୧ ଯୋହନ୍‌‌ 4:21 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

²¹ ଇଦ୍ ଆଦେଶ୍ କ୍ରିଷ୍ଟ ମାକିଙ୍କ୍ ଇତ୍‍ତନ୍, ବେନ ଇଶ୍ୱର୍‌ତିଙ୍ଗ୍ ପ୍ରେମ ମାଡ଼ିତନ୍, ଅଣ୍ଡ୍‌ ନିଜାମ୍ ତାନ୍ ବିଶ୍ୱାସୀ ଏଲାଡ଼୍‍ତାମୁଙ୍କ୍‍ ପ୍ରେମ ମାଡ଼ିତନ୍ ।

୧ ଯୋହନ୍‌‌ 4:21 ပူးပေါင်းရင်းမြစ်များ

ମାତିଉ 5:43

“‘ସାଙ୍ଗଡ଼୍‍କ୍ ପ୍ରେମ ମାଡ଼ାଟ୍, ଶତ୍ରୁଡ଼୍‍କ୍ ପାସ୍‍କାଟ୍ ।’ ଇଦ୍ ଶିକ୍ଷା ମୁନେନ୍ କେଞ୍ଜ୍‍ତିଡ଼୍ ।”

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 10:37

ବ୍ୟବସ୍ଥା ଶାସ୍ତ୍ରଜ୍ଞ ଉତ୍ତର୍ ହିତ୍‍ତଣ୍ଡ୍, “ବେନ ଅଂକିଙ୍କ୍‌ ଦୟାମାଡ଼୍‍ତଣ୍ଡ୍ ଅଣ୍ଡ୍‌ । ଜିସୁ ଅଂକିଙ୍କ୍‌ କେତ୍‍ତଣ୍ଡ୍, ଅନ୍‌ ନିମେ ମିକା ରକମ୍ ମାଡ଼େ ।”

ଯୋହନ୍‌‌ 15:12

ନାନ୍ ବେଲା ମିକିଂଙ୍କ୍ ପ୍ରେମ ମାଡ଼୍‍ତାନ୍, ମିଡ଼୍ ମିକା ଆଲେକେ ମିଇ ମିଲୋପେ ପ୍ରେମ ମାଡ଼ାଟ୍, ଇଦ୍ ନାୱାଦ୍ ଗଟ୍ ।

ଗାଲାତୀୟ 5:14

ବାତେଙ୍କ୍ଇତ୍‍କେ ସାରେ ନିୟମ୍ ଇଦ୍ ଅଣ୍ଡୟ୍‌ ବାକ୍ୟତଡ଼୍ ପୁରା ଆତ୍‍ତେ, “ମିଡ଼୍ ମିୱଡ଼୍ ଗାରେତଡ଼୍‍କିଂଙ୍କ୍ ଜିୱୁଣ୍ଡ୍ ଲେକାମ୍ ପ୍ରେମ ମାଡ଼ାଟ୍ ।”

ଗାଲାତୀୟ 5:6

ଆଦିଙ୍କ୍ କ୍ରିଷ୍ଟ ଜିସୁନ୍ ତଡ଼୍ ଜିୱୁଣ୍ଡ୍ ବାଦ୍‍କେ ସୁନ୍ନତ କି ଅସୁନ୍ନତ ବାତେବା ୱେରେ ମାନ, ଇତ୍‍କେ ବିଶ୍ୱାସ୍‍ତାଗ୍ ଗାଡ଼୍‍ସ୍ ମାଞ୍ଜ୍ ପ୍ରେମତଡ଼୍ ପାଡ଼୍‍ୟି ମାଡ଼ାନାଦ୍ ସାୟେ ।

୧ ଥେସଲନିୟ 4:9

ସାର୍‍ରେ କ୍ରିଷ୍ଟ ବିଶ୍ୱାସୀଡ଼୍ ମିୟାଦ୍ ପ୍ରେମ ମାଡ଼ାନ୍ ବିଷୟ୍‍ତେ ମାମ୍‍ମେ ମେଣ୍ଡେ ଅଦିକ୍‌ ଲେକାନଙ୍କ୍ ଦର୍‍କାର୍ ଇଲ୍‍ଲେ । ନିଜେ ନିଜେତ୍ ଲୋପେ ବେଲାନ୍ ପ୍ରେମ ମାଡ଼ାନାଦ୍ ସାୟେ, ଆଦ୍ ନିଜେ ଇଶ୍ୱର୍ ତାଗାଙ୍କ୍ ଶିକ୍ଷା ମାଡ଼ିମିନ୍ଦେମ୍‍ ।

୧ ପିତର୍‍ 3:8

ପେର୍କେ, ମିଡ଼୍‍ ସାରେତଡ଼୍‍ ଅଣ୍ଡୟ୍‌‍ ମନ୍‍ ଆସ୍‍ ମାନୁଟ୍ । ନିଜେ ନିଜେତିଙ୍କ୍ ଏଲାଡ଼୍‍ତାମୁଣ୍ଡ୍‍ ଲେକାମ୍ ପ୍ରେମ ମାଡ଼ି ନିଜେ ନିଜେ ଲୋପେ ଦୟା ନୁ ନମ୍ର ଆୟ୍‍ମୁଟ୍ ।

୧ ପିତର୍‍ 4:8

ନାର୍ଗେ ପ୍ରେମତଡ଼୍‍ ନିଜର୍‍ ନିଜର୍‍ ଲୋପେ ପ୍ରେମ ମାଡ଼ାଟ୍, ବାତେଙ୍କ୍ଇତ୍କେ ପ୍ରେମ ନାର୍ଗେ ପାପାମ୍‍ତିଙ୍କ୍‍ ମୁସିତେ ।

୧ ଯୋହନ୍‌‌ 2:7

ପ୍ରିୟ ସାଙ୍ଗନଡ଼ି ! ବେନ୍ ଗଟ୍ ବିଷୟତେ ଲେକାନଙ୍କ୍ ଆଦୁତାନ୍, ଆଦ୍ ମୁନେଙ୍କ୍ କଞ୍ଜ୍ ପୁନାଦ୍‍ ଆୟ । ନାର୍ଗେ ଦିନାକଞ୍ଚ୍‍ ମିଡ଼୍ ଆଦ୍ କେଞ୍ଜ ୱାଦୁତିଡ଼୍, ମାମେ ପ୍ରଚାର୍ ମାଡ଼ାନ୍ ଗଟିନେ ଆୱୁ ଆଦେଶ୍‍ ମିଡ଼୍ କେଞ୍ଜ୍‍ତିଡ଼୍ ।

୧ ଯୋହନ୍‌‌ 3:11

ୱେରଣ୍ଡ୍ ମେଣ୍ଡେ ଅର୍‍ତୁଙ୍କ୍ ପ୍ରେମ ମାଡ଼ାନଙ୍କ୍ ଆଦ୍‍ତେ, ଇଦ୍ ଗଟ୍ ମୁନେଙ୍କ୍‍ କଞ୍ଜ୍ କେଞ୍ଜ୍‍ତିଡ଼୍ ।

୧ ଯୋହନ୍‌‌ 3:14

ଯଦି ମାମ୍‍ କ୍ରିଷ୍ଟିୟାନ୍‍ ଏଲାଡ଼୍‍ତାମୁଙ୍କ୍‍ ପ୍ରେମ ମାଡ଼ୁତାଡ଼୍‍ ମାମେ ପୁତ୍‍ତମ୍ ଯେ, ଇଞ୍ଜେ ମାନାଡ଼୍ ଡଲାନାଦିଙ୍କ୍ ଅତିକ୍ରମ୍ ମାଡ଼ି ଜିୱେ ପାଏମ୍‍ ଆତ୍‍ତାଡ଼୍ । ବେନ ପ୍ରେମ ମାଡ଼ଣ୍ଡ୍, ଅଣ୍ଡ୍‌ ଇଞ୍ଜେ ଗାଲା ଡଲାନାଗେ ମିନ୍ଦେଣ୍ଡ୍‍ ।

୧ ଯୋହନ୍‌‌ 3:18

ପିଲାନଡ଼ି, ମାନାଦ୍‍ ନିଜାମ୍‍ ସତ୍‍ ପ୍ରେମ ଗଟିତିର୍‍ୟାନାଗ୍‍ ନୁ ବାକ୍ୟ କେତାନାଦ୍ କେଞ୍ଜ୍‍କେ ଆସରେ ଆୟ; ଆଦିଙ୍କ୍ କାମ୍‍ଦାଗ୍ ତଅତାନଙ୍କ୍ ଆଦ୍‍ତେ ।

୧ ଯୋହନ୍‌‌ 3:23

ମାନ୍‍ ସେଙ୍ଗେ ଅନାଦ୍‌ ଆଜ୍ଞା ଅଦୁତ୍, ତାନ୍‍ ମାର୍‍ ଜିସୁ କ୍ରିଷ୍ଟନାଗେ ବିଶ୍ୱାସ୍ ମାଡ଼ିକାଡ଼୍ ନୁ କ୍ରିଷ୍ଟନ୍ ଆଦେଶ୍ ଲେକାମ୍ ୱେରଣ୍ଡ୍ ମେଣ୍ଡେ ଆର୍‍ତିଙ୍କ୍ ପ୍ରେମ ମାଡ଼ିକାଡ଼୍ ।

୧ ଯୋହନ୍‌‌ 4:11

ଆ ନା ପ୍ରିୟ ସାଙ୍ଗନଡ଼ି, ଯଦି ଇଶ୍ୱର୍ ମାନାଙ୍କ୍ ଇଦ୍‍ଲେକାମ୍ ପ୍ରେମ ମାଡ଼୍‍ତନ୍, ମାନାଡ଼୍ ମିକା ନିଜେ ନିଜେତିଙ୍ଗ୍ ପ୍ରେମ ମାଡ଼ାନ୍‍ ଦର୍‍କାର୍‍ ।