୧ କରନ୍ତିୟ 15:3 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

³ ନାନ୍ ପାଏମ୍ ଆତ୍‍ତେ ୱେରଡ଼୍ ଶିକ୍ଷା ମିକିଂଙ୍କ୍ କେତ୍‍ତାନ୍ । ଆଦ୍ ସାର୍ରେତିଙ୍କ୍ ଗାଟି ଦର୍‍କାର୍ । ଆଦ୍ ଆଦୁତ୍‍ତେ, ଦର୍ମଶାସ୍ତ୍ରତାଗ୍ ଲେକ୍‍ତାଦ୍ ଆତ୍‍ତେ ଲେକାମ୍, କ୍ରିଷ୍ଟ ମାନ୍‍ ପାପ୍‌ ସେଙ୍ଗେ ଡଲ୍‍ତଣ୍ଡ୍,

୧ କରନ୍ତିୟ 15:3 ပူးပေါင်းရင်းမြစ်များ

ମାତିଉ 26:24

ଶାସ୍ତ୍ରତାଗ୍ ଲେକ୍‍ତାଦ୍ ଲେକାମ୍‍ତେ ନାରୁନ୍‍ପିଲେ ଡଲିତଣ୍ଡ୍, ବାତେଙ୍କ୍ ଇତ୍‍କେ ନାରୁନ୍‍ପିଲେତିଙ୍କ୍ ବେନ ପସ୍ପିଦ୍‍ତଣ୍ଡ୍, ଅନାଦ୍‌ ଦଶା ବେସର୍ ବୟଙ୍କର୍ ଆଦ୍‍ତେ ! ବେସୁଙ୍କ୍‍ ଜନମ୍ ଆୟ୍‍ୟକଟ ମାତ୍‍କେ ଅନ୍‌ ମାଇଦିଙ୍କ୍ ସାୟ୍‍ ଆୟେଡ଼୍‍ ।”

ମାତିଉ 26:28

ଇଦ୍ ନାୟାଦ୍ ନେତୁର୍ । ନାରୁଡ଼ାଦ୍ ପାପ୍ କ୍ଷମାତେ ମାଇଦିଙ୍କ୍ ନାନ୍‍ନେ ନା ବେନ୍ ନେତୁର୍‍ ତଶ୍‍ସିଦାଙ୍କ୍ ଆଦୁତାନ୍, ବେଦ୍ ଇଶ୍ୱର୍‌ତେ ପୁନାଦ୍ ନିୟମ୍‍ତିଙ୍କ୍ ମୁଦ୍ରାଙ୍କିତ ମାଡ଼ିତ୍ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 24:25

ଆଗାଙ୍କ୍ ଜିସୁ ଅଡ଼୍‌‍କିଂଙ୍କ୍ କେତ୍‍ତଣ୍ଡ୍, “ମିଡ଼୍ ବେସର୍ ବାକ୍‍ୱା, ବବିଷ୍ୟଦ୍ ବକ୍ତାଲଡ଼୍ ବାତେଏ ସାରେ କେସ୍‍ମାତ୍‍ତଡ଼୍ ଆଦ୍ ସତ୍‍ତିଙ୍କ୍ ବିଶ୍ୱାସ୍ ମାଡ଼ାଙ୍କ୍ ମିଡ଼୍ ବେସର୍ ଲେଟ୍ ମାଡ଼୍‍ତିଡ଼୍,

ଯୋହନ୍‌‌ 1:29

ଆସୁଟେ ମେଣ୍ଡନ୍ ଦିନ୍ ଯୋହନ୍‌ ଜିସୁଙ୍କ୍ ନିଜେତ୍ ଗାର୍‍ରେ ୱାଦାନାଦ୍ ଉଡ଼ି କେତ୍‍ତଣ୍ଡ୍, “ହି ଉଡ଼ାଟ୍, ଇଶ୍ୱର୍‌ତେ ମେଣ୍ଢାମେଇତାନଣ୍ଡ୍, ବେନ ଜଗତ୍‍ତେ ପାପ୍ କାଞ୍ଜିଆଦ୍‍ତଣ୍ଡ୍ ।

ପ୍ରେରିତ 17:2

ପାଉଲ୍ ତାନ୍ ଦର୍ମଶାସ୍ତ୍ର ଲେକାମ୍ ଗୁଡ଼୍‍ୟିତାଗ୍ ଆତ୍‍ତଣ୍ଡ୍ । ଆଗେ ମୁଣ୍ଡ୍ ବିଶ୍ରାମ୍‍ବାର୍‍ତେ ନାରୁଡ଼୍ ତଡ଼୍ ଅଣ୍ଡ୍‌ ଆଲୋଚନା ମାଡ଼୍‍ତଣ୍ଡ୍,

ପ୍ରେରିତ 3:18

ନାର୍‍ଗେ ଦିନାତ୍ ମୁନେଙ୍କ୍ ସାରେ ବାବବାଦୀଡ଼୍‍ ପାୟୁର୍‍ତାଗାଙ୍କ୍ ଇଶ୍ୱର୍ ଗୋଷ୍‍ନା ମାଡ଼ିମାତ୍‍ତଣ୍ଡ୍ ଯେ, କ୍ରିଷ୍ଟଙ୍କ୍ ଦୁଃକାମ୍ କଷ୍ଟ ମାଡ଼୍‍ୱେୟ୍‍ତିତ୍‍ । ଇଦ୍ ରକମ୍ ଅଣ୍ଡ୍‌ ଆଦିଙ୍କ୍ ସାରେ ମାଡ଼୍‍ତଣ୍ଡ୍ ।

ପ୍ରେରିତ 8:32

ଅଣ୍ଡ୍‌ ଦର୍ମଶାସ୍ତ୍ରତାଦ୍ ଇଦ୍ ବିଷୟ୍ କାର୍‍ସ୍ ମାତ୍‍ତଣ୍ଡ୍; “ହାୱ୍‍କାନ୍ ମାଇଦିଙ୍କ୍ ଆଦାନ୍ ମେଣ୍ଢା ଲେକାମ୍, କେଲ୍‍କ୍ କୟ୍‍ଦାନ୍‍ ୱେଲେ କଟମାନ୍ଦାନ୍ ମେଏଣ୍ଡେ ଲେକାମ୍, ଅଣ୍ଡ୍‌ ଅଣ୍ଡୟ୍‌ ପଦ୍‍ବା ଗଟ୍‍ ତିର୍‍ୟଣ୍ଡ୍ ।

ରୋମୀୟ 3:25

ଇଶ୍ୱର୍ ଜିସୁଙ୍କ୍‍ ଦାନ ମାଡ଼୍‍ତଣ୍ଡ୍‍, ବେଲାକି ଅନ୍‌‍ ଡଲ୍‌ତନ୍‌, ଅନାଗ୍‍ ବିଶ୍ୱାସ୍‍ ମାଡ଼ମାନ୍ଦା ନାରୁଡ଼ାଦ୍‍ ପାପ୍‍ କ୍ଷମା ଉପାୟ୍‍ ଆଦ୍‍ତେ । ଇଶ୍ୱର୍ ନିଜର୍‍ ଦାର୍ମାମ୍‌ ତଅତାନଙ୍କ୍ ଇଲା ମାଡ଼୍‍ତଣ୍ଡ୍ । ଇଶ୍ୱର୍ ଗାଡ଼୍‍ସ୍‍ ଆସ୍‍ ନାରୁଡ଼ାଦ୍‍ ମୁନେନ୍‍ ମାଡ଼୍‍ତେ ପାପ୍‍ ପୟଣ୍ଡ୍‍ ।

ରୋମୀୟ 4:25

ଅଣ୍ଡ୍‌ ପ୍ରବୁ ଜିସୁ ମାନ୍‍ ପାପ୍ ସେଙ୍ଗେ ଡଲିମାତ୍‍ତଣ୍ଡ୍ ନୁ ଇଶ୍ୱର୍‌ତାଗ୍ ମାକିଂଙ୍କ୍ ନିର୍ଦୋଷ୍‌ ମାଡ଼ାନଙ୍କ୍ ମେଣ୍ଡେଅନ୍‌ଦାମ୍‍ ଜିୱେ ଆସ୍‍ମାତ୍‍ତଣ୍ଡ୍ ।

୧ କରନ୍ତିୟ 11:2

ନାନ୍ ମିକିଂଙ୍କ୍ ପ୍ରସଂଶା ମାଡ଼ୁତାନ୍, ବାତେଙ୍କ୍‍ଇତ୍‍କେ ମିଡ଼୍ ସାର୍ରେଦାମ୍‌ ନାକିଂଙ୍କ୍ ଏର୍କା ମାଡ଼ୁତିଡ଼୍ ନୁ ନାନ୍ ମିକିଂଙ୍କ୍ ଇତ୍‍ତେ ଶିକ୍ଷା ସାର୍‍ରେ ପାଲନ୍ ମାଡ଼ୁତିଡ଼୍ ।

୧ କରନ୍ତିୟ 11:23

ଇଦ୍ ବିଷୟ୍‍ତେ ନାନ୍ ପ୍ରବୁନାଗାଙ୍କ୍ ବେନ୍ ଶିକ୍ଷା ପାଏମ୍ ଆତ୍‍ତାନ୍, ମିକିଂଙ୍କ୍ କେତୁତାନ୍ । ପ୍ରବୁ ଜିସୁ ଶତ୍ରୁଡ଼୍ କାୟ୍‍ଦେ ସର୍ପା ଆତ୍‍ତେ ନାର୍‍କେତ୍ ରୂଟି ଅସ୍,

୨ କରନ୍ତିୟ 5:21

ବାତେଙ୍କ୍ ଇତ୍‍କେ ବେନନାଗେ ପାପ୍‌ ଇସୁର୍‍ ମିକା ଇଲ୍‍ୱେ ମାତ୍‍କେ, ଅଂକିଙ୍କ୍‌ ଅଣ୍ଡ୍‌ ମାନ୍‍ ସେଙ୍ଗେ ପାପ୍‌ ବଲି ଲେକାମ୍ ମାଡ଼୍‍ତଣ୍ଡ୍, ବେଲାନ୍ ମାନାଡ଼୍ ଅନ୍‌‍ତଡ଼୍ ଇଶ୍ୱର୍‌ତେ ଦାର୍ମାମ୍ ଲେକାମ୍ ଆଦିକାଡ଼୍‍ ।

ଗାଲାତୀୟ 1:12

ନାନ୍ ବେନେ ନାରୁନାଗାଙ୍କ୍ ଆଦ୍ ପାଏମ୍ ଆୟନ୍, କି ବେନ ନାକିଙ୍କ୍ ଆଦ୍ ଶିକ୍ଷା ଇୱଣ୍ଡ୍ । ଜିସୁ କ୍ରିଷ୍ଟ ନିଜେ ଆଦ୍ ନା ବକେତ୍ କେତ୍‍ତଣ୍ଡ୍ ।

ଗାଲାତୀୟ 1:4

ଇଞ୍ଜେ ଇଦ୍ ପାପ୍ ଜଗତ୍‍ତାଗାଙ୍କ୍ ମାକିଙ୍କ୍ ଉଦ୍ଦାର୍ ମାଡ଼ାନ୍ ସେଙ୍ଗେ, ମାନ୍‍ ଇଶ୍ୱର୍‌ତେ ଇଚ୍ଛା ପାଲନ୍ ମାଡ଼ି, କ୍ରିଷ୍ଟ ମାନ୍‍ ପାପ୍ ସେଙ୍ଗେ ଅଣ୍ଡ୍‌ ତାନ୍ ନିଜର୍‍ ଜିୱୁନ୍ ଇତ୍‍ତନ୍ ।

ଗାଲାତୀୟ 3:13

ମାତର୍‌ କ୍ରିଷ୍ଟ ମାନ୍‍ ସେଙ୍ଗେ ଆବିସାପ୍ ପାଏମ୍ ଆସ୍ ନିୟମ୍‍ତାଗ୍ ଲେକା ମାନ୍ଦାନ୍ ଅବିସାପ୍‍ ତାଗାଙ୍କ୍ ମାକିଙ୍କ୍ ମୁକ୍ତି ମାଡ଼୍‍ତଣ୍ଡ୍ । ଦର୍ମଶାସ୍ତ୍ରତାଗ୍ ଲେକା ମିନ୍ଦେ, “ବେନ୍ ମାଡ଼େତାଗ୍ ଗୁସ୍କ୍‍ୱିଡ଼ି ଡଲିତଣ୍ଡ୍, ଅଣ୍ଡ୍‌‍ ଇଶ୍ୱର୍ ତଡ଼୍‍ ଅବିସାପ୍ ପାଏମ୍‍ ଆତ୍‍ତଣ୍ଡ୍ !”

ଏଫିସିୟ 1:7

କ୍ରିଷ୍ଟ ଡଲ୍‍ତାଙ୍କ୍ ମାନାଡ଼୍‍ ମୁକ୍ତି ପାଏମ୍‍ଆତ୍‍ତାଡ଼୍, ଅର୍ତାତ୍‍ ମାନ୍‍ୱାଦ୍‍ ସାର୍ରେ ପାପ୍ କ୍ଷମା ଆତ୍‍ତେ । ଇଶ୍ୱର୍‌ତେ ଅନୁଗ୍ରହ ବେସର୍‍ ମହାନ୍ !

ଏଫିସିୟ 5:2

କ୍ରିଷ୍ଟ ବେଲା ମାନାଙ୍କ୍‍ ପ୍ରେମ ମାଡ଼୍‍ତଣ୍ଡ୍ ନୁ ଇଶ୍ୱର୍‌ତେ ସାୟେତ୍ ସେଙ୍ଗେ ନିଜେତ୍ ଜିୱୁଣ୍ଡ୍‍ତିଙ୍କ୍ ମାନ୍‍ ମାୟ୍‍ଦିଙ୍କ୍ ସାୟେ ଗାବ୍‍ତାୱୁ ପୁଜାସାମାନ୍ ନୁ ବଲି ଉତ୍ସର୍ଗ ମାଡ଼୍‍ତଣ୍ଡ୍, ମିଇ ଜିୱୁଣ୍ଡ୍ ମିକା ଆଦେଲେକାମ୍ ଚାଲେମ୍ ଆୟି ।

ଏବ୍ରୀ 5:1

ସାର୍ରେ ବେଡ଼୍‍ୟେ ପୁଜାରିଡ଼୍‍ ତାମ୍ ଜାତିନ୍‌ ନାରୁଡ଼ାଗାଙ୍କ୍‌ ଏଞ୍ଚିଆସ୍ ନିତିତଡ଼୍‍ । ଅଣ୍ଡ୍‌‌ ଅଡ଼୍‌‍ପାକାଙ୍କ୍‌ ପାପାମ୍‍ ମାୟି ଇଞ୍ଜ ପୁଜେ ଇଦ୍‍ତଣ୍ଡ୍ ନୁ ଦାନ୍‍ ଇସ୍‌ମାଞ୍ଜ୍‌ ଇଶ୍ୱରନ୍‌ ସେବା ମାଡ଼ିତଣ୍ଡ୍‍ ।

ଏବ୍ରୀ 5:3

ଆଦିନ୍‌ସେଙ୍ଗା ଆନ୍‌ୱେ ନାରୁଡ଼୍‍ ପାପାମ୍‍ତେ ମାଇଦିଙ୍କ୍‌ ବଲି ମାଡ଼ିତଣ୍ଡ୍‍; ଆଦ୍‍ ଆୟ, ଅଣ୍ଡ୍‌ ତାନ୍‌ ମାଡ଼୍‍ତେ ପାପାମ୍‍ତେ ମାଇଦିଙ୍କ୍‌ ମିକା ବଲି ଇଦାନଙ୍କ୍‍ ଆଦ୍‍ତେ ।

୧ ପିତର୍‍ 1:11

ଆଦ୍ ଦାନ ମିଡ଼୍ ବେସୁଙ୍କ୍‍ ନୁ ବେଲାନ୍ ପାଏମ୍ ଆଦ୍‍ତିଡ଼୍, ପୁନ୍ଦାନ୍ ସେଙ୍ଗେ ଅଡ଼୍‌ ଚେଷ୍ଟା ମାଡ଼ିମାତ୍ତଡ଼୍ । ଇଦ୍ ସମ୍ପର୍କତେ ପବିତ୍ରଆତ୍ମା ସାହାଯ୍ୟତେ ଅଡ଼୍‌ କ୍ରିଷ୍ଟଙ୍କ୍ ଦୁଃକାମ୍ ନୁ ମେଣ୍ଡନ୍‍ ଲେକେତ୍ ଗୌରବ୍‍ ବିଷୟତେ ସୂଚନା ଇସ୍‍ ମାତ୍‍ତଡ଼୍ ।

୧ ପିତର୍‍ 2:24

ମାମେ ବେଲା ପାପାମ୍‍ ସେଙ୍ଗେ ଡଲିତାଡ଼୍‍ ନୁ ଦାର୍ମାମ୍‌ ଜିୱୁଣ୍ଡ୍‍ ବାଦ୍‍କିତାଡ଼୍‍, ଆଦିନ୍ ସେଙ୍ଗେ କ୍ରିଷ୍ଟ କ୍ରୁଶ ପରୁ ନିଜେତ୍ ମେନ୍ଦୁଲ୍‍ତେ ମା ପାପାମ୍‍ତେ ବୋଜ୍‍ କାଞ୍ଜ୍‍ତନ୍ । ଅନ୍‌ ମେନ୍ଦୁଲ୍‍ତାଗେ ଆଦ୍ ପୁଣ୍ଡ୍‍ତଡ଼୍‍ ମିଡ଼୍ ସୁସ୍ଥ ଆତ୍‍ତିଡ଼୍ ।

୧ ପିତର୍‍ 3:18

ମିକିଂଙ୍କ୍ ଇଶ୍ୱର୍‌ତେ ପାକେ ତାତାନ୍‍ ସେଙ୍ଗେ କ୍ରିଷ୍ଟ ନିଜେ ଦାର୍ମିକ୍ ଆସ୍ ଅଦାର୍ମିନାରୁଡ଼୍‍ ପାପତେ ପ୍ରାୟଚିତ୍‍ତେ ସେଙ୍ଗେ ନିଜେତ୍ ଜିୱେ ଇତ୍‍ତନ୍ । ଇଦ୍ ପ୍ରାୟଚିତ୍‍ତେ ଅଣ୍ଡ୍‌ ଅଣ୍ଡୟ୍‌‍ଦାମ୍ ସାରେଦିନାତ୍ ସେଙ୍ଗେ ସାଦନ୍ ମାଡ଼୍‍ତନ୍ । ଅଣ୍ଡ୍‌ ମେନ୍ଦୁଲ୍‍ ଇସାପ୍‍ତେ ଡଲ୍‍ତନ୍, ଇତ୍‍କେ ଆତ୍ମାତେ ଜିୱେ ଆତ୍‍ତନ୍,

୧ ଯୋହନ୍‌‌ 2:2

ଅଣ୍ଡ୍‌ କ୍ରିଷ୍ଟ ନିଜେ ମାନାଦ୍‍ ବା ପୁରା ନାରୁଣ୍ଡ୍‍ ଜାତିତେ ପାପ୍ କ୍ଷମା ସେଙ୍ଗେ ଅଣ୍ଡ୍‌ ନିଜେ ବଲି ଆସ୍‍ ମିନ୍ଦେଣ୍ଡ୍‍ ।

ପ୍ରକାଶିତ୍‌ ବାକ୍ୟ 1:5

ଡଲ୍‍ତାଗାଙ୍କ୍ ମେଣ୍ଡେ ପୁନରୁତ୍‍ତିତ୍ ସାରେଦାମ୍ ମୁନେ, ବିଶ୍ୱାସ୍ତେ ସାକ୍ଷଦାତାଲ୍‌ ନୁ ପୃତିବିତେ ରାଜାଦିରାଜା ଜିସୁ କ୍ରିଷ୍ଟଟନ୍ ଅନୁଗ୍ରହ ନୁ ଶାନ୍ତି ମିଇ ପରୁ ଆୟି । ଅଣ୍ଡ୍‌ ମାନାଙ୍କ୍ ପ୍ରେମ ମାଡ଼ୁତନ୍ ନୁ ଅନ୍‌ ଡଲ୍‍ତାଦିନ୍‍ତ ମାନାଙ୍କ୍ ପାପ ତାଗାଙ୍ଗ୍ ପରିତ୍ରାନ୍ ମାଡ଼୍‍ତନ୍ ।