୧ ଯୋହନ୍‌‌ 2:25 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

²⁵ ମାକିଂଙ୍କ୍ ଇଦ୍ ଦାନ ମାଡ଼ାନ୍ ସେଙ୍ଗେ ସ୍ୱଂୟ କ୍ରିଷ୍ଟ ପ୍ରତିଜ୍ଞା ମାଡ଼ି ମିନ୍ଦେନ୍ ଇଦ୍‍ଏକେ ଅନନ୍ତ ଜିୱୁନ୍ ।

୧ ଯୋହନ୍‌‌ 2:25 ပူးပေါင်းရင်းမြစ်များ

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 18:30

ଇଞ୍ଜେତ୍ ଦିନାତେ ଗାଟି ଗୁଣାମ୍ ଦର୍‍କିତେ ମେଣ୍ଡ୍ ପେର୍‍କେତ୍‍ ଦିନାତେ ସାରେଦିନାତ୍ ଜିୱୁଣ୍ଡ୍ ଦର୍‍କିତ୍, ଇଦ୍ ଲେକେମ୍ ନାରୁଡ଼୍ ବେନ ଇଲାଣ୍ଡ୍ ।”

ଯୋହନ୍‌‌ 10:28

ମେଣ୍ଡେ ନାନ୍ ଆୱିଙ୍କ୍ ସାରେଦିନାତ୍ ଜିୱୁ ଇଦ୍‍ତାନ୍, ମେଣ୍ଡେ ବେସୁଙ୍କ୍‌ବା ଆଉ ବିନଷ୍ଟ ଆୟ୍‍ୟ, ମେଣ୍ଡେ ବେନ ନା କାଇଦାଗାଙ୍କ୍ ଆୱିଙ୍କ୍ ଆଦ୍ ପାର୍‍ୱଡ଼୍ ।

ଯୋହନ୍‌‌ 12:50

ମେଣ୍ଡେ ନାନ୍ ପୁତ୍‍ତାନ୍ ଅନ୍‌ ଗଟ୍ ସାରେଦିନାତ୍ ଜିୱୁନ୍ ହିଦ୍‍ତେ, ନା ବାବାଲ୍ ନାକିଂଙ୍କ୍ ବାତେଏ କେତାଙ୍କ୍ କେସ୍‍ମିନ୍ଦେଣ୍ଡ୍, ଆଦେ ଲେକାମ୍ କେତ୍‍ତାନ୍ ।”

ଯୋହନ୍‌‌ 3:15

ବେଦ୍‍ପୁଟୁଙ୍କ୍ ବେନଆଇ ଅନ୍‌‍ଆଗେ ବିଶ୍ୱାସ୍ ମାଡ଼ିତନ୍, ଅଣ୍ଡ୍‌ ସାରେଦିନାତ୍ ଜିୱୁନ୍‍ ଦର୍ସିକିତନ୍ ।

ଯୋହନ୍‌‌ 5:39

ମିଡ଼୍ ଦର୍ମଶାସ୍ତ୍ରତିଙ୍କ୍ ମେହେକ ମିନ୍ଦେଡ଼ି, ବାତେଙ୍କ୍ ଇତ୍‍କେ ଆଗାଙ୍କ୍ ସାରେଦିନାତ୍ ଜିୱୁନ୍‍ ଦର୍‍କିତ୍‍ତେ ଇଞ୍ଜ ହେର୍କା ମାଡ଼ମିନ୍ଦେଡ଼ି, ମେଣ୍ଡେ, ଆଦ୍ ଦର୍ମଶାସ୍ତ୍ର ନା ବିଷୟ୍‍ତେ ସାକ୍ଷ୍ୟ ହିସମିନ୍ଦେ ।

ଯୋହନ୍‌‌ 6:27

ବେନ୍ କାଦି ତେରିତେ, ଆଦିନ୍ ମାଇଦିଙ୍କ୍ କଷ୍ଟ ମାଡ଼୍‍ମାଟ୍ । ବେଲାନ୍ ବେନ୍ କାଦି ସାରେଦିନାତ୍ ଜିୱୁନ୍ ଇଦ୍‍ତଣ୍ଡ୍‌, ଆଦିନ୍ ସେଙ୍ଗେ କଷ୍ଟ ମାଡ଼ାଟ୍ । ଆଦ୍ କାଦି ନାରୁନ୍‍ପିଲେ ମିକିଂଙ୍କ୍ ହିଦ୍‍ତଣ୍ଡ୍, ବାତେଙ୍କ୍ ଇତ୍‍କେ ଅଂକିଙ୍କ୍‌ ବାବାଲ୍ ଇଶ୍ୱର୍ ଇଦ୍ ଅଦିକାର୍‌ ହିତ୍‍ତଣ୍ଡ୍ ।”

ଯୋହନ୍‌‌ 6:40

ବାତ୍‍ତେଙ୍କ୍ ଇତ୍‍କେ ବାବାଲ୍ ଇଚ୍ଛା ମାଡ଼ିତନ୍ ବେନଆଇ ମାର୍‍ଦିଙ୍କ୍ ଦର୍ଶନ୍ ମାଡ଼ି ଅନ୍‌‍ଆଗେ ବିଶ୍ୱାସ୍ ମାଡ଼ିତନ୍, ଅଡ଼୍‌ ସାରେଦିନାତ୍ ଜିୱୁନ୍‍ ଦର୍‍କିତ୍‍, ଆଦିନ୍ ମାଇଦିଙ୍କ୍ ଶେଷ ଦିନ୍‍ତେ ନାନ୍ ସାରେତଡ଼୍‌କିଂଙ୍କ୍ ମେଣ୍ଡଅନ୍‌‍ଦାମ୍ ଜିୱୁଣ୍ଡ୍ ମାଡ଼ିତାନ୍ ।”

ଯୋହନ୍‌‌ 6:47

ସତ୍ ନାନ୍ ମିକିଂଙ୍କ୍ କେସମିନ୍ଦେନ୍, ବେନ ବିଶ୍ୱାସ୍ ମାଡ଼ିତନ୍, ଅଣ୍ଡ୍‌ ସାରେଦିନାତ୍ ଜିୱୁନ୍ ଦର୍ସିକି ମିନ୍ଦେଣ୍ଡ୍ ।

ଯୋହନ୍‌‌ 6:54

ବେନ ନା ଆଉଙ୍ଗ୍ ତିନ୍‍ତଣ୍ଡ୍ ନୁ ନା ନେତୁର୍ ଉନ୍‍ତଣ୍ଡ୍, ଅଣ୍ଡ୍‌ ସାରେଦିନାତ୍ ଜିୱୁନ୍ ଦର୍ସିକିତଣ୍ଡ୍, ମେଣ୍ଡେ ନାନ୍ ଶେଷ ଦିନାତେ ଅଂକିଙ୍କ୍‌ ମେଣ୍ଡଅନ୍‌‍ଦାମ୍ ବାଦ୍‍କିତାନ୍ ।

ଯୋହନ୍‌‌ 6:68

ଶିମୋନ୍ ପିତର୍ ଜିସୁଙ୍କ୍ ଉତ୍ତର୍ ହିତ୍‍ତଡ଼୍, “ପ୍ରବୁ, ମେଣ୍ଡେ ବେନନ୍ ଗାର୍‍ରେ ଆଦ୍‍ତମ୍ ? ସାରେଦିନାତ୍ ଜିୱୁନ୍‍ତାଦ୍ ବାକ୍ୟ ତ ନିୟାଗ୍ ମିନ୍ଦେ;

ରୋମୀୟ 2:7

ବେନଡ଼୍ ଗାଡ଼୍‍ସ୍ ଆସ୍ ସାୟେତ୍ ପାଡ଼୍‍ୟି ମାଡ଼ି ଗୌରବ୍, ସମ୍ମାନ୍ ନୁ ଅମର୍ ଆଦାନଙ୍କ୍ ଚାଏମ୍ ଆଦ୍‍ତଡ଼୍, ଅଡ଼୍‌‍କିଂଙ୍କ୍ ସାରେଦିନାତ୍ ଜିୱୁଣ୍ଡ୍ ଇଦ୍‍ତଣ୍ଡ୍,

ରୋମୀୟ 5:21

ପାପ୍ ବେଲା ଡଲ୍‍ନାଦ୍ ତଡ଼୍ ନିଜର୍‍ ଅଦିକାର୍‌ ତିୟାର୍‍ ମାଡ଼ିମାତ୍‍ତେ, ଆଦେରକମ୍ ଇଶ୍ୱର୍‌ତାଦ୍ ଅନୁଗ୍ରହ ପ୍ରବୁ ଜିସୁ କ୍ରିଷ୍ଟନ୍ ତଡ଼୍ ମାନାଙ୍କ୍‍ ଦାର୍ମାମ୍ ମାଡ଼ି ସାରେଦିନାତ୍ ଜିୱୁଣ୍ଡ୍ ଇଦ୍‍ତେ ।

ରୋମୀୟ 6:23

ପାପ୍‌ତାଦ୍ ପରିଣାମ୍‍ ଡଲାନାଦ୍, ଇତ୍‍କେ ଇଶ୍ୱର୍‌ତାଦ୍ ଜସାମାଡ଼୍‌ୱେ ଦାନ ଆଦୁତ୍‍ତେ, ପ୍ରବୁ ଜିସୁ କ୍ରିଷ୍ଟନ୍‍ ତଡ଼୍ କାୟ୍‍ଲି ମିକା ସାରେଦିନାତ୍ ଜିୱୁଣ୍ଡ୍ ପାଏମ୍ ଆଦାନାଦ୍ ।

ଗାଲାତୀୟ 6:8

ଆଦିଙ୍କ୍ ବେନ ନିଜର୍ ମେନ୍ଦୁଲ୍ ଇସାପ୍‍ତେ ୱିତିତଣ୍ଡ୍, ଅନ୍‌ ମେନ୍ଦୁଲ୍‍ତାଗାଙ୍କ୍ ତିଆର୍‍ ଆତ୍‍ତେ ତେରାନ୍ ସସ୍ୟତିଙ୍କ୍ କୟ୍‍ଦ୍‍ତଣ୍ଡ୍; ବେନ ଜିୱୁ ଇସାପ୍‍ତେ ୱିତିତଣ୍ଡ୍, ଅଣ୍ଡ୍‌ ଜିୱୁତାଗାଙ୍କ୍ ତିଆର୍‍ ଆତ୍‍ତେ ଅନନ୍ତ ଜିୱୁଣ୍ଡ୍ ଲେକାମ୍ ସସ୍ୟ କୟ୍‍ଦ୍‍ତଣ୍ଡ୍ ।

୧ ତୀମତି 1:16

କିନ୍ତୁ ନା ଲେକାମ୍‍ ଅର୍‍ତୁଣ୍ଡ୍ ବେଡ଼୍‍ୟେ ପାପୀ ପ୍ରତି ଆନ୍‌ତେ ଇଶ୍ୱର୍‌ତେ କୃପା ନୁ କ୍ରିଷ୍ଟ ଜିସୁନ୍‍ ସହନଶିଳତା ନାକିଙ୍କ୍ ଅଣ୍ଡୟ୍‌ ୱେଷଡ଼୍‍ ମାଡ଼ି ନେହ୍‍ତଣ୍ଡ୍‍, ଆନ୍‌ୱେ ନାରୁଡ଼୍‍ ବେଲା ଜିସୁନାଗ୍‍ ବିଶ୍ୱାସ୍‍ ମାଡ଼ି ଅନନ୍ତ ଜିୱୁନ୍‍ ଲାବ୍ ମାଡ଼ିତଡ଼୍ ।

୧ ତୀମତି 6:12

ବିଶ୍ୱାସ୍‌ତେ ସାୟେ ଯୁଦ୍‌ତାଗେ ପ୍ରାନପନ ମାଡ଼ାଟ୍, ଅନନ୍ତ ଜିୱୁନ୍ ପଇସ୍‌ ନେହେମୁଟ୍; ଆଦିନ୍ ସେଙ୍ଗେ ତ ମୀଡ଼୍ ଜିୱେ ଆସ୍‍ମିନ୍ଦେଡ଼ି ନୁ ନାର୍‍ଗେ ସାକ୍ଷିଙ୍କ୍ ସାକ୍ଷାତ୍‍ତେ ଲେକେତ୍‍ ସାକ୍ଷ୍ୟ ଇସ୍‍ମିନ୍ଦେଡ଼ି ।

୧ ତୀମତି 6:19

ଇଦ୍ ଲେକେତ୍‍ ନାରିଡ଼୍ ଅଡ଼୍‌‍ ଆଲ୍‍ସି ଜିୱେତ୍‍ ସେଙ୍ଗେ ଲେକେତ୍ ଦନ୍ ନିଜେ ନିଜେ ସେଙ୍ଗେ ଦର୍‍କାଟ୍, ବେଦ୍‍ଲେକାମ୍ ପ୍ରକୃତେ ଜିୱୁନ୍ ପ୍ରାପ୍ତ ଆଦ୍‍ତଡ଼୍ ।

ତୀତସ୍‌ 1:2

ବେଦ୍ ସାରେଦିନାତ୍ ଜିୱୁଣ୍ଡ୍ ପାଏମ୍ ଆଦ୍‍ଦାନ୍ ଆଶେତ୍ ପର୍‍ର ଆଦାରିତ୍ । ଇଶ୍ୱର୍ ମିତ୍ୟାବାଦୀ ଆୟ୍‍ୟଣ୍ଡ୍ ।

ତୀତସ୍‌ 3:7

ବେଲାକି ମାନାଡ଼୍ ଅନ୍‌ ଅନୁଗ୍ରହତେ ଦାର୍ମାମ୍ ଆସ୍ ଆଦେ ଲେକାମ୍‍ତେ ତେର୍‍ୱାଦ୍ ଜିୱୁଣ୍ଡ୍ ପାଏମ୍ ଆଦ୍‍ତମ୍ ।

୧ ଯୋହନ୍‌‌ 1:2

ଜିୱେତେ ଆଦ୍ ବାକ୍ୟ ବେସୁଙ୍କ୍‍ ତଅନ୍‌ଦ୍‍ତେ, ମାମେ ଆଦିଙ୍କ୍ ଉଡ଼୍‍ତମ୍; ଆଦିଙ୍କ୍ ଅଦିନ୍‌ ବିଷୟତେ ମାମେ ଇଦ୍ ଗଟି ସାକ୍ଷ୍ୟ ଇସ୍ କେସମିନ୍ଦେମ୍ ଯେ, ଅନନ୍ତ ଜିୱୁଣ୍ଡ୍‍ ଲେକାମ୍ ଆ ବାବାଲ୍ ଇଶ୍ୱର୍ ତଡ଼୍ ସାରେଦାମ୍ ମାନ୍‍ତେ ନୁ ଅଣ୍ଡ୍‌ ମାନ୍‍ ଗାରେ ତଅନ୍‌ଦିମିନ୍ଦେଣ୍ଡ୍‍ ।

୧ ଯୋହନ୍‌‌ 5:20

ମାମେ ପୁତ୍‍ତମ୍, ଇଶ୍ୱର୍‌ତେ ମାର୍‍ ଇଗେ ୱାସ୍ ସତ୍‍ ଇଶ୍ୱର୍‌ତେ ସତ୍‌ ଏର୍କେ ମାଡ଼ାନଙ୍କ୍ ମାନାଙ୍କ୍ ଜ୍ଞାନ୍ ଇସ୍‍ମିନ୍ତେନ୍ । ମାନାଡ଼୍ ସତ୍‍ ଇଶ୍ୱର୍ ନୁ ଅନ୍‌‍ମାର୍ ଜିସୁ କ୍ରିଷ୍ଟନ୍‍ ତଡ଼୍ କାଇଲି ମାନ୍ଦାନ୍ ଜିୱେ ବାଦ୍‍କୁତାଡ଼୍ । ଅଣ୍ଡେ କେ ସତ୍ ଇଶ୍ୱର୍ ନୁ ଅଣ୍ଡେ କେ ସାରେଦିନାତ୍ ଜିୱେ ।

ଯିହୁଦା 1:21

ପ୍ରବୁ ଜିସୁ କ୍ରିଷ୍ଟଟନ୍ ଅନୁଗ୍ରମାମେ ଆୟମ୍‌ ସାର୍ରେଦିନେତ୍ ଜିୱୁଣ୍ଡ୍ ପାଏମ୍ ଆଦାନ୍ ସେଙ୍ଗେ କେପି ଇଶ୍ୱର୍‌ତେ ପ୍ରେମତାଗ୍ କଟ ଆସ୍ ମାନୁଟ୍ ।