିଶ୍ୱାସୀ ତାମୁଣ୍ଡ୍‌ ଅଣ୍ଡୟ୍‌ ମିଟିଙ୍ଗ୍‌ତାଗ୍‌ ପିତର୍ ପେଦେର୍‍ତଣ୍ଡ୍‍ ନିସ୍‍ମିକା କେତ୍‍ତଣ୍ଡ୍;

ପ୍ରେରିତ 19:13

ବେସ୍‍କ୍‍ତୁଡ଼୍‍ ଉଡାନଡ଼୍ ଇହୁଦୀ ୱାଡେଡ଼୍ ମିକା ପ୍ରବୁ ଜିସୁନ୍‍ ପେଦେର୍ ପଇସ୍ ଦେୟାକ୍ ୱିର୍‍ସ୍ପାନଙ୍କ୍ ଆଲ୍‍ସି ମାତ୍‌ତଡ଼୍ । ଅଡ଼୍‌ ଦେୟାକିଙ୍କ୍ କେସମାତ୍‍ତଡ଼୍, “ପାଉଲ୍ ପ୍ରଚାର୍ ମାଡ଼ାନ୍ ଜିସୁନ୍ ପେଦେର୍‍ତେ ନାନ୍ ନିକିଂଙ୍କ୍ ଗଟ୍ ଇଦୁତାନ୍ ।”

କଲସୀୟ 4:16

ମିଡ଼୍ ଇଦ୍ ଚିଟି କାର୍‌ସ୍‌ ତେର୍ପାନ୍ ୱେଲେ ଲାଉଦିକିଆତେ ମଣ୍ଡଲିତାଗ୍ ମିକା ବେଲାନ୍ କି ଇଦ୍ କାର୍‍ତେ ପାର୍‍ଦ୍‍ତଡ଼୍, ଆଦ୍ ବେଲା ଇତ୍‍କେ ବା ମାଡ଼ାଟ୍ । ଲାଉଦିକିଆ ମଣ୍ଡଲିତେ ଦାଦାନଡ଼୍ ମୀଇ ଗାରେ ବେନ୍ ଚିଟି ରଅତିତଡ଼୍, ଆଦ୍ ମିକା କାର୍ମୁଟ୍ ।

୧ ଥେସଲନିୟ 2:11

ମିଡ଼୍ ପୁତ୍‍ତିଡ଼୍, ବାବାଲ୍ ବେଲାନ୍ ନିଜେତ୍ ପିଲାନ୍ ସେଙ୍ଗେ ବ୍ୟବହାର୍‌ ମାଡ଼ାନ୍ ମାତ୍‍ତେ, ମାମ୍‍ମେ ମିଇସେଙ୍ଗେ ଟିକ୍ ଆଦେଲେକାମ୍ ବ୍ୟବହାର୍‌ ମାଡ଼ିମାତ୍‍ତମ୍ ।

୨ ଥେସଲନିୟ 3:14

ହିଦ୍ ଚିଟିତେ ମିକିଂଙ୍କ୍ ବେନ୍ କାବୁର୍ ରତ୍‌ତମ୍, ମିୟାଗାଙ୍କ୍ ବେନ ଆଦ୍ ପାଲନ୍ ମାଡ଼ାଙ୍କ୍ ଇଚ୍ଛା ମାଡ଼ନ୍ । ଆସତ୍‍ ନାରିଙ୍କ୍ ଚିଏହ୍ନା ନେହେମୁଟ୍ ନୁ ଅନ୍‌ ତୋଡ଼ ମିୟାଦ୍ ସମ୍ପର୍କ୍ ୱିଡ଼୍‍ସିମୁଟ୍ ।

୧ ତୀମତି 1:18

ନା ମାର୍‍ ତୀମତି, ନି ବିଷୟ୍‍ତେ ମୁନେକଙ୍କ୍ ପ୍ରକାଶ ପାହେମ୍‍ ଆତ୍‍ତେ ବାବବାଣି ଲେକାମ୍‌ ନାନ୍‍ ନିକିଙ୍କ୍ ହି ଆଜ୍ଞା ହିଦୁତାନ୍‍ । ଆ ବାବବାଣିତିଙ୍କ୍ ଅମଗ ଅସ୍ତ୍ର ଲେକାମ୍‍ ବ୍ୟବହାର ମାଡ଼ି ନିମେ ଜିୱୁନ୍‍ ସଂଗ୍ରାମ୍‍ତେ ଜିଡ଼ି ଲାବ୍ ମାଡ଼ା ।

୧ ତୀମତି 1:3

ନାନ୍‍ ମାସିଦୋନିଆତା ଆଦାନ୍‍ୱେୟ୍ ମିକିଙ୍କ୍ କେସ୍‍ମାନ୍ଦାନ୍‍ ଲେକାମ୍‌ ମିଡ଼୍‍ ଏଫିସିତାଗ୍ ମାନୁଟ୍‍ । ଆଗେ ବେସ୍କ୍‍ତୁଡ଼୍‍ ବୁଲ୍‍ ଶିକ୍ଷାସାରେ ଇଦୁତଡ଼୍‍, ଅଡ଼୍‌‍କିଂଙ୍କ୍ ଆଗାଙ୍କ୍ ବନ୍ଦ୍‍ ମାଡ଼ାନଙ୍କ୍ ଆଦେଶ୍‍ ଇମୁଟ୍‍ ।

୧ ତୀମତି 5:21

ପ୍ରବୁ ଜିସୁ କ୍ରିଷ୍ଟ, ଦୂତ ନୁ ସ୍ୱୟଂ ଇଶ୍ୱର୍‌ତିଙ୍କ୍ ସାକ୍ଷି ୱାଟି, ହିସାରେ ନିର୍ଦ୍ଦେଶ ପାଲନ୍ ମାଡ଼ାଙ୍କ୍ ନାନେ ମିକିଙ୍କ୍ ଏକାନ୍ତ ଅନୁରଦ୍‌ ମାଡ଼ୁତାନ୍ । ବେନନ୍ ବିରୁଦ୍ଦ୍‍ତେ ପକ୍ୟପାତିତା ଲେକାମ୍ ବେନ୍‌ଆଇ କାମ୍ ମାଡ଼୍‍ମାଟ୍ ।

୧ ତୀମତି 5:7

ରାଣ୍ଡିକିଙ୍କ୍ ହି ବିଷୟତେ ସତର୍କ ମାଡ଼ିମୁଟ୍, ବେନ ବା ଆୱିନ୍ ବିରୁଦ୍ଦତେ ବାତ୍‍ ଅବିଯୋଗ୍‍ ମାଡ଼ାଙ୍କ୍ ସୁଯୋଗ୍ ପାଏମ୍ ଆୟମାକି ?

୧ ତୀମତି 6:13

ସାରେ ପଶୁକିନ୍ ଜିୱେ ଦାତାଲ୍ ଇଶ୍ୱର୍‌ତେ ମୁନେ ନୁ ପନ୍ତିଆସ୍ ପିଲାତନ୍ ମୁନେ ଦୃଡ଼ ବିଶ୍ୱାସ୍‍ତେ ପରିଚୟ ଇସ୍‍ମାନ୍ଦାନ୍ ପ୍ରବୁ ଜିସୁ କ୍ରିଷ୍ଟନ୍ ପେଦେର୍ତେ ମିକିଙ୍କ୍ ଆଦେଶ୍‍ ଇସ୍ କେତୁତାନ୍,

୧ ତୀମତି 6:17

ବେନଡ଼୍ ମୁନେଙ୍କ୍‍କଞ୍ଜ୍ ସାଉକାର୍, ଅଡ଼୍‌‍ ବେଲାନ୍ କି ଆଙ୍କାରିଡ଼୍ ଆୟଡ଼୍ ନୁ ସାରେତ୍ ଦନ୍‍ଦେ ପର ଆସେ ମାଡ଼ଡ଼୍, ବରଞ୍ଚ ବୋଗ୍‍ଦେ ସେଙ୍ଗେ ସାରେତ୍‍ ବିଷୟ ନାର୍ଗେ ଲେକାମ୍ ମାକିଙ୍କ୍ ଦାନ ମାଡ଼ିତଡ଼୍ ବେନ୍ ଇଶ୍ୱର୍, ଅନ୍‌ ପର ଆଶେ ମାଡ଼ିତ୍,

୨ ତୀମତି 4:1

ଇଶ୍ୱର୍‌ତେ ମୁନେ ନୁ ସାରେତଡ଼୍ ଜିୱେ ଡଲ୍‍ତେ ନାରିଡ଼୍ ବିଚାର୍ ମାଡ଼ାନଙ୍କ୍ ନୁ ରାଜ୍‍ ମାଡ଼ାନଙ୍କ୍ ୱାସମାନ୍ଦାନ୍ କ୍ରିଷ୍ଟ ଜିସୁ ୱାଦାନ୍ ଦିନେ, ତାନ୍ ରାଜ୍ୟତିଙ୍କ୍ ଲେକେତ୍‍ ମାଡ଼ନ୍ ସେଙ୍ଗେ ନାନେ ମିକିଙ୍କ୍ ଇଦ୍ ଦୃଡ଼ ଆହ୍ୱାନ୍ ଇଦୁତାନ୍ ।

ଏବ୍ରୀ 3:1

କ୍ରିଷ୍ଟ ବିଶ୍ୱାସି ଏଲାଡ଼୍‍ତାମୁଣ୍ଡ୍‍, ମିକିଂଙ୍କ୍‍ ଗାଲା ଇଶ୍ୱର କାର୍‍ଙ୍ଗ୍‍ତଣ୍ଡ୍, ମିଡ଼୍‍ ଜିସୁନ୍‌ ବିଷୟ୍‌ତେ ଆଲ୍‌ସାଟ୍ ! ଅଙ୍କ୍‌ ମାନ୍‍ ବିଶ୍ୱାସିଡ଼୍‍ ବାଡ଼ିୟା ପୁଜାରି ଆଦାନଙ୍କ୍‌ ଇଶ୍ୱର ପ୍ରେରିତ ମାଡ଼ିମିନ୍ଦେଣ୍ଡ୍‌ ।