୧ କରନ୍ତିୟ 15:52 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁵² ଇତ୍‍କେ ମାଡ଼େଙ୍କ୍‌ତାଦ୍ ତୂରି ଲେଙ୍ଗ୍ ଆଦାନ୍‍ୱେଲେ, ଅଣ୍ଡୟ୍‌ ମୁହୁର୍ତ୍ତ୍‍ତେ, କଣ୍ଡେ ମିଟ୍‍କେତେ ମାନାଡ଼୍ ସାର୍ରେତଡ଼୍ ବଦ୍‍ଲେମ୍ ଆଦ୍‍ତାଡ଼୍ । ଆସୁଟେ ଡଲ୍‍ତଡ଼୍ ଅମର୍ ଆସ୍ ତେଏଦିତଡ଼୍ ।

୧ କରନ୍ତିୟ 15:52 ပူးပေါင်းရင်းမြစ်များ

ମାତିଉ 24:31

ମହିର୍‍ତେ ଶଦ୍ଦ ନୁ ପୃତିବିତାଗ୍ ୱେରଡ଼୍ ପଡ଼ିୟେ ତାଗାଙ୍କ୍ ମେଣ୍ଡନ୍ ପଡ଼ିୟେ ହେୱ୍‍ନା ଅନ୍‌ ହେଞ୍ଚଣ୍ଡ୍ ନାରୁଡ଼୍‍କ୍ ମଦ୍‍ମାଡ଼ି ତାତାନ୍ ମାଇଦିଙ୍କ୍ ନାରୁନ୍‍ପିଲେ ତାନ୍ ଦୂତକିଙ୍କ୍ ରହ୍‍ତିତନ୍‍ ।

ଯୋହନ୍‌‌ 5:25

ସତ୍ ନାନ୍ ମିକିଂଙ୍କ୍ କେସମିନ୍ଦେନ୍, ହିସତ୍ ଦିନାମ୍ ୱାସମିନ୍ଦେ, ମେଣ୍ଡେ ଇଞ୍ଜେକ୍ ମିକା ହେୱ୍‍ସ୍‍ ମିନ୍ଦେ, ବେନ୍ ଦିନାମ୍ ତେ ଡଲ୍‍ତେନଡ଼୍ ଇଶ୍ୱର୍‌ତେ ମାର୍‍ଦେ ଲେଙ୍ଗ୍ କେଞ୍ଜିତଡ଼୍ ନୁ ବେନଡ଼୍ କେଞ୍ଜିତଡ଼୍, ଅଡ଼୍‌ ଜିୱୁନ୍‍ ଆଦ୍‍ତଡ଼୍ ।

ଯୋହନ୍‌‌ 5:28

ହିସର୍‍ତେ ଦାଦ୍‍ରେଲ୍‍ମାଟ୍, ବାତେଙ୍କ୍ ଇତ୍‍କେ ଦିନାମ୍ ୱାଦୁତେ ବେସୁଟ୍‌ ଡଲ୍‍ତେନଡ଼୍‍ ସାରେତଡ଼୍ ଅନ୍‌‍ୱାଦ୍ ଲେଙ୍ଗ୍ କେଞ୍ଜିତଡ଼୍,

୧ କରନ୍ତିୟ 15:23

ଇତ୍‍କେ ସାର୍‍ରେ ଟିକ୍ ଆତ୍‍ତେ ସମୟ୍‍ତେ ପୁନରୁତ୍‍ତିତ୍ ଆଦ୍‍ତେ । ସାର୍ରେତିଙ୍କ୍ ମୁନେନ୍ କ୍ରିଷ୍ଟ ପୁନରୁତ୍‍ତିତ୍ ଆତ୍‍ତଣ୍ଡ୍ । ଆଦିଙ୍କ୍ ଅଣ୍ଡ୍‌ ୱାଦାନ୍ ସମୟ୍‍ତେ ବେନଡ଼୍ ତାମ୍ ନାରୁଡ଼୍ ଅଡ଼୍‌ ମୁନେନ୍ ଜିୱୁଣ୍ଡ୍ ଆଦ୍‍ତଡ଼୍ ।

୧ କରନ୍ତିୟ 15:42

ଡଲ୍‍ତଡ଼ାଦ୍ ପୁନରୁତ୍‍ତାନ୍ ବିଷୟ୍‍ତେ ମିକା ଇଦ୍ ଗଟ୍ ଦର୍‍କାର୍ । ସମାଦି ଇସମାନ୍ଦାନ୍ ମେନ୍ଦୁଲ୍ ମିକା ଦଂସ ଆଦ୍‍ତେ । ଇତ୍‍କେ ପୁନରୁତ୍‍ତିତ୍ ମେନ୍ଦୁଲ୍ ନଷ୍ଟ ଆୟ୍‍ୟ ।

୧ କରନ୍ତିୟ 15:50

ଆଦିଙ୍କ୍ ଦାଦାଲଡ଼ି ନୁ ଏଲାସ୍କ୍, ନାନ୍ ମିକିଂଙ୍କ୍ କେତାନଙ୍କ୍ ଆଲ୍‍ସୁତାନ୍ ଜେ, ନେତୁର୍ ଆଉଙ୍ଗ୍ ମେନ୍ଦୁଲ୍ ପୟ୍‍ସ୍ ମାନାଡ଼୍ ଇଶ୍ୱର୍‌ତେ ରାଜ୍ୟତ୍ ଅଦିକାରି ଆଦାନଙ୍କ୍ ପାର୍‍ୱାଦ୍, ବାତେଙ୍କ୍ ଇତ୍‍କେ ଦଂସ ଆଦାନ୍ ଜିନିଷ୍ ନଷ୍ଟ ଆୟ୍‍ୱାଦ୍ ଆଦାନଙ୍କ୍ ପାର୍‍ୱ ।

୧ ଥେସଲନିୟ 4:15

ମାମ୍‍ମେ ଇଞ୍ଜେ ମିକିଂଙ୍କ୍ ବେନ୍ ଶିକ୍ଷା ଇଦୁତମ୍, ଆଦ୍ ପ୍ରବୁନ୍ ଶିକ୍ଷା । ପ୍ରବୁନ୍ ୱାଦାନ୍ ସମୟ୍‍ତେ ମାମ୍‍ମେ ବେନଡ଼୍ ଜିୱୁନ୍ ମାନ୍‍ତମ୍, ମୁନେଙ୍କ୍ କଞ୍ଜ୍ ୱେରେନାରୁଡ଼୍ ପାକ୍ ଆସ୍‍ମାନ୍ଦାନ୍ ନାରୁଡ଼୍‍ଆଗାଙ୍କ୍ ମୁନେ ଆସ୍ ଆନ୍‌‍ମା ।

୨ ପିତର୍‌ 3:10

ଇତ୍‍କେ ପ୍ରବୁନ୍ ଦିନାମ୍ ଡଙ୍ଗାଲ୍ ଲେକାମ୍ ୱାଦ୍‍ତେ । ଆଦ୍‍ ଦିନେ ଅଣ୍ଡୟ୍‌ ଗାଟି ଲେଙ୍ଗ୍‍ଦେ ଲୋପେ ମୟଲ୍ ମାୟିଆଦ୍‍ତେ । ମୟଲ୍‍ତାଗ୍‍ ମାନ୍ଦାନ୍‍ ଗ୍ରହ ନୁ ଉକାକ୍‍ କାର୍‍ୱି ଦ୍ୱଂସ ଆଦ୍‍ତା । ପୃତିବିତଡ଼୍‍ ତାନାଗ୍‍ ମାନ୍ଦାନ୍‍ ସାରେ ବିଷୟ୍‍ତଡ଼୍‍ ବିନଷ୍ଟ ଆଦ୍‍ତେ ।

ପ୍ରକାଶିତ୍‌ ବାକ୍ୟ 8:13

ତାନ୍‍ପେର୍କେ ନାନେ ମାଲ୍‍ସ୍‍ ଉଡ଼୍‍ତାନ୍, ମୟଲ୍‍ତେ ନାର୍ଗେ ପରୁ ୱେରଡ଼୍ ଗିଦ୍‍ ପିଟେ ପାର୍ସ ଗାଟିଲେଙ୍ଗ୍‍ଦେ କେତୁତ୍, “ଆୟ ! କି ବୟଙ୍କାର୍ ! ମେଣ୍ଡେ ବାଗାତାଉ ଦୂତକି ତୁରି ଉଦାନ୍ ୱେଲେ ପୃତିବିତେ ଅବସ୍ଥା ବେସର୍ ସାଙ୍ଗାତିକ୍ ଆୟ !”

ପ୍ରକାଶିତ୍‌ ବାକ୍ୟ 8:2

ତାନ୍‍ପେର୍କେ ଇଶ୍ୱର୍‌ତେ ମୁନେ ନିସ୍‍ମାନ୍ଦାନ୍ ସାତ୍‍ଟାନ୍ ଦୂତଙ୍କ୍ ନାନେ ଉଡ଼୍‍ତାନ୍; ଅଡ଼୍‌‍କିଂଙ୍କ୍ ସାତ୍‍ଟାନ୍ ତୁରି ଇତ୍‍ତଡ଼୍ ।