୧ କରନ୍ତିୟ 13:2 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

² ସାୟେ ଗଟ୍‍ତେ ଇଶ୍ୱର୍‌ତେ କାବୁର୍‍ କେତାନଙ୍କ୍ ନାୟାଗ୍ ଶାତ୍‍ୱାମ୍ ମାତ୍‍କେମିକା । ସାର୍‍ରେ ବିଷୟ୍‍ତେ ବୁଦ୍ ମାତ୍‍କେମିକା, ସାର୍‍ରେ ଲୋପେତ୍ ବିଷୟ୍ ବୁଜେମ୍ ଆଦାନଙ୍କ୍ ଶାତ୍‍ୱାମ୍ ମାତ୍‍କେମିକା, ବିଶ୍ୱାସ୍ ତଡ଼୍ ମେଟେତିଙ୍କ୍ ଗୁସ୍‍ପାନଙ୍କ୍ ବପୁ ମାତ୍‍କେମିକା; ଆଗେକ୍‍ବା ନାୟାଦ୍ ପ୍ରେମ୍ ଇଲୁକ୍, ନାନ୍ ବାତ୍ ଆୟନ୍ ।

୧ କରନ୍ତିୟ 13:2 ပူးပေါင်းရင်းမြစ်များ

ମାତିଉ 13:11

ଜିସୁ ଉତ୍ତର୍ ଇତ୍‍ତନ୍, “ସ୍ୱର୍ଗରାଜ୍ୟତେ ରହସ୍ୟ ବୁଜେମ୍ ଆତ୍‍ତାଙ୍କ୍ ମିଡ଼୍ ବୁଦ୍‍ତେ ଦର୍‍ସ୍‍କି ମିନ୍ଦେଡ଼ି, ଅଡ଼୍‌ ଦର୍‍ସ୍କ୍‍କଡ଼୍ ।”

ମାତିଉ 17:20

ଜିସୁ କେତ୍‍ତାନ୍ “ମିୟାଦ୍ ବିଶ୍ୱାସ୍ ଗାଟି ଦୁର୍ବଲ୍ । ନାନ୍ ମିକିଂଙ୍କ୍ ସତ୍ କେତୁତାନ୍, ଯଦି ୱେରଡ଼୍ ସୋରିଷ ପେଡ଼େମ୍ ଲେକାମ୍ ମିୟାଦ୍ ବିଶ୍ୱାସ୍ ମାନ୍‍ତେ, ଇଦ୍ ମେଟେତିଙ୍କ୍ ଇଗାଙ୍କ୍ ଆଗେ ଗୁସ୍‍ପାଙ୍କ୍ କେତ୍‍କେ, ଆଦ୍ ଗୁସିଆଦ୍‍ତେ । ବିଶ୍ୱାସ୍ ଶକ୍ତିତେ ସାରେ ମାଡ଼୍ ପାର୍‍ତିଡ଼୍ ।”

ମାତିଉ 21:19

ଆର୍ ଗାର୍‍ରେ ୱେରଡ଼୍ ତୟାମାଡ଼ା ମାତ୍‍ତେ । ଜିସୁ ମାଡ଼େତ୍‍ ଗାର୍‍ରେ ଆଞ୍ଜ୍ ଆଗେ ଅଂକିଙ୍କ୍‌ ୱିଡ଼୍‍ସି ମେଣ୍ଡେ ବାତେଏ ଉଡ଼ନ୍ । ଆଦିଙ୍କ୍ ଅଣ୍ଡ୍‌ ମାଡ଼େତିଙ୍କ୍ କେତ୍‍ତାନ୍, “ନିମ୍‍ ମେଣ୍ଡେ ବେସୁଙ୍କ୍‌ବା କାୟା ଆଦ୍‍ୱିନ୍ ।” ଆସୁଙ୍କ୍ ସାଙ୍ଗେ ସାଙ୍ଗେ ତୟା ମାଡ଼ା ୱାସିଆତ୍‍ତେ ।

ମାତିଉ 21:21

ଜିସୁ ଉତ୍ତର୍ କେତ୍‍ତାନ୍ “ନାନ୍ ନିକିଂଙ୍କ୍ ନିଜାମ୍‍ କେତୁତାନ୍, ମନ୍‍ତାଗ୍ ଇସୁର୍‍ମିକା ଏର୍କା ମାଡ଼କଟ୍ ସାରେ ବିଶ୍ୱାସ୍ ମାଡ଼ାଟ୍, ନାନ୍ ଇ ତୟା ମାଡ଼େତ୍‍ ସେଙ୍ଗେ ବାତ୍‍ମାଡ଼୍‍ତାନ୍, ମିଡ଼୍ ମିକା ଆଲା ମାଡ଼େ ପାର୍‍ଦ୍‍ତିଡ଼୍ । ମାତର୍ ଆସର ଆୟ୍‍ୟ, ଇ ମେଟେ ତେଦିମିକା ସମୁଦ୍ର ତାଗ୍ ରାଲ୍ ଇଞ୍ଜ କେତ୍‍କେ, ଆଦ୍‍ମିକା ଆଦ୍‍ତେ ।

ପ୍ରେରିତ 13:1

ଆନ୍ତିୟକିଆ ମଣ୍ଡଲିତାଗ୍ ବେସ୍‍କ୍‍ତୁଡ଼୍‍ ବାବବାଦୀ ନୁ ଶିକ୍ଷାଗୁରୁଡ଼୍ ମାତ୍‍ତଡ଼୍ । ଅଡ଼୍‌ ଲୋପେଙ୍କ୍ ବର୍ଣ୍ଣବା, ଶିମୋନ୍ ବେନଙ୍କ୍ ଗୁଡି ନାରୁଣ୍ଡ୍‍ ଇଞ୍ଜ କେତିତଡ଼୍‍, ଲୁସିଆତେ କୁରିନୀୟ ନାର୍‍ଦେନଣ୍ଡ୍, ମନହେମ୍ ଶାଉଲ୍‍ ରାଜ୍ୟପାଳ ହେରଦ୍‍ତେ ପରିବାର୍‍ତାଗ୍ ପେର୍‍ସ୍‍ତଣ୍ଡ୍ ।

ରୋମୀୟ 11:25

ଦାଦାଲଡ଼ି ନୁ ଏଲାସ୍କ୍‍, ଇଦ୍ ବିଷୟ୍‍ତେ ଅଣ୍ଡୟ୍‌ ମିଞ୍ଜ୍‍ତାଦ୍ ନିଜାମ୍ କେତୁତାନ୍‍ । ଆଦ୍ କେଞ୍ଜ୍‍କେ, ମିଡ଼୍ ମେଣ୍ଡେ ନିଜେ ଜ୍ଞାନି ଇଞ୍ଜ ଆଲ୍‍ସ୍‍ୱିଡ଼୍ । ଇଶ୍ରାଏଲୀୟଡ଼୍ ମୁର୍କ ସାର୍ରେଦିନା ମାନ । ଅଣଇହୁଦୀଡ଼୍ ସାର୍‍ରେ ଇଶ୍ୱର୍‌ତେ ବକେତ୍ ୱାଦାନ୍ ଯାକ ଅଡ଼୍‌ ଆଲେକେ ମାନ୍‍ତଡ଼୍ ।

ରୋମୀୟ 15:14

ଦାଦାଲଡ଼ି ନୁ ଏଲାସ୍କ୍‍, ନାୟାଦ୍ ବିଶ୍ୱାସ୍, ମିଡ଼୍ ସାର୍‍ରେ ସାୟେତ୍ ଗୁନାମ୍ ବା ଜ୍ଞାନ୍‍ତଡ଼୍ ନିଣ୍ଡିମେଣ୍ଡେ ନୁ ମି ମିଲୋପେ ଶିକ୍ଷା ଇଦାନଙ୍କ୍ ପାର୍‍ଦ୍‍ତିନ୍ ।

ରୋମୀୟ 16:25

ୱାଡ଼ାଟ୍, ଇଶ୍ୱର୍‌ତିଙ୍କ୍ ଗୌରବ୍ ମାଡ଼ିତାଡ଼୍ । ନାନ୍ ପ୍ରଚାର୍ ମାଡ଼ମାନ୍ଦାନ୍ ଜିସୁ କ୍ରିଷ୍ଟନ୍ ବିଷୟ୍‍ତେ ସାୟେତ୍ କାବୁର୍ ନୁ ଯୁଗ୍‍ଯୁଗ୍ ପୟ୍‍ସ୍ ମିଞ୍ଜିମାନ୍ଦାନ୍ ଲୋପେତ୍ ତଥ୍ୟ ଲେକାମ୍ ମିୟାଦ୍ ବିଶ୍ୱାସ୍‍ତିଙ୍କ୍ ଗାଡ଼୍‍ସ୍ ନେଃଏସ୍ ମାନ୍ଦାନ୍ ସେଙ୍ଗେ ଇଶ୍ୱର୍ ପାର୍‍ଦ୍‍ତଣ୍ଡ୍ ।

୧ କରନ୍ତିୟ 11:4

ଆଦିଙ୍କ୍ ବେନ୍ ମାନେୟ୍‍ତେ ତାଲ୍‍ଲେ ମୁସି ପ୍ରାର୍ତନା ମାଡ଼ିତନ୍ କି ଇଶ୍ୱର୍‌ତାଦ୍ ବାକ୍ୟ ତୁଃସିତଣ୍ଡ୍, ଅଣ୍ଡ୍‌ ନିଜେତ୍ ତାଲ୍‌ଲେ ଯେ କ୍ରିଷ୍ଟ ଅଂକିଙ୍କ୍‌ ମାନେମ୍‍ ଆୟ୍‍ୟଣ୍ଡ୍ ।

୧ କରନ୍ତିୟ 12:28

ମଣ୍ଡଲିତାଗ୍ ଇଶ୍ୱର୍ ମୁନେନ୍ ପ୍ରେରିତ୍ ଶିଷ୍ୟଡ଼୍‍କିଂଙ୍କ୍, ଦ୍ୱିତୀୟଦାମ୍ ବବିଷ୍ୟତ୍‍ ବକ୍ତାଲଡ଼୍‍କିଙ୍କ୍, ତୃତୀୟଦାମ୍ ଶିକ୍ଷା ଗୁରୁଡ଼୍‍କ୍, ତାନ୍‍ପେର୍କେ ଆଶ୍ଚର୍ଯ୍ୟ ପାଡ଼୍‍ୟି ମାଡ଼ାନଡ଼୍‍କ୍, ରୋଗ୍ ସାୟେ ମାଡ଼ାନଡ଼୍‍କ୍, ସାହାଯ୍ୟ ମାଡ଼ାନଡ଼୍‍କ୍, ଶାସନ୍‍ ମାଡ଼ାନଡ଼୍‍କ୍ ନୁ ନାର୍ଗେପ୍ରକାର୍ ଗଟି ତିର୍‍ୟାନଡ଼୍‍କ୍ ନିଯୁକ୍ତି ମାଡ଼୍‍ତଣ୍ଡ୍ ।

୧ କରନ୍ତିୟ 13:1

ନାନ୍ ନାରୁଡ଼ାଦ୍ ଗଟ୍ ଦୂତନ୍ ଗଟ୍‍ତେ କେତ୍‍ ପାର୍‍କେ ମିକା, ନା ଜିୱୁଣ୍ଡ୍‍ତାଗ୍ ପ୍ରେମ ଇଲୁକ୍, ନାନ୍ ମାତର୍ ଅଣ୍ଡୟ୍‌ ଲେଙ୍ଗ୍‍ଦେ ନେକାନ୍ ଗାଣ୍ଟା, ଇଲୁକ୍ ଅଣ୍ଡୟ୍‌‍ତଡ଼୍ ପେଞ୍ଚାନ୍ କାୟ୍‍କ୍ ଲେଙ୍ଗ୍ ।

୧ କରନ୍ତିୟ 13:3

ଯଦି ନାନ୍ ଗରିବ୍ ନାରୁଡ଼୍‍କ୍ ନାର୍‍ଗେ ଦାନ ମାଡ଼େପାର୍‍ଦ୍‍ତାନ୍ ବା କିସ୍‍ତାଗ୍ କାର୍‍ୱାନଙ୍କ୍ ନା ମେନ୍ଦୁଲ୍‍ତିଙ୍କ୍ ଇଦେପାର୍‍ଦ୍‍ତାନ୍, ଆଗେକ୍‍ବା ନା ଜିୱୁଣ୍ଡ୍‍ତାଗ୍ ପ୍ରେମ୍ ଇଲ୍‍ଲେ, ଆୱୁସାର୍ରେ ନା ସେଙ୍ଗେ ଆଙ୍ଗ୍‍ଡ଼ାମ୍ ।

୧ କରନ୍ତିୟ 13:8

ପ୍ରେମ ବେସୁଟ୍‌ ତେର । ଇଶ୍ୱର୍‌ତାଗାଙ୍କ୍ କାବୁର୍‍ ମାଇ ଆଦ୍‍ତେ । ଆଶ୍ଚର୍ଯ୍ୟ ଗଟ୍‍ତେ ତିର୍‍ୟାନାଦ୍ ଶକ୍ତି ଦଂସ ଆଦ୍‍ତେ, ନାରୁଡ଼ାୱୁ ବୁଦ୍‍ତେ ମାୟିଆଦ୍‍ତେ ।

୧ କରନ୍ତିୟ 14:29

ଇର୍‍ୱୁଡ଼୍ ବା ମୁୱୁଡ଼୍ ଇଶ୍ୱର୍‌ତେ ଗଟ୍ ପ୍ରଚାର୍ ମାଡ଼ିଡ଼୍, ମେଣ୍ଡେବାଗାତଡ଼୍ ଆଦ୍ ବିଚାର୍ ମାଡ଼ି ଉଡ଼ାଟ୍ ।

୧ କରନ୍ତିୟ 14:39

ଆଦିଙ୍କ୍ ଦାଦାଲଡ଼ି ନୁ ଏଲାସ୍କ୍‍, ଇଶ୍ୱର୍‌ତେ ଗଟ୍ ପ୍ରଚାର୍ ମାଡ଼ାନ୍ ସେଙ୍ଗେ ମାନ୍‍ ମାଡ଼ାଟ୍ । ଇତ୍‍କେ ୱେରେ ଗଟ୍‍ତେ ଗଟି କେତ୍‍ତାନ୍ ସେଙ୍ଗେ ବେନଙ୍କ୍ ମାନ୍‍ନା ମାଡ଼୍‍ମାଟ୍ ।

୧ କରନ୍ତିୟ 14:4

ବେନ ୱେରେ ଗଟ୍‍ତେ ଗଟି ତିର୍‍ୟିତଣ୍ଡ୍, ଅଣ୍ଡ୍‌ ମାତର୍ ନିଜେତ୍ ସେଙ୍ଗେ ଆଦ୍ ମାଡ଼ିତନ୍; ଇତ୍‍କେ ବେନ ଇଶ୍ୱର୍‌ତେ ବାକ୍ୟ ପ୍ରଚାର୍ ମାଡ଼ିତନ୍, ଅଣ୍ଡ୍‌ ସାର୍ରେତାୱୁ ମଣ୍ଡଲିକିଙ୍କ୍ ସାହାଯ୍ୟ ମାଡ଼ିତନ୍ ।

୧ କରନ୍ତିୟ 15:51

କେଞ୍ଜାଟ୍ ନାନ୍ ମିକିଂଙ୍କ୍ ଅଣ୍ଡୟ୍‌ ନିଜାତାଦ୍ ସତ୍ ଗଟ୍ କେତୁତାନ୍ । ମାନାଡ଼୍ ସାର୍ରେତଡ଼୍ ଡଲ୍‍ୱାଡ଼୍ ନୁ ମାନାଡ଼୍ ସାର୍ରେତଡ଼୍ ପରିବର୍ତ୍ତିତ୍ ଆଦ୍‍ତାଡ଼୍ ।

୧ କରନ୍ତିୟ 16:22

ବେନ ପ୍ରବୁଙ୍କ୍ ପ୍ରେମ ମାଡ଼ଣ୍ଡ୍, ଅଣ୍ଡ୍‌ ଅବିଶାପ୍‌ ଆୟିଣ୍ଡ୍, “ମାରାନାତା,” ମାନ୍‍ ପ୍ରବୁ ୱାଡ଼ିଣ୍ଡ୍ ।

୧ କରନ୍ତିୟ 4:1

ମା ବିଷୟ୍‍ତେ ନାରୁଡ଼୍‌ ଆଲ୍‌ସାନ୍‌ ୱେଇତିତ୍‍ ଯେ, ମାନାଲ୍‌ କ୍ରିଷ୍ଟନ୍‌ ଦାସ । ପରମେଶ୍ୱର୍ ତାନ୍ ମିଞ୍ଜ୍‍ତାଦ୍‌ ସତ୍‌ସାର୍ରେ ମାୟାଗ୍‌ ଆଶେ ୱାଟି କେସ୍‌ ମିନ୍ଦେଣ୍ଡ୍ ।

୧ କରନ୍ତିୟ 7:19

ସୁନ୍ନତ୍ ଆଦାନାଦ୍ କି ଅସୁନ୍ନତ ଆଦାନାଦ୍ ମୁକ୍ୟ ବିଷୟ୍ ଆୟ୍‍ୟ, ମାତର୍ ମୁକ୍ୟ ବିଷୟ୍ ଆଦୁତ୍‍ତେ ଇଶ୍ୱରନ୍‌ ଗଟ୍ କେଞ୍ଜାନାଦ୍ ।

୧ କରନ୍ତିୟ 8:4

ଆଦିଙ୍କ୍ ଦେବପ୍ରସାଦ ତିନ୍ଦାନ୍‌ ବିସୟତେ ମାମ୍ ପୁତ୍‍ତମ୍ ଯେ ବୁମ୍‍ତାଗ୍‍ ଦେୟାକ୍‌ ଇଞ୍ଜ ବାତେବା ଇଲ୍‌ଲେ, ଅରଟ୍‌ ଇଶ୍ୱରନ୍‌ ୱିଡ଼୍‍ସି ମେଣ୍ଡେ ଇଲ୍‌ଲେ ।

୨ କରନ୍ତିୟ 12:11

ନାନ୍‍ନେ ମଣ୍ଡିନ୍‍ ଲେକାମ୍ ଆଚରନ୍ ମାଡ଼୍‍ତାନ୍ । ଇଦ୍ ମାଡ଼ାନ୍ ସେଙ୍ଗେ ମିଡ଼୍ ନାକିଂଙ୍କ୍ ଦାନ୍ଦେ ମାଡ଼୍‍ତିଡ଼୍, ବାତେଙ୍କ୍‍ଇତ୍‍କେ ନାୟାଦ୍ ପ୍ରସଂଶା ମାଡ଼ାନାଦ୍ ମିୟାଦ୍ ନିୟମ୍ ମାତ୍‍ତେ । ନାନ୍‍ନେ ବାତେଏ ଆୟକ୍‍ ମିକା ମିୟାଦ୍ ଆଦ୍ ମାନ୍ଦାନ୍ “ପ୍ରେରିତ୍ ଶିଷ୍ୟନଡ଼ାଗାଙ୍କ୍,” ବାତେଏ ବା ଗୁନତେ ନିକୃଷ୍ଟ ଆୟ୍‍ୟ ।

ଗାଲାତୀୟ 5:16

ନାନ୍ କେତାନାଦ୍ ଗଟ୍ ଅଦୁତ୍, ପବିତ୍ର ଆତ୍ମା ମିୟାଦ୍‍ ଆତ୍ମାତିଙ୍କ୍‍ ଚାଲେମ୍ ମାଡ଼ି, ଆଲେକେ ମିଡ଼୍ ନାରୁଡ଼ାଦ୍‍ ମେନ୍ଦୁଲ୍ ଲାଲ୍‍ସାତିଙ୍କ୍ ମେଣ୍ଡେପୁରା ମାଡ଼୍‍ୱିଡ଼୍ ।

ଗାଲାତୀୟ 5:22

ଇତ୍‍କେ ପବିତ୍ର ଆତ୍ମାନ୍‍ ଦାନ ଆଦୁତ୍‍ ପ୍ରେମ, ୱେଡ଼୍‍କେ, ଶାନ୍ତି, ଦର୍ଯ୍ୟ, ଉପକାର୍, ସାୟେତଣ୍ଡ୍‍, ବିଶ୍ୱାସ୍‍ତଣ୍ଡ୍‍

ଗାଲାତୀୟ 6:3

ଯଦି ବେନ ଆୟି ସୁଦୁନଣ୍ଡ୍ ଆସ୍‍ ଗାଲା ନିଜେତିଙ୍କ୍ ବାଡ଼୍‍ୟଣ୍ଡ୍ ଇଞ୍ଜ ଆଲ୍‍ସିତଣ୍ଡ୍, ଆଲେକେ ଅଣ୍ଡ୍‌ ନିଜେତିଙ୍କ୍ ବୁସାମାଡ଼ିତଣ୍ଡ୍ ।

ଏଫିସିୟ 3:4

ଆଦ୍ କାର୍‍କେ, କ୍ରିଷ୍ଟନ୍‍ ଲୋପେତ୍‌ ବିଷୟ୍‍ତେ ନାନ୍‍ନେ ବାତେଏ ବୁଜେମ୍ ଆତ୍‍ତାନ୍‍, ଆଦ୍ ମିଡ଼୍ ପୁନ୍ଦ୍‍ତିଡ଼୍ ।

ଏଫିସିୟ 6:19

ନା ସେଙ୍ଗେ ମିକା ପ୍ରାର୍ତନା ମାଡ଼ାଟ୍, ବେଲାକି ସୁସମାଚାର୍‍ଦେ ଲୋପେତ୍ ବିଷୟ୍ କେତାନଙ୍କ୍ ନୁ ୱେର୍ରେଇଲ୍‍ୱେ ଆଦ୍ କେତାନଙ୍କ୍‌ ଇଶ୍ୱର୍ ନା ପାୟୁର୍‍ତାଗ୍ ଟିକ୍ କବର୍ ଇଦ୍‍ତଣ୍ଡ୍ ।

କଲସୀୟ 1:26

ଆଦ୍ ସୁସମାଚାର୍ ୱେରଡ଼୍ ଲେକେତ୍ ବିଷୟ୍ । ଯୁଗ୍‍ଯୁଗ୍ ପଇସ୍ ଇଶ୍ୱର୍ ସାରେତଡ଼ାଗାଙ୍କ୍ ଇଦ୍ ମିଞ୍ଜିସ୍ପି ନେହେସ୍ ମାତ୍‍ତନ୍, ବାତେଙ୍କ୍‍ଇତ୍କେ ଇଞ୍ଜେ ତାନ୍ ନାରୁଡ଼୍ ପାକେ କେସ୍‍ ମିନ୍ଦେନ୍ ।

୧ ତୀମତି 3:16

ମାନ୍‍ ଦର୍ମବିଶ୍ୱାସତେ ଇଦ୍ ଗୁରୁତ୍ୱ ବିଷୟ୍‍ତିଙ୍କ୍‍ ବେନ ଅସ୍ୱିକାର୍ ମାଡ଼େ ପାର୍‍ୱଡ଼୍, ନାରୁନ୍ ମେନ୍ଦୁଲ୍ ପୟ୍‍ସ୍ ୱାସ୍‍ମାନ୍ଦାନ୍‍ କ୍ରିଷ୍ଟ, ସ୍ୱର୍ଗଦୂତକିନ୍ ତଡ଼୍‌ କାଇଲି ତଣ୍ଡ୍, ସାରେ ଜାତିକିନାଗ୍‍ ଅନ୍‌ ଦାର୍ମାମ୍‌ ଆତ୍‍ତଣ୍ଡ୍‍, ପୁରା ଜଗତ୍‍ତେ ନାରୁଡ଼୍‍ ଅଂକିଙ୍କ୍‌ ବିଶ୍ୱାସ୍‍ ମାଡ଼୍‍ତଡ଼୍‍, ଅଣ୍ଡ୍‌‍ ଗୌରବ୍‍ତେ ସ୍ୱର୍ଗତା ଆତ୍‍ତନ୍ ।

୧ ଯୋହନ୍‌‌ 4:8

ବେନ ପ୍ରେମ ମାଡ଼ଣ୍ଡ୍, ଅଣ୍ଡ୍‌ ଇଶ୍ୱର୍‌ତିଙ୍କ୍ ପୁନଣ୍ଡ୍‍, ବାତେଙ୍କ୍ଇତ୍କେ ଇଶ୍ୱର୍‍ ପ୍ରେମମୟ ।