Yohana 7:39 - Eriiraghano Eriihë

³⁹ Yesu naare arasiikërëra ighoro e Körö Ahörëëru, ino abhaato bhoose bhano bhakomokumi Yesu, mbakoyesongʼaana. Eriibhagha riyo, Eryobha ndeere rekeere ghotoma Akörö yaache ghokoobho, gho kubha Eryobha ndeere rekeere kwërëki haheero obhokumi obhokoro bho Yesu.

Yohana 7:39 ပူးပေါင်းရင်းမြစ်များ

Mataayo 16:14

Bhaghagharokeri bhakabhugha, “Abhamu mbaghoghughamba kubha iye niiye Yohana Omubhatisaachi, abhande iye niiye Eriya, na abhande iye niiye Yeremiya, hamu n‑umu ghate e bharööti abhande bha Ryobha.”

Mataayo 21:11

Erikinda riire re bhaato rekabhagharokeri rerabhugha, “Uyo n‑Yesu, omurööti wuure o mo‑moghya o Nasareeti, mo‑mukööwa o Ghariraaya.”

Ruuka 24:49

“Mutëghëërërë! Nekobharëëtëra ighoro yaanyu eriiraghano re Taata waane, eriiraghano riyo n‑Akörö Ahörëëru. Amare, mughanye mo‑moghya uno o Yerusareemu, mbagha muhaabhu obhotoro koru Mwishaaro.”

Ruuka 3:16

Mbe, akabhabhoorera arabhugha, “Eni, hëënë nekobhabhatiisa kwo manche agheene, amare nakuucha omooto uno anyi na changuru ghonkera eni, koru nteekurëngʼaanera ghusaasura chambasani che bhekwera bheeche! Iwe, nakobhabhatiisa gho Körö Ahörëëru, na kwo mororo.

Ruuka 7:16

Abhaato bhayo bhoose, bhaghatiina chwee. Bhaghasëëma koreghongi Eryobha, bharabhugha, “Omurööti omokoro, akarwera ghate yiito!” Wiiki bhakabhugha, “Eryobha, ndiichiri ghotoori abhaato bhaache!”

Yohana 1:21

Bhakamobhoori wiiki bhakabhugha, “Mbe, iye niiye we? Kana, iye n‑omurööti Eriya?” Yohana akabhagharokeri akabhugha, “Tiyaanyi, eni taanyi Eriya.” Ibho bhakamobhoori wiiki bhakabhugha, “Kana, iye n‑omurööti wuure toghughanya koru kwo Waryobha?” Yohana akabhagharokeri arabhugha, “Tiyaanyi, taanyi eni.”

Yohana 1:25

bhakamobhoori wiiki bhakabhugha, “Aribha iye taanyi Kirisito, hamu omurööti Eriya, hamu omurööti owonde o Ryobha, ngwake okubhatiisa?”

Yohana 1:33

Eni ntemumënyiri kubha n‑niwe, amare Eryobha rino rentomiri kubhatiisa abhaato kwo manche ndembooriire, ‘Omooto uno Akörö yaane eghwika na ghwikara ighoro yaache, uyo niwe akubha arabhabhatiisa abhaato gho Akörö Ahörëëru.’”

Yohana 12:16

Eriibhagha riyo, abhaanabheegha bha Yesu bhataamënyiri ghayo. Amare hano Yesu aryokiri, bhakahiita kubha ghano ghaandëkuru ighoro yaache, nibhu abhaato ꞉bhaamuköriire.

Yohana 12:23

Yesu akabhagharokeri akabhugha, “Eriibhagha reene eni, uno neenyi Omoona o Mooto, kubhöna obhokumi obhokoro ˆrekahika.

Yohana 14:13

Aribha morasabha egheghiro ghyokyose kwo riina reene, eni neghuköra kebhuno moghusabha. Gho nchëra iyo, nekwërëki obhokumi obhokoro bho Taata kebhuno bhoonyi gho kohetera eni, Omoona.

Yohana 14:26

Amare Omotoorereri uyo, egheteemoro keeche n‑Akörö Ahörëëru, ino Taata akoyetoma ghokoonyu kwo riina reene, nekobheeghi na kobhahiiti ghoose ghano neere nebhabhooriire.

Yohana 16:14

Akörö iyo neekubha erabhëërëki obhokumi bhoone obhokoro, gho kubha nekobhabhoorera ghoose ghano ekubha eghabhwine ghokoone.

Yohana 16:7

“Nekobhabhoorera inyu obhuhëënë kubha, ngʼoni ghokoonyu eni neghi o‑Taata, neraanga ghuye, Omotoorereri wuure taaghotora kuucha ghokoonyu. Amare aribha neraghe, nekomotoma ghokoonyu.

Yohana 17:1

Hano Yesu amariri ghosiikëra ghayo ghoose, aghagharaamereri Mwishaaro, aghasabha akabhugha, “Oo Taata, eriibhagha reene ˆrekahika. Obhëërëki abhaato obhokumi bhoone obhokoro, eni Omoona waacho, kubha na neeni nëbhëërëki obhokumi bhoocho obhokoro kebhuno bhoonyi.

Yohana 17:5

Oo Taata, neghusabha wërëki obhokumi bhoone obhokoro, obhokumi obhokoro bhuno neere nabho eriibhagha toonyi haghirohamu, eriibhagha ore okeere ghutëëma ase.

Yohana 20:22

Niho akabhahuuteri omwika, akabhabhoorera akabhugha, “Mosongʼaane Akörö Ahörëëru.

Yohana 6:14

Hano abhaato bhayo bharooche ekyërëkërëri kiyo Yesu ꞉aköriri, bhakabhugha, “Mahëënë omooto uno n‑omurööti o Ryobha, niwe uno twitëngʼiire kubha nakuucha mo‑se.”

Yohana 7:12

Abhaato bhaaru koru mo‑rikinda riire, bhaakabha bharahakaana ighoro e Yesu. Abhande bhakabhugha kubha n‑omooto omuhöriicho, amare abhande bhakabhugha kubha tiyaanyi, nakobhangʼiina abhaato.

Yohana 8:54

Yesu akabhagharokeri akabhugha, “Erabha nekwihacha eni mwene, kwihacha koone ghotaghöötë ekebhune ghyokyose. Amare Taata, uno inyu mokobhugha n‑Eryobha reenyu, niwe uno aghuntöghösi eni.

Amaköri gha Bhatomu 19:2

akabhabhoori akabhugha, “Kana hano momokumiri Yesu, ꞉moosongʼaaniri Akörö Ahörëëru?” Bhakamugharokeri bhakabhugha, “Tiyaanyi, koru kooghu kubha, Akörö Ahörëëru neenyi‑ho, totaamara tooghu.”

Amaköri gha Bhatomu 2:17

‘Mo‑chaasiko che ntenero, neghwiki Akörö yaane ighoro e bhaato bhoose. Abhaana bhaanyu bha kebhureni na bha ghiike mbakurööta, na abhabhureni bhaanyu mbakorighi amarighi, na abhagharuka mbakurööta amaröötö.

Amaköri gha Bhatomu 2:33

Eryobha riyo rekamoghongi na komuha omweya, niikeere eribhaara reeche re kwiro. Akamara Taata Waryobha akamuha Yesu Akörö Ahörëëru kinya bhuure are amuraghiri, Yesu woose aghatwikeri Akörö iyo. Ibheere ghano gharweriire, nigho ghano moghogharighi na ghoghooghu.

Amaköri gha Bhatomu 2:38

Bheetero akabhabhoorera akabhugha, “Omooto woose atuukuunere amasari ghaache, na abhatiisu kwo riina re Yesu Kirisito, kubha amwabhërë na kuhaabhu Akörö Ahörëëru.

Amaköri gha Bhatomu 2:4

Abhaato bhayo bhoose bhaghiichoribhu Akörö Ahörëëru, bhaghasëëma ghosiikëra mo‑bhighambo haghare haghare, kinya bhuure Akörö Ahörëëru ꞉ëbhëërëkëriiri.

Amaköri gha Bhatomu 3:13

Eryobha re bhasookoro bhiito, Abhurahamu, Isaka, na Yakobho, ꞉ndeemoghongiri omutamishi waache Yesu. Wiiki Yesu niwe uno inyu momoruusiri ateneru ekiina aku! Koru hano Bhiraato ëndiri abhiighorere Yesu, ꞉mwaangiri,

Amaköri gha Bhatomu 4:31

Hano bhamariri ghusabha Eryobha, anyumba ino ꞉bhaare bhatëmëëraniire‑mu eghasingisu. Bhoose bhayo bhaghiichoribhu Akörö Ahörëëru, bhaghasëëma kweghi abhaato angʼana e Ryobha kwo bhosubhesubhe.

Abharuumi 8:9

Amare ibheere, inyu motaaghukangatu na simoka yaanyu e masari, amare moghukangatu na Akörö e Ryobha, gho kubha neghwikara moose yaanyu. Omooto wowoose uno ataanyi na Akörö e Kirisito, uyo taanyi omooto o Kirisito.

2 Abhakorinto 3:8

gho ghayo, mahëënë amahöki gha Körö Ahörëëru ngaakubha no obhokumi obhokoro chwee.

Abhaebheeso 4:30

Motiitumati Akörö Ahörëëru e Ryobha, gho kubha Akörö iyo n‑ekingʼöchö ke Ryobha ghokoonyu kubha inyu n‑abhaato bhaache moonyi, mbagha orosiko runo Eryobha rekuucha kobhatingori.