୧ ଥେସଲନିୟ 3:6 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁶ ବାତେଙ୍କ୍ ଇତ୍‍କେ ହିଞ୍ଜେ ତୀମତି ମିୟାଗାଙ୍କ୍ ମାଲ୍‍ସ୍ ମା ପାକେ ୱାସ୍, ମିୟାଦ୍ ବିଶ୍ୱାସ୍ ନୁ ପ୍ରେମ ବିଷୟ୍‍ତେ କେସ୍‍ମିନ୍ଦେନ୍, ମାମ୍‍ମେ ବେଦ୍‍ଲେକାମ୍ ମିକିଂଙ୍କ୍ ଉଡ଼ାନଙ୍କ୍ ଇଚ୍ଛା ମାଡ଼ୁତମ୍, ଆଦେଲେକାମ୍ ମିଡ଼୍ ମାକିଂଙ୍କ୍ ସାରେଦିନା ହେର୍କାତାଗ୍ ନେହେସ୍ ମାକିଂଙ୍କ୍ ଉଡାଙ୍କ୍ ଇଚ୍ଛା ମାଡ଼ାଟ୍, ହିଦ୍ ବିଷୟ୍‍ତେ ମାକିଂଙ୍କ୍ ଲେକେତ୍‍ କାବୁର୍ ଇସ୍‌‍ମିନ୍ଦେନ୍;

୧ ଥେସଲନିୟ 3:6 ပူးပေါင်းရင်းမြစ်များ

ପ୍ରେରିତ 16:1

ପାଉଲ୍‍ ଦର୍ବୀ ନୁ ଲୁସ୍ତ୍ରାତାଗ୍ ଆତ୍‍ତଣ୍ଡ୍ । ଆଗେ ତୀମତି ପେଦେର୍‍ତଣ୍ଡ୍ ୱେରଣ୍ଡ୍ କ୍ରିଷ୍ଟିୟାନ୍ ବାସେ ମାଡ଼ମାତ୍‍ତଣ୍ଡ୍ । ଅଣ୍ଡ୍‌ ୱେରଣ୍ଡ୍ କ୍ରିଷ୍ଟ ବିଶ୍ୱାସୀ ଶିଷ୍ୟ ଇହୁଦୀ ନାଟାଡ଼୍‍ତେ ମାର୍‍ । ଇତ୍‍କେ ତାମ୍ ବାବାଲ୍ ୱେରଣ୍ଡ୍ ଗ୍ରୀକ୍‍ ନାରୁଣ୍ଡ୍‍ ମାତ୍‍ତଣ୍ଡ୍ ।

ପ୍ରେରିତ 18:1

ଇଦିନ୍‍ପେର୍କେ ପାଉଲ୍ ଆଥେନ୍‍ସ୍ ୱିଡ଼୍‍ସି କରିନ୍ଥୀୟତାଗ୍ ଆତ୍‍ତଣ୍ଡ୍ ।

ପ୍ରେରିତ 18:5

ଶୀଲା ନୁ ତୀମତି ମାସିଦୋନିଆତାଗାଙ୍କ୍ ମାଲ୍‍ସ୍ ୱାତ୍‍ତେ ପେର୍‍କେ ପାଉଲ୍ ଇହୁଦୀଡ଼୍ ଗାର୍‍ରେ ଜିସୁନ୍ ସୁସମାଚାର୍ ପ୍ରଚାର୍ ମାଡ଼୍‍ତଣ୍ଡ୍ ନୁ ଜିସୁଙ୍କ୍ ମସୀହ ଇଞ୍ଜ କେତ୍‍ତାନ୍ ସେଙ୍ଗେ ସାକ୍ଷ୍ୟ ହିତ୍‍ତଣ୍ଡ୍ ।

୧ କରନ୍ତିୟ 11:2

ନାନ୍ ମିକିଂଙ୍କ୍ ପ୍ରସଂଶା ମାଡ଼ୁତାନ୍, ବାତେଙ୍କ୍‍ଇତ୍‍କେ ମିଡ଼୍ ସାର୍ରେଦାମ୍‌ ନାକିଂଙ୍କ୍ ଏର୍କା ମାଡ଼ୁତିଡ଼୍ ନୁ ନାନ୍ ମିକିଂଙ୍କ୍ ଇତ୍‍ତେ ଶିକ୍ଷା ସାର୍‍ରେ ପାଲନ୍ ମାଡ଼ୁତିଡ଼୍ ।

୧ କରନ୍ତିୟ 13:13

ବିଶ୍ୱାସ୍, ଆଶେ ନୁ ପ୍ରେମ ଇୱୁ ମୁଣ୍ଡ୍ ସାର୍ରେଦିନା ମାନ୍ଦାନ୍ ବିଷୟ୍ ଲୋପେଙ୍କ୍ ପ୍ରେମ କେ ବେଡ଼ିୟାଦ୍‌।

ଗାଲାତୀୟ 5:6

ଆଦିଙ୍କ୍ କ୍ରିଷ୍ଟ ଜିସୁନ୍ ତଡ଼୍ ଜିୱୁଣ୍ଡ୍ ବାଦ୍‍କେ ସୁନ୍ନତ କି ଅସୁନ୍ନତ ବାତେବା ୱେରେ ମାନ, ଇତ୍‍କେ ବିଶ୍ୱାସ୍‍ତାଗ୍ ଗାଡ଼୍‍ସ୍ ମାଞ୍ଜ୍ ପ୍ରେମତଡ଼୍ ପାଡ଼୍‍ୟି ମାଡ଼ାନାଦ୍ ସାୟେ ।

ଫିଲିପିୟ 1:8

ମିଇ ସାରେତଡ଼୍ ସେଙ୍ଗେ ନାୟାଦ୍ ନାର୍‍ଗେ ସ୍ନେହ ସ୍ୱୟଂ ଜିସୁ କ୍ରିଷ୍ଟନାଗାଙ୍କ୍ ନାନ୍ ପାଏମ୍ ଆତ୍‍ତାନ୍ ଇଞ୍ଜ୍‍ ବେସୁଙ୍କ୍‍ ନାନ୍ କେତିତାନ୍, ଇଦ୍ ନିଜାମ୍ ସତ୍ । ଇଶ୍ୱର୍ ଇଦିନ୍ ସାକ୍ଷି ଆତ୍‍ତେ ।

କଲସୀୟ 1:4

ବାତେଙ୍କ୍‍ଇତ୍କେ ମାମେ କ୍ରିଷ୍ଟ ଜିସୁନାଗେ ମିୟାଦ୍ ବିଶ୍ୱାସ୍ ନୁ ଇଶ୍ୱର୍‌ତେ ସାରେ ନାରୁଡ଼୍ ସେଙ୍ଗେ ମିୟାଦ୍ ପ୍ରେମ ବିଷୟ କେଞ୍ଜ୍‍ତମ୍ ।

କଲସୀୟ 4:18

ନାନେ ପାଉଲ୍ ନିଜର୍‍ କାୟ୍‍ଦେ ଚିଟି ଲେକି, ନାୟାଦ୍ ନମସ୍କାର୍‍ କେଞ୍ଜ୍‍ପୁତାନ୍ । ନାୟାଦ୍ ବନ୍ଦି ଅବସ୍ଥାତିଙ୍କ୍ ମାର୍‍ଙ୍ଗ୍‍ମାଟ୍ । ଇଶ୍ୱର୍‌ତେ ଅନୁଗ୍ରହ ମୀଇ ସାରେତଡ଼ ପାକେ ମାନ୍‍ନି ।

୧ ଥେସଲନିୟ 1:3

ମାମ୍‍ମେ ବାବାନ୍ ଇଶ୍ୱର୍‌ତେ ପାକେ ଏର୍କା ମାଡ଼ମାନ୍‍ତମ୍, ବେଲାନ୍ ମିଡ଼୍ ନିଜେତ୍ ବିଶ୍ୱାସ୍‍ତିଙ୍କ୍ ପାଡ଼ିୟିଦାଗ୍ ମାଡ଼ୁତମ୍, ପ୍ରେମତେ ମାଡ଼ି ବେଲାନ୍ ତିପାଲ୍‍ତେ ମାଡ଼ୁତିଡ଼୍ ନୁ ମାମ୍‍ମେ ବେଲାନ୍ ଡ଼ାଟ୍‍ଟୁମ୍ ।

୧ ଥେସଲନିୟ 2:17

ହୋ ଦାଦାନଡ଼ି ନୁ ଏଲାସ୍କ୍, ମାମ୍‍ମେ ହୃଦୟ୍‍ତାଗ୍ ଆୟ୍‍ୟ, ମାତର୍ ମେନ୍ଦୁଲ୍ ତାଗାଙ୍କ୍ ସୁଦୁଟ୍ ଦିନାମ୍ ସେଙ୍ଗେ ମିୟାଗାଙ୍କ୍ ଯେକା ମାତ୍‍ତମ୍, ମିଇ ମୋକମ୍ ଉଡ଼ାନ୍ ସେଙ୍ଗେ ଅଦିକ୍‌ ଇଚ୍ଛା ମାଡ଼ୁତମ୍ ।

୧ ଥେସଲନିୟ 2:9

ହୋ ଦାଦାନଡ଼ି ନୁ ଏଲାସ୍କ୍‍, ମିୟାଦ୍ ନିଜାମ୍ ହେର୍କା ମାନ୍‍ତେ; ମାନାଡ଼୍ ବେଲାନ୍ ଗାଟି ତିପାଲ୍‍ତେ ସ୍ୱୀକାର୍ ମାଡ଼ି ପାଡ଼୍‍ୟି ମାଡ଼ମାତ୍‍ତମ୍; ବେଲାନ୍ ମିଇ ପାକେ ଇଶ୍ୱର୍‌ତେ ସୁସମାଚାର୍ ପ୍ରଚାର୍ ମାଡ଼ାନ୍ ୱେଲେ ମିଇ ପର୍‍ର ବୋଜ୍ ଆୟ୍‍ମାକି ହିଞ୍ଜ ମାମ୍‍ମେ ନାର୍‍କେତ୍ ପାୟାଲ୍ ତିପାଲ୍ ମାଡ଼ିମାତ୍‍ତମ୍ ।

୧ ଥେସଲନିୟ 3:7

ଆଦିଙ୍କ୍ ଦାଦାନଡ଼ି ନୁ ଏଲାସ୍କ୍‍, ମାୟାଦ୍‌ ସାରେ ଅସୁବିଦା ନୁ ତିପାଲ୍ ଆଦାନ୍ ୱେଲେ ମାମ୍‍ମେ ମିଇ ସେଙ୍ଗେ ଉତ୍ସାହିତ ଅଦୁତମ୍ । ମିୟାଦ୍ ଗାଡ଼୍‍ସ୍‍ ବିଶ୍ୱାସିକେ ମାକିଂଙ୍କ୍ ପ୍ରକୃତ୍‍ତେ ଜିୱେମାଡ଼ି ନେହେତ୍‍ତେ ।

୨ ଥେସଲନିୟ 1:3

ହୋ ଦାଦାନଡ଼ି ନୁ ଏଲାସ୍କ୍‍ ! ମିଇ ସେଙ୍ଗେ ଇଶ୍ୱର୍‌ତିଙ୍କ୍ ସାରେଦାମ୍ ଦନ୍ୟବାଦ୍ ଇଦାନ୍ ମାୟାଦ୍‌ ଲେକାମ୍, ମେଣ୍ଡେ ଆଦ୍ ଲେକାମ୍, ବାତେଙ୍କ୍ ଇତ୍‍କେ ମିୟାଦ୍ ବିଶ୍ୱାସ୍ ଲେକାମ୍ ନାର୍‍ଗେ ଆସମିନ୍ଦେ, ନିଜେ ନିଜେତ୍ ଲୋପେ ମୀଡ଼୍ ସାରେତଡ଼୍ ୱେରନ୍ ୱେର୍‍ର ପ୍ରେମ ଅଦିକ୍‌ ଆସ୍‍ମିନ୍ଦେ ।

୧ ତୀମତି 1:5

ସାୟେତ୍‍ ହୃଦୟ୍‍, ନିର୍ମଲ ବିବେକ୍‍ ନୁ ପ୍ରକୃତ ବିଶ୍ୱାସ୍‍ତେ ବେନ୍‍ ପ୍ରେମ ଡାଟୁମ୍‍ ଆଦ୍‍ତେ, ଆଦିଙ୍କ୍‍ ଜାଗ୍ରତ୍‍ ମାଡ଼ାନ୍‍ ମାଇଦିଙ୍କ୍ ନେଣ୍ଡ୍‍ ନାନ୍‍ ଇଦ୍‍ ଆଦେଶ୍‍ ଇଦୁତାନ୍‍ ।

୨ ତୀମତି 1:3

ନା ଆନିଦାଦିଡ଼୍ ଲେକାମ୍ ନାନେ ବେନ୍ ଇଶ୍ୱର୍‌ତିଙ୍ଗ୍ ଲେକାତ୍ ହୃଦୟତେ ସେବା ମାଡ଼ ୱାସମିନ୍ଦେନ୍, ଅଙ୍କ୍‌ ଦନ୍ୟବାଦ୍ ଇସ୍ କେତୁତାନ୍ । ନାୟାଦ୍ ପ୍ରାର୍ତନା ତାଗ୍ ସାରେଦିନା ନାର୍କେପାୟାଲ୍‍ ନିକିଙ୍କ୍ ହେର୍କା ମାଡ଼ାନ୍ ୱେଲେ ନାନେ ଇଶ୍ୱର୍‌ତିଙ୍କ୍ ଦନ୍ୟବାଦ୍ ଇଦ୍‍ତାନ୍ ।

ଫିଲିମୋନ୍‌ 1:5

ବାତେଙ୍କ୍ ଇତ୍‍କେ ନାନ୍ କେଞ୍ଜ୍‍ତାନ୍, ପ୍ରବୁ ଜିସୁନାଗ୍ ନିୟାଦ୍ ବିଶ୍ୱାସ୍ ନୁ ଇଶ୍ୱର୍ ବକ୍ତି ନାରୁଡ଼୍‍କିଂଙ୍କ୍ ନିୟାଦ୍ ବେସର୍ ପ୍ରେମ ମିନ୍ଦେ !

ଏବ୍ରୀ 13:3

କାରାଗାର୍‍ତାଗେ ମାନ୍ଦାନ୍ ନାରୁଡ଼୍‍ ତଡ଼୍ ମିଡ଼୍ ନିଜେ କାରାଗାରତାଗ୍‍ କଷ୍ଟ ମାଡ଼ମାନ୍ଦାନ୍ ଲେକାମ୍ ଆଲ୍‍ସି ଅଡ଼୍‌‍କିଂଙ୍କ୍ ଏର୍କା ମାଡ଼ାଟ୍ । ଦୁଃକାମ୍ କଷ୍ଟ ଆସମାନ୍ଦାନ୍ ନାରୁଡ଼୍‍ତଡ଼୍ ସାରେଦୁଃକାମ୍ ଆଲ୍‍ସି ଅଡ଼୍‌‍କିଂଙ୍କ୍ ଏର୍କା ମାଡ଼ାଟ୍ ।

ଏବ୍ରୀ 13:7

ବେନ୍ ନେତାଲଡ଼୍ ମୁନେଙ୍କ୍ ମିକିଙ୍କ୍ ଇଶ୍ୱର୍‌ତେ ଗଟି କେଞ୍ଜ୍‍ପି ମାତ୍‍ତଡ଼୍, ଅଡ଼୍‌‍କିଂଙ୍କ୍ ଏର୍କାମାଡ଼ାଟ୍ । ଅଡ଼ାଦ୍ ଜିୱେ ବା ଡଲ୍‍ତାଦ୍ ବେଦ୍ ଲେକାମ୍ ମାତ୍‍ତେ, ଆଦ୍ ଏର୍କା ମାଡ଼ି ଅଡ଼ାଦ୍‌ ବିଶ୍ୱାସ୍‍ତିଙ୍କ୍ ନିଜେତ୍ ଜିୱେତେ କାମ୍‌ ମାଡ଼ାଟ୍ ।

୧ ଯୋହନ୍‌‌ 3:23

ମାନ୍‍ ସେଙ୍ଗେ ଅନାଦ୍‌ ଆଜ୍ଞା ଅଦୁତ୍, ତାନ୍‍ ମାର୍‍ ଜିସୁ କ୍ରିଷ୍ଟନାଗେ ବିଶ୍ୱାସ୍ ମାଡ଼ିକାଡ଼୍ ନୁ କ୍ରିଷ୍ଟନ୍ ଆଦେଶ୍ ଲେକାମ୍ ୱେରଣ୍ଡ୍ ମେଣ୍ଡେ ଆର୍‍ତିଙ୍କ୍ ପ୍ରେମ ମାଡ଼ିକାଡ଼୍ ।