୧ କରନ୍ତିୟ 1:17 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹⁷ ଏର୍‌ ମୁଡ଼୍‌ତାନ୍ ମାଇଦିଙ୍କ୍ କ୍ରିଷ୍ଟ ନାକିନ୍ ରଅତିଲେ । ଅଣ୍ଡ୍‌ ନାକିନ୍ ସାୟେ କାବୁର୍‌ କେତାନଙ୍କ୍ ରହ୍‌ସ୍‌ମିନ୍ଦେଣ୍ଡ୍; ଆଦ୍‍ମିକା ମେଣ୍ଡେ ବାକ୍ୟଲେକେତ୍ ଇଲ୍‍ଲେ, କ୍ରୁଶତ୍ ପର୍‍ର କ୍ରିଷ୍ଟନାଦ୍ ଡଲ୍‍ତାଦ୍ ବେକାର୍‍ ଆଦ୍‍ତେ ।

୧ କରନ୍ତିୟ 1:17 ပူးပေါင်းရင်းမြစ်များ

ଯୋହନ୍‌‌ 4:1

ପାରୂଶୀଡ଼୍ କେଞ୍ଜ୍‍ତଡ଼୍ ଯେ ଜିସୁ ବାପ୍ତିସ୍ମ ଯୋହନ୍‌‌ତେ କନ୍‍ସ୍ ନାର୍‍ଗେ ଶିଷ୍ୟ ମାଡ଼ୁତଣ୍ଡ୍ ନୁ ଅଡ଼୍‌‍କିଂଙ୍କ୍ ବାପ୍ତିସ୍ମ ଇଦୁତଣ୍ଡ୍ ।

ଯୋହନ୍‌‌ 4:2

ପ୍ରକୃତ୍‍ରେ ଜିସୁ ନିଜେ ବେନଙ୍କ୍‍ବା ବାପ୍ତିସ୍ମ ହିୱକଟ୍ ମାତ୍‍ତଣ୍ଡ୍, ମାତର୍ ଆଦ୍ ତାମ୍ ଶିଷ୍ୟଡ଼୍ ହିସମାତ୍‍ତଡ଼୍ ।

ପ୍ରେରିତ 10:48

ଆଦିଙ୍କ୍ ଅଣ୍ଡ୍‌ ଅଡ଼୍‌‍କିଂଙ୍କ୍ ଜିସୁ କ୍ରିଷ୍ଟ ପେଦେର୍‍ତେ ଏର୍‍ ଦୀକ୍ଷା ଆଦାନ୍ ମାଇଦିଙ୍କ୍ ଗଟ୍ କେତ୍‍ତଣ୍ଡ୍ । ତାନ୍‍ପେର୍କେ ଅଡ଼୍‌ ଅଂକିଙ୍କ୍‌ ମେଣ୍ଡେ ବେସ୍‌କ୍ ଦିନା ଅଡ଼୍‌ ତଡ଼୍ ମାନ୍ଦାନଙ୍କ୍ ଅନୁରଦ୍‌‍ ମାଡ଼୍‍ତଡ଼୍ ।

୧ କରନ୍ତିୟ 2:1

ଦାଦାଲରି ନୁ ଏଲାସ୍କ୍‍, ନାନ୍ ମିୟାଗା ଇଶ୍ୱରନ୍‌ ସାୟେ କାବୁର୍ କେତାଙ୍କ୍ ମାଇଦିଙ୍କ୍ ଆଞ୍ଜମାନ୍ଦାନ୍‌ୱେଲେ ବାକ୍ୟନମ୍ବର ବା ପାଣ୍ଡିତ୍ୟ ତୱେ ମାତ୍‌ତାନ୍‌ ।

୧ କରନ୍ତିୟ 2:13

ଆଦିଙ୍କ୍ ଦାର୍ମାମ୍ ନାରୁଡ଼୍ ବକେତ୍ ନିଜାତାଦ୍ ଦାର୍ମାମ୍ କେତ୍‍ତାନ୍ ୱେଲେ ମାମ୍‍ମେ ବୁମ୍‍ତାୱୁ ବୁଦ୍ ଗଟି କେଲମ୍; ପବିତ୍ର ଆତ୍ମାତେ ଶିକ୍ଷା ଲେକାମ୍ ଆୱ୍‌ ସାର୍‍ରେ ନିଜାତାୱୁ କେତିତମ୍ ।

୨ କରନ୍ତିୟ 1:12

ଜଗତ୍‌ତେ ଜିୱୁନ୍ ନୁ ବିଶେସ୍‍ତେ ମିଇ ତଡ଼୍ ମାୟାଦ୍‌ ସମ୍ପର୍କ ଇଶ୍ୱର୍‌ତେ ପବିତ୍ରତା ନୁ ବିଶ୍ୱସ୍ତତା ତଡ଼୍ ପରିଚାଲିତ୍‍ ଇଞ୍ଜ ମାନ୍‍ ମୋନ୍‍ତାଦ୍‍ ସାକ୍ଷ୍ୟ । ଇଦିନ୍ ସେଙ୍ଗେ ମାନ୍‍ ମନ୍‍ତାଗ୍ ଗର୍ବ ଆଦ୍‍ତେ । ମାନବିକ୍‍ ବୁଦ୍‍ତେ ଆୟ୍‍ୟ, ମାତର୍ ଇଶ୍ୱର୍‌ତେ ଅନୁଗ୍ରହ୍‍ତଡ଼୍ ଆଦ୍ ମାଡ଼ାନଙ୍କ୍ ମାମ୍‍ମେ ତିଆର୍ ଆସ୍‍ମିନ୍ଦେମ୍ ।

୨ କରନ୍ତିୟ 10:10

ବେନ କେତିତଡ଼୍‍, “ପାଉଲ୍‍ତେ ଚିଟି କି ଗାଟି ବାଦେମ୍‍ ଆତ୍‍ତେ ଲେକାମ୍ ବା ୱାୟ୍‍ୟେ ମାନ୍ଦାନ୍ ଲେକାମ୍ ବାତେଙ୍କ୍ ଇତ୍‍କେ ମା ତଡ଼୍ ମାନ୍ଦାନ୍ ୱେଲେ ଅଣ୍ଡ୍‌ ଦୁର୍ବଲ ଲେକାମ୍ ତନ୍ଦାନଣ୍ଡ୍ ନୁ ଅନ୍‌ ଗଟି ମୁଲ୍ୟ ଆୟ୍‍ୱେ ଲେକାମ୍ ହେର୍କା ଆୟ୍‍ନୁ ।”

୨ କରନ୍ତିୟ 11:6

ନାନ୍ ଅଡ଼୍‌‍ଲେକାମ୍ ବାକ୍‍ପଟୁ ଆଦେ ପାର୍ୱନ୍, ବାତେଙ୍କ୍ ଇତ୍‍କେ ନାନ୍ ବୁଦ୍‍ତେ ନିସ୍‌ଟୁର୍‌ ଆୟନ୍ । ମିକିଂଙ୍କ୍ ଇଦ୍ ଗଟ୍ ମାମ୍‍ମେ ସାରେଦାମ୍ ନୁ ସାରେ ସମୟ୍‍ତେ କେସ ୱାଦୁତମ୍‍ ।

୨ କରନ୍ତିୟ 4:2

ମାତର୍ ମାମ୍‍ମେ ସିଗ୍‍ଆଦାନାଦ୍ ନୁ ମିଞ୍ଜିମାନ୍ଦାନ୍ ବିଷୟସାରେ ୱିଡ଼୍‍ସ୍‍ତମ୍; ମାମ୍‍ମେ ଚଲନା ମାଡ଼ମ୍ କି ଇଶ୍ୱର୍‌ତେ ବାକ୍ୟତେ ବିକୃତ୍ ଅର୍ତ ମାଡ଼ମ୍ । ବାତେଙ୍କ୍ ଇତ୍‍କେ ସାରେତଡ଼୍ ନିଜମ୍‍ ସତ୍‍ କେଞ୍ଜ୍‍ତେ ଲେକାମ୍ ଇଶ୍ୱର୍‌ତେ ମୁନେ ନାରିଡ଼୍ ମନ୍ ପାକେ ମାମ୍‍ମେ ନିଜେ ନିଜେତେ ଯୋଗ୍ୟତା ପ୍ରନାମ୍ ମାଡ଼ାନ୍ ସେଙ୍ଗେ ଆଲ୍‍ସି ମାଡ଼ୁତମ୍;

୨ ପିତର୍‌ 1:16

ପ୍ରବୁ ଜିସୁ କ୍ରିଷ୍ଟଙ୍କ୍ ଗୌରବ୍‍ମୟ ମେଣ୍ଡନ୍‍ଦାମ୍ ୱାଦାନ୍‍ ବିଷୟ୍‍ତେ ମିକିଙ୍କ୍ କେଞ୍ଜ୍‍ପାନଙ୍କ୍ ମାମେ ଆଲ୍‍ସ୍‍ତେ ୱେଷଡ଼୍‍ ପର ଆସେ ନେଏୱମ୍ । ମାମେ ନିଜର୍‍ କଣ୍ଡେତାଗ୍ ଅନ୍‌ ମଇମା ଉଡ଼୍‍ତମ୍‍ ।