୧ କରନ୍ତିୟ 5:4 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁴ ମିଡ଼୍‌ ନୁ ନାୟାଦ୍‌ ଆତ୍ମା ମାନାଦ୍‌ ପ୍ରବୁ ଜିସୁନ୍ ପେଦେର୍‍ତେ ଅଣ୍ଡୟାଗେ ଆଦାନ୍ ୱେଲେ, ଶକ୍ତିତଡ଼୍‌ ଇଦ୍‌ ସ୍ଥିର୍‌ ମାଡ଼ମିନ୍ଦେନ୍ ଯେ,

୧ କରନ୍ତିୟ 5:4 ပူးပေါင်းရင်းမြစ်များ

ମାତିଉ 16:19

ନାନ୍ ନିକିଂଙ୍କ୍ ସ୍ୱର୍ଗରାଜ୍ୟତେ କୁଚ୍‍କାଇ ଇଦ୍‍ତାନ୍, ମେଣ୍ଡେ ନିମ୍‍ ପୃତିବି ତାଗ୍ ବାତେଏ ସାରେ ବନ୍ଦ୍‍ମାଡ଼ିତିନ୍, ସ୍ୱର୍ଗତାଗ୍ ଆଦ୍ ବନ୍ଦ୍‍ମାନ୍‍ତେ, ମେଣ୍ଡେ ପୃତିବିତାଗ୍ ବାତ୍‍ଆଇ ମୁକ୍ତ ମାଡ଼ିତିନ୍, ସ୍ୱର୍ଗତାଗ୍ ଆଦ୍ ମୁକ୍ତ ମାନ୍‍ତେ ।”

ମାତିଉ 18:20

“ବାତେଙ୍କ୍ ଇତ୍‍କେ ବେଗେ ଇର୍‍ୱୁଡ଼୍ ବା ନାର୍‍ଗେ ନାରୁଡ଼୍ ନା ପେଦେର୍‍ତେ ଅଣ୍ଡୟ୍‌‍ତାଗ୍ ଆଦ୍‍ତଡ଼୍, ନାନ୍ ଆଗେ ମାନ୍‍ତାନ୍ ।”

ମାତିଉ 28:18

ଜିସୁ ଅଡ଼୍‌ ଗାର୍‍ରେ ୱାସ୍ କେତ୍‍ତଣ୍ଡ୍, “ସ୍ୱର୍ଗ ନୁ ପୃତିବି ସାରେ ଅଦିକାର୍‌ ନାକିଂଙ୍କ୍ ଇସ୍‌‍ମିନ୍ଦେନ୍ ।

ମାତିଉ 28:20

ମେଣ୍ଡେ ନାନ୍‍ନେ ବେନ୍‍ସାରେ ଶିକ୍ଷା ଇସ୍‌‍ମିନ୍ଦେନ୍, ଆଦ୍ ପାଲନ୍ ମାଡ଼ାଙ୍କ୍ ଅଡ଼୍‌‍କିଂଙ୍କ୍ ଶିକ୍ଷା ହିମୁଟ୍ । ମେଣ୍ଡେ ହେର୍କା ନେହେମୁଟ୍, ତେରାନ୍‌ ଯାକ ନାନ୍ ସାରେ ଦିନା ମିଇ ତଡ଼୍ ମାନ୍‍ତାନ୍ ।”

ଯୋହନ୍‌‌ 20:23

ମିଡ଼୍ ଯଦି ବେନନାଦ୍ ପାପ୍ କ୍ଷମା ମାଡ଼ିତିଡ଼୍, ଅନାଦ୍‌ ପାପ୍ କ୍ଷମା ଆଦ୍‍ତେ; ମେଣ୍ଡେ ବେନନାଦ୍ ପାପ୍ କ୍ଷମା ମାଡ଼କ୍, ଅନାଦ୍‌ ପାପ୍ କ୍ଷମା ଆୟ୍‍ୟ ।”

ପ୍ରେରିତ 16:18

ପିକିଡ଼୍ ନାର୍‍ଗେ ଦିନାଯାକ ଇଦ୍‍ରକମ୍ ମାଡ଼୍‍ତେ । ପେର୍‍କେ ପାଉଲ୍ କାଡ଼ାମ୍‍ହାସ୍ ପେର୍‍କେ ମାଲ୍‍ସ୍ ଦେୟାମ୍‍ତିଙ୍କ୍ ଦମକ୍ ଇସ୍‌ କେତ୍‍ତଣ୍ଡ୍, “ଜିସୁ କ୍ରିଷ୍ଟନ୍ ପେଦେର୍‍ତେ ନାନ୍‍ ଆଦେଶ୍‍ ଇଦୁତାନ୍, ତାନାଗାଙ୍କ୍ ପେଇସ୍ ଅନ୍‌,” ଆସୁଟେ ସାଙ୍ଗେ ସାଙ୍ଗେ ଦାୟାମ୍ ଆଦିନାଗାଙ୍କ୍ ପେଇସ୍ ଆତ୍‍ତେ ।

ପ୍ରେରିତ 3:6

ଇତ୍‍କେ ପିତର୍ କେତ୍‍ତଣ୍ଡ୍, “ନାୟାଗ୍ ସୁନା ଡାବ୍‍କ୍ ଇଲା, ମାତ୍ରମ୍‍ ବାଆତେ ମିନ୍ଦେ, ନାନ୍ ନିକିଂଙ୍କ୍ ଇଦୁତାନ୍; ନାଜରିତିୟ ଜିସୁ କ୍ରିଷ୍ଟନ୍‍ ପେଦେର୍‍ତେ ନାନ୍ ନିକିଂଙ୍କ୍ ଗଟ୍ ଇଦୁତାନ୍ ତେଦ୍‍ଦେ ନୁ ତାଆକେ !”

ପ୍ରେରିତ 4:30

ନିୱଣ୍ଡ୍ ପବିତ୍ର ଦାସ ଜିସୁନ୍‍ ପେଦେର୍‍ତେ ସୁସ୍ଥ ମାଡ଼ାନ୍ ସେଙ୍ଗେ ନୁ ଆଦ୍‍ବୁତ୍‌ ନୁ ଆଶର୍ଯ୍ୟ ପାଡ଼୍‍ୟି ସାଦନା ମାଡ଼ାନ୍ ମାଇଦିଙ୍କ୍ ନିୟାଦ୍ କାୟି ହାଆମ୍ ।”

୨ କରନ୍ତିୟ 13:10

ଆଦିନ୍ ସେଙ୍ଗେ ଯେକ୍‌ ମାଞ୍ଜ୍ ନାନ୍ ମିଇ ପାକେ ଇୱୁ ଚିଟି ଲେକୁତାନ୍, ମିଇ ପାକେ ୱାଦାନ୍ ୱେଲେ ବେଲାନ୍ ଦୁଃକାମ୍‍ତେ ନାକିଂଙ୍କ୍ ଅଦିକାର୍‌ ପ୍ରୟଗୋ ମାଡ଼ାନଙ୍କ୍ ଆୟ୍‍ୟ । ବାତେଙ୍କ୍‍ଇତ୍କେ ମିକିଂଙ୍କ୍ ଉଃତାନଙ୍କ୍ ଆୟ୍‍ୟ, ମାତର୍ ତିଆର୍ ମାଡ଼ାନଙ୍କ୍ ପ୍ରବୁ ନାକିଂଙ୍କ୍ କ୍ଷମତା ଇତ୍‍ତନ୍ ।

୨ କରନ୍ତିୟ 13:3

କ୍ରିଷ୍ଟ ଯେ ନା ଇସ୍ ଗଟ୍ କେତୁତନ୍, ଇଦ୍ ବିଷୟ୍‍ତେ ମିଡ଼୍ ଆଲ୍‍ସମାନ୍ଦାନ୍ ସାରେ ପ୍ରମାନ୍ ଦର୍‍କିତ୍ । ନୁ ମିଇ ପାକେ ଅଣ୍ଡ୍‌ ତାନ୍ ଶକ୍ତିତେ ପରିଚୟ ଇସ୍‍ମିନ୍ଦେନ୍ । ମିଇ ସେଙ୍ଗେ ଅଣ୍ଡ୍‌ ବେସୁଙ୍କ୍‍ ବା ଦୁର୍ବଲ୍ ଆୟ୍‍ୟଣ୍ଡ୍ ।

୨ କରନ୍ତିୟ 2:6

ମିଇ ଲୋପେଙ୍କ୍ ନାର୍‍ଗେ ମତ ଇସାବ୍‍ତେ ଆଦ୍ ନାରୁଙ୍କ୍ ବେନ୍ ଦଣ୍ଡ୍ ଇତ୍‍ତଡ଼୍, ଆଦ୍ ଅନ୍‌ ମାୟ୍‍ଦିଙ୍କ୍ ନାର୍‍ଗେ ।

ଏଫିସିୟ 5:20

ସାର୍ରେୱେଲେ ସାର୍‍ରେ ବିଷୟ୍ ପ୍ରବୁ ଜିସୁ କ୍ରିଷ୍ଟନ୍ ପେଦେର୍‍ତେ ନୁ ବାବାଲ୍ ଇଶ୍ୱର୍‌ତିଙ୍କ୍ ଦନ୍ୟବାଦ୍ ଇମୁଟ୍ ।

କଲସୀୟ 3:17

ମିଡ଼୍ ବାକ୍ୟ ବା କାମ୍‍ତାଗ୍ ବାତେ ବା ମାଡ଼୍‍ତିଡ଼୍, ଆଦ୍ ସାରେ ପ୍ରବୁ ଜିସୁନ୍ ପେଦେର୍‍ତେ ମାଡ଼ି ବାବାଲ୍‍ ଇଶ୍ୱର୍‌ତିଙ୍କ୍ ଦନ୍ୟବାଦ୍ ଇମୁଟ୍ ।

୨ ଥେସଲନିୟ 3:6

ହୋ ଦାଦାନଡ଼ି ନୁ ଏଲାସ୍କ୍‍, ବେନଡ଼୍ ମଣ୍ଡି ଲେକାମ୍ ବାଦ୍‍କ ମାନ୍‍ତଡ଼୍ ନୁ ମାୟାଗାଙ୍କ୍ ସାରେ ଶିକ୍ଷା ଲେକାମ୍ ଆଚରଣ ମାଡ଼ଡ଼୍‍; ପ୍ରବୁ ଜିସୁନ୍ ପେଦେର୍‍ତେ ମିକିଂଙ୍କ୍ ଗଟ୍ ଇଦୁତମ୍, ଆଦ୍ ଦାଦାନଡ଼ାଗାଙ୍କ୍ ଜେକେ ମାନୁଟ୍ ।