Yohana 8:28 - Eriiraghano Eriihë

²⁸ Mbe, Yesu akabhabhoorera akabhugha, “Hano mookubha momotiiriri Omoona o Mooto kubha momwite, niho mokuucha kumënya kubha ‘Eni Neeni.’ Wiiki mokuucha kumënya kubha ghoose ghano neghuköra, nteeghuköra gho changuru cheene, amare neghoghasiikëra ghano Taata anyeeghiri.

Yohana 8:28 ပူးပေါင်းရင်းမြစ်များ

Mataayo 24:5

Abhaato bhaaru mbakuucha kwo riina reene, bharabhugha, ‘Eni neeni Kirisito!’ Nabho mbakobhangʼiina bhaaru.

Maariko 13:6

Abhaato bhaaru mbakuucha kwo riina reene, bharabhugha kubha, ‘Eni neeni Kirisito,’ na mbakobhangʼiina abhaato bhaaru.

Ruuka 21:8

Akabhagharokeri akabhugha, “Ibheere mubhe miisho, motaacha kongʼiinu. Abhaato bhaaru mbakuucha kwo riina reene bharabhugha, ‘N‑eni wuure wuure.’ Wiiki, mbakobhugha, ‘Eriibhagha riire, ˆreghatingʼi.’ Abhaato bhayo, motabhatambana!

Yohana 11:42

Nyeeche kubha nohaanyoghu eriibhagha ryose, amare neghosiikëra ghano gho ghiri e rikinda re bhaato bhano, kubha bhakumi kubha n‑iye ontomiri.”

Yohana 13:19

ˆNekabhabhoorera ghoose ghano ghakeere korwera, kubha eriibhagha ghakuucha korwera, moghokumi kubha ‘Eni Niwe.’

Yohana 16:10

Nakwërëki obhuhëënë bhoone gho kubha, neeghuye o‑Taata na motaakondighi wiiki.

Yohana 18:32

Ghayo ꞉ngaaköruru hangʼu, kubha amangʼana ghano Yesu ꞉abhughiri ghahikeerane kwërëki kebhuno aghoku.

Yohana 19:18

Hano bhahikiri hayo, bhakamumamba Yesu mo‑musarabha. Ahaghiro hayo mbaare‑ho abhaato abhande bhabhere bhano ꞉bhaamamburu mo‑misarabha haghirohamu nawe, umu eribhaara re kwiro no owonde eribhaara re kumosi.

Yohana 3:11

Mahëënë ˆneghakobhoorera, itu ntogheeche ghano toghughamba, wiiki ntogharooche ghano toghughambera. Amare inyu motaaghwishereri amangʼana ghiito.

Yohana 3:14

“Hano Abhiisiraeri ꞉bhaare mwibhara, Musa ꞉naaköriri asanaamu e nchöka ino ꞉iköruru gho shabha na koyetiiri a‑mote, kubha abhatoori. Hangʼu hangʼu eni Omoona o Mooto nekuucha ghotiiribhu,

Yohana 4:26

Niho Yesu akamugharokeri akabhugha, “Eni, uno neghosiikëra na niiye, niwe uno iye oghosiikërëra.”

Yohana 5:19

Yesu akabhabhoorera abhakangati bhaare akabhugha, “Mahëënë ˆnekabhabhoorera, Omoona taaghotora ghuköra ghyokyose gho changuru cheeche. Naghotora ghuköra ghano arooche Ishe araghaköra, wiiki ghoose ghano Ishe aghuköra, nigho ghayo ghayo Omoona aghuköra.

Yohana 5:30

Yesu akëëndërëra ghosiikëra arabhugha, “Ghetaanyi‑ho egheghiro ghyokyose kino neghotora ghuköra kwo bhotoro bhoone. Nekobhatenera ekiina abhaato kurëngʼaana na kebhuno Taata akomboorera. Gho ghiri iyo ghotena ekiina koone n‑kwo bhuhëënë, gho kubha nteeghuköra amënda ghaane eni mwene, amare n‑amiigha gha Ryobha rino rentomiri neghuköra.

Yohana 6:38

Eni niichiri koru Mwishaaro kubha nibhe neraköra amiigha gha Taata uno antomiri. Ntiichiri ghuköra amiigha ghaane.

Yohana 8:24

Nikyo ghighëriri ˆnekabhabhoorera kubha mooghoku gho ghiri e masari ghaanyu. Mbe, moraanga ghokumi kubha ‘Eni Niwe’, mooghoku mo‑masari ghaanyu.”

Yohana 8:27

Ibho bhataamënyiri kubha naare arasiikëra nabho ighoro e Taata o Mwishaaro.

Yohana 8:58

Yesu akabhagharokeri akabhugha, “Mahëënë ˆnekabhabhoorera, eriibhagha Abhurahamu akeere kwibhoru, Eni Niwe.”

Amaköri gha Bhatomu 2:41

Abhaato ekirëngërë ke bheku bhitato (3,000) bhaghaghakumi amangʼana ghayo gha Bheetero, bhakabhatiisu, bhaghaghöötana na abhaghëndi abhande bha Yesu orosiko ruyo.

Amaköri gha Bhatomu 4:4

Koru hangʼu, amangʼana ghano Bheetero na Yohana ꞉bhaare bhamariri kobhoorera abhaato, abhaato bhaaru ꞉mbaaghakumiri. Bhano ꞉bhaakumiri abhasubhe abheene, mbaare kinya ebheku bhitaano (5,000).

Abharuumi 1:4

amare gho kohetera Akörö ino enyi Intööbhiyu, Eryobha ꞉ndeemwahwire kubha Omoona o Ryobha uno anyi no obhotoro bhoose, hano remoryokiri koru mo‑bhaku. Yesu Kirisito uyo niwe Omutëmi wiito.