୧ ଯୋହନ୍‌‌ 2:7 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁷ ପ୍ରିୟ ସାଙ୍ଗନଡ଼ି ! ବେନ୍ ଗଟ୍ ବିଷୟତେ ଲେକାନଙ୍କ୍ ଆଦୁତାନ୍, ଆଦ୍ ମୁନେଙ୍କ୍ କଞ୍ଜ୍ ପୁନାଦ୍‍ ଆୟ । ନାର୍ଗେ ଦିନାକଞ୍ଚ୍‍ ମିଡ଼୍ ଆଦ୍ କେଞ୍ଜ ୱାଦୁତିଡ଼୍, ମାମେ ପ୍ରଚାର୍ ମାଡ଼ାନ୍ ଗଟିନେ ଆୱୁ ଆଦେଶ୍‍ ମିଡ଼୍ କେଞ୍ଜ୍‍ତିଡ଼୍ ।

୧ ଯୋହନ୍‌‌ 2:7 ပူးပေါင်းရင်းမြစ်များ

ମାତିଉ 5:43

“‘ସାଙ୍ଗଡ଼୍‍କ୍ ପ୍ରେମ ମାଡ଼ାଟ୍, ଶତ୍ରୁଡ଼୍‍କ୍ ପାସ୍‍କାଟ୍ ।’ ଇଦ୍ ଶିକ୍ଷା ମୁନେନ୍ କେଞ୍ଜ୍‍ତିଡ଼୍ ।”

ଯୋହନ୍‌‌ 13:34

ମିଡ଼୍ ସାରେ ତଡ଼କିଙ୍କ୍ ପ୍ରେମ ମାଡ଼ାଟ୍, ଇଦ୍ ପୁଃନେ ଗଟ୍ ନାନ୍ ମିକିଂଙ୍କ୍ ଇସମିନ୍ଦେନ୍; ନାନ୍ ବେଦ୍‍ଲେକାମ୍ ମିକିଂଙ୍କ୍ ପ୍ରେମ ମାଡ଼୍‍ତାନ୍, ମିଡ଼୍‍ଆନ୍‌ନ୍ତେ ଆଦେଲେକାମ୍ ନିଜେ ନିଜେ ପ୍ରେମ ମାଡ଼ାନ୍ ଲେକାମ୍ ।

ପ୍ରେରିତ 17:19

ଆଦିଙ୍କ୍ ଅଡ଼୍‌ ପାଉଲ୍‍ତିଙ୍କ୍ ପଇସ୍ ଆତ୍‍ତଡ଼୍ ନୁ ଅଂକିଙ୍କ୍‌ ଏରୀୟପାଗସ୍‍ ମିଟିଙ୍କ୍‍ତାଗ୍ ତାସ୍ କେତ୍‍ତଡ଼୍, “ନିମ୍‍ ବେନ୍ ପୁନାଦ୍ ଶିକ୍ଷା ବିଷୟ୍‍ତେ କେତୁତିନ୍, ଆଦ୍ ବିଷୟ୍ ମାମ୍‍ମେ ପୁନ୍ଦାନଙ୍କ୍ ଇଚ୍ଛା ମାଡ଼ୁତମ୍ ।

ଏବ୍ରୀ 6:9

ଆ ନା ପ୍ରିୟ ଏଲାଡ଼୍‍ତାମୁଣ୍ଡ୍‍, ମାନାଡ଼୍‍ ଇଦ୍‌ଲେକାମ୍ ଗଟି କେତକେ ଗାଲେୟ୍‍ ମି ପର ମାୱାଦ୍‍ ଆଶେ ମିନ୍ଦେ; ମିଡ଼୍‍ ପରିତ୍ରାଣ ପାଏମ୍‍ ଆଦାନ୍‍ ସେଙ୍ଗେ ଆର୍ଶିବାଦ୍‌ ପାତ୍ର ଆତ୍‍ତିଡ଼୍‍ ।

୧ ଯୋହନ୍‌‌ 2:24

ମୁନେଙ୍କ୍‍କଞ୍ଜ୍ ବେନ୍ ଗଟ୍‍ କେଞ୍ଜ ୱାତ୍‍ତିଡ଼୍, ଆଦିନ୍ ସେଙ୍ଗେ ବିଶ୍ୱସ୍ତ ଆସ୍ ମାନୁଟ୍ । ମୁନେଙ୍କ୍ କଞ୍ଜ୍ ବାତେ କେଞ୍ଜ୍‍ତିଡ଼୍, ଅଙ୍କ୍‌ ଯଦି ଲେକେତ୍‍ ନେଏତେ ପାର୍‍ତିଡ଼୍, ଆଲେକେ, ମିଡ଼୍ ବାବାଙ୍କ୍ ଇଶ୍ୱର୍ ନୁ ତାନ୍ ମାରିନ୍‍ ତୋଡ଼୍ ସାରେଦିନାତ୍ ସେଙ୍ଗ୍ କାଇଲି ମାନ୍‍ତିଡ଼୍ ।

୧ ଯୋହନ୍‌‌ 3:11

ୱେରଣ୍ଡ୍ ମେଣ୍ଡେ ଅର୍‍ତୁଙ୍କ୍ ପ୍ରେମ ମାଡ଼ାନଙ୍କ୍ ଆଦ୍‍ତେ, ଇଦ୍ ଗଟ୍ ମୁନେଙ୍କ୍‍ କଞ୍ଜ୍ କେଞ୍ଜ୍‍ତିଡ଼୍ ।

୧ ଯୋହନ୍‌‌ 3:2

ଆ ନା ପ୍ରିୟ ସାଙ୍ଗନଡ଼ି, ଇଞ୍ଜେ ମାନାଡ଼୍ ଇଶ୍ୱର୍‌ତେ ପିଲାନଡ଼୍, ବାତେଙ୍କ୍ଇତ୍କେ ବବିଷ୍ୟତ୍‍ତେ ବାତେ ଆଦ୍‍ତାଡ଼୍, ଇଦ୍‍ ଗଟ୍ ମେଣ୍ଡେ ପ୍ରକାଶ୍ ଆୟକେ । ଇସର୍ ମାତର୍‌ ମାନାଡ଼୍ ପୁତ୍‍ତାଡ଼୍, ବେସୁଙ୍କ୍‍ କ୍ରିଷ୍ଟ ମେଣ୍ଡନ୍‍ଦାମ୍ ୱାଦ୍‍ତନ୍, ମାନାଡ଼୍ ଅନ୍‌‍ୱାଦ୍‍ ନିଜାତାଦ୍‍ ମକମ୍‌ ଉଡ଼ି ଅନ୍‌‍ ଲେକାମ୍ ଆଦ୍‍ତାଡ଼୍ ।

୧ ଯୋହନ୍‌‌ 3:21

ଆଦିଙ୍କ୍ ନା ପ୍ରିୟ ନାରୁଡ଼ି ଯଦି ନିଜେତ୍ ମନ୍ ମାନାଙ୍କ୍ ଦୋଷୀ ମାଡ଼, ଇଶ୍ୱର୍‌ତେ ମୁନେ ମାନାଡ଼୍ ସତ୍‍ସାହସୀ ଆଦେ ପାର୍‍ତାଡ଼୍‍ ।

୧ ଯୋହନ୍‌‌ 3:23

ମାନ୍‍ ସେଙ୍ଗେ ଅନାଦ୍‌ ଆଜ୍ଞା ଅଦୁତ୍, ତାନ୍‍ ମାର୍‍ ଜିସୁ କ୍ରିଷ୍ଟନାଗେ ବିଶ୍ୱାସ୍ ମାଡ଼ିକାଡ଼୍ ନୁ କ୍ରିଷ୍ଟନ୍ ଆଦେଶ୍ ଲେକାମ୍ ୱେରଣ୍ଡ୍ ମେଣ୍ଡେ ଆର୍‍ତିଙ୍କ୍ ପ୍ରେମ ମାଡ଼ିକାଡ଼୍ ।

୧ ଯୋହନ୍‌‌ 4:1

ପ୍ରିୟ ସାଙ୍ଗନଡ଼ି ! ଇଶ୍ୱର୍‌ତେ ଆତ୍ମା ପାହେମ୍‍ ଆସ୍‍ମିନ୍ତେ ଇଞ୍ଜ୍ ବେନଡ଼୍ କେତୁତଡ଼୍, ଅଡ଼୍‌‍ ସାରେତଡ଼୍‍କ୍ ବିଶ୍ୱାସ୍‍ ମାଡ଼୍‍ମାଟ୍; ଅଡ଼୍‌‍ ପାଃଏମ୍ ଆସ୍‍ମାନ୍ଦାନ୍‍ ଆତ୍ମା, ସତ୍‍ତେ ଇଶ୍ୱର୍‌ତାଗେ ଆଗାତ୍ କି ଆୟ, ମୁନେ ପରିକ୍ଷା ମାଡ଼ି ଉଡ଼ାଟ୍‍ । ବାତେଙ୍କ୍‍ ଇତ୍କେ ଇଞ୍ଜେ ନାର୍ଗେ ବଣ୍ଡବାବବାଦିଡ଼୍‍ ସାରେତାକ୍ ବିଚରଣ୍ ମାଡ଼ୁତଡ଼୍ ।

୧ ଯୋହନ୍‌‌ 4:11

ଆ ନା ପ୍ରିୟ ସାଙ୍ଗନଡ଼ି, ଯଦି ଇଶ୍ୱର୍ ମାନାଙ୍କ୍ ଇଦ୍‍ଲେକାମ୍ ପ୍ରେମ ମାଡ଼୍‍ତନ୍, ମାନାଡ଼୍ ମିକା ନିଜେ ନିଜେତିଙ୍ଗ୍ ପ୍ରେମ ମାଡ଼ାନ୍‍ ଦର୍‍କାର୍‍ ।

୧ ଯୋହନ୍‌‌ 4:21

ଇଦ୍ ଆଦେଶ୍ କ୍ରିଷ୍ଟ ମାକିଙ୍କ୍ ଇତ୍‍ତନ୍, ବେନ ଇଶ୍ୱର୍‌ତିଙ୍ଗ୍ ପ୍ରେମ ମାଡ଼ିତନ୍, ଅଣ୍ଡ୍‌ ନିଜାମ୍ ତାନ୍ ବିଶ୍ୱାସୀ ଏଲାଡ଼୍‍ତାମୁଙ୍କ୍‍ ପ୍ରେମ ମାଡ଼ିତନ୍ ।

୧ ଯୋହନ୍‌‌ 4:7

ଆ ନା ପ୍ରିୟ ସାଙ୍ଗନଡ଼ି ! ନିଜର୍‍ ନିଜର୍‍ ଲୋପେ ପ୍ରେମ ମାଡ଼ାଟ୍, ବାତେଙ୍କ୍ଇତ୍କେ ପ୍ରେମ ଇଶ୍ୱର୍‌ତାଗାଙ୍କ୍ ୱାତ୍‍ତେ । ବେନନ୍ ହୃଦୟତାଗ୍ ପ୍ରେମ ମିନ୍ଦେ, ଅଣ୍ଡ୍‌ ଇଶ୍ୱର୍‌ତେ ପିଲା, ଅଣ୍ଡ୍‌ ଇଶ୍ୱର୍‌ତିଙ୍ଗ୍ ପୁତ୍‍ତଣ୍ଡ୍‍ ।