Yohana 8:17 - Eriiraghano Eriihë

¹⁷ Mo‑meghiro gheenyu ꞉yaandëkuru kubha, obhwibhateri bho bhaato bhabhere m‑bho mahëënë.

Yohana 8:17 ပူးပေါင်းရင်းမြစ်များ

Mataayo 18:16

Amare aribha angiri ghokoghwera, nooghi wimoki omooto owonde umu hamu bhabhere, kinya Amandëkö Amatööbhiyu ꞉ghaabhughiri kubha, ‘Kira eriisari reteneru ekiina kwo bhwibhateri bho bhaato bhabhere hamu bhatato.’

Yohana 10:34

Yesu akabhagharokeri akabhugha, “Kana, tyandëkuru mo‑bhitabhu bheenyu bhe meghiro kubha Eryobha ꞉ndeebhughiri, ‘Inyu n‑emisambu?’

Yohana 15:25

Amare ghano ngarweriire kubha ghahikeerane amangʼana ghano ghaandëkuru mo‑Mandëkö Amatööbhiyu kubha, ‘꞉Mbaandëghiri bhoowa.’

2 Abhakorinto 13:1

Ino neekubha mara e ghatato kuucha bhowaanyu. Amandëkö Amatööbhiyu ngakobhugha kubha, “Kira eriisari reteneru ekiina kwo bhwibhateri bho bhaato bhabhere hamu bhatato.”

Abhagharatiya 3:24

Emeghiro ngeere gheratukangata kinya omurëri wiito, mbagha eriibhagha rino Kirisito ichiri. Gho ghayo, gho komokumi Kirisito okwene, ntokubharu kubha abhaato abhahëënë ambërë e Ryobha.

Abhagharatiya 4:21

Ibheere momboorere inyu bhano mokwënda ghukangatu ne emeghiro, mweche kinya bhuno emeghiro ghekobhugha?

Abheebhuraaniya 10:28

Omooto uno are arataasi emeghiro ghe Musa, bhataare ne ebheghongi ghokooche, naare ariitu hano abhiibhateri bhabhere hamu bhatato bhakobhugha kubha mahëënë naköriri hangʼu.

1 Yohana 5:9

Wiiki mbeenyi‑ho bhitato bhino bhekuhëënëhi mo‑se], Akörö, na amanche na amasaahë. Bhiyo bhitato mbehoghwana kwo ngʼana imu. Toriishereri amangʼana gha bhaato, amangʼana gha Ryobha m‑makoro ghokera gha bhaato. Amangʼana gha Ryobha nigho ghano, kubha namuhëënëhiri Omoona waache.

Obhohunyurëru 11:3

Eni nekobhatoma abhiibhateri bhaane bhabhere, nekobhaha obhotoro bho koruusi obhurööti chaasiko egheku kimu na amaghana ebhere na miröngö esaasabhe (1,260), mbaakubha bhabheekiri changibho che maghönëra kwërëki amacheeche.” Chaasiko chiyo n‑kinya eriibhagha re myëri miröngö ene ne ebhere.