୧ କରନ୍ତିୟ 4:12 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹² ଗାଟି ପାଡ଼୍‍ୟି ମାଡ଼ି ମାମ୍‍ମେ ୱାସିଆଦୁତମ୍ । ବେନ ମାକିଂଙ୍କ୍ ଅବିଶାପ୍‌ ଇତ୍‍କେ, ମାମ୍‍ମେ ଅଡ଼୍‌‍କିଂଙ୍କ୍ ଆର୍ଶିବାଦ୍ ମାଡ଼ିତମ୍ । ନିନ୍ଦ୍ ଆତ୍‍କେବା, ମାମ୍‍ମେ ସହେମ୍ ଆଦ୍‍ତମ୍ ।

୧ କରନ୍ତିୟ 4:12 ပူးပေါင်းရင်းမြစ်များ

ମାତିଉ 5:11

“ନାରୁଡ଼୍ ବେସୁଣ୍ଟ୍ ନାକିଂଙ୍କ୍ ପେର୍କେ ମାଡ଼ି ମାନ୍ଦାନ୍ ମାଇଦିଙ୍କ୍ ନାରୁଡ଼୍ ଯଦି ମିକିଂଙ୍କ୍ ଅପ୍‍ମାନ୍ ମାଡ଼ିତଡ଼୍, ଗାଟିତିପାଲ୍ ହିଦ୍‍ତଡ଼୍ ନୁ ମିଇ ବିରୁଦ୍ଦ୍‌ତେ ବୁସା କେତିତଡ଼୍‍,

ମାତିଉ 5:44

ବାତେଙ୍କ୍ ଇତ୍‍କେ ନାନ୍ ମିକିଂଙ୍କ୍ କେତୁତାନ୍ ଶତ୍ରୁଡ଼୍‍କ୍ ପ୍ରେମ ମାଡ଼ାଟ୍ । ବେନଡ଼୍ ମିକିଂଙ୍କ୍ ତାଡ଼ନା ମାଡ଼ିତଡ଼୍ ଅଡ଼ାଦ୍‌ ଲେକେତ୍‍ ସେଙ୍ଗେ ପ୍ରାର୍ତନା ମାଡ଼ାଟ୍ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 23:34

ଆସୁଙ୍କ୍ ଜିସୁ କେତ୍ତଣ୍ଡ୍, “ବାବା ଇଡ଼କିଙ୍କ୍ କ୍ଷମା ମାଡ଼ା, ବାତେଙ୍କ୍ ଇତ୍କେ ଇଡ଼୍ ବାତ୍ ମାଡ଼ୁତଡ଼୍ ଆଦ୍ ପୁନଡ଼୍ ।” ମେଣ୍ଡେ ଅଡ଼୍‌‍ ଜିସୁନ୍ ଚକାତିଙ୍କ୍ ତୁସାନ୍ ମାଇଦିଙ୍କ୍ ଗୁଲିବାଣ୍ଟ ମାଡ଼୍‍ତଡ଼୍ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 6:28

ବେନଡ଼୍ ମିକିଂଙ୍କ୍ ଅବିଶାପ୍‌ ହିଦ୍‍ତଡ଼୍, ଅଡ଼୍‌‍କିଂଙ୍କ୍ ଆର୍ଶିବାଦ୍ ମାଡ଼ାଟ୍; ବେନଡ଼୍ ମିକିଂଙ୍କ୍ ଅପ୍‍ମାନ୍ ମାଡ଼ିତଡ଼୍, ଅଡ଼୍‌‍ ସେଙ୍ଗେ ପ୍ରାର୍ତନା ମାଡ଼ାଟ୍ ।

ଯୋହନ୍‌‌ 15:20

‘ଚାକର୍ ତାନ୍ ମାଲିକ୍ ତାଗାଙ୍କ୍ ବାଡ଼୍‍ୟଣ୍ଡ୍ ଆୟ୍‍ୟଣ୍ଡ୍,’ ନାନ୍ ମିକିଂଙ୍କ୍ ଇଦ୍ ବେନ୍ ବାକ୍ୟ କେସ୍‍ମିନ୍ଦେନ୍, ଆଦିଙ୍କ୍ ହେର୍କା ମାଡ଼ାଟ୍ । ଯଦି ଅଡ଼୍‌ ନାକିଂଙ୍କ୍ ତାଡ଼ନା ମାଡ଼ିମିନ୍ଦେଡ଼୍, ଆଲାଇତ୍‍କେ ମିକିଂଙ୍କ୍ ମିକା ତାଡ଼ନା ମାଡ଼ିତଡ଼୍; ଯଦି ଅଡ଼୍‌ ନାୱାଦ୍ ବାକ୍ୟ ପାଲନ୍ ମାଡ଼ିମିନ୍ଦେଡ଼୍, ଆଲାଇତ୍‍କେ ମିୱାଦ୍ ବାକ୍ୟ ମିକା ପାଲନ୍ ମାଡ଼ିତଡ଼୍ ।

ପ୍ରେରିତ 18:3

ପାଉଲ୍ ଅଂକିଙ୍କ୍‌ ଉଡ଼ାନଙ୍କ୍ ଆଞ୍ଜ୍ ଅଡ଼୍‌ ତଡ଼୍ ବାସେ ମାଡ଼୍‍ତଣ୍ଡ୍, ବାତେଙ୍କ୍ଇତ୍‍କେ ଅଣ୍ଡ୍‌ ଗାଲା ଅଡ଼୍‌ ଲେକାମ୍ ତମ୍ବୁ ତିଆର୍ ମାଡ଼ି ବାଦ୍‍କମାତ୍‍ତଣ୍ଡ୍‍ ।

ପ୍ରେରିତ 20:34

ମିଡ଼୍ ପୁତ୍‍ତିଡ଼୍, ନାନ୍ ନା ଇୱୁ ରେଣ୍ଡ୍ କାୟ୍‍କିନ୍‍ ତଡ଼୍ ପାଡ଼୍‍ୟି ମାଡ଼ି ନିଜର୍‍ ନୁ ନା ତଡ଼୍ ପାଡ଼୍‍ୟି ମାଡ଼ାନଡ଼ାୱ୍ ସାରେ ଇଚ୍ଛା ସାଦନ୍ ମାଡ଼୍‍ତାନ୍ ।

ପ୍ରେରିତ 7:60

ଅଣ୍ଡ୍‌ ମର୍‍ମିଣ୍ଡା ଉୱୁସ୍ ଗାଟି ଲେଙ୍ଗ୍‍ଦେ କେତ୍‍ତଣ୍ଡ୍, “ପ୍ରବୁ ! ଇଡ଼୍ ବିରୁଦ୍‍ତେ ଇଦ୍ ପାପ୍ ଏର୍କା ମାଡ଼୍‍ମାଟ୍ ।” ଇଦ୍ କେସ୍ ଅଣ୍ଡ୍‌ ଡଲ୍‍ତଣ୍ଡ୍ ।

ରୋମୀୟ 12:14

ମିକିଂଙ୍କ୍ ବେନଡ଼୍ ତାଡ଼ନା ମାଡ଼ିତଡ଼୍, ଅଡ଼ାଦ୍‌ ଶାନ୍ତି ସେଙ୍ଗେ ଇଶ୍ୱର୍‌ତାଗ୍ ପ୍ରାର୍ତନା ମାଡ଼ାଟ୍ । ଅଡ଼୍‌‍କିଂଙ୍କ୍ ଆର୍ଶିବାଦ୍ ମାଡ଼ାଟ୍, ଅବିଶାପ୍‌ ଇମାଟ୍ ।

ରୋମୀୟ 12:20

ଇତ୍‍କେ ଶାସ୍ତ୍ରତାଗ୍ ନିର୍ଦ୍ଦେଶ୍ ଇସାପ୍‍ତେ “ମିୱଡ଼୍‍ ଶତ୍ରୁଡ଼୍ କାର୍‍ୱିନ୍‍ ମାତ୍‍କେ, ଅଂକିଙ୍କ୍‌ ତିନ୍ଦାନଙ୍କ୍ ଇମୁଟ୍; ଉନ୍ଦେୱାସ୍‍ ମାତ୍‍କେ ଉସ୍‍ପାଟ୍ । ଇଲାମାଡ଼୍‍କେ ଅଣ୍ଡ୍‌ ସିଗ୍ଆସ୍ ନିଜେ ତାଲେ ମଦଲ୍‍ ମାଡ଼ିତଣ୍ଡ୍ ।”

ରୋମୀୟ 8:35

ଆଲେକେ ବେନ ମାନାଙ୍କ୍‍ କ୍ରିଷ୍ଟନ୍ ପ୍ରେମତାଗାଙ୍କ୍ ୱେର୍ରେ ମାଡ଼େପାର୍‍ଦ୍‍ତଣ୍ଡ୍ ? ଦୁଃକାମ୍, ତିପାଲ୍, ନପ୍, ଗରିବ୍, କାର୍‍ୱ୍, ବିପଦ୍ ବା ଡଲ୍‍ନାଦ୍ ଆଶେ, ବାଆତେବା ଆଦ୍ ମାଡ଼ାନଙ୍କ୍ ପାର୍‍ୱ ।

୧ କରନ୍ତିୟ 9:6

କି ବାଦ୍‍କାନଡ଼ାଦ୍ ପାଡ଼ିୟ୍‌ ୱିଡ଼୍‍ସାନଙ୍କ୍ ବାତା ନାୟାଦ୍‌ ନୁ ବର୍ଣ୍ଣବ୍‌ବାନାଦ୍‌ ଅଦିକାର୍‌‌ ଇଲ୍ଲା ?

୨ କରନ୍ତିୟ 11:8

ମିଇୟାଗେ ପାଡ଼୍‍ୟି ମାଡ଼ାନ୍ ୱେଲେ ନାନ୍ ବାଗାତ୍ ମଣ୍ଡଲିନାଗାଙ୍କ୍ ଆର୍ତିକ ସାହାଯ୍ୟ ପାଏମ୍ ଆତ୍‍ତାନ୍ । କେତାଙ୍କ୍ ଆତ୍‍କେ, ମିୟାଦ୍ ଉପକାର୍ ସେଙ୍ଗେ ନାନ୍ ଅଡ଼୍‌‍କିଂଙ୍କ୍ ଲୁଣ୍ଠନ୍ ମାଡ଼୍‍ତାନ୍ ।

ଏଫିସିୟ 4:28

ଡଙ୍ଗାଲ୍ ମେଣ୍ଡେ ଡଙ୍ଗ୍‍ମାକିଣ୍ଡ୍ । ସାୟେତ୍ ଉପାୟ୍‍ତେ ନିଜେତ୍ ଜିବିକା ଗାଡ଼୍‍ସାନ୍ ସେଙ୍ଗେ ନୁ ଗରିବୀଡ଼୍‍କିଙ୍କ୍ ସାହାଯ୍ୟ ମାଡ଼ାନ୍ ସେଙ୍ଗେ ଅଣ୍ଡ୍‌ ପାଡ଼୍‍ୟି ମାଡ଼ିଣ୍ଡ୍ ।

୧ ଥେସଲନିୟ 2:9

ହୋ ଦାଦାନଡ଼ି ନୁ ଏଲାସ୍କ୍‍, ମିୟାଦ୍ ନିଜାମ୍ ହେର୍କା ମାନ୍‍ତେ; ମାନାଡ଼୍ ବେଲାନ୍ ଗାଟି ତିପାଲ୍‍ତେ ସ୍ୱୀକାର୍ ମାଡ଼ି ପାଡ଼୍‍ୟି ମାଡ଼ମାତ୍‍ତମ୍; ବେଲାନ୍ ମିଇ ପାକେ ଇଶ୍ୱର୍‌ତେ ସୁସମାଚାର୍ ପ୍ରଚାର୍ ମାଡ଼ାନ୍ ୱେଲେ ମିଇ ପର୍‍ର ବୋଜ୍ ଆୟ୍‍ମାକି ହିଞ୍ଜ ମାମ୍‍ମେ ନାର୍‍କେତ୍ ପାୟାଲ୍ ତିପାଲ୍ ମାଡ଼ିମାତ୍‍ତମ୍ ।

୨ ଥେସଲନିୟ 3:8

ୱିଡ଼୍‍ସି ପଇସାତେ ବେନନାଗାଙ୍କ୍ କାଦି ତିନ୍‍ୱେ ମାତ୍‍ତମ୍ । ବା ବେନ ପୋର ବଜ୍ ଆୟ୍‍ୱେ ସେଙ୍ଗେ ମାମ୍‍ମେ ନାର୍‍କେତ୍ ପାୟାଲ୍ ତିପାଲ୍ ମାଡ଼ିମାତ୍‍ତମ୍ ।

୧ ତୀମତି 4:10

ବେନ୍ ମୁକ୍ତିଦାତାନାଗ୍ ବିଶ୍ୱାସ୍ ମାଡ଼ାକେ ସାରେତଡ଼୍ ପରିତ୍ରାନ୍ ଲାବ୍ ମାଡ଼େପାର୍‍ତନ୍, ଆ ଜିୱୁନ୍ ତେ ଇଶ୍ୱର୍‌ତାଗେ ବର୍‍ସା ୱାଟି, ମାନାଡ଼୍ ଇସର୍ କଷ୍ଟ ସୀକାର୍ ମାଡ଼ି ହି କାମ୍ ମାଡ଼ି ଅଦୁତମ୍ ।

୧ ପିତର୍‍ 2:23

ଅଣ୍ଡ୍‌ ଅପ୍‍ମାନ୍ ଆଦାନ୍ ସମୟତେ ଅପମାନ୍‍ତାଦ୍‍ ମେଣ୍ଡେଅନ୍‌‍ଦାମ୍‍ ଉତର୍‍ ଇୱେ ମାତ୍‍ତନ୍ । ଅଣ୍ଡ୍‌ ଦୁଃକାମ୍ ମାଡ଼ାନ୍ ୱେଲେ ପ୍ରତିଶୋଦ୍ ଆଦାନଙ୍କ୍ ୱେର୍‍ ତଅୱେ ମାତ୍‍ତନ୍; ମାତର୍ ନ୍ୟାୟ ବିଚାର୍‍କର୍ତ୍ତା ଇଶ୍ୱର୍‌ତେ ପରୁ ସାରେ ବର୍‍ସା ନେହେସ୍‍ ମାତ୍‍ତନ୍ ।

୧ ପିତର୍‍ 3:14

ସତ୍‍ କାମ୍ ମାଡ଼୍‍ନ୍‍ ସେଙ୍ଗେ ମିଡ଼୍ ଦୁଃକାମ୍ କଷ୍ଟ ମାଡ଼୍‍କେ ମିକା ମିଡ଼୍ ନିଜାମ୍‍ ସୁକାମ୍‍ତେ ମିନ୍ଦେଡ଼ି । ବେନଙ୍କ୍ ୱେର୍‍ମାଟ୍; ବେସୁଙ୍କ୍‌ବା ଚିନ୍ତାତେ ମାନ୍‍ମାଟ୍ ।

୧ ପିତର୍‍ 3:9

ଅନିଷ୍ଟ ବଦଲ୍‍ତେ ଅନିଷ୍ଟ ମାଡ଼୍‍ମାଟ୍, ଅବିଶାପ୍‌ ବାଦୁଲ୍‍ତେ ଅବିଶାପ୍‌ ମାଡ଼୍‍ମାଟ୍; ତାନ୍ ପେର୍କେ ଆର୍ଶିବାଦ୍‌ ମାଡ଼ାଟ୍, ବାତେଙ୍କ୍ଇତ୍କେ ଇଦିନ୍ ସେଙ୍ଗେ ଇଶ୍ୱର୍‍ ମିକିଙ୍କ୍ କାର୍‍ଙ୍ଗି ମାତ୍‍ତନ୍ ନୁ ଆଦ୍‍ ମାଡ଼ାନ୍ ପେର୍କେ ମିଡ଼୍ ଆର୍ଶିବାଦ୍ ପାଏମ୍ ଆଦ୍‍ତିଡ଼୍,

୧ ପିତର୍‍ 4:19

ଆଲେକ୍ ବେନଡ଼୍ ଇଶ୍ୱର୍‌ତେ ଇଚ୍ଛା ଲେକାମ୍ ଦୁଃକାମ୍ ମାଡ଼ିତଡ଼୍, ଅଡ଼୍‌ ସାରେ ସତ୍‍କାମ୍ ମାଡ଼ି ଅନାଗେ ପୁରାପୁରି ବର୍‍ସା ନେଏମୁଟ୍ । ଅଡ଼ାଦ୍‌ ସୃଷ୍ଟିକର୍ତ୍ତାଲ୍‍ ଇଶ୍ୱର୍‍ ସାରେଦାମ୍ ତାନ୍‍ ପ୍ରତିଜ୍ଞା ରକ୍ଷା ମାଡ଼ିତନ୍ ।

ଯିହୁଦା 1:9

କିନ୍ତୁ ମୁକ୍ୟ ସ୍ୱର୍ଗଦୂତ ମିକାଏଲ୍ ମିକା ଇଦ୍ ରକମ୍ ବ୍ୟବହାର୍‌ ମାଡ଼୍‍ୱେ ମାତ୍‍ତଣ୍ଡ୍ । ମୋଶାନ୍‌ ସମାଦି ଆ ଶୟ୍‍ତାନ୍ ତଡ଼୍ ଯୁକ୍ତିତର୍କ ମାଡ଼ାନ୍ ୱେଲେ ମିକାଏଲ୍ ଅପ୍‍ମାନ୍ ଗଟ୍ କେସ୍ ସୟ୍‍ତାନ୍‍ତିଙ୍କ୍ ବିଚାର୍ ମାଡ଼୍‍ୱେ ମାତ୍‍ତଣ୍ଡ୍ । ଅଣ୍ଡ୍‌ ଆସାମ୍ କେସ୍ ମାତ୍‍ତଣ୍ଡ୍, “ପ୍ରବୁ ନିକିଂଙ୍କ୍ ପାସ୍‍କିଣ୍ଡ୍ ।”