୧ ଯୋହନ୍‌‌ 5:13 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹³ ମିକିଙ୍କ୍ ଇଦ୍ ଚିଟି ଲେକୁତାନ୍, ସାରେଦିନତ୍ ଜିୱେତେ ଅଦିକାର୍‌ ଇଞ୍ଜ ମିଡ଼୍ ବେଲାନ୍ ପୁନ୍‍ତିଡ଼୍, ବାତେଙ୍କ୍‍ଇତ୍କେ ଇଶ୍ୱର୍‌ତେ ମାରିନାଗେ ମୀଇ ବିଶ୍ୱାସ ମିନ୍ଦେ ।

୧ ଯୋହନ୍‌‌ 5:13 ပူးပေါင်းရင်းမြစ်များ

ଯୋହନ୍‌‌ 1:12

ମାତର୍ ବେସର୍ ନାରୁଡ଼୍ ଅଂକିଙ୍କ୍‌ ଗ୍ରହନ୍ ମାଡ଼୍‍ତଡ଼୍, ଇତ୍‍କେ ବେନଡ଼୍ ଅନ୍‌ ପେଦେର୍‍ତେ ବିଶ୍ୱାସ୍ ମାଡ଼୍‍ତଡ଼୍, ଆ ସାରେତଡ଼୍‌କିଂଙ୍କ୍ ଅଣ୍ଡ୍‌ ଇଶ୍ୱରତେ ମାର୍‍ ଆଦ୍‍ଦାନ୍ ମାଇଦିଙ୍କ୍ ଅଦିକାର୍‌ ହିତ୍‍ତଣ୍ଡ୍;

ଯୋହନ୍‌‌ 2:23

ନିସ୍ତାର୍ ପାଣ୍ଡୁମ୍ ହେଉତେ ସମୟ୍‍ତେ ଜିସୁ ଯିରୁଶାଲେମ୍‌‍ତାଗ୍ ମାନ୍ଦାନ୍‍ୱେଲେ ନାର୍‍ଗେ ଅନାଦ୍‌ ମାଡ଼୍‍ତାଦ୍ ଆଶର୍ଯ୍ୟ କାମ୍ ଉଡ଼ି ଅନ୍‌ ପେଦେର୍‍ତେ ବିଶ୍ୱାସ୍ ମାଡ଼୍‍ତଡ଼୍ ।

ଯୋହନ୍‌‌ 20:31

ବାତେଙ୍କ୍ ଇତ୍‍କେ ମିଡ଼୍ ବିଶ୍ୱାସ୍ ମାଡ଼ିତିଡ଼୍ ଯେ, ଜିସୁ ଆଦୁତନ୍ ଇଶ୍ୱର୍‌ତେ ମାର୍‍ ମସିହ, ମେଣ୍ଡେ ଅନାଗ୍ ବିଶ୍ୱାସ୍ ମାଡ଼ି ମିଡ଼୍ ବେଲା ଜିୱୁଣ୍ଡ୍ ଦର୍‍କିତ୍, ଇଦିନ୍ ସେଙ୍ଗେ ଇୱୁସାରେ ଲେକ୍‍ତାଦ୍ ଆସ୍‍ମିନ୍ଦେ ।

ଯୋହନ୍‌‌ 21:24

ବେନ ଇ ସାରେ ବିଷୟ୍‍ତେ ସାକ୍ଷ୍ୟ ହିତ୍‍ତଣ୍ଡ୍ ନୁ ଇୱୁସାରେ ଲେକିମିନ୍ଦେଣ୍ଡ୍, ଅଣ୍ଡ୍‌ ଆ ଶିଷ୍ୟ; ମେଣ୍ଡେ ଅନାଦ୍‌ ସାକ୍ଷ୍ୟ ନିଜାମ୍, ଆଦ୍‌ ମାମ୍‍ମେ ପୁତ୍‍ତମ୍ ।

ଯୋହନ୍‌‌ 3:18

ବେନ ମାରିନାଗ୍ ବିଶ୍ୱାସ୍ ମାଡ଼ିତନ୍, ଅଣ୍ଡ୍‌ ବିଚାରିତ ଆୟ୍‍ୟଣ୍ଡ୍; ବେନ ବିଶ୍ୱାସ୍ ମାଡ଼ଣ୍ଡ୍, ଅଣ୍ଡ୍‌ ବିଚାରିତ ଆଶେ ତେର୍‍ତଣ୍ଡ୍, ବାତେଙ୍କ୍ ଇତ୍‍କେ ଅଣ୍ଡ୍‌ ଇଶ୍ୱର୍‌ତେ ଅଦ୍ୱିତିୟ ମାର୍‍ଦେ ପେଦେର୍ ତିଙ୍କ୍ ବିଶ୍ୱାସ୍ ମାଡ଼ଣ୍ଡ୍ ।

ଯୋହନ୍‌‌ 5:24

“ସତ୍ ନାନ୍ ମିକିଂଙ୍କ୍ କେତୁତାନ୍, ବେନ ନା ବାକ୍ୟ କେଞ୍ଜି ନା ପ୍ରେରଣାକର୍ତ୍ତାଙ୍କ୍ ବିଶ୍ୱାସ୍ ମାଡ଼ିତନ୍, ଅଣ୍ଡ୍‌ ସାରେଦିନାତ୍ ଜିୱୁନ୍‍ ଦର୍ସିକି ମିନ୍ଦେଣ୍ଡ୍, ମେଣ୍ଡେ ଅଣ୍ଡ୍‌ ବିଚାରିତ ଆୟ୍‍ୟକଟ ବେଲାନ୍ ଡଲାନାଦିଙ୍କ୍ ମେଣ୍ଡନ୍‍ରକମ୍‌ ଆସ୍‌ ଜିୱୁନ୍‍ତାଗ୍‍ ନେଙ୍ଗି ମିନ୍ଦେଣ୍ଡ୍ ।

ପ୍ରେରିତ 3:16

ଅନ୍‌ ପେଦେର୍‍ତେ ଶକ୍ତି କେ ଇଣ୍ଡ୍ କୁଟାଙ୍କ୍ ସୁସ୍ଥ ମାଡ଼୍‍ତେ । ଆଦ୍ ମିଡ଼୍ ନିଜେ ଉଡ଼ି ନିଜାମ୍ ଇଞ୍ଜ ପୁତ୍‍ତିଡ଼୍, ଆଦ୍ ମାତ୍ରମ୍‍ ଅନ୍‌ ପେଦେର୍‍ତିଙ୍କ୍ ବିଶ୍ୱାସ୍ ମାଡ଼୍‍ତାଙ୍କ୍ ସମ୍ଭବ୍ ଆତ୍‍ତେ । ଜିସୁନାଗ୍ ବିଶ୍ୱାସ୍ ମାଡ଼୍‍ତାଙ୍କ୍ ଅଣ୍ଡ୍‌ ଜେ ସୁସ୍ଥ ଆତ୍‍ତଣ୍ଡ୍, ଇଦ୍ ମିଡ଼୍ ଉଡ଼୍‍ତିଡ଼୍‍ ।

ପ୍ରେରିତ 4:12

ମାତ୍ରମ୍‍ ଅନ୍‌ ତଡ଼୍ ପରିତ୍ରାନ୍‍ ସମ୍ଭବ୍‍ ଆଦ୍‍ତେ, ବାତେଙ୍କ୍ଇତ୍‍କେ ଇଦ୍ ସ୍ୱର୍ଗତାଗ୍ ମାନ୍ଦାନ୍ ମେଣ୍ଡେଅନ୍‌ ପେଦେର୍‍ତଡ଼୍‍ ନାରୁଡ଼୍‍କିଂଙ୍କ୍ ମୁକ୍ତି ଦର୍‍କ ।”

୨ କରନ୍ତିୟ 5:1

ମାନାଡ଼୍ ପୁତ୍‍ତାଡ଼୍ ଯେ, ବେନ୍ ପାର୍ତିବ୍ ମେନ୍ଦୁଲ୍ ଲେକାମ୍ ତମ୍ୱୁତେ ମାନାଡ଼୍ ଇଞ୍ଜେ ମିନ୍ଦେ, ଆଦ୍ ଦ୍ୱଂସ ଆତ୍‍କେ, ମାନ୍‍ ଇଶ୍ୱର୍‌ ସ୍ୱର୍ଗତାଗ୍ ୱେରଡ଼୍ ସାରେଦିନାତ୍ ଡ଼ାଦ୍ ଲନ୍‌ ନେହେଚିସ୍ ମିନ୍ଦେନ୍ ।

ଗାଲାତୀୟ 4:6

ମିଡ଼୍ ଇଶ୍ୱର୍‌ତେ ମାର୍‍ମାୟାସ୍କ୍‍ ଇଦ୍ ପ୍ରାମାଣ୍ ମାଡ଼ାନ୍ ସେଙ୍ଗେ, ଇଶ୍ୱର୍ ତାନ୍ ମାରିନ୍‍ ମେଲ୍‍ତେ ଜିୱୁତିଙ୍କ୍ ମାନ୍‍ ଜିୱୁଣ୍ଡ୍ ଲୋପେ ରଅତଣ୍ଡ୍ । ଆଦ୍ ପବିତ୍ର ଜିୱୁ ଗାଟି ଲେଙ୍ଗ୍‍ଦେ କେତୁତ୍, “ବାବା ! ଆ ନା ବାବା !”

୧ ପିତର୍‍ 5:12

ଶୀଲାଙ୍କ୍ ବିଶ୍ୱାସ୍ତେ କ୍ରିଷ୍ଟିୟାନ୍‍ ଦାଦାଲ୍‍ ଲେକାମ୍ ନାନେ ସମ୍ମାନ୍‍ ମାଡ଼ିତାନ୍ । ଅନ୍‌ ତଡ଼୍ ନାନେ ଇଦ୍ ସୁଦୁରାଦ୍‍ ଚିଟି ଲେକ୍‍ତାନ୍ । ଇଶ୍ୱର୍‌ତେ ନିଜାତାଦ୍‍ ଅନୁଗ୍ରହ ମୁନେ ସାକ୍ଷ୍ୟ ଇସ୍ ମିକିଙ୍କ୍ ସାର୍‍ଦେ ମାଡ଼ାନଙ୍କ୍‍ ନାୟାଦ୍ ଇଚ୍ଛା । ଆଦ୍ ଅନୁଗ୍ରହତାଗ୍‍ ମିଡ଼୍ ଗାଡ଼୍‍ସ୍‍ ଆସ୍‍ ମାନୁଟ୍ ।

୧ ଯୋହନ୍‌‌ 1:4

ମାନ୍‍ୱାଦ୍‍ ୱେଡ଼୍‍କେ ବେଲାକି ପୁରା ଆଦ୍‍ତେ ଅଦିନ୍‌ ସେଙ୍ଗେ ମାନାଡ଼୍‍ ଇୱୁସାରେ ଲେକୁତାଡ଼୍‍ ।

୧ ଯୋହନ୍‌‌ 2:1

ଆ ନା ପିଲାନଡ଼ି, ମିକିଙ୍କ୍ ନାୟାଦ୍ ଇଦ୍ ଚିଟି ଲେକେନାଦ୍ କାମ୍, ଇଦ୍ କାର୍‍ସ୍ ବେଲାନ୍ କି ମେଣ୍ଡେ ପାପ୍ ମାଡ଼୍‍ମାଟ୍ । ମେଣ୍ଡେ ମିଡ଼୍ ବେଲାନ୍ ପୁନ୍‍ତିଡ଼୍, ବେନ ଯଦି ପାପ୍‍ ମାଡ଼ିତନ୍, ମାନ୍‍ ସେଙ୍ଗେ ବାବାଲ୍ ଇଶ୍ୱର୍‌ତାଗେ କୃପାବିକ୍ଷା ମାଡ଼ାନଙ୍କ୍ ୱେରଣ୍ଡ୍ ଗାଟି ଦାର୍ମାମ୍‌ ନାରୁଣ୍ଡ୍ ମିନ୍ଦେଣ୍ଡ୍ ଅଣ୍ଡ୍‌‍ ପ୍ରବୁ ଜିସୁକ୍ରିଷ୍ଟ ।

୧ ଯୋହନ୍‌‌ 2:21

ମିଡ଼୍‍ ସତ୍‍ ପୁନ୍‍ୱାଙ୍କ୍ ନାନ୍‍ ମିକିଙ୍କ୍ ଇଦ୍ ଚିଟି‍ ଲେକ୍‍ତନନ୍, ଆଦ୍ ଆୟ; ମାତର୍‌ ସ୍ପଷ୍ଟତେ ପୁତ୍‍ତିଡ଼୍ ଇଞ୍ଜ ଲେକୁତାନ୍, ସତ୍‍ ତାଗାଙ୍କ୍ ବେନେଆଇ ମିତ୍ୟା ତିଆର୍‍ ଆଦ୍‍ଦେ ପାର୍‍ୱ ଇଞ୍ଜ ପୁତ୍‍ତିଡ଼୍ ।

୧ ଯୋହନ୍‌‌ 2:25

ମାକିଂଙ୍କ୍ ଇଦ୍ ଦାନ ମାଡ଼ାନ୍ ସେଙ୍ଗେ ସ୍ୱଂୟ କ୍ରିଷ୍ଟ ପ୍ରତିଜ୍ଞା ମାଡ଼ି ମିନ୍ଦେନ୍ ଇଦ୍‍ଏକେ ଅନନ୍ତ ଜିୱୁନ୍ ।

୧ ଯୋହନ୍‌‌ 2:26

ବେନଡ଼୍ ମିକିଂଙ୍କ୍ ତିପାଲ୍‍ ମାଡ଼ାନଙ୍କ୍ ଚେଷ୍ଟା ମାଡ଼ୁତଡ଼୍, ଅଡ଼୍‌‍ ବିଷୟ୍‍ତେ ମିକିଂଙ୍କ୍ ସତର୍କ ମାଡ଼ିଦୁତେ ।

୧ ଯୋହନ୍‌‌ 3:23

ମାନ୍‍ ସେଙ୍ଗେ ଅନାଦ୍‌ ଆଜ୍ଞା ଅଦୁତ୍, ତାନ୍‍ ମାର୍‍ ଜିସୁ କ୍ରିଷ୍ଟନାଗେ ବିଶ୍ୱାସ୍ ମାଡ଼ିକାଡ଼୍ ନୁ କ୍ରିଷ୍ଟନ୍ ଆଦେଶ୍ ଲେକାମ୍ ୱେରଣ୍ଡ୍ ମେଣ୍ଡେ ଆର୍‍ତିଙ୍କ୍ ପ୍ରେମ ମାଡ଼ିକାଡ଼୍ ।

୧ ଯୋହନ୍‌‌ 4:9

ଇଶ୍ୱର୍ ତାନ୍ ୱେରଣ୍ଡେ ଇଞ୍ଜ ମାର୍‍ ଜିସୁଙ୍କ୍ ଜଗତ୍‍ତାଗ୍ ରସ୍‍ମିକା ମାନ୍‍ ସେଙ୍ଗ୍ ଅନାଦ୍‌ ପ୍ରେମ କେସ୍‍ ମିନ୍ତେନ୍, ଆ ଜିସୁନ୍ ତଡ଼୍ ମାନ୍ଡ଼୍ ଅନନ୍ତ ଜିୱେ ପାଏମ୍‍ ଆଦ୍‍ତାଡ଼୍ ।

୧ ଯୋହନ୍‌‌ 5:10

ବେନ ଇଶ୍ୱର୍‌ତେ ମାରିନାଗ୍‍ ବିଶ୍ୱାସ୍‍ ମାଡ଼ିତଣ୍ଡ୍‍, ଅଣ୍ଡ୍‌‍ ନିଜର୍‍ ହୃଦୟତାଗ୍‍ ଇଦ୍‍ ସାକ୍ଷ୍ୟ ପାଏମ୍‍ ଆତ୍‍ତଣ୍ଡ୍‍, ବେନ ଇଶ୍ୱର୍‌ତେ ସାକ୍ଷ ବିଶ୍ୱାସ୍‍ ମାଡ଼ଣ୍ଡ୍‍, ଅଣ୍ଡ୍‌‍ ଅଂକିଙ୍କ୍‌ ମିଚ୍‍ ଇଞ୍ଜ କେତ୍‍ତଣ୍ଡ୍‍, ବାତେଙ୍କ୍ଇତ୍କେ ଇଶ୍ୱର୍‍ ନିଜେ ମାରିନ୍ ବିଷୟତେ ବେନ୍ ସାକ୍ଷ୍ୟ ଇସ୍‍ମିନ୍ଦେଣ୍ଡ୍, ଆଗେ ଅଣ୍ଡ୍‌ ବିଶ୍ୱାସ୍‍ ମାଡ଼ଣ୍ଡ୍ ।

୧ ଯୋହନ୍‌‌ 5:11

ଆଦ୍ ସାକ୍ଷ୍ୟ ଆତ୍‍ତେ, ଇଶ୍ୱର୍‍ ମାନାଙ୍କ୍ ଅନନ୍ତ ଜିୱୁନ୍ ଇତ୍‍ତନ୍; ମେଣ୍ଡେ ଆଦ୍‍ ଜିୱୁଣ୍ଡ୍ ତାନ୍ ମାରିନାଗେ ମିନ୍ଦେ ।

୧ ଯୋହନ୍‌‌ 5:20

ମାମେ ପୁତ୍‍ତମ୍, ଇଶ୍ୱର୍‌ତେ ମାର୍‍ ଇଗେ ୱାସ୍ ସତ୍‍ ଇଶ୍ୱର୍‌ତେ ସତ୍‌ ଏର୍କେ ମାଡ଼ାନଙ୍କ୍ ମାନାଙ୍କ୍ ଜ୍ଞାନ୍ ଇସ୍‍ମିନ୍ତେନ୍ । ମାନାଡ଼୍ ସତ୍‍ ଇଶ୍ୱର୍ ନୁ ଅନ୍‌‍ମାର୍ ଜିସୁ କ୍ରିଷ୍ଟନ୍‍ ତଡ଼୍ କାଇଲି ମାନ୍ଦାନ୍ ଜିୱେ ବାଦ୍‍କୁତାଡ଼୍ । ଅଣ୍ଡେ କେ ସତ୍ ଇଶ୍ୱର୍ ନୁ ଅଣ୍ଡେ କେ ସାରେଦିନାତ୍ ଜିୱେ ।