୧ ଥେସଲନିୟ 5:13 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹³ ଅଡ଼ାଦ୍‌ ପାଡ଼ିୟିଦେ ସେଙ୍ଗେ ମିଡ଼୍ ପ୍ରେମତେ ଲେକାମ୍ ଆଦର୍ ମାଡ଼ାଟ୍ । ନିଜେ ନିଜେତ୍ ସାଙ୍ଗତେ ଲେକେତ୍‍ ମାନୁଟ୍ ।

୧ ଥେସଲନିୟ 5:13 ပူးပေါင်းရင်းမြစ်များ

ମାତିଉ 10:40

“ବେନ ମିକିଂଙ୍କ୍ କାର୍ଙ୍ଗିତଣ୍ଡ୍‍, ଅଣ୍ଡ୍‌ ନା ସେଙ୍ଗେ ଆଦ୍ ମାଡ଼ିତନ୍ ମେଣ୍ଡେ ବେନ ନାକିଂଙ୍କ୍ କାର୍ଙ୍ଗିତଣ୍ଡ୍, ଅଣ୍ଡ୍‌ ନା ୱାଦାନଡ଼୍ ସେଙ୍ଗେ ଆଦ୍ ମାଡ଼ିତନ୍ ।

ମାର୍କ 9:50

“ଅୱଡ଼୍‍ ଅଣ୍ଡ୍‌ ସାୟେତ୍‍ ଜିନିଷ୍; କିନ୍ତୁ ଅୱଡ଼୍‍ ଯଦି ତାନ୍‍ ଅୱଡ଼୍‍ତେ ମିଙ୍କ୍‍ସ୍ପାନାଦ୍‍ ହରାମାଡ଼ିତେ, ଆଦିଙ୍କ୍‍ ବେଦ୍‍ପୁଟୁଙ୍କ୍ ମିଙ୍କ୍‍ସ୍ପାଙ୍କ୍‍ ଆଦ୍‍ତେ ?” “ମି ହୃଦୟତାଗ୍‍ ସାଙ୍ଗନ୍‍ ଲୋପେ ଅୱଡ଼୍‌ଇନା କାଇଲି ମାନୁଟ୍, ଆଲାଇତ୍କେ ମିଡ଼୍‍ଆନ୍‌ତେ ମାନ୍ଦ୍‍ପାର୍‍ଦ୍‍ତିଡ଼୍‍ ।”

ଯୋହନ୍‌‌ 15:17

ମିଡ଼୍ ବେଲା ମିଇ ମିଲୋପେ ପ୍ରେମ ମାଡ଼ିତିଡ଼୍, ଇଦିନ୍ ସେଙ୍ଗେ ନାନ୍ ମିକିଂଙ୍କ୍ ଇଦ୍‍ସାରେ ଗଟ୍ ଇସମିନ୍ଦେନ୍ ।”

୨ କରନ୍ତିୟ 13:11

ଦାଦାନଡ଼ି ନୁ ଏଲାସ୍କ୍‍, ନାୟାଦ୍ ଶେଷଗଟ୍ ଇଦ୍ ନିଜେତିଙ୍କ୍‍ ସଂଶୋଦନ୍ ମାଡ଼ାଟ୍, ନାୟାଦ୍ ପରାମର୍ଶ ଗ୍ରହନ୍‍ ମାଡ଼ାଟ୍, ସାରେତଡ଼୍ ୱେରଡ଼୍ ମନ୍ ଆୟ୍‍ମୁଟ୍ ନୁ ଶାନ୍ତିତେ ମାନୁଟ୍ । ପ୍ରେମ ନୁ ଶାନ୍ତିତେ ଇଶ୍ୱର୍ ମିଇ ତଡ଼୍ ମାନିଣ୍ଡ୍ ।

ଗାଲାତୀୟ 4:14

ଇତ୍‍କେ ନା ମେନ୍ଦୁଲ୍ ସାୟେ ଇଲ୍‍ୱେମାତ୍‍କେ ମିକା, ମିଡ଼୍‍ ନାକିଂଙ୍କ୍ ପାସ୍କ୍‍ୱିଡ଼୍ ଆଗେକ୍‍ବା ନାକିଂଙ୍କ୍ ୱେରଡ଼୍‌ ସ୍ୱର୍ଗଦୂତ ଲେକାମ୍ ଗ୍ରହନ୍‍ ମାଡ଼୍‍ତିଡ଼୍ । କ୍ରିଷ୍ଟ ଜିସୁଙ୍କ୍ ମିଡ଼୍ ବେଦ୍‍ପୁଟୁଙ୍କ୍ ଗ୍ରହନ୍‍ ମାଡ଼େଡ଼ି ଆଦେପୁଟୁଙ୍ଗ୍ ନାକିଂଙ୍କ୍ ମିକା ଗ୍ରହନ୍‍ ମାଡ଼ିମାତ୍‍ତିଡ଼୍ ।

ଗାଲାତୀୟ 5:22

ଇତ୍‍କେ ପବିତ୍ର ଆତ୍ମାନ୍‍ ଦାନ ଆଦୁତ୍‍ ପ୍ରେମ, ୱେଡ଼୍‍କେ, ଶାନ୍ତି, ଦର୍ଯ୍ୟ, ଉପକାର୍, ସାୟେତଣ୍ଡ୍‍, ବିଶ୍ୱାସ୍‍ତଣ୍ଡ୍‍

ଗାଲାତୀୟ 6:6

ବେନ ଇଶ୍ୱର୍‌ତେ ବାକ୍ୟତଡ଼୍ ଶିକ୍ଷା ପାଏମ୍ ଆଦ୍‍ତଣ୍ଡ୍, ଅଣ୍ଡ୍‌ ଶିକ୍ଷା ଇଦାନଡ଼୍‍କିଂଙ୍କ୍ ସାରେ ସାୟେତ୍ ବିଷୟ କେଲିଣ୍ଡ୍ ।

ଏଫିସିୟ 4:3

ପବିତ୍ର ଆତ୍ମା ସାହାଯ୍ୟତେ ଶାନ୍ତିତେ ମାନ୍ଦାନ୍ ସେଙ୍ଗେ ମିଇ ଲପେ ବେନ୍ ଏକତା ତିୟାର୍‍ ଆସ୍‍ମିନ୍ଦେ, ଆଦିଙ୍କ୍ ଜିୱୁଣ୍ଡ୍‍ତାଗ୍ ସାୟେ ଅସ୍‍ରେଞ୍ଚାଟ୍‍ ।

କଲସୀୟ 3:15

କ୍ରିଷ୍ଟ ଇତ୍‍ତେ ଶାନ୍ତି ମିୟାଦ୍ ଆଲ୍‍ସାନାଦିଙ୍କ୍ ଚାଲା ମାଡ଼ି; ବାତେଙ୍କ୍ଇତ୍କେ ଇଦ୍ ଶାନ୍ତି ସେଙ୍ଗେ ଇଶ୍ୱର୍‍ ମିକିଙ୍କ୍ ଅଣ୍ଡୟ୍‌‍ତାଗ୍ ଅଣ୍ଡୟ୍‌ ମେନ୍ଦୁଲ୍ ଆଦାନ୍ ସେଙ୍ଗେ କାର୍‍ଙ୍ଗିମିନ୍ଦେନ୍ । ସାରେଦାମ୍ ଦୟା ଆୟ୍‍ମୁଟ୍ ।

୧ ଥେସଲନିୟ 5:14

ଦାଦାନଡ଼ି ନୁ ଏଲାସ୍କ୍, ମିକିଂଙ୍କ୍ ମାୟାଦ୍‌ ଅନୁରଦ୍‌; ଦୁଷ୍ଟନଡ଼କ୍ ସତର୍କ ମାଡ଼ାଟ୍, ୱେର୍‍ତେ ନଡ଼୍‍କ୍ ଉତ୍ସାଇତ୍ ମାଡ଼ାଟ୍, ଦୁର୍ବଲ ନାରୁଡ଼୍‍କ୍ ସାହାଯ୍ୟ ମାଡ଼ାଟ୍ ନୁ ସାରେତଡ଼୍ ସେଙ୍ଗେ ଗାଡ଼୍‍ସ୍ ଆୟ୍‍ମୁଟ୍ ।

୨ ଥେସଲନିୟ 3:16

ଶାନ୍ତିଦାତା ପ୍ରବୁ ଇଶ୍ୱର୍ ମିକିଂଙ୍କ୍ ସାରେଦାମ୍ ବା ସାରେୱେଲେ ଶାନ୍ତି ଇୱିଣ୍ଡ୍ । ପ୍ରବୁ ସାରେଦିନାତ୍ ସେଙ୍ଗେ ମିଇ ତୋଡ଼ମାନିଣ୍ଡ୍ ।

୨ ତୀମତି 2:22

ବେନଡ଼୍ ନିର୍ମଲ୍ ହୃଦୟତେ ଇଶ୍ୱର୍‌ତିଙ୍କ୍ ସାହାର୍ଯ୍ୟ ପ୍ରାର୍ତନା ମାଡ଼ମାନ୍ତନ୍, ଅଡ଼୍‌‍ ସଂସ୍ପର୍ଶତେ ମାଞ୍ଜ୍ ମିଡ଼୍ ଲେଇୟଡ଼୍‍ ଉତ୍ତେଜନାତିଙ୍କ୍ ଆୟତ୍ ମାଡ଼ିତଡ଼୍ ମେଣ୍ଡେ ଦାର୍ମିକ୍‍ତେ, ବିଶ୍ୱାସ୍ତେ, ପ୍ରେମ ନୁ ଶାନ୍ତି ଇଦାନ୍‍ ସେଙ୍ଗେ କାମ୍ ମାଡ଼ାଟ୍ ।

ଏବ୍ରୀ 12:14

ସାର୍ରେତର୍ ସାଙ୍ଗ୍‌ ଶାନ୍ତିତେ ବାଦ୍‌କାନଙ୍କ୍‌ ନୁ ପବିତ୍ର ଜିୱା ବାଦ୍‌କାନଙ୍କ୍‌ ଉଦ୍ୟମ୍‌ ମାଡ଼ାଟ୍, ବାତାଙ୍କ୍‌ଇତ୍‌କେ ଆଦିଙ୍କ୍‌ ୱିଡ୍‌ସିତ୍‌କେ ବେନବା ପ୍ରବୁଙ୍କ୍‍ ଉଡ଼େପାର୍‌ଣ୍ଡ୍‌ ।

ଯାକୁବ 3:18

ମେଣ୍ଡେ ଆଦ୍ ଶାନ୍ତି ଇଦାନ୍ ନାରୁଡ଼୍ ତଡ଼୍ ଦାର୍ମାମ୍ ଲେକାମ୍ କାୟେତ୍ ପେଡ଼େମ୍ ୱିତାନଙ୍କ୍ ଆଦ୍‍ତେ ଦାର୍ମାମ୍‌ ୱିଜେ କୟ୍‍ତିତଡ଼୍‍ ।