Yohana 8:32 - Eriiraghano Eriihë

³² Wiiki mokobhumënya obhuhëënë. Nabho obhuhëënë bhuyo, mbokobhatoora huuru.”

Yohana 8:32 ပူးပေါင်းရင်းမြစ်များ

Mataayo 11:29

Mwibhöhërë achooki yaane, mweghe ghokoone mbagha hano nekobhasakeri kubha no omurëmbë mo‑metema gheenyu, gho kubha eni m‑muhörëëru wiiki m‑munyööhu neenyi mo‑körö.

Yohana 1:14

Angʼana iyo ekabha omooto, aghiikara ghateghate yiito. Itu bhoose tokabhorighi obhokumi bhooche obhokoro, obhokumi bhooche obhokoro iwe uno anyi Omoona omwene chiri o Taata, niichwire aghareeya no obhuhëënë.

Yohana 1:17

Mbe, gho kubha Eryobha ꞉ndeeruusiri emeghiro gheeche gho nchëra e Musa, amare aghareeya no obhuhëënë mbiichiri gho nchëra e Yesu Kirisito.

Yohana 14:6

Yesu akamugharokeri akabhugha, “Eni n‑anchëra, no obhuhëënë, no obhuhöru. Taanyi‑ho uno aghotora kuucha o‑Taata aribha atahetiire ghokoone.

Yohana 16:13

Amare Akörö e bhuhëënë, hano ekuucha ghokoonyu, nekobhakangata kobhumënya obhuhëënë bhoose. Teekobhugha kwo bhotoro bhooche ayeene, amare nekobhugha ghano yoghwire na kobhabhoorera ghano ghakuucha.

Yohana 17:17

Oo Taata, ˆneghaghusabha obhakörë kubha abhaato bhaacho inkongʼorimu mo‑bhuhëënë bhoocho, gho kubha angʼana yaacho niyo obhuhëënë.

Yohana 6:45

Yandëkuru mo‑Mandëkö Amatööbhiyu kubha, ‘Eryobha ndekobheeghi abhaato bhoose.’ Mbe, omooto wowoose uno aghutëghëërëra na kwegha koru gho Taata, nakuucha ghokoone.

Yohana 7:17

Omooto wowoose uno akwënda ghuköra amiigha gha Ryobha, nakumënya kubha ameeghi ghano gharuure kwo Waryobha, na kubha nteeghosiikëra amangʼana ghaane eni omwene.

Yohana 8:36

Mbe, kinya eni Omoona o Ryobha nebhasaswire koru mo‑masari ghaanyu, motaakubha abhasësë wiiki, mookubha huuru inkongʼorimu.

Abharuumi 6:22

Ibheere Eryobha ndebharuusiri koru mo‑kibhöhö ke masari, kubha motabha abhasësë bha masari wiiki. Amare ndebhaköriri kubha abhasësë bhaache, na kurëngʼaana na ghayo mobhwine obhwëra. Obhwëra bhuyo n‑korihökëri Eryobha gho körö imu na antenero yaache n‑ghosongʼaana obhuhöru bho miishe ghyose.

Abharuumi 8:15

Eryobha retabhaheere Akörö Ahörëëru kubha mubhe abhasësë na kobhaköra moretiine wiiki, amare ndebhaheere Akörö Ahörëëru kubha mubhe abhaana bhaache. Gho Körö ntokorebherekera Eryobha “Abha,” egheteemoro keeche “Taata.”

Abharuumi 8:2

Gho nchëra e ghughöötana na Kirisito Yesu, changuru che Körö Ahörëëru chino chekurëëta obhuhöru bho miishe ghyose, ncheghontoori koruusibhu koru mo‑kibhöhö ke masari, kubha netighe ghukangatu na changuru che masari no oroko.

1 Abhakorinto 7:22

Nebhughiri kubha riyo retakunyaaki, gho kubha omooto uno are omusësë eriibhagha abherekiiru no Omutëmi, uyo naanyi huuru kwo Mutëmi. Nawe uno are huuru eriibhagha abherekiiru, uyo n‑omusësë o Kirisito.

Abhagharatiya 5:1

Kirisito natotooriri koru mo‑bhusësë kubha tubhe huuru inkongʼorimu. Gho ghayo, mwimeerere muköngʼiiri, motiishereri ghugharuka wiiki mo‑bhusësë bho meghiro.

Abhagharatiya 5:13

Abhahiiri bhaane, Eryobha ndebhabherekiire kubha mubhe no obhohuuru. Amare motahökëri obhohuuru bhoonyu kinya omweya o ghutambana amiigha ghaanyu amabhe, amare musakerani kwo bhosiighi.

2 Timotewo 3:7

Mbakwegha chaasiko choose, amare bhataaghotora kumënya obhuhëënë.

Yakobho 1:25

Amare omooto uno akumööhi bhoheene emeghiro ghino ghehikeriine na ghino ghekurëëtëra abhaato ghotighooroku koru mo‑mabhe, ino arahiita ghano oghwire na ghoghatereera, uyo niwe aghwitabheru gho ghuköra ghayo.

Yakobho 2:12

Mbe, mosiikërë na ghuköra, mubhe morahiita kubha Eryobha ndekobhatenera ekiina kwo meghiro, ghino ghekurëëtëra abhaato ghotighooroku koru mo‑mabhe.

1 Bheetero 2:16

Mumanye kwo bhohuuru, amare motahökëri obhohuuru bhuyo ghuköra amabhe. Mumanye kinya abhatamishi bha Ryobha bhakwëndëru kumanya.

2 Yohana 1:1

Eni omugharuka o riikanisa, neghokwandëkëra iye omosubhaati omwahöru, haghirohamu na abhaana bhaacho bhano nesiighiri kwo bhuhëënë. Taanyi eni mwene hangʼu nebhasiighiri, koru na abhande bhano bheeche obhuhëënë, ibho bhoose mbabhasiighiri kwo hëënë.