Yohana 9:22 - Eriiraghano Eriihë

²² Abhiibhori bhaache ꞉mbaabhughiri hangʼu gho kubha mbaare bharatiina abhakangati bhaare, gho kubha abhakangati ꞉mbiishereriini kubha, omooto wowoose uno aghwishereri kubha Yesu n‑Kirisito, mbakomuhëëbha mo‑risinaghooghi.

Yohana 9:22 ပူးပေါင်းရင်းမြစ်များ

Ruuka 6:22

Ngʼoni inyu, bhano abhaato bhakobharëgha, gho ghiri yaane eni Omoona o Mooto, na kobhaahura, bharabhatoka, na kobhaghamba kubha inyu m-bhabhe moonyi.

Yohana 1:19

Orosiko rumu, abhakangati bha Bhayahuuti ꞉mbaabhatomiri abhachaama na Abharaawi koru Yerusareemu, bhamobhoori Yohana kubha n‑niwe. Bhuno nibho obhwibhateri bhooche,

Yohana 16:2

Abhaato mbakobhahëëbha mo‑masinaghooghi. Ndekuucha eriibhagha rino omooto aramwita umu ghate yaanyu, nakwihëëbha kubha, nakorihökëri Ryobha.

Yohana 19:38

Hano ghayo ghahetiri, akaacha omooto umu eriina reeche Yusubhu, uno aruure Arimataaya. Omooto uyo naare omoonamwegha o Yesu gho kebhisere, gho kubha naare arabhatiina abhakangati bha Bhayahuuti. Mbe, omooto uyo aghaye o‑Bhiraato, akamusabha kubha imoki erihundughu re Yesu, aryeryeke. Bhiraato akamwisherereri. Gho ghayo, Yusubhu aghaye, akariimoki erihundughu re Yesu.

Yohana 20:19

Ekabha omughörööbha orosiko ruyo ruyo o rumbërë, abhaanabheegha bha Yesu mbaare bhiikomiine mo‑nyumba imu na ghwighara charwighe gho kubha mbaare bharabhatiina abhakangati bha Bhayahuuti. Yesu akaacha akiimeerera ghateghate yaabho, akabhakëëri akabhugha, “Nekobhakëëri. Omurëmbë ubhe na niinyu!”

Yohana 7:13

Amare taare‑ho omooto uno are aramughamba Yesu haheero, gho kubha ꞉mbaabhatiiniri abhakangati bha Bhayahuuti.

Yohana 9:18

Amare bhataakumiri amangʼana ghaache, kubha omooto uno akorighi, n‑uno ekimbërë are ibhwiru omohuku, akamara akarighi. Mbe, bhakabhabherekera abhiibhori bhaache,

Yohana 9:21

Amare toteeche kebhuno asëëmiri korighi, wiiki totamweche omooto uno amuhöriri amiisho ghaache. Momobhoori omwene, gho kubha iwe n‑omontomonkoro, naghotora ghosiikëra omwene.”

Yohana 9:34

Ibho bhakamugharokeri bhakabhugha, “Iye wibhwiru na kurëru kinya omuköri o masari. Kana, noonyi no obhotoro ke bho ghotweghi itu?” Mbe, bhakamuhëëbha aröbhökë anche.

Yohana 9:35

Hano Yesu oghwire kubha mbamuhëëbhiri omooto uyo, aghaye komutabhara. Eriibhagha ꞉amobhwine, akamobhoori akabhugha, “Kana, nokomokumi Omoona o Mooto?”

Amaköri gha Bhatomu 4:18

Bhakamara abhakoro bhayo bhakabhabherekera Bheetero na Yohana. Bhakabhashaangʼi gho kobhahaarera bharabhugha, “Eriina riyo re Yesu, motasaka wiiki kweghi abhaato ighoro yaache, koru motarebhera!”

Amaköri gha Bhatomu 5:13

Abhaato mbaare bhabhasookiri chwee, koru hangʼu, abhaato bhano bhataamokumiri Yesu bhaghatiina ghughöötana nabho.

Amaköri gha Bhatomu 5:40

Bhakabhabherekera abhatomu bhayo bhasöhë mo‑nyumba, bhakahatëka bhatëmu chasaanyi. Bhakamara bhakabharëki kubha bhatabhoorera omooto wowoose ighoro e riina re Yesu, bhakabhatigha bhaaghaye.

Obhohunyurëru 21:8

Amare abhatiini, na bhano bhataakorekumi Eryobha, na bhano bhakorikarari Eryobha, na abhiiti, na abhataari, na abhaturutumbi, na abhasëngëri bha misambu, na abharöngö, bhayo bhoose ahaghiro haabho n‑anyancha e mororo muhaari chwee. Na ruyo niro oroko ro kabhere.”