୧ କରନ୍ତିୟ 5:5 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁵ ଇଦ୍ ଲେକେତ୍‍ ନାରୁଙ୍କ୍ ମେନ୍ଦୁଲ୍‌ତାଦ୍ ନାଷ୍ଟାମ୍‌ତ ମାଇଦିଙ୍କ୍ ଶୟ୍‍ତାନ୍‍ତେ କାଇଦେ ୱିସଡ୍‌ସିନାଦ୍ ମିନ୍ଦେ, ବେଲାକି ପ୍ରବୁ ଜିସୁନ୍ ଦିନାମ୍‌ତେ ଅନାଦ୍‌ ଆତ୍ମା ଗେଲ୍‌ସେ ପାର୍ଦିତ୍‌ ।

୧ କରନ୍ତିୟ 5:5 ပူးပေါင်းရင်းမြစ်များ

ମାତିଉ 4:10

ଜିସୁ ଉତ୍ତର୍ ହିତ୍‍ତଣ୍ଡ୍, “ଜେକେ ଆନ୍‌ ଶୟ୍‍ତାନ୍‍ ! ଦର୍ମଶାସ୍ତ୍ରତାଗ୍ ଲେକାମିନ୍ଦେ, ‘ମାତର୍ ନି ପ୍ରବୁ ଇଶ୍ୱର୍‌ତିଙ୍କ୍ ଉପବାସ୍ ମାଡ଼େ ନୁ ଅନାଦ୍‌ ସେବା ମାଡ଼େ ।’”

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 22:31

“ଶିମୋନ୍, ଶିମୋନ୍, ଉଡ଼ାଟ୍, ଚାଷୀ ଗୋହମତିଙ୍କ୍ ଏର୍‍ତଡ଼୍ ତଡ଼୍ ନେମି ତଗ୍ ୱେରେ ମାଡ଼ାନ୍ ଲେକାମ୍, ଶୟ୍‍ତାନ୍‍ ମିକା ମିକିଂଙ୍କ୍ ମୁର୍‍ମୁରା ମାଡ଼ାନଙ୍କ୍ ଆଦେଶ୍‌ ଆତ୍‍ତେ ।

ପ୍ରେରିତ 26:18

ନିମ୍‍ ଅଡ଼ାଦ୍‌ କଣ୍ଡାଙ୍କ୍ ପରିଷ୍କାର୍‍ ମାଡ଼ିମ୍ । ଅଡ଼୍‌‍କିଂଙ୍କ୍ ଇକାଡ଼୍‌ତାଗାଙ୍କ୍ ୱେସିନାଗ୍ ନୁ ଶୟ୍‍ତାନ୍‍ତାଗାଙ୍କ୍ ଇଶ୍ୱର୍‌ତେ ପାକେ ତାତାନଙ୍କ୍ ଆଦ୍‍ତେ, ବେଲାକି ଅଡ଼୍‌ ନାକିଂଙ୍କ୍ ବିଶ୍ୱାସ୍ ମାଡ଼୍‍କେ ଅଡ଼ାଦ୍‌ ପାପ୍ କ୍ଷମା ଆଦ୍‍ତେ ନୁ ପ୍ରବୁ ହେଞ୍ଚ୍‍ତେ ନାରୁଡ଼୍ ଲୋପେ ଅଡ଼୍‌‍କ୍ ଅଦିକାର୍‌‍ ଦର୍‍କିତ୍ ।’”

୧ କରନ୍ତିୟ 1:8

ଅଣ୍ଡ୍‌‌ ମିକା ମିକିଂଙ୍କ୍ ମାଡ଼େଙ୍ଗ୍‌ ଅନ୍‌‍ପାକେ ଗେଲ୍‌ସ୍ପିତଣ୍ଡ୍‌ । ବେଲାକି ପ୍ରବୁ ଜିସୁ କ୍ରିଷ୍ଟ ୱାଦାନ୍ ଦିନାମ୍‌ତେ ମିଡ଼୍ ନିର୍ଦୋଷ୍‍ ଆଦ୍‍ତିଡ଼୍ ।

୧ କରନ୍ତିୟ 11:32

ଇତ୍‍କେ ଜଗତ୍‍ତାଦ୍ ତେରାନାଦ୍ ଦଣ୍ଡ୍‍ତାଗାଙ୍କ୍ ମାନ୍‍ ରକ୍ଷା ମାଡ଼ାନ୍ ସେଙ୍ଗେ ଇଶ୍ୱର୍ ମାନ୍‍ ତିପାଲ୍ ଇସ୍ ସମାଦାନ୍ ମାଡ଼ୁତଣ୍ଡ୍ ।

୧ କରନ୍ତିୟ 5:13

ଇଶ୍ୱର୍ ଅଡ଼ାଦ୍‌ ବିଚାର୍ ମାଡ଼ିତନ୍, ଦର୍ମଶାସ୍ତ୍ରତାଗ୍ ଲେକ୍‍ତାଦ୍ ମିନ୍ଦା କାରାପ୍ ନାରୁଡ଼୍‍କିଂଙ୍କ୍ ପେସ୍ପିମୁଟ୍ ।

୨ କରନ୍ତିୟ 10:6

ମିଡ଼୍ ପୁରାପୁରି ଲେକାମ୍ କ୍ରିଷ୍ଟନ୍‍ ଅନୁଗତ ସ୍ୱିକାର୍ ମାଡ଼ାନ୍ ପେର୍‍କେ ମିଇ ଲୋପେ ମେଣ୍ଡେ ବାତେବା ଅବାଦ୍ୟତା ତଅନ୍‌ଦ୍‍କେ, ତାନାଦ୍ ପ୍ରତିକାର୍ ମାଡ଼ାନଙ୍କ୍ ମାମ୍‍ମେ ତିଆର୍ ।

୨ କରନ୍ତିୟ 12:7

ଇଦ୍ ବାଗାତ୍ ମାନ୍ଦାନ୍ ଦେଶ୍‍କିନାଗ୍ ଲାବ୍ ମାଡ଼ି ନାନ୍ ବେଲାନ୍ ଆଂକାର୍ ଆଦାଙ୍କ୍‍ ଆୟ୍‍ୟ, ଆଦିନ୍ ସେଙ୍ଗେ ନା ମେନ୍ଦୁଲ୍‍ତାଗ୍ ୱେରଡ଼୍ ଯନ୍ତ୍ରନାଲେକାତ୍ ବ୍ୟାଦି ଇତ୍‍ତଡ଼୍, ଇଦ୍ ନାକିଂଙ୍କ୍ ଆଶେ ଆୟ୍‍ୱାଙ୍କ୍ ଶୟତାନ୍‍ତେ ଦୂତ୍‍ତିଙ୍କ୍ ରତ୍‍ତତେ ।

୨ କରନ୍ତିୟ 13:10

ଆଦିନ୍ ସେଙ୍ଗେ ଯେକ୍‌ ମାଞ୍ଜ୍ ନାନ୍ ମିଇ ପାକେ ଇୱୁ ଚିଟି ଲେକୁତାନ୍, ମିଇ ପାକେ ୱାଦାନ୍ ୱେଲେ ବେଲାନ୍ ଦୁଃକାମ୍‍ତେ ନାକିଂଙ୍କ୍ ଅଦିକାର୍‌ ପ୍ରୟଗୋ ମାଡ଼ାନଙ୍କ୍ ଆୟ୍‍ୟ । ବାତେଙ୍କ୍‍ଇତ୍କେ ମିକିଂଙ୍କ୍ ଉଃତାନଙ୍କ୍ ଆୟ୍‍ୟ, ମାତର୍ ତିଆର୍ ମାଡ଼ାନଙ୍କ୍ ପ୍ରବୁ ନାକିଂଙ୍କ୍ କ୍ଷମତା ଇତ୍‍ତନ୍ ।

ଫିଲିପିୟ 1:6

ଆଦିଙ୍କ୍ ନାନ୍ ଇଦ୍ ବିଷୟ୍‍ତେ ନିଜାମ୍‍ ଯେ, ବେନ୍ ପ୍ରବୁ ମିୟାଗେ ଇଦ୍ ସାୟେ ପାଡ଼୍‍ୟି ଆରାମ୍ ମାଡ଼୍‍ତଣ୍ଡ୍, କ୍ରିଷ୍ଟ ଜିସୁନ୍ ୱାଦାନ୍ ଦିନାତେ ଇଦ୍ ତେରାନ୍ ଯାକ ଅଣ୍ଡ୍‌ ଆଦ୍ ମାଡ଼ିତନ୍ ।

୧ ତୀମତି 1:20

ଇଡ଼୍‍ ଲୋପେଙ୍କ୍ ହୁମନାୟ ନୁ ଆଲେକ୍‍ଜାଣ୍ଡାର ମାତ୍‍ତଡ଼୍‍ । ହି ଇର୍‍ୱୁଡ଼୍‍କିଙ୍କ୍ ନାନ୍‍ ଶୟ୍‍ତାନ୍‍ତେ କାଇଦାଗ୍‍ ୱିଡ଼୍‍ସିସ୍‍ ଉପଯୁକ୍ତ ଦଣ୍ଡ ବିଦାନ ମାଡ଼୍‍ତାନ୍‍, ଉଏତ ଇଦିନ୍‍ ୱାରା ଅଡ଼୍‌‍ ଇଶ୍ୱର୍‌ତେ ନିନ୍ଦାତାଗାଙ୍କ୍‍ ୱେରେ ଆଦାନଙ୍କ୍‍ ଶିକ୍ଷା ପାଏମ୍‍ ଆଦ୍‍ତଡ଼୍‍ ।

୨ ତୀମତି 1:18

ମହାବିଚାର୍ ଦିନେତ୍‍ତେ ପ୍ରବୁ ଅନ୍‌ ସେଙ୍ଗେ ଦୟା ଆଇଣ୍ଡ୍ । ଏପିସୀତାଗ୍ ଅଣ୍ଡ୍‌ ନାକିଙ୍କ୍ ବେସର୍ ସେବା ମାଡ଼ିମାତ୍‍ତନ୍, ମିଡ଼୍ ଆୱୁ ସାରେ ଗଟ ପୁତ୍‍ତିଡ଼୍ ।

୨ ପିତର୍‌ 3:12

ମିଡ଼୍ ପ୍ରବୁନ୍ ଦିନାମ୍‍ତିଙ୍କ୍‍ କେପି ମାନ୍ଦାନ୍ ୱେଲେ, ଆଦ୍ ବେଲାନ୍ ଜାପେ ୱାଦ୍‍ତେ, ଆଦିନ୍ ସେଙ୍ଗେ ନିଜେତିଙ୍ଗ୍ ତିଆର୍ ମାଡ଼ାଟ୍ । ଆଦ୍ ଦିନେ ମୟଲ୍ କାର୍‍ୱି ଦ୍ୱଂସ ଆଦ୍‍ତା । ମୟଲ୍‍ତେ ଗ୍ରହ ଉକାକ୍‍ ଗାଟି କାମ୍‍କେତେ ଉଡ଼୍‍ୟି ଆଦ୍‍ତା ।

୧ ଯୋହନ୍‌‌ 5:16

ଯଦି ମୀଇ ୱେରଣ୍ଡ୍ ବିଶ୍ୱାସୀ ଏଲାଡ଼୍‍ତାମୁଣ୍ଡ୍ ପାପ ମାଡ଼ମାନ୍ଦାନ୍ ଉଡ଼ିତିଡ଼୍‍, ମେଣ୍ଡେ ଆଦ୍‍ ପାପ୍ ଡଲାନାଦ୍ ଆୟ, ଅନ୍‌ ସେଙ୍ଗେ ଇଶ୍ୱର୍‌ତିଙ୍କ୍ ପ୍ରାର୍ତନା ମାଡ଼ାଟ୍ ମେଣ୍ଡେ ଇଶ୍ୱର୍ ଅଂକିଙ୍କ୍‌ କ୍ଷମା ଇସ୍ ରକ୍ଷା ମାଡ଼ିତଣ୍ଡ୍‍ । ବେନଡ଼ାୱୁ ପାପାମ୍‍ ଡଲାନ୍‍ ଲେକାମ୍‍, ଆଦ୍‍ ବିଷୟ୍‍ତେ ନାନ୍‍ ଇଶ୍ୱର୍‌ତିଙ୍କ୍‍ ପ୍ରାର୍ତନା ମାଡ଼ାନଙ୍କ୍‍ କେଲନ୍‍ ।