୧ ଯୋହନ୍‌‌ 5:9 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁹ ମାମେ ଯଦି ନାରୁନ୍‍ ସାକ୍ଷ୍ୟ ଗ୍ରହନ୍‍ମାଡ଼୍‍କେ ଆଲେକ୍ ଇଶ୍ୱର୍‌ତେ ସାକ୍ଷ୍ୟ ଆଦିନାଗାଙ୍କ୍ ଶ୍ରେଷ୍ଠ, ମେଣ୍ଡେ ଇଶ୍ୱର୍‌ତେ ସାକ୍ଷ୍ୟ ଇଦ୍ ‍ଯେ ଅଣ୍ଡ୍‌ ତାନ୍ ମାରିନ୍ ବିଷୟତେ ସାକ୍ଷ୍ୟ ଇତ୍‍ତନ୍ ।

୧ ଯୋହନ୍‌‌ 5:9 ပူးပေါင်းရင်းမြစ်များ

ମାତିଉ 17:5

ପିତର୍ ଆଦ୍ କେତ୍‍ତାନ୍ ୱେଲେ ୱେରଡ଼୍ ୱେସ୍‍ତେ ମାବ୍ ଅଡ଼୍‌‍କିଂଙ୍କ୍ ତାଲେତ୍ ପର୍‍ର ୱାତ୍‍ତେ ନୁ ଆଗାଙ୍କ୍ କେଞ୍ଜ୍‍ତଡ଼୍, “ହୋ ନା ପ୍ରିୟ ମାର୍‍, ଇନାଗେ ନାନ୍ ପେର୍କେ ସାର୍‍ଦେ । ଅନ୍‌ ଗଟ୍ ମନ୍ଇସ୍ କେଞ୍ଜାଟ୍ ।”

ଯୋହନ୍‌‌ 10:38

ବାତେଙ୍କ୍ ଇତ୍‍କେ ଯଦି ନାନ୍ ମାଡ଼ିତାନ୍, ଆଲାଇତ୍‍କେ ଆଗେଙ୍କ୍ ମିଡ଼୍ ନାକିଂଙ୍କ୍ ବିଶ୍ୱାସ୍ ମାଡ଼୍‍ମାଟ୍, ଆଗେକ୍ ବାବାଲ୍ ଯେ ନାୟାଗେ ମିନ୍ଦେଣ୍ଡ୍ ନୁ ନାନ୍ ବାବାନାଗ୍ ମିନ୍ଦେନ୍, ଇଦ୍ ବେଲାକି ମିଡ଼୍ ପୁତ୍‍ତିଡ଼୍ ନୁ ପୁନୁଟ୍, ଆଦିନ୍ ମାଇଦିଙ୍କ୍ କାମ୍‍ସାରେ ବିଶ୍ୱାସ୍ ମାଡ଼ାଟ୍ ।”

ଯୋହନ୍‌‌ 5:39

ମିଡ଼୍ ଦର୍ମଶାସ୍ତ୍ରତିଙ୍କ୍ ମେହେକ ମିନ୍ଦେଡ଼ି, ବାତେଙ୍କ୍ ଇତ୍‍କେ ଆଗାଙ୍କ୍ ସାରେଦିନାତ୍ ଜିୱୁନ୍‍ ଦର୍‍କିତ୍‍ତେ ଇଞ୍ଜ ହେର୍କା ମାଡ଼ମିନ୍ଦେଡ଼ି, ମେଣ୍ଡେ, ଆଦ୍ ଦର୍ମଶାସ୍ତ୍ର ନା ବିଷୟ୍‍ତେ ସାକ୍ଷ୍ୟ ହିସମିନ୍ଦେ ।

ପ୍ରେରିତ 17:31

ଅଣ୍ଡ୍‌ ଅଣ୍ଡୟ୍‌ ଦିନ୍ ହେଞ୍ଚ୍‍ତଣ୍ଡ୍ । ଆଦ୍ ଦିନ୍ ଅଣ୍ଡ୍‌ ତାନ୍ ହେଞ୍ଚ୍‍ତେ ନାରୁନ୍ ତଡ଼୍ ସାରେ ଜଗତ୍‍ ତାଦ୍ ନ୍ୟାୟ ବିଚାର୍ ମାଡ଼ିତନ୍ । ଆ ନାରୁଙ୍କ୍ ପୁନର୍ଜିବୀତ୍ ମାଡ଼ାନ୍ ତଡ଼୍ ଅଣ୍ଡ୍‌ ଇଦ୍ ଗଟ୍‍ତାଦ୍ ସତ୍‍ ସାରେତଡ଼୍‌କିଂଙ୍କ୍ କେସ୍‍ମିନ୍ଦେଣ୍ଡ୍ ।

ପ୍ରେରିତ 5:32

ମାନାଡ଼୍ ଇଦ୍ ସାରେ ବିଷୟ୍‍ତାଦ୍‍ ସାକ୍ଷି, ମେଣ୍ଡେ ବେନ୍ ପବିତ୍ର ଆତ୍ମାଙ୍କ୍ ଇଶ୍ୱର୍ ତାନ୍ ଗଟି ପାଲନ୍ ମାଡ଼ାନଡ଼୍‍କ୍‍ ହିତ୍‍ତଣ୍ଡ୍, ଅଣ୍ଡ୍‌ ମିକା ସାକ୍ଷି ।”

ଏବ୍ରୀ 2:4

ମେଣ୍ଡେ ଗାଲେୟ୍‌, ଇଶ୍ୱର ଚିଏଃନେ ନୁ ନାର୍ଗେ ବେପଡ଼୍‍ ଆୟ୍‍ୱାଦ୍ ପାଡିୟ୍ ମେଣ୍ଡେ ଆଶର୍ଯ୍ୟ ପାଡ଼୍‍ୟି ନୁ ପବିତ୍ର ଆତ୍ମାନ୍ ୱେରେୱେରେ ଦାନାମ୍ ତଡ଼୍‍ ସାକ୍ଷି ଇସ୍‌ ମିନ୍ଦେ ।

ଏବ୍ରୀ 6:18

ଅନ୍‌ ପ୍ରତିଜ୍ଞା ନୁ ଶପତ ବାଦ୍‍ଲେମ୍ ଆୟ, ଆଦ୍‍ ଉହୁସ୍‌ ଇଶ୍ୱର୍ ବୁସାତାଦ୍‌ ଆୟଣ୍ଡ୍‍ । ଇତ୍କେ ଅନ୍‌ ଅଶ୍ରିତ ମାନାଡ଼୍‍, ମୁନେ ମାନ୍ଦାନ୍‍ ଆଶେତିଙ୍କ୍ ଡାଟୁମ୍‍ ପଇସ୍ ମାନ୍ଦାନ୍ ମାଇଦିଙ୍କ୍‌ ନେକେ ୱେଡ଼୍‍କେ ଆଦୁତମ୍‍ ।

୧ ଯୋହନ୍‌‌ 5:10

ବେନ ଇଶ୍ୱର୍‌ତେ ମାରିନାଗ୍‍ ବିଶ୍ୱାସ୍‍ ମାଡ଼ିତଣ୍ଡ୍‍, ଅଣ୍ଡ୍‌‍ ନିଜର୍‍ ହୃଦୟତାଗ୍‍ ଇଦ୍‍ ସାକ୍ଷ୍ୟ ପାଏମ୍‍ ଆତ୍‍ତଣ୍ଡ୍‍, ବେନ ଇଶ୍ୱର୍‌ତେ ସାକ୍ଷ ବିଶ୍ୱାସ୍‍ ମାଡ଼ଣ୍ଡ୍‍, ଅଣ୍ଡ୍‌‍ ଅଂକିଙ୍କ୍‌ ମିଚ୍‍ ଇଞ୍ଜ କେତ୍‍ତଣ୍ଡ୍‍, ବାତେଙ୍କ୍ଇତ୍କେ ଇଶ୍ୱର୍‍ ନିଜେ ମାରିନ୍ ବିଷୟତେ ବେନ୍ ସାକ୍ଷ୍ୟ ଇସ୍‍ମିନ୍ଦେଣ୍ଡ୍, ଆଗେ ଅଣ୍ଡ୍‌ ବିଶ୍ୱାସ୍‍ ମାଡ଼ଣ୍ଡ୍ ।

୧ ଯୋହନ୍‌‌ 5:8

ଆତ୍ମା, ଏର୍‍ ନୁ ନେତୁର୍‍, ଇୱୁ ମୁଣ୍ଡିନ୍‍ ସାକ୍ଷ୍ୟ ଅଣ୍ଡୟ୍‌‍ ।