୧ କରନ୍ତିୟ 1:25 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

²⁵ ବାତେଙ୍କ୍ ଇତ୍‍କେ ବାତ୍ ଇଶ୍ୱରତାଦ୍ ମୁର୍କତା ଇଞ୍ଜ ଏର୍କେ ଆତ୍‍କେ, ଆଦ୍‌ ନାରୁଡ଼୍‌ ବୁଦ୍‍ତେ ନୁଞ୍ଚ୍‌ ନାର୍‍ଗେ ବେଡ଼ିୟଡ଼୍ । ମେଣ୍ଡେ ବାତା ଇଶ୍ୱରନାଦ୍‌ ଦୁର୍ବଲତା ଇଞ୍ଜ ଏର୍କେ ଆତ୍‍କେ, ଆଦ୍‌ ନାରୁଡ଼୍ ଲାୱୁ ନୁଞ୍ଚ୍‌ ନାର୍‍ଗେ ଲାୱୁ ।

୧ କରନ୍ତିୟ 1:25 ပူးပေါင်းရင်းမြစ်များ

୧ କରନ୍ତିୟ 1:18

ପେଦ୍‍ ଆଦାନ୍ ନାରୁଡ଼୍ ମାଇଦିଙ୍କ୍ କ୍ରୁଶତ୍‌ ପର୍‍ର କ୍ରିଷ୍ଟନାଦ୍ ଡଲ୍‍ତାଦ୍ କାବୁର୍ ବେକାର୍‍ । ମାତର୍ ମା ଲେକାମ୍ ଗେଲ୍‍ସି ମାନ୍ଦାନ୍ ନାରୁଡ଼୍ ମାଇଦିଙ୍କ୍ ଇଦ୍‌ ଆଦୁତେ ଇଶ୍ୱର୍‌ତେ ଲାୱୁ ।

୧ କରନ୍ତିୟ 1:21

ଇଶ୍ୱର୍ ତାନାଦ୍‌ ବେଡ଼ିୟଡ଼୍ ବୁଦ୍‍ତେ ଆଲ୍‌ସି ମାତ୍‌ତଣ୍ଡ୍ ଯେ ନାରୁଡ଼୍ ତାମ୍ ବୁଦ୍ ତଡ଼୍ ଇଶ୍ୱରତିଙ୍କ୍ ପୁନ୍ଦେପାର୍ୱଡ଼୍ । ମେଣ୍ଡେଅଣ୍ଡ୍‌‍ପାକା, ମାମ୍‍ମେ ପ୍ରଚାର୍ ମାଡ଼ାନାଦ୍ ଗଟ୍‍ତାଗ୍ ମାନ୍ଦାନ୍ ପିନ୍ଦ କାବୁର୍‌ତିଙ୍କ୍ ବିଶ୍ୱାସ୍ ମାଡ଼ାନ୍‌ ନାରୁଡ଼୍‌କିଙ୍ଗ୍ ଗେଲ୍‌ସ୍ପାନ୍‌ ମାଇଦିଙ୍କ୍ ଇଶ୍ୱର୍ ଆଲ୍‌ସି ମିନ୍ଦେଣ୍ଡ୍ ।

୧ କରନ୍ତିୟ 2:14

ବେନ୍‍ ନାରୁଡ଼୍ ମେଲ୍‍ତେ ଇସାପ୍‍ତେ ଇଲଣ୍ଡ୍‌, ଅଣ୍ଡ୍‌ ପରମେଶ୍ୱରତାଦ୍‌ ଆତ୍ମିକ ସାୟାତାୱ୍‌ ଆଦା ପାର୍‍ୱଣ୍ଡ୍ । ଅଣ୍ଡ୍‌ ଆତ୍ମାତ୍ ସାତ୍ ସାର୍‍ରେ ବୁଜେମ୍ ଆୟା ପାର୍ୱଣ୍ଡ୍‌ । ଆୱୁସାର୍ରେ ଅନ୍‌ ସେଙ୍ଗେ ପୁନ୍‍ୱାଦ୍; ବାତେଙ୍କ୍ ଇତ୍‍କେ ଆୱ୍‌ ସାର୍‍ରେ ଆଦ୍ୟାତ୍ମିକ ଇସାବ୍‌ତେ ବିଚାର୍‌ କିଦାନଙ୍କ୍‌ ଆତା ।

୧ କରନ୍ତିୟ 4:10

କ୍ରିଷ୍ଟନ୍‌ ମାଇଦିଙ୍କ୍‌ ମାନାଡ଼୍ ମୁର୍କ ଇଞ୍ଜ ପୁତ୍‍ତଡ଼୍ । ବାତେଙ୍କ୍ ଇତ୍‍କେ ମିଡ଼୍ କ୍ରିଷ୍ଟନ୍ ତଡ଼୍ କାୟ୍‍ଲ୍‍ତାଙ୍କ୍ ମିଡ଼୍ ଜ୍ଞାନି । ମାମ୍ ଲାୱୁ ଇଲ୍‌ୱାନମ୍‌; ମାତି ମିଡ଼୍ ଲାୱ୍‌ଦନର୍‌ । ମିଡ଼୍ ସମ୍ମାନ୍ ଦର୍‍କ୍‍ତେନଡ଼୍‌, ମାତି ମାମ୍‍ମେ ଅନାଦ୍‌‌ ଇନତେ ନାରୁମ୍ ।

୨ କରନ୍ତିୟ 13:4

ଅଣ୍ଡ୍‌ ଦୁର୍ବଲ୍ ଆସ୍ କ୍ରୁଶତାଗ୍ ଡଲ୍‍କେ ମିକା ଇଶ୍ୱର୍‌ତେ ପରାକ୍ରମତେ ସେଙ୍ଗେ ଇଞ୍ଜେ ଜୀୱୁନ୍‌ ମିନ୍ଦେନ୍ । ଅନ୍‌ ତଡ଼୍ କାଇଲି ମିକା ଦୁର୍ବଲ୍‍ ଆତ୍‍ତମ୍, ବାତେଙ୍କ୍ ଇତ୍‍କେ ମିଇ ତଡ଼୍ ମାୟାଦ୍‌ ସମ୍ପର୍କତେ ଇଶ୍ୱର୍‌ତେ ପରାକ୍ରମତାଗ୍ ଅଂଶି ଆସ୍ କ୍ରିଷ୍ଟନ୍‍ତଡ଼୍ ମାମ୍‍ମେ ଜିୱୁନ୍ ମାନ୍‍ତମ୍ ।