Yohana 8:34 - Eriiraghano Eriihë

³⁴ Yesu akabhagharokeri akabhugha, “Mahëënë ˆnekabhabhoorera, omooto wowoose uno akwëndërëra ghuköra amasari, n‑omusësë o masari.

Yohana 8:34 ပူးပေါင်းရင်းမြစ်များ

Mataayo 5:18

Mahëënë ˆnekabhabhoorera, mbagha eriibhagha rino erishaaro na ase bhekoheta, ghetaanyi‑ho ekingʼöchö koru eryandëkö rimu isuuhu re meghiro ghe Musa rino rekoruusibhu, mbagha ghano ghoose ghahikeerane.

Yohana 3:3

Yesu akamugharokeri akabhugha, “Mahëënë ˆneghakobhoorera, taanyi‑ho omooto uno aghotora ghusöha mo‑bhutëmi bho Ryobha aribha atibhwiru mara e kabhere.”

Amaköri gha Bhatomu 8:23

Nekorooche kubha noonyi ne eriihari chwee, na amasari ghaacho ngakubhöhiri.”

Abharuumi 6:12

Gho ghayo, motiishereri amasari ghakangate emebhere gheenyu ghino ghehaaku. Motiishereri korutu na amiigha amabhe gha mebhere gheenyu.

Abharuumi 6:16

Moteeche kubha, moriiruusi kwo mooto na ghuköra ghano akwënda, niho mookubha moramosooka kinya abhasësë bhaache? Mbe, kinya mookubha moriiruusi ghuköra amasari, mookubha abhasësë bha masari, na kino ghekobhabhöna n‑oroko. Amare aribha moriiruusi koresooka Eryobha, mookubha abhasësë bha Ryobha, na kino ghekobhabhöna n‑eriimanya rino reenyi re bhuhëënë.

Abharuumi 6:6

Ntweche kubha eriimanya riito re kare ꞉ndiimamburu haghirohamu na Kirisito mo‑musarabha, kubha changuru che masari chetatukangata wiiki, na ghotuköra tubhe abhasësë bha masari.

Abharuumi 7:14

Ntweche kubha Akörö e Ryobha niyo etoheere emeghiro, amare eni gho simoka yaane e masari, n‑omusësë o masari neenyi.

Abharuumi 7:25

Nekoriitabheri Eryobha, gho kubha iryo niryo rentooriri, kohetera Yesu Kirisito, Omutëmi wiito. Gho ghayo, eni omwene, nekuhökëri emeghiro ghe Ryobha kwo miihëëbhö ghaane, amare gho simoka yaane e masari, nekuhökëri emeghiro ghe masari.

Abharuumi 8:21

gho kubha mbeghotooribhu koru mo‑kibhöhö ghe ghusarëka no oroko. Hayo niho bhekuhaabhu obhohuuru bho bhokumi obhokoro bhuno Eryobha rekobhaha abhaana bhaache.

Abhaebheeso 2:2

Eriibhagha riyo moore moratambana amiigha amabhe gha mo‑se ino, mookabha morasooka Erishambu, omutëmi o misambu ghino gheenyi na changuru mwighoro. Iryo niryo ibheere rekobhakangata abhaato bhano bhataakoresooka Eryobha.

Tiito 3:3

Koru itu bheene eriibhagha riire toore tokeere komokumi Yesu, ntoore bharaghaanu, na abhiigharori, wiiki ntongʼiinuru chwee. Ntoore abhasësë bha miigha amabhe gha manga maaru gha se ino. Eriimanya riito ndeere re bhobhe ne eriihari. Abhaato mbaare bhaturëghiri, na niitu ntoore tobharëghiri.

2 Bheetero 2:19

Ibho mbakuragha abhaato kubha mbakubhöna obhohuuru, amare abheene nibho abhasësë bha bhobhe bhuno bhokobhasari. Nehaabha hangʼu gho kubha omooto woose nahaabha omusësë o ghyokyose kino kemokindiri.