Yohana 8:31 - Eriiraghano Eriihë

³¹ Mbe, Yesu akabhabhoorera Abhayahuuti bhaare bhamokumiri akabhugha, “Erabha moghutambana ameeghi ghaane, mahëënë inyu n‑abhaanabheegha bhaane moonyi.

Yohana 8:31 ပူးပေါင်းရင်းမြစ်များ

Mataayo 24:13

Amare wuure aghoghumereri mbagha mo‑ntenero, uyo niwe naghotooribhu.

Yohana 1:47

Hano Yesu amorooche Natanaheri araacha ghokooche, akabhugha, “Mööhi, omooto uyo n‑Omwisiraeri o hëënë, uno ataanyi ni isörö moose yaache.”

Yohana 2:2

Yesu na abhaanabheegha bhaache bhoose mbaare bharaghiinu, mwirugha riyo.

Yohana 6:55

Omobhere waane niwe ekiinyakurë ke mahëënë, na amasaahë ghaane nikyo ekinywebhu ke mahëënë.

Yohana 8:36

Mbe, kinya eni Omoona o Ryobha nebhasaswire koru mo‑masari ghaanyu, motaakubha abhasësë wiiki, mookubha huuru inkongʼorimu.

Amaköri gha Bhatomu 13:43

Hano Bhawuro na Bharinaabha ꞉bhaare bharaghe aka, Abhayahuuti bhaaru, haghirohamu na abhaato bha matöngö bhano ꞉bhaakumiri atiini e Kiyahuuti, bhakabhatambana. Abhatomu bhayo bhaakabha bharabhatoora omukörö bhëëndërërë mo‑ghareeya e Ryobha.

Amaköri gha Bhatomu 14:22

Haghiro hoose hano bhaghiire ꞉mbaabhatooriri omukörö abhaghëndi bha Yesu, bhakabhabhoorera bhëëndërërë ghokumi amangʼana gha bhuhëënë ghano bheeghuru. Bhakabhatongera bharabhugha, “Ntokwëndëru ghusöha mo‑bhutëmi bho Ryobha gho kohetera anyaako yaaru.”

Amaköri gha Bhatomu 26:22

Koru hangʼu, Eryobha ndentooriri mbagha kohikera orosiko runo ro reero. Nikyo ˆgheghaghëri ˆnekiimeerera hano ambërë e bhakoro, na ambërë e bhaato bha haase, neghosiikëra amangʼana ghano ꞉neerooche. Ghataanyi‑ho wiiki amangʼana aghande ghano neghosiikëra ghokera ghaare ꞉ghaasiikiiru na abharööti, na ghano ꞉ghaasiikiiru na Musa, kubha ngakorwera.

Abharuumi 11:22

Mumööhi kebhuno Eryobha rekobhakörëra obhuchömu abhaato abhande, na kebhuno rekobharööna abhaato abhande kwo bhororo. Ndekobharööna bhano bhaangiri komokumi Kirisito, na ndeghoghukörëra obhuchömu iye, aribha okwëndërëra komokumi. Amare aribha oratigha komokumi, iye woose nokonungu.

Abharuumi 2:7

Ndekobhaha obhuhöru bho miishe ghyose abhaato bhano bhaghwiköngʼi ghuköra amachömu, gho kubha mbaghutabhara aghongo, na asooko no obhuhöru bhuno bhotaanyi na antenero.

Abhakorosaayi 1:23

Amare mokwëndëru kwëndërëra koyekumi Angʼana Anchömu, mubhe muköngʼiiri na kubha na changuru. Motiishereri ghotigha eriitëngʼërö rino ꞉moobhwine hano mooghwire Ngʼana Anchömu. Angʼana Anchömu iyo eni Bhawuro nibheere omutamishi waache, wiiki ꞉niiraghiinu mo‑bhaato bhoose bha hano mo‑se.

1 Timotewo 2:15

Amare hano omukari akwibhora na ghotugha omoona waache, naghotooribhu aribha akwëndërëra ghwikara mo‑bhokumi, no obhosiighi, no obhutööbhiyu na kubha ne ekirëngërë.

1 Timotewo 4:16

Wëndërërë ghochonga atëëmö yaacho na ameeghi ghaacho. Örëëndërëra ghuköra hangʼu, noghwitoori iye omwene na bhano bhaghoghutëghëërëra.

2 Timotewo 3:14

Amare iye, noonyi no obhuhëënë kubha amangʼana ghano weghuru n‑gha mahëënë. Ibheere uköngʼëri mo‑ghayo, gho kubha weeche bhano ꞉bhaakweghiri.

Abheebhuraaniya 3:14

Gho ghayo ntoghughöötana na Kirisito, erabha tokwëndërëra komwitëngʼëra mbagha antenero e bhuhöru bhwito, kinya bhuno ꞉tuusëëmiri ghokumi.

Abheebhuraaniya 8:9

Eriiraghano Eriihë rino retaakubha kinya riire e rimbërë, rino ꞉neetooriri na bhasookoro bhaabho, eriibhagha riire hano neere nerabhakangata bhoheene koru mo‑se e Miisiri. Ibho bhataare abhahëënë kwo Riiraghano reene re hayo ekimbërë. Kino nikyo ꞉ghiighëriri nekabhatigha kinya bhuno ꞉bhaare. Hangʼu nibhu Omutëmi Waryobha akobhugha.

Yakobho 1:25

Amare omooto uno akumööhi bhoheene emeghiro ghino ghehikeriine na ghino ghekurëëtëra abhaato ghotighooroku koru mo‑mabhe, ino arahiita ghano oghwire na ghoghatereera, uyo niwe aghwitabheru gho ghuköra ghayo.

1 Yohana 2:19

Abhaato bhayo ꞉mbaaruure mo‑makanisa ghiito, amare bhataare no obhumu bho hëënë na niitu, gho kubha aribha bhangabheere bha wiito mbangasaaghiri na niitu. Amare kohoroka koobho, n‑kwërëkiri haheero kubha, bhataare no obhumu na niitu kimu kimu.

1 Yohana 2:24

Ibheere, mwëndërërë ghoghatoora mo‑metema gheenyu amangʼana ghano mweghuru korwera hano mokumiri Kirisito. Moraköra hangʼu, niho na niinyu mokwëndërëra kubha no obhumu no Omoona, na Taata Waryobha.

2 Yohana 1:9

Wowoose uno ataakwëndërëra ghughööta ameeghi gha Kirisito, wiiki naghugharura ameeghi ghayo, uyo taanyi no obhumu ne Eryobha. Amare, uno akwëndërëra ghughööta ameeghi gha Kirisito, naanyi no obhumu na Taata Waryobha no Omoona waache.