Yohana 7:37 - Eriiraghano Eriihë

³⁷ Orosiko ro kumareereri anyangi e bhebhuru ndoore orosiko rokoro chwee. Mbe, Yesu akiimeerera mo‑riigho re Risëngërö, aghatiiri eriiraka akabhugha, “Omooto arooghu anyööta, ache ghokoone, anyo.

Yohana 7:37 ပူးပေါင်းရင်းမြစ်များ

Mataayo 11:28

“Muuche ghokoone bhoose bhano mokunyaakibhu na ghokeyu ne emerigho emerito, na neeni nekobhaweeri.

Mataayo 3:3

Yohana uyo niwe uno asiikiiru no omurööti Isaaya kubha, “Eriiraka re mooto ndekobherekera mwibhara rerabhugha, ‘Mukörë anchëra e Mutëmi, mughöröröki chanchëra chino akohetera.’”

Mataayo 5:6

Ngʼoni bhano bhaanyi na anchëra na anyööta e ghuköra ghano Eryobha rekwënda, gho kubha ndekobhiighoti.

Yohana 1:23

Yohana akabhagharokeri kurëngʼaana na amangʼana ghano omurööti Isaaya abhughiri, “Eni n‑eriiraka re mooto, ndekobherekera mwibhara rerabhugha, ‘Mughöröröki anchëra e Mutëmi Waryobha!’ ”

Yohana 14:6

Yesu akamugharokeri akabhugha, “Eni n‑anchëra, no obhuhëënë, no obhuhöru. Taanyi‑ho uno aghotora kuucha o‑Taata aribha atahetiire ghokoone.

Yohana 4:10

Yesu akamugharokeri akabhugha, “Aribha ongamënyiri atuho e Ryobha na kubha n‑niwe aghoghusabha amanche gha kunyo, nongamusabhiri iwe, nawe nangakoheere amanche ghano ghakobhaha abhaato obhuhöru bho miishe ghyose.”

Yohana 4:11

Omukari wuure akamugharokeri Yesu akabhugha, “Omutëmi, iye toonyi koru ne egheghiro ghe ghutahëra amanche, wiiki eghesima kino n‑kire. Mbe, hayi oghoghabhöna amanche ghayo gha kobhaha abhaato obhuhöru?

Yohana 4:14

Amare omooto aranyo amanche ghano nekomuha eni, taakooghu anyööta emiishe ghyose. Amanche ghano nekomuha eni ngaakubha kinya ekerika ke manche moose yaache, ghataakooma naabha, ngaakubha gharamuha obhuhöru bho miishe ghyose.”

Yohana 5:40

Amare inyu motaakwënda kuucha ghokoone, kubha mubhönë obhuhöru bho miishe ghyose.

Yohana 6:35

Yesu akabhagharokeri akabhugha, “Eni neeni ekiinyakurë kino ghekobhaha abhaato obhuhöru. Omooto wowoose uno akuucha ghokoone, taakooghu anchëra inkongʼorimu, wiiki uno aghonkumi taakooghu anyööta naabha.

Yohana 6:37

Abhaato bhoose bhano Taata aheere, mbakuucha ghokoone na ghonkumi. Wiiki nteekomwanga naabha koru umu uno akuucha ghokoone.

Yohana 6:55

Omobhere waane niwe ekiinyakurë ke mahëënë, na amasaahë ghaane nikyo ekinywebhu ke mahëënë.

Yohana 7:28

Mbe, Yesu hano are areeghi mo‑riigho re Risëngërö, aghatiiri amaraka na kobhugha, “Mahëënë moonyeche, wiiki mweche hano neruure. Eni ntiichiri gho changuru cheene! Amare Eryobha rino rentomiri n‑de mahëënë. Inyu motaryeche.

1 Abhakorinto 10:21

Motaaghotora konywera eghisënchö ke Mutëmi na ke misambu. Motaaghotora kurë ekiinyakurë ke Mutëmi na ke misambu.

1 Abhakorinto 10:4

Wiiki bhoose mbanywire amanche ghano Eryobha rebhaheere gho nchëra e keroghooro, koru mwitare. Eriitare riyo n‑Kirisito are. Iwe naare araghënda haghirohamu nabho.

1 Abhakorinto 11:25

Hangʼu hangʼu, hano bhamariri kurë, akiimoki eghisënchö ke divaayi, akabhugha, “Adivaayi ino enyi mo‑ghisënchö kino, n‑amasaahë ghaane gha Eriiraghano Eriihë, moyinyo. Mubhe moraköra hangʼu eriibhagha ryose, gho kohiita eni!”

1 Abhakorinto 12:13

Neghosiikëra hangʼu, gho kubha itu bhoose, tubhe Abhayahuuti hamu abhaato bha matöngö aghande, tubhe abhasësë hamu abhaato huuru, ntubhatiisuru gho Körö imu na kuhaabhu Akörö iyo, kubha tubhe omobhere umu.

Abhaebheeso 5:18

Wiiki motarëëwu, gho kubha okurëëwu ngoghughëri omooto akörë amangʼana gha chaasoni. Amare inyu mwichoribhu na Akörö Ahörëëru.

Obhohunyurëru 21:6

Akamboorera wiiki akabhugha, “ˆGhakahikeerana! Eni neeni Simoka na Antenero, eni neeni uno niisëëmiri amangʼana ghoose na ghoghamareereri. Omooto woose uno anyi na anyööta, nekomuha bhoowa amanche koru mo‑bherika bhe manche gha bhuhöru, anyo.

Obhohunyurëru 22:1

Akamara marayika uyo akanyëërëki orooche ro manche gha bhuhöru, ndoore rorabhari kinya ekiröri na ndorweriire irungu re ghetumbe ghe ghitëmi ke Ryobha no Omoona o Ngʼöndu.

Obhohunyurëru 22:17

Akörö e Ryobha no omokwiru mbakomobherekera Omutëmi bharabhugha, “Nuuche!” Na abhaato bhoose bhano bhakooghu amangʼana ghayo bhabhughe, “Nuuche!” Wowoose uno anyi na anyööta, uno akwënda amanche, ache anyo amanche gha bhuhöru bhoowa.