Yohana 8:14 - Eriiraghano Eriihë

¹⁴ Yesu akabhagharokeri akabhugha, “Koru nangabha neghwighambera eni mwene ghano neghosiikëra n‑gha mahëënë, gho kubha nyeeche hano neruure, wiiki nyeeche hano neeghuye. Amare inyu moteeche hano neruure na hano neeghuye.

Yohana 8:14 ပူးပေါင်းရင်းမြစ်များ

Yohana 10:15

kinya bhuno Taata anyeche eni, na neeni nemweche. Na neeni nekobhoruusi obhuhöru bhoone, gho ghiri e changʼöndu cheene.

Yohana 10:36

Kana, ngwake mokobhugha eni neghwiköri Eryobha hano nekobhugha, ‘Eni n‑Omoona o Ryobha?’ Taata niwe anyahwire na ghontoma mo‑se.

Yohana 13:3

Yesu ꞉naamënyiri kubha Taata namoheere obhotoro bho kobhikangata ebheghiro bhyose. Wiiki ꞉naamënyiri kubha ꞉naaruure kwo Waryobha, na kubha naghugharuka wiiki kwo Waryobha.

Yohana 14:10

Kana, toghokumi kubha eni neenyi moose e Taata, na Taata naanyi moose yaane? Amangʼana ghano nekobhabhoorera ghataakoru mo‑miihëëbhö ghaane, amare Taata, uno anyi moose yaane, naghuköra emeremo gheeche.

Yohana 16:28

Eni neruure o‑Taata nekaacha mo‑se ino, amare ibheere neghutanura mo‑se ino, nigharuke o‑Taata.”

Yohana 17:8

gho kubha nebhabhooriire ghoose ghano ombooriire, nabho mbaghasongʼaaniri. Mbeeche hëënë kubha neruure ghokoocho, wiiki mbakumiri kubha n‑iye ontomiri.

Yohana 18:37

Mbe, Bhiraato akamobhoori akabhugha, “Kana, m‑mahëënë kubha iye n‑omutëmi?” Yesu akamugharokeri akabhugha, “N‑iye ˆokabhugha kubha eni n‑omutëmi. Eni niibhwiru mo‑se ino, wiiki niichiri kubha nebheeghi abhaato obhuhëënë. Omooto wowoose uno aghutambana obhuhëënë, naghoghooghu amangʼana ghaane.”

Yohana 5:31

Aribha neghwighamba eni omwene, obhwighambi bhoone bhotaaghotora ghwisherereru kubha m‑bho hëënë.

Yohana 8:42

Yesu akabhagharokeri akabhugha, “Aribha Eryobha rengabheere Taata waanyu, mbe, mongabheere moransiigha, gho kubha neeni neruure kwo Waryobha ni ibheere hano neenyi. Eni ntiichiri gho changuru cheene, amare n‑Eryobha niryo rentomiri.

2 Abhakorinto 11:31

Waryobha, Taata o Mutëmi Yesu, uno akurëngʼaanera ghoghongibhu emiishe ghyose, neeche kubha nteeghosiikëra obhuröngö.

2 Abhakorinto 12:11

Mbe, nesiikiire kinya omuraghaanu, amare niinyu mughëriri nesiikërë hangʼu. Inyu moore mörëëndëru ghuntöghösi, gho kubha nangabha nekorighibhu kubha nteekurëngʼaanera, eni taanyi omotomu omosuuhu ghokera bhano bhakwirighi kubha, nibho abhatomu abhakoro.

2 Abhakorinto 12:19

Ghasi moghwituuri kubha eriibhagha rino ryose, ntoghwitachura ambërë yaanyu. Amare itu ntoghosiikëra ghano ambërë e Ryobha, gho kubha n‑abhatamishi bha Kirisito toonyi. Abhasiighani bhiito, ghano ghoose ntoghuköra gho ghiri e kobhatoori muköngʼëri mo‑bhokumi.

Obhohunyurëru 1:5

na koru kwo Yesu Kirisito, ghibhe haghirohamu na niinyu. Uyo niwe omwibhateri omuhëënë. Niwe o mumbërë koryoka koru mo‑bhaku, kubha abhe omukangati o bhatëmi bhoose mo‑se. Yesu niwe atosiighiri aghatusaasura koru mo‑masari ghiito gho nchëra e masaahë ghaache.

Obhohunyurëru 3:14

Omooto uyo kinya Omoona o Mooto akëëndërëra kobhugha, “Omwandëkërë marayika o riikanisa re Rawotikiya, no omobhoorere obhughe, ‘Eni neeni nekobherekeru Hawubhaabha, gho kubha nekuhëënëhi obhuhëënë bho Ryobha kwo mahëënë. Eni neeni omutange o bhetyenyi bhyose bhino ꞉bhiitëëmuru ne Eryobha. Mutëghëërërë ghano nekobhabhoorera!