୧ କରନ୍ତିୟ 15:54 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁵⁴ ଆଲାଆତ୍‍କେ ନୁ ଇଦ୍ ନାୟାଦ୍ ମେନ୍ଦୁଲ୍ ଅମର୍ ଆତ୍‍କେ, ଦର୍ମଶାସ୍ତ୍ରତାଦ୍ ଇଦ୍ ଗଟ୍ ସାରେ ଆଦ୍‍ତେ, “ଡଲ୍‍ନାଦ୍ ଡଲିଆତ୍‍ତେ, ସାରେ ଜିଡ଼୍‍ତେ ।

୧ କରନ୍ତିୟ 15:54 ပူးပေါင်းရင်းမြစ်များ

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 20:36

ଅଡ଼୍‌ ମେଣ୍ଡେ ଡଲ୍‍ଲେ ପାର୍‍ୱଡ଼୍, ବାତେଙ୍କ୍ ଇତ୍କେ ଅଡ଼୍‌ ଦୂତକିନ୍ ଲେକେମ୍ ମାନ୍‍ତଡ଼୍, ନୁ ମେଣ୍ଡେ ଅନ୍‌‍ଦାମ୍ ଜିୱେ ଆତ୍‍ତାଙ୍କ୍ ଇଶ୍ୱର୍‌ତେ ମାର୍‍ ମାୟାଡ଼୍ ଆଦ୍‍ତଡ଼୍ ।

ରୋମୀୟ 1:23

ଅନନ୍ତ ଇଶ୍ୱର୍‌ତିଙ୍କ୍‍ ଗୌରବ୍‍ ମାଡ଼୍‍ୱେକଟ ଅଡ଼୍‌‍ ନଷ୍ଟ ଆଦାନ୍ ନାରୁଡ଼୍, ପିଟ୍‍ଟେ, ପଶୁ, ତାଡ଼ାକ୍‍ ରକମ୍‍ ଜିୱାକ୍ ଲେକାମ୍ ମୁର୍ତ୍ତି ତିୟାର୍ ମାଡ଼ି ଆୱିଙ୍କ୍‍ ପୁଜା ମାଡ଼ୁତଡ଼୍ ।

ରୋମୀୟ 2:7

ବେନଡ଼୍ ଗାଡ଼୍‍ସ୍ ଆସ୍ ସାୟେତ୍ ପାଡ଼୍‍ୟି ମାଡ଼ି ଗୌରବ୍, ସମ୍ମାନ୍ ନୁ ଅମର୍ ଆଦାନଙ୍କ୍ ଚାଏମ୍ ଆଦ୍‍ତଡ଼୍, ଅଡ଼୍‌‍କିଂଙ୍କ୍ ସାରେଦିନାତ୍ ଜିୱୁଣ୍ଡ୍ ଇଦ୍‍ତଣ୍ଡ୍,

ରୋମୀୟ 6:12

ଆଦିନ୍‌ମାୟ୍‍ଦିଙ୍କ୍‍ ମିୟାଦ୍ ଡଲ୍‍ତେ ମେନ୍ଦୁଲ୍ ପର୍‍ର ପାପ୍‍ ମେଣ୍ଡେ ରାଜ୍ ମାଡ଼୍‍ମାକି; ମେଣ୍ଡେ ମିଡ଼୍ ବାତ୍‍ବା ମେନ୍ଦୁଲ୍ ଲାଲ୍‍ସା ମାଡ଼୍‍ମାଟ୍ ।

ରୋମୀୟ 8:11

ଯଦି କ୍ରିଷ୍ଟଙ୍କ୍ ମେଣ୍ଡନ୍‍ନ୍ଦାମ୍ ଜିୱେ ମାଡ଼୍‍ତେ ଇଶ୍ୱର୍‌ତାଦ୍ ଆତ୍ମା ମିୟାଗ୍ ମିନ୍ଦେ, ଆଲେକେ ଆଦ୍ ଆତ୍ମାତେ ସାହାଯ୍ୟତେ ଇଶ୍ୱର୍ ମିୟାଦ୍ ଡଲ୍‍ତାଦ୍ ମେନ୍ଦୁଲ୍‍ତିଙ୍କ୍ ଗାଲା ଜିୱେ ମାଡ଼ିତନ୍ ।

୨ କରନ୍ତିୟ 4:11

ଅନ୍‌ ଜୀୱେତିଙ୍ଗ୍ ଇଦ୍ ନାୟାଦ୍ ମେ‍ନ୍ଦୁଲ୍‍ତାଗ୍ ପ୍ରକାଶ୍ ମାଡ଼ାନ୍ ସେଙ୍ଗେ ଜିସୁନ୍‌ ସେଙ୍ଗେ ସାରେ ଜୀୱୁଣ୍ଡ୍‌ ମାମ୍‍ମେ ଡଲ୍‍ତେ ଲେକାମ୍ ଅଦୁତମ୍ ।

୨ କରନ୍ତିୟ 5:4

ମାନାଡ଼୍ ଇଦ୍ ପୃତିବି କୁଣ୍ଡେତାଗ୍ ମାନ୍ଦାନ୍‍ୱେଲେ ଗାଟି ତିପାଲ୍‍ତେ ଜିୱୁଣ୍ଡ୍‍ତଡ଼୍ କେୟମାତ୍‍ତମ୍ । ପୃତିବି ମେନ୍ଦୁଲ୍ ନିଡ଼୍‍ତାନାଦ୍ ମାନ୍‍ ଇଚ୍ଛା ଆୟ୍‍ୟ, ମାତର୍ ମାନ୍‍ ଆଲ୍‍ସୁତମ୍, ସ୍ୱର୍ଗତାଉ ଚକାସିଲେ କେର୍‍କେ ମାୟାଦ୍‌ ଇଦ୍ ଡଲାନ୍ ମେନ୍ଦୁଲ୍ ବେଲାନ୍ ଅମର୍‌ ଆଦ୍‍ତେ ।

୨ ଥେସଲନିୟ 1:10

ବାତେଙ୍କ୍ ଇତ୍‍କେ ଆଦ୍ ଦିନ୍ ଅନ୍‌ ତାନ୍ ନାରିଡ଼୍ ଡ଼ାଗାଙ୍କ୍ ନୁ ସାରେ ବିଶ୍ୱାସି ନଡ଼୍‍ଗାଙ୍କ୍ ସମ୍ମାନ୍ ନୁ ଗୌରବ୍ ପାଏମ୍ ଆଦ୍‍ତଡ଼୍ । ଇଡ଼୍‍ ଲୋପେ ମିଡ଼୍‍ଆନ୍‌ନ୍ତେ କାଇଲିତିଡ଼୍, ବାତେଙ୍କ୍ ଇତ୍‍କେ ମାମ୍ ମିକିଂଙ୍କ୍ ବେନ୍‍ସାରେ କାବୁର୍ ଇସ୍ ମାତ୍‍ତମ୍, ଆଗେ ମିଡ଼୍ ବିଶ୍ୱାସ୍ ମାଡ଼୍‍ତିଡ଼୍ ।

ପ୍ରକାଶିତ୍‌ ବାକ୍ୟ 20:14

ତାନ୍‍ପେର୍କେ ଡଲାନାଦ୍ ନୁ ପାତାଲ ପୁରିତାଗ୍ କିସ୍‍ ସାୱୁଡ଼େତାଗ୍‍ ଏସାଙ୍କ୍ କେତ୍‍ତେ । ଇଦ୍‍ ଡଲାନାଦ୍ ଇତ୍କେ କିସ୍‍ତାଦ୍ ସାୱୁଡ଼େ, ଦ୍ୱିତିୟ ଡଲାନାଦ୍ ।

ପ୍ରକାଶିତ୍‌ ବାକ୍ୟ 21:4

ଅଣ୍ଡ୍‌ ଅଡ଼୍‌ କଣ୍ଡାନ୍ କାଣ୍ଡେଡ଼୍ ସାରେ ଉଞ୍ଜ୍‍ପିତ୍‍ତନ୍ । ଡଲାନାଦ୍, ଦୁକାମ୍‍, କେୟାନାଦ୍ ବା କଷ୍ଟ, ମେଣ୍ଡେ ନଦାନାଦ୍‍ ମାନ୍‍ନ । ସାରେ ପାଃନ୍ତେଲାଦ୍ ବିଷୟ ମାଇଆତ୍‍ତେ ।”