23 ବାତେଙ୍କ୍ ଇତ୍କେ ମିଡ଼୍ କ୍ରିଷ୍ଟନ୍ତଡ଼୍ ନୁ କ୍ରିଷ୍ଟ ପରମେଶ୍ୱରତଣ୍ଡ୍ ।
ପିତର୍ ଆଦ୍ କେତ୍ତାନ୍ ୱେଲେ ୱେରଡ଼୍ ୱେସ୍ତେ ମାବ୍ ଅଡ଼୍କିଂଙ୍କ୍ ତାଲେତ୍ ପର୍ର ୱାତ୍ତେ ନୁ ଆଗାଙ୍କ୍ କେଞ୍ଜ୍ତଡ଼୍, “ହୋ ନା ପ୍ରିୟ ମାର୍, ଇନାଗେ ନାନ୍ ପେର୍କେ ସାର୍ଦେ । ଅନ୍ ଗଟ୍ ମନ୍ଇସ୍ କେଞ୍ଜାଟ୍ ।”
ନିମ୍ ନାକିଂଙ୍କ୍ ବେଲା ଜଗତ୍ତାଗ୍ ରହତ୍ତିନ୍, ନାନ୍ ମିକା ଅଡ଼୍କିଂଙ୍କ୍ ଆଦେପୁଟୁଙ୍କ୍ ଜଗତ୍ତାଗ୍ ରହତ୍ତାନ୍ ।
ବେଲା ଅଡ଼୍ ସାରେତଡ଼୍ ଅଣ୍ଡୟାଗେ ଆଦ୍ତଡ଼୍; ହଁ ବାବା ନିମ୍ ବେଲା ନାୟାଗେ ମିନ୍ଦେନି ନୁ ନାନ୍ ନିୟାଗ୍ ମିନ୍ଦେନ୍, ଅଡ଼୍ ମିକା ଆଲେକେ ମାୟାଗ୍ ମାନିଡ଼୍, ବେଦ୍ଲେକାମ୍ ନିମ୍ ନାକିଂଙ୍କ୍ ରହତ୍ତି ଇଞ୍ଜ ଜଗତ୍ ବିଶ୍ୱାସ୍ ମାଡ଼ିତ୍ ।
ପ୍ରବୁନ୍ ପାଡ଼୍ୟି ମାଡ଼ାନ୍ ସେଙ୍ଗେ ମାନାଡ଼୍ ବାଦ୍କୁତାଡ଼୍ ନୁ ଡଲିତାଡ଼୍ । ଆଦିଙ୍କ୍ ବାଦ୍କାନାଗ୍ ନୁ ଡଲାନାଗ୍ ମାନାଡ଼୍ ପ୍ରବୁନାଗ୍ ।
ନାନ୍ ମିକିଂଙ୍କ୍ ବୁଜାମାଡ଼ାନଙ୍କ୍ ଆଲ୍ସୁତାନ୍ ଜେ, କ୍ରିଷ୍ଟ ସାର୍ରେ ମାନେୟ୍ତାଦ୍ ତାଲ୍ଲେ ଲେକାମ୍, ମୁଦ୍ପାଲ୍ ମୁତ୍ତେନ୍ ତାଲ୍ଲେ ଲେକାମ୍ ନୁ ଇଶ୍ୱର୍ କ୍ରିଷ୍ଟନ୍ ତାଲ୍ଲେ ଲେକାମ୍ ।
ଇତ୍କେ ସାର୍ରେ ଟିକ୍ ଆତ୍ତେ ସମୟ୍ତେ ପୁନରୁତ୍ତିତ୍ ଆଦ୍ତେ । ସାର୍ରେତିଙ୍କ୍ ମୁନେନ୍ କ୍ରିଷ୍ଟ ପୁନରୁତ୍ତିତ୍ ଆତ୍ତଣ୍ଡ୍ । ଆଦିଙ୍କ୍ ଅଣ୍ଡ୍ ୱାଦାନ୍ ସମୟ୍ତେ ବେନଡ଼୍ ତାମ୍ ନାରୁଡ଼୍ ଅଡ଼୍ ମୁନେନ୍ ଜିୱୁଣ୍ଡ୍ ଆଦ୍ତଡ଼୍ ।
ସାର୍ରେ ବିଷୟ୍ କ୍ରିଷ୍ଟନ୍ ଶାସନ୍ ଅଦିନ୍ ଆତ୍ତେ ପେର୍କେ, ଅଣ୍ଡ୍ ନିଜେତ୍ ବାବାଲ୍ ଇଶ୍ୱର୍ତେ ଅଦିନ୍ ଆଦ୍ତନ୍ ନୁ ସାର୍ରେ ବିଷୟ୍ତେ ପର୍ର ଇଶ୍ୱର୍ତେ ରାଜ୍ ସାରେ ଆଦ୍ତେ ।
ବାତେଙ୍କ୍ଇତ୍କେ ବେନ ପ୍ରବୁନ୍ କାର୍ଙ୍ଗାନାଦ୍ ଦର୍କି କ୍ରୀତଦାସ ଆସ୍ ପ୍ରବୁନାଗ୍ ୱାସ୍ମିନ୍ଦେନ୍, ଅଣ୍ଡ୍ ପ୍ରବୁନ୍ ମୁକ୍ତ ନାରୁଣ୍ଡ୍, ଆଦେଲେକେମ୍ ବେନ ମୁକ୍ତିଆସ୍ ୱାସ୍ମିନ୍ଦେନ୍, ଅଣ୍ଡ୍ କ୍ରିଷ୍ଟନ୍ କ୍ରୀତଦାସ ।
ମାନାକିନ୍ ଅଣ୍ଡୟ୍ ଇଶ୍ୱର୍, ଇତ୍କେ ବେନ୍ ବାବାନାଗାଙ୍କ୍ ସାର୍ରେ ବିଷୟ୍ ତିୟାର୍ ଆତ୍ତା, ମେଣ୍ଡେ ମାନାଲ୍ ଅନ୍ ମାଇଦିଙ୍କ୍ ମିନ୍ଦେଲ୍, ମେଣ୍ଡେ ଅଣ୍ଡୟ୍ ପ୍ରବୁ, ଇତ୍କେ ଜିସୁ କ୍ରିଷ୍ଟ, ଅନାଗ୍କଞ୍ଚ୍ ସାର୍ରେ ବିଷୟ୍ ତିୟାର୍ ଆତ୍ତା, ମେଣ୍ଡେ ଅନାଗ୍କଞ୍ଚ୍ ମାନାଲ୍ ତିୟାର୍ ଆତ୍ତାଡ଼୍ ।
ମିଇ ସାରେପାକେ ବାତେଏ ସାରେ ଗଟେମ୍ ଆଦୁତ୍ତେ, ଉଡ଼ାଟ୍ । ମିଇୟାଗେ ବେନ କ୍ରିଷ୍ଟନ୍ ପେର୍କେ ଆଦାନଣ୍ଡ୍ ମିନ୍ଦେଣ୍ଡ୍ କି ? ଯଦି ମିନ୍ଦେନ୍, ଆଲେକେ ଅଣ୍ଡ୍ ମେଣ୍ଡନ୍ନ୍ଦାମ୍ ଇଦ୍ ଚିନ୍ତେ ମାଡ଼ୁଡ଼ିଣ୍ଡ୍ । ବାତେଙ୍କ୍ ଇତ୍କେ ଅନ୍ ଲେକାମ୍ ମାମ୍ମେ ମିକା କ୍ରିଷ୍ଟନ୍ ପେର୍କେ ଆଦାନମ୍ ।
ଯଦି ମିଡ଼୍ କ୍ରିଷ୍ଟନ୍ ନାରୁଡ଼ି, ଆଲେକେ ମିଡ଼୍ ଗାଲା ଅବ୍ରାହାମ୍ତେ ବଂଶତଡ଼ି ନୁ ଇଶ୍ୱର୍ ବାତ୍ ପ୍ରତିଜ୍ଞା ମାଡ଼୍ତଣ୍ଡ୍, ଆଦ୍ ପାଏମ୍ ଆଦ୍ତିଡ଼୍ ।
ବେନଡ଼୍ କ୍ରିଷ୍ଟ ଜିସୁନ୍ ନାରୁଡ଼୍, ଅଡ଼୍ ମେନ୍ଦୁଲ୍ତିଙ୍କ୍ ଆଦିନ୍ ଇଚ୍ଚା ନୁ ଆଶେ ତଡ଼୍ କ୍ରୁଶତାଗ୍ ଆୱୁକ୍ତଡ଼୍ ।
ଆଦ୍ ଆଲ୍ସ୍ତାଦ୍ ଲେକାମ୍ ସ୍ୱର୍ଗ ନୁ ପୃତିବିତେ ସାରେ ତିଆର୍ ବିଷୟ ଅଣ୍ଡୟ୍ ଆଦ୍ତେ ନୁ କ୍ରିଷ୍ଟ ଆୱୁ ସାରେତଡ଼୍ ତାଲେ ଲେକାମ୍ ମାନ୍ତା ଇଦ୍ ଆଲ୍ସାନାଦ୍ ଇଶ୍ୱର୍ ଲେକାମ୍ ସମୟ୍ତେ ପୁରା ମାଡ଼ିତନ୍ ।