୧ ପିତର୍‍ 2:9 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁹ ମୀଇଡ଼୍ ଅଣ୍ଡୟ୍‌ ହେଞ୍ଚିମାନ୍ଦାନ୍ ଜାମେ, ରାଜାଲଡ଼୍‍ତେ ଯାଜକ୍‍ ପରିବାର୍‍, ଅଣ୍ଡୟ୍‌ ପବିତ୍ର ଜାତି ନୁ ଇଶ୍ୱର୍‌ତେ ନିଜର୍ ନାରୁଡ଼୍‍ ଆସ୍‍ମିନ୍ଦେଡ଼ି । ଇଶ୍ୱର୍‍ ମିକିଙ୍କ୍ ଇକାଡ଼୍‍ ତାଗାଙ୍କ୍ ତାନ୍ ଗାଟି ୱେସ୍‍ତାଗ୍ କାର୍‍ଙ୍ଗ୍‍ତନ୍ । ମୀଇଡ଼୍ ଅନ୍‌ ବେପ୍‍ପଡ଼୍‍ ଆଇୱାଦ୍ କାମ୍ ସାରେ ମାଡ଼ାନ୍‍ ସେଙ୍ଗେ ଏଞ୍ଚିମିନ୍ଦେଡ଼ି ।

୧ ପିତର୍‍ 2:9 ပူးပေါင်းရင်းမြစ်များ

ମାତିଉ 4:16

ଇକାଡ଼୍‌ତାଗ୍ ମାଞ୍ଜ୍ ମାଡ଼ମାନ୍ଦାନ୍ ନାରୁଡ଼୍ ଅଣ୍ଡୟ୍‌‍ ସାଏତ୍ ୱେସ୍ ଉଡ଼ିତଡ଼୍, ଡଲ୍‍ନାଦ୍ ନିଡ଼୍‍କେତ୍ ସହର୍‍ତାଗ୍ ମାନ୍ଦାନ୍ ନାରୁଡ଼୍‍ତେ ପର୍‍ର ଆଦ୍ ୱେସ୍ ସାର୍‍ରେ ପାକେ ଆଦ୍‍ତେ ।”

ମାତିଉ 5:16

ଆଦେପୁଟୁଙ୍କ୍ ମିୱାଦ୍ ୱେସ୍ ସାରେତଡ଼୍ ଗାର୍‍ରେ କେଲିନ୍ । ଆଲେକେ ମିୱାଦ୍ ସତ୍‍କାମ୍ ସାରେ ଉଡ଼ି ଅଡ଼୍‌ ମିଇ ସ୍ୱର୍ଗତଣ୍ଡ୍ ବାବାଲ୍ ଇଶ୍ୱର୍‌ତିଙ୍କ୍ ପ୍ରସଂଶା ମାଡ଼ିତଡ଼୍ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 1:79

ବେନଡ଼୍ ଡଲାନ୍ ଲେକାମ୍ ଇକାଡ଼୍ ନିଡ଼୍‍କେତାଗ୍ ବାଦ୍‍କିତଡ଼୍, ଅଡ଼୍‌‍କିଂଙ୍କ୍ ଶାନ୍ତି ହାର୍ ତେ ଆଦାନ୍ ସେଙ୍ଗେ ଅଣ୍ଡ୍‌ ସାରେତଡ଼୍ ପରୁ ସ୍ୱର୍ଗତେ ୱେସ୍ ମାଡ଼ିତନ୍ ।”

ଯୋହନ୍‌‌ 17:19

ଅଡ଼୍‌ ବେଲା ଆଦ୍ ସତ୍ ତଡ଼୍ ପବିତ୍ର ଆଦ୍‍ତଡ଼୍, ଇଦିନ୍‍ମାଇଦିଙ୍କ୍ ନାନ୍ ଅଡ଼୍‌ ସେଙ୍ଗେ ନିଜ୍‍ତିଙ୍କ୍ ପବିତ୍ର ମାଡ଼ୁତାନ୍ ।

ପ୍ରେରିତ 20:28

ଆଦିଙ୍କ୍ ମିଡ଼୍ ନେତା ଲେକାମ୍ ନିଜର୍‍ ବିଷୟ୍‍ତେ ନୁ ପବିତ୍ର ଆତ୍ମା ବେନ୍ ବିଶ୍ୱାସୀଡ଼୍‍କ୍ ମିଇ ଦାୟିତ୍ୱତେ ୱିଡ଼୍‍ସ୍‍ତଣ୍ଡ୍, ଆ ସାରେତଡ଼୍‌କିଂଙ୍କ୍ ଯତନ୍ ଆୟ୍‍ମୁଟ୍ । ମେଣ୍ଢାପଡ଼୍‍ପାନଡ଼୍ ଲେକାମ୍ ଇଶ୍ୱର୍‌ତେ ମଣ୍ଡଲିତିଙ୍କ୍ ଯତନ୍ ଆୟ୍‍ମୁଟ୍ । ଆଦ୍ ମଣ୍ଡଲିତିଙ୍କ୍ ଅଣ୍ଡ୍‌ ତାନ୍ ମାର୍‍ ଦଂସ ଆତ୍‍ତାଙ୍କ୍ ନିଜର୍‍ ମାଡ଼୍‍ତଣ୍ଡ୍ ।

ପ୍ରେରିତ 26:18

ନିମ୍‍ ଅଡ଼ାଦ୍‌ କଣ୍ଡାଙ୍କ୍ ପରିଷ୍କାର୍‍ ମାଡ଼ିମ୍ । ଅଡ଼୍‌‍କିଂଙ୍କ୍ ଇକାଡ଼୍‌ତାଗାଙ୍କ୍ ୱେସିନାଗ୍ ନୁ ଶୟ୍‍ତାନ୍‍ତାଗାଙ୍କ୍ ଇଶ୍ୱର୍‌ତେ ପାକେ ତାତାନଙ୍କ୍ ଆଦ୍‍ତେ, ବେଲାକି ଅଡ଼୍‌ ନାକିଂଙ୍କ୍ ବିଶ୍ୱାସ୍ ମାଡ଼୍‍କେ ଅଡ଼ାଦ୍‌ ପାପ୍ କ୍ଷମା ଆଦ୍‍ତେ ନୁ ପ୍ରବୁ ହେଞ୍ଚ୍‍ତେ ନାରୁଡ଼୍ ଲୋପେ ଅଡ଼୍‌‍କ୍ ଅଦିକାର୍‌‍ ଦର୍‍କିତ୍ ।’”

ପ୍ରେରିତ 26:28

ଆଗ୍ରୀପା ପାଉଲ୍‍ତିଙ୍କ୍ ଉତ୍ତର୍ ହିତ୍‍ତଣ୍ଡ୍, “ଇଦ୍ ସୁଦୁଟ୍ ସମୟ୍‍ତେ ଲୋପେ ନିମ୍‍ ବାତ୍ ନାକିଂଙ୍କ୍ କ୍ରିଷ୍ଟିୟାନ୍ ବାଦ୍‍ଲା ମାଡ଼ିତାନ୍ ଇଞ୍ଜ ହାଲ୍‍ସୁତିନ୍ ?”

ରୋମୀୟ 9:24

ଇହୁଦୀଡ଼୍ ଆୟି ବା ଅଣଇହୁଦୀଡ଼୍ ଲୋପେଙ୍କ୍ ଅଣ୍ଡ୍‌ ମାନାଙ୍କ୍‍ କାର୍‍ଙ୍ଗାନାଦ୍‍ ମାଡ଼୍‍ତଣ୍ଡ୍ ।

୧ କରନ୍ତିୟ 3:17

ଯଦି ବେନ୍‌ନାରୁନ୍‌ ପରମେଶ୍ୱରନ୍‌ ଗୁଡ଼ିୟଦିନ୍‌ ନଷ୍ଟାମ୍‌ ମାଡ଼ାତଣ୍ଡ୍, ଆଲାଇତ୍‌କେ ପରମେଶ୍ୱର୍ ଅଂକିଙ୍କ୍‌ ନାଷ୍ଟାମ୍‌ ମାଡ଼ିତନ୍ । ପରମେଶ୍ୱରନ୍‌ ଗୁଡ଼ିୟ୍‌ ଆଦୁତେ ପବିତ୍ର । ଆଦ୍‌ ପବିତ୍ର ଗୁଡ଼ିୟ୍‌ ମିଡ଼୍ ।

ଏଫିସିୟ 1:14

ଇଶ୍ୱର୍ ତାନ୍ ନାରୁଡ଼୍‍କିଂଙ୍କ୍ ବେନ୍ ସାରେ ବିଷୟ ଇଦାନ୍ ସେଙ୍ଗେ ପ୍ରତିଜ୍ଞା ମାଡ଼୍‍ତଣ୍ଡ୍, ଆଦ୍ ସାରେ ଯେ ମାନାଡ଼୍ ଦର୍ସିକିତାଡ଼୍, ପବିତ୍ରଆତ୍ମା ଆଦିନାଦ୍ ନିଜାମ୍‍ ମାଡ଼ିତାନ୍‍ ଇଞ୍ଜ କେତ୍‍ତଣ୍ଡ୍‍ । ଇଶ୍ୱର୍ ତାନ୍ ନାରୁଡ଼୍‍କିଂଙ୍କ୍ ସ୍ୱାଦିନତା ଇଦ୍‍ତଣ୍ଡ୍‍, ଇଦ୍ ନିଜାତେ ଆୱୁକାନ୍ ସେଙ୍ଗେ, ୱାଡ଼ାଟ୍ ଇଶ୍ୱର୍‌ତେ ମହିମା କିର୍ତ୍ତନ୍ ମାଡ଼ିକାଡ଼ାଟ୍ ।

ଏଫିସିୟ 1:6

ଇଶ୍ୱର୍‌ତେ ପ୍ରେମତାଦ୍ ଅନୁଗ୍ରହ ସେଙ୍ଗେ ନୁ ତାନ୍ ପ୍ରିୟ ମାର୍‍ଦିଙ୍କ୍ ବିନା ମୁଲ୍ୟବାନ୍‍ ଦାନ ଲେକାମ୍ ପାଏମ୍ ଆସ୍‍ମାନ୍ଦାନ୍ ମାୟ୍‍ଦିଙ୍କ୍‍, ମାମ୍‍ମେ ଇଶ୍ୱର୍‌ତିଙ୍କ୍‍ ଦନ୍ୟବାଦ୍ ମାଡ଼ୁତମ୍ ।

ଏଫିସିୟ 3:21

ମଣ୍ଡଲି ତଡ଼୍‍ ନୁ କ୍ରିଷ୍ଟ ଜିସୁନ୍‍ ତଡ଼୍‍ ଯୁଗ୍ ଯୁଗ୍‍ତେ ସାରେଦିନାତ୍ କାଲାମ୍‍ ଯାକ ଆଦ୍ ଇଶ୍ୱର୍‌ତେ ଗୌରବ୍ ଆୟି । ଆମେନ୍‍ ।

ଫିଲିପିୟ 3:14

ଆଦିଙ୍କ୍ କ୍ରିଷ୍ଟ ଜିସୁନ୍ ତୋଡ଼୍‍ତନ୍ ବେନ୍ ସ୍ୱର୍ଗିୟ ଜିୱୁନ୍ ଲାବ୍ ମାଡ଼ାନ୍ ସେଙ୍ଗେ ଇଶ୍ୱର୍ ନାକିଂଙ୍କ୍ କାର୍‍ଙ୍କ୍‍ ତନ୍ ଆଦ୍ ପୁରସ୍କାର୍ ସେଙ୍ଗେ କଣ୍ଡେ ୱାଟି ନାନ୍ ମେଲ୍‍ତା ପଡ଼ିୟେତାଗ୍ ମିର୍‍ତାନ୍ ।

କଲସୀୟ 1:13

ଅଣ୍ଡ୍‌ ଇକାଡ଼୍‍ ଶକ୍ତିତାଗାଙ୍କ୍ ମାନାଙ୍କ୍ ରକ୍ଷା ମାଡ଼୍‍ତନ୍ ନୁ ବିପଦ୍ ଇଲ୍‍ୱେ ଜାଗେତାଗ୍ ମାନାଙ୍କ୍ ତାନ୍ ପ୍ରିୟ ପ୍ରେମ ମାରିନ୍ ରାଜ୍ୟତାଗେ ତାତ୍‍ତନ୍ ।

୨ ତୀମତି 1:9

ଅଣ୍ଡ୍‌ ମାନ୍‍ ସତ୍ କାମ୍‍ଦେ ପୁରସ୍କାର୍ ଲେକାମ୍ ଅଣ୍ଡ୍‌ ମାନାଙ୍କ୍ ଆହ୍ୱାନ୍ ମାଡ଼ଣ୍ଡ୍ ମାତର୍ ଅନ୍‌ ଅନୁଗ୍ରହତେ ଅନ୍‌ ହେର୍କେତେ ତିଆର୍‌ ମାଡ଼ାଙ୍କ୍‌ ମାନାଙ୍କ୍ ତାନ୍ ପ୍ରିୟଦାସ ଆଦାନ୍ ସେଙ୍ଗେ ହେଞ୍ଚିମିନ୍ଦେନ୍ । କ୍ରିଷ୍ଟ ଜିସୁନ୍ ଶାସନ୍‍ ନାର୍ଗ ୱାଡ଼୍‍ଷାତାଗାଙ୍କ୍ ଇଶ୍ୱର୍ ମାନାଙ୍କ୍ ଇଦ୍ ଅନୁଗ୍ରହତେ ପାତ୍ର ଇନା ମାଡ଼ି ନେହେସ୍‍ମିନ୍ଦେନ୍;

ତୀତସ୍‌ 2:14

ଆଦ୍ କ୍ରିଷ୍ଟ ଜିସୁ ମାନାଡ଼୍ ସାର୍ରେତଡ଼୍‍କିଂଙ୍କ୍ ଆଦାର୍ମିକନ୍‌ସ ମୁକ୍ତି ମାଡ଼ାନଙ୍କ୍ ନୁ ନିଜେତ୍ ନିଜେତ୍ ସାୟେତ୍ ପାଡ଼୍‍ୟିତାଗ୍ ସାର୍‍ଦେ ମାଡ଼ି ନିଜେତ୍ ନାରୁଡ଼୍ ଲେକାମ୍ ସାୟେ ମାଡ଼ାନ୍ ସେଙ୍ଗେ ନିଜେତ୍ ଜିୱୁଣ୍ଡ୍ ଇତ୍‍ତନ୍ ।

୧ ପିତର୍‍ 1:2

ମୀଇଡ଼୍ ବାବାଲ୍ ଇଶ୍ୱର୍‌ତେ ଆଲ୍‍ସାନ୍ ମନ୍‍ଦେ ଏଞ୍ଚ୍‍ତେନଡ଼୍ । ଜିସୁ କ୍ରିଷ୍ଟନ୍ ଗଟ୍ ପାଲନ୍ ମାଡ଼ି ଅନ୍‌‍ ନେତୁର୍‍ତେ ସୁସ୍ଥ ଆଦାନ୍ ସେଙ୍ଗେ ମୀଇଡ଼୍ ପରମାଆତ୍ମା ତଡ଼୍ ୱେରଡ଼୍ ପବିତ୍ର ଜିୱା ଆସ୍‍ମିନ୍ଦେଡ଼ି । ଇଶ୍ୱର୍‌ତେ ଅନୁଗ୍ରହ ନୁ ଶାନ୍ତି ନାର୍ଗେଆସ ମୀଇ ପରୁ ଆୟି ।

୧ ପିତର୍‍ 2:5

ମୀଇଡ଼୍ ଅଣ୍ଡୟ୍‌ ଆଦ୍ୟାତ୍ମିକ୍‍ ମନ୍ଦିର୍ ତିଆର୍‍ ମାଡ଼ାନାଗ୍‍ ଜିୱେମାନ୍ଦାନ୍‍ ବାଡ଼ିୟାଦ୍ କାଲ୍‍ ଲେକାମ୍ ବ୍ୟବହାର୍‌ ଆଦାନ୍‍ ସେଙ୍ଗେ ୱାଡ଼ାଟ୍‍ । ଆଦ୍ ମନ୍ଦିର୍‍ତାଗ୍ ମୀଇଡ଼୍ ଜିସୁ କ୍ରିଷ୍ଟଙ୍କ୍ ତଡ଼୍‍ ଇଶ୍ୱର୍‌ତେ ଗ୍ରହଣଯୋଗ୍ୟ ଆଦ୍ୟାମିକ୍ ବଲି ଉତ୍ସର୍ଗ ମାଡ଼୍‍ନ୍ ସେଙ୍ଗେ ପବିତ୍ର ଜାଜକ୍‍ତେ କାମ୍ ମାଡ଼ିତିଡ଼୍‍ ।

୧ ପିତର୍‍ 4:11

ବେନ ପ୍ରଚାର୍ ମାଡ଼ିତନ୍, ଅଣ୍ଡ୍‌ ଇଶ୍ୱର୍‌ତେ ଗଟି ପ୍ରଚାର୍ ମାଡ଼ିଣ୍ଡ୍ । ବେନ ସେବା ମାଡ଼ିତନ୍, ଇଶ୍ୱର୍ ଅଙ୍କ୍‌ ଇସ୍‍ମାନ୍ଦାନ୍ ଶକ୍ତି ଲେକାମ୍ ଅଣ୍ଡ୍‌ ସେବା ମାଡ଼ିଣ୍ଡ୍ । ଆଲେଇତ୍‍କେ, ଇଶ୍ୱର୍ ସାରେ ବିଷୟତେ ଜିସୁ କ୍ରିଷ୍ଟନ୍ ତଡ଼୍ ଗୌରବ୍ ପାଏମ୍‍ ଆଦ୍‍ତନ୍ । ଯୁଗ୍‍ଯୁଗ୍ ମହିମା ନୁ ପରାକ୍ରମ୍ ଅନାଦ୍‌ । ଆମେନ୍‍ ।

ପ୍ରକାଶିତ୍‌ ବାକ୍ୟ 1:6

ତାମ୍ ବାବାଲ୍ ଇଶ୍ୱର୍‌ତେ ସେବା ମାଡ଼ାନ୍ ସେଙ୍ଗେ ମାନାଙ୍କ୍ ଅଣ୍ଡୟ୍‌ ଯାଜକ ବଂଶ ମାଡ଼୍‍ତନ୍ । ସାରେ ଗଉରବ୍ ନୁ ପରାକ୍ରମ୍ ସାରେଦିନାମ୍ ଜିସୁ କ୍ରିଷ୍ଟନାଦ୍ ଆୟି ଆମେନ୍‍ ।

ପ୍ରକାଶିତ୍‌ ବାକ୍ୟ 20:6

ଡ଼ଲତେ ନାରୁଡୁ ଇ ମୁନେତେ ପୁନାର୍ରାଉତାତେ ବେନଡ଼୍ ମିନ୍ଦେଡ଼୍‌ ଅଡ଼୍‌‍ ବେସର୍‍ ସାୟେ । ଅଡ଼୍‌‍ ବେସର୍‍ ୱେଡ଼େକେ; ଅଡ଼୍‌‍କ୍ ମେଣ୍ଡେ ମେଣ୍ଡଦାମ୍ ଡ଼ଲେୱେୟ୍ । ଅଡ଼୍‌‍ ଇଶ୍ୱର୍ ନୁ କ୍ରିଷ୍ଟନ୍ ଯାଜକ ଆସ୍ କ୍ରିଷ୍ଟନ୍ ତୋଡ୍ ଅଡ଼୍‌ ହଜାର୍‍ ଏଣ୍ଡ୍‍କ୍‍ ରାଜତ୍ୱ ମାଡିତଣ୍ଡ୍ ।

ପ୍ରକାଶିତ୍‌ ବାକ୍ୟ 5:10

ମେଣ୍ଢା ଇଶ୍ୱର୍‌ତେ ସେବା ମାଡ଼ାନ୍‍ ସେଙ୍ଗେ ଅଡ଼୍‌‍କିଂଙ୍କ୍ ୱେରଡ଼୍ ଯାଜକ୍ ନାର୍‍ଦାଗ୍ ପରିଣତ୍‍ ମାଡ଼ିମିନ୍ଦେନି ଅଡ଼୍‌ ପୃତିବିତେ ପରୁ ରାଜତ୍ୱ ମାଡ଼ିତଡ଼୍ ।”