୧ କରନ୍ତିୟ 2:7 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁷ ମାତର୍ ମାମ୍‍ମେ ବିଶ୍ୱାସ୍‌ତେ ଲେକାମ୍‌ ଇଶ୍ୱରତେ ବୁଦ୍‍ତାଦ୍‌ ଗଟି କେତୁତମ୍‌; ଆଦ୍‌ ବୁଦ୍‍ ନାରୁଡ଼ାଗାଙ୍କ୍ ମିସି ନେଃଏତଡ଼୍, ଇଶ୍ୱର୍ ମାନାକିନ୍‌ ଗୌରବ୍ ମାଇଦିଙ୍କ୍‌ ବୁମ୍ ତିୟାର୍‍ ଆତ୍‍ତେ ମୁନେଙ୍କ୍ ଏଞ୍ଚିମାତ୍‍ତଣ୍ଡ୍‌ ।

୧ କରନ୍ତିୟ 2:7 ပူးပေါင်းရင်းမြစ်များ

ମାତିଉ 11:25

ଆସୁଟେ ଜିସୁ ପ୍ରାର୍ତନା ମାଡ଼ି କେତ୍‍ତଣ୍ଡ୍, “ହଁ ବାବା, ସ୍ୱର୍ଗ ନୁ ପୃତିବିତ୍ ପ୍ରବୁ, ଇଦ୍ ସାରେ ଗଟ୍ ବୁଦ୍ଦିମାନ୍ ନୁ ଶିକିତ୍ ନାରୁଡ଼୍ ମିଞ୍ଜ୍‍ସ୍ପିମାଞ୍ଜ୍ କାର୍‍ୱେ ନାରୁଡ଼ାଗ୍ କେସ୍‍ମାନ୍ଦାନ୍ ମାଇଦିଙ୍କ୍ ନାନ୍ ନିକିଂଙ୍କ୍ ଦନ୍ୟବାଦ୍ ଇଦୁତାନ୍ ।

ମାତିଉ 13:35

ଇଦିନ୍ ତଡ଼୍ ବାବବାଦୀନଡ଼୍ ହିଦ୍ ବବିଷ୍ୟତ୍‍ବାଣି ସାରେ ଆତ୍‍ତେ । “ନାନ୍ ୱେଷଡ଼୍ ଲେକାମ୍ ଅଡ଼୍‌‍ତଡ଼୍ ଗଟି ତିର୍ରିତାନ୍ । ତିଆର୍ ମୁନେଙ୍କ୍ ପୁନ୍‍ୱେମାନ୍ଦାନ୍ ସାରେ ଗଟି ହିଦ୍‍ଲେକାମ୍ ନାନ୍ ଅଡ଼୍‌‍କ୍ ବୁଜାମାଡ଼ିତାନ୍ ।”

ରୋମୀୟ 11:25

ଦାଦାଲଡ଼ି ନୁ ଏଲାସ୍କ୍‍, ଇଦ୍ ବିଷୟ୍‍ତେ ଅଣ୍ଡୟ୍‌ ମିଞ୍ଜ୍‍ତାଦ୍ ନିଜାମ୍ କେତୁତାନ୍‍ । ଆଦ୍ କେଞ୍ଜ୍‍କେ, ମିଡ଼୍ ମେଣ୍ଡେ ନିଜେ ଜ୍ଞାନି ଇଞ୍ଜ ଆଲ୍‍ସ୍‍ୱିଡ଼୍ । ଇଶ୍ରାଏଲୀୟଡ଼୍ ମୁର୍କ ସାର୍ରେଦିନା ମାନ । ଅଣଇହୁଦୀଡ଼୍ ସାର୍‍ରେ ଇଶ୍ୱର୍‌ତେ ବକେତ୍ ୱାଦାନ୍ ଯାକ ଅଡ଼୍‌ ଆଲେକେ ମାନ୍‍ତଡ଼୍ ।

ରୋମୀୟ 8:29

ବେନଡ଼୍‍କିଂଙ୍କ୍ ଇଶ୍ୱର୍ ଏଞ୍ଚିମିନ୍ଦେଣ୍ଡ୍, ଅଡ଼୍‌‍କିଂଙ୍କ୍ ତାମ୍ ମାର୍‍କିନ୍ ଲେକାମ୍ ଆଦାନଙ୍କ୍ ମୁନେତ୍‍କେ ତିୟାର୍ ମାଡ଼ିମିନ୍ଦେଣ୍ଡ୍ । ଆଲେକେ ଇଶ୍ୱର୍‌ତେ ମାର୍‍କ୍ ଅଡ଼୍‌‍କିଂଙ୍କ୍ ମୁନେଙ୍କ୍‍ ପୁଟ୍‍ତେନଡ଼୍‍ ଆଦ୍‍ତଡ଼୍‍ ।

ରୋମୀୟ 8:30

ବେନଡ଼୍ ଇଦ୍‍ରକମ୍ ଏଞ୍ଚି ୱାସ୍‍ମିନ୍ଦେଡ଼୍, ଅଡ଼୍‌ ଇଶ୍ୱର୍‌ତେ କଣ୍ଡେତାଗ୍ ଦାର୍ମାମ୍ ଆସ୍ ଗୌରବ୍‍ ପାଏମ୍ ଆଦ୍‍ତଡ଼୍ ।

୧ କରନ୍ତିୟ 2:1

ଦାଦାଲରି ନୁ ଏଲାସ୍କ୍‍, ନାନ୍ ମିୟାଗା ଇଶ୍ୱରନ୍‌ ସାୟେ କାବୁର୍ କେତାଙ୍କ୍ ମାଇଦିଙ୍କ୍ ଆଞ୍ଜମାନ୍ଦାନ୍‌ୱେଲେ ବାକ୍ୟନମ୍ବର ବା ପାଣ୍ଡିତ୍ୟ ତୱେ ମାତ୍‌ତାନ୍‌ ।

ଏଫିସିୟ 1:4

କ୍ରିଷ୍ଟନାଗ୍‍ କାୟ୍‍ଲି ମାନାଡ଼୍‍ ବେଲା ଇଶ୍ୱର୍‌ତେ ନାରୁଡ଼୍‍ ଆଦ୍‍ତାଡ଼୍‍, ଅଦିନ୍‌ ସେଙ୍ଗେ ଜଗତ୍‍ ସୃଷ୍ଟି ଆଦାନ୍‍ ମୁନେଙ୍କ୍‍ ଅଣ୍ଡ୍‌‍ ମାନାଙ୍କ୍‍ ଏଞ୍ଚି ମିନ୍ଦେଣ୍ଡ୍‍ । ଆଦିଙ୍କ୍‍ ଅନ୍‌‍ ପ୍ରେମତେ ମାନାଡ଼୍‍ ଅନ୍‌‍ ମୁନ୍ନେ ପବିତ୍ର ନୁ ନିର୍ଦୋଷ୍‍ ଆତ୍‍ତାଡ଼୍‍ ।

ଏଫିସିୟ 3:10

ବେଦ୍‍ପୁଟୁଙ୍କ୍ ଇଞ୍ଜେତ୍ ସମୟ୍‍ତେ କ୍ରିଷ୍ଟିୟ ମଣ୍ଡଲିତେ ପାଡ଼୍‍ୟିଦେ ସ୍ୱର୍ଗତେ ଅଦିପତି ନୁ ଶକ୍ତିନଡ଼୍ ଇଶ୍ୱର୍‌ତେ ନାର୍‍ଗେ ବୁଦ୍‍ତେ ବିଷୟ୍‍ତେ ପୁରାପୁରି ବୁଜେମ୍ ଆଦ୍‍ପାର୍‍ଦ୍‍ତଡ଼୍ ।

୨ ତୀମତି 1:9

ଅଣ୍ଡ୍‌ ମାନ୍‍ ସତ୍ କାମ୍‍ଦେ ପୁରସ୍କାର୍ ଲେକାମ୍ ଅଣ୍ଡ୍‌ ମାନାଙ୍କ୍ ଆହ୍ୱାନ୍ ମାଡ଼ଣ୍ଡ୍ ମାତର୍ ଅନ୍‌ ଅନୁଗ୍ରହତେ ଅନ୍‌ ହେର୍କେତେ ତିଆର୍‌ ମାଡ଼ାଙ୍କ୍‌ ମାନାଙ୍କ୍ ତାନ୍ ପ୍ରିୟଦାସ ଆଦାନ୍ ସେଙ୍ଗେ ହେଞ୍ଚିମିନ୍ଦେନ୍ । କ୍ରିଷ୍ଟ ଜିସୁନ୍ ଶାସନ୍‍ ନାର୍ଗ ୱାଡ଼୍‍ଷାତାଗାଙ୍କ୍ ଇଶ୍ୱର୍ ମାନାଙ୍କ୍ ଇଦ୍ ଅନୁଗ୍ରହତେ ପାତ୍ର ଇନା ମାଡ଼ି ନେହେସ୍‍ମିନ୍ଦେନ୍;

ଏବ୍ରୀ 1:2

ଇତ୍‍କେ ଇଦ୍‌ ତେରାନ୍‌ ଦିନାମ୍‌ତେ ଅନ୍‌‌ ତାନ୍‌ ମାରିନ୍‍ ତ ମାନ୍‌ସାଙ୍ଗ୍ ଗଟ୍‌ ତିରିୟ୍‌ତଣ୍ଡ୍‍ । ଆ ମାରିନ୍‍ ତ ଇଶ୍ୱର ବୁମ୍‌ତିଙ୍କ୍‍ ତିଆର୍‌ ମାଡ଼୍‍ତଣ୍ଡ୍‍ ମେଣ୍ଡେ ଆ ପେର୍କେ ସାର୍ରେ ବିଷୟ୍‍ତେ ଅଦିକାର୍‌‌ ଆଦାନଙ୍କ୍‌ ଅଣ୍ଡ୍‌‌ ଅଂକିଙ୍କ୍‌ ଏଞ୍ଚ୍‌ତଣ୍ଡ୍‌ ।

ଏବ୍ରୀ 11:3

ବିଶ୍ୱାସ୍‌ତେ ମାମ୍ ପୁନ୍‌ତମ୍‌ ଯେ ଇଶ୍ୱର କେତ୍‍ତେ ମାଟାତେନେ ବୁମ୍ ତିଆର୍‌ ଆତ୍ତା, ଆଦିଙ୍କ୍‌ ତନ୍ଦ୍‌ୱାଗା ନୁଞ୍ଚ ସାର୍ରେ ତନ୍ଦାନାୱ ତିଆର୍‌ ଆତ୍ତା ।

୧ ପିତର୍‍ 1:11

ଆଦ୍ ଦାନ ମିଡ଼୍ ବେସୁଙ୍କ୍‍ ନୁ ବେଲାନ୍ ପାଏମ୍ ଆଦ୍‍ତିଡ଼୍, ପୁନ୍ଦାନ୍ ସେଙ୍ଗେ ଅଡ଼୍‌ ଚେଷ୍ଟା ମାଡ଼ିମାତ୍ତଡ଼୍ । ଇଦ୍ ସମ୍ପର୍କତେ ପବିତ୍ରଆତ୍ମା ସାହାଯ୍ୟତେ ଅଡ଼୍‌ କ୍ରିଷ୍ଟଙ୍କ୍ ଦୁଃକାମ୍ ନୁ ମେଣ୍ଡନ୍‍ ଲେକେତ୍ ଗୌରବ୍‍ ବିଷୟତେ ସୂଚନା ଇସ୍‍ ମାତ୍‍ତଡ଼୍ ।

୧ ପିତର୍‍ 5:1

ନାନେ ୱେରନ୍‍ ବୟସ୍ତେ ନାରୁଣ୍ଡ୍‍ ଇସାବ୍‍ତେ ମିୟାଦ୍ ମଣ୍ଡଲିତେ ବାଡ଼୍‍ୟେ ନେତାଲଡ଼୍‍କ୍ ବିନତି ମାଡ଼ି କେତୁତାନ୍ । କ୍ରିଷ୍ଟନ୍ ଦୁଃକାମ୍ କଷ୍ଟତାଗ୍‍ ନାନେ ୱେରନ୍ ସାକ୍ଷି ନୁ ଅନାଦ୍‌ ଗୌରବ୍ ପ୍ରକାଶ୍ ଆଦାନ୍ ସମୟତେ ନାନେ ଆଗେ ପାଲ୍‍କ୍‍ ଆଦ୍‍ତାନ୍ ।

୧ ପିତର୍‍ 5:10

କ୍ରିଷ୍ଟନ୍‍ ତଡ଼୍ କାଇଲି ମିକା ଅନାଦ୍‌ ସାରେଦିନାତାଦ୍ ଗୌରବ୍‍ତେ ବାଗିଦାର୍‍ ଆଦାନଙ୍କ୍, ଦୟାତଣ୍ଡ୍‍ ଇଶ୍ୱର୍ ମିକିଙ୍କ୍ ଆହ୍ୱାନ୍ ମାଡ଼୍‍ତଣ୍ଡ୍‍ । ମିୟାଦ୍ ଇସୁର୍ ଦୁଃକାମ୍ ଆତ୍‍ତେ ପେର୍କେ ଅଣ୍ଡ୍‌ ନିଜେ ମିକିଙ୍କ୍ ସାକ୍‍ସାକା, ଗାଡ଼୍‍ସ୍‍, ଡୁଟାଙ୍ଗ୍‍ ନୁ ମଜ୍‍ବୁତ୍‌ ମାଡ଼ିତନ୍ ।

୨ ପିତର୍‌ 1:3

ଲେକେତ୍‍ ଦାର୍ମାମ୍‌ ଜିୱେ ବାଦ୍‍କାନ୍‍ ସେଙ୍ଗେ ମାନାଙ୍କ୍‍ ବାତ୍‍ସାରେ ଦର୍କାଡ଼୍, ଆଦ୍ ଇଶ୍ୱର୍ ନିଜର୍‍ ସ୍ୱର୍ଗୀୟ ଶକ୍ତିତେ ମାନାଙ୍କ୍ ଦାନ ମାଡ଼୍‍ତନ୍ । ବେନ ନିଜର୍‍ ମୟିମା ନୁ ଦାର୍ମାମ୍‌ତାଗ୍‍ ବାଗିଦାର୍‍ ଆଦାନ୍ ସେଙ୍ଗେ ମାନାଙ୍କ୍ ଆହ୍ୱାନ୍ ମାଡ଼୍‍ତନ୍, ଅଙ୍କ୍‌ ପୁତ୍‍ତାଙ୍କ୍‍ ମାମେ ଇଦ୍ ଦାନ ପାଏମ୍ ଆତ୍‍ତମ୍ ।

ପ୍ରକାଶିତ୍‌ ବାକ୍ୟ 13:8

ପୃତିବିତେ ତିୟାର୍ ଆତ୍‍ତେ ମୁନେନ୍‍ ବେନଡ଼୍ ପେଦେର୍‍ତେ ଯୁଦ୍‌ ଆସ୍‍ମାତେ ମେକାଗଲାନଡ଼୍‍ ଜୀୱେ ବଇତାଗ୍ ଲେକା ଆସ୍‍ମାତେ, ଅଡ଼୍‌‍କିଂଙ୍କ୍‍ ୱିଡ଼୍‍ସି ପୃତିବି ତାଗ୍‍ ମେଣ୍ଡ ବେନଡ଼୍‍ ସାର୍‍ତଡ୍ ପଶୁନ୍‍ ପୁଜା ମାଡ଼ିତଡ଼୍ ।