Yohana 7:31 - Eriiraghano Eriihë

³¹ Mbe, abhaato bhaaru bhano ꞉bhaare hayo bhakamokumi Yesu. Mbaare bharabhugha kubha, “Aribha Kirisito nakuucha, kana, naghuköra ebhiraghe bhyaru ghokera bhino omooto uno aköriri?”

Yohana 7:31 ပူးပေါင်းရင်းမြစ်များ

Mataayo 12:23

Erikinda re bhaato bhano ꞉bhaare hayo bhakaroghoora na kobhoorani abheene kwo bheene bharabhugha, “Kana, uno taanyi Omoona o Tawuti?”

Ruuka 8:13

“Chambusuru chino ꞉cheeghweriire mwitare, nchekwërëki abhaato bhano bhaghuchömëru kooghu angʼana e Ryobha, bhayekumi kwo riibhagha isuuhu. Hano bhaghusakibhu, bhayetigha, gho kubha mbatuubhiine no omote uno otaamara ohira emerya kurë.

Yohana 11:45

Mbe, Abhayahuuti bhaaru mo‑bhano ꞉bhiichiri komorighi Mariyamu, hano bhagharooche ghayo Yesu aköriri, bhakamokumi.

Yohana 12:11

gho kubha gho ghiri yaache, Abhayahuuti bhaaru ꞉mbaabhatighiri, bhakamokumi Yesu.

Yohana 12:42

Koru hangʼu, abhakangati bhaaru bha Bhayahuuti ꞉mbaamokumiri Yesu, amare gho ghiri e Mabharisaayo, bhataamokumiri haheero, bhaghatiina kuhëëbhu mo‑risinaghooghi.

Yohana 2:11

Yesu ꞉naaköriri ekyërëkërëri kino mo‑moghya o Kana mo‑mukööwa o Ghariraaya. Ekyërëkërëri kiyo nikyo keere e kimbërë ghuköru kwërëki obhokumi bhooche obhokoro mo‑bhaato. Gho ghayo, abhaanabheegha bhaache bhakamokumi.

Yohana 3:2

Orosiko rumu obhotiko, aghaye o‑Yesu akamobhoorera akabhugha, “Oo Omweghi, ntweche kubha iye n‑Omweghi uno otomuru ne Eryobha, gho kubha taanyi‑ho omooto uno aghotora ghuköra ebhyërëkërëri bhino oghuköra, aribha Eryobha retaanyi haghirohamu nawe.”

Yohana 4:29

“Tughëndë momorighi omooto uno ambooriire ghoose ghano ꞉niishamiri ghuköra. Kana, neghotora kubha iwe niwe Kirisito?”

Yohana 4:39

Mbe, Abhasamaariya bhaaru bha mo‑moghya wuure o Sikaari bhakamokumi Yesu gho kubha ꞉mbooghwire ghano omukari wuure ꞉abhughiri kubha, “Omooto uyo nambooriire ghoose ghano ꞉niishamiri ghuköra.”

Yohana 6:2

Erikinda ikoro re bhaato rekamutambana Yesu, gho kubha mbaare bharooche ebhyërëkërëri bhino are araköra gho kobhahöri abhabhabharu.

Yohana 7:26

Mööhi reero naghosiikëra haheero, amare ibho bhataakobhugha ghyokyose! Kana, hamwabhe abhakangati bhoose mbamariri kumënya kubha uno niwe Kirisito?

Yohana 9:16

Niho Amabharisaayo abhamu bhakabhugha, “Omooto uno taruure kwo Waryobha, gho kubha naghusari emeghiro ghe Riikane.” Amare abhande bhakabhugha, “Kana, nibhu ekubha kwo mooto o masari ghuköra ebhyërëkërëri kinya bhiyo?” Mbe, bhakaahukana abheene kwo bheene.

Amaköri gha Bhatomu 8:13

Simiyooni woose akamokumi Yesu, akabhatiisu, aghaghöötana na Bhiiribho. Hano arooche ebheroghooro ebhekoro bhino Bhiiribho are araköra, bhekamoroghoori chwee.

Yakobho 2:26

Gho ghayo, aribha omooto abheere no obhokumi amare taanyi na amaköri machömu, obhokumi bhooche bhuyo, mbokuure, kinya omobhere uno otaanyi na akörö, nookubha okuure.