Yohana 7:20 - Eriiraghano Eriihë

²⁰ Erikinda re bhaato rekamugharokeri rekabhugha, “Noonyi no omusambu iye! Kana, n‑niwe uno akwënda ghoghwita?”

Yohana 7:20 ပူးပေါင်းရင်းမြစ်များ

Mataayo 10:25

Omoonamwegha nakwëndëru abhe kinya omweghi waache no omusësë woose abhe kinya omutëmi waache. Aribha akomobherekera omokoro o nyumba kubha m‑Bherisebhuuri, kana, taakobhabherekera abhaato bha mo‑nyumba yaache amariina amabhe ghokera ghayo?

Mataayo 12:24

Amare hano Amabharisaayo bhooghwire ghayo, bhakabhugha, “Omooto uno nakuhëëbha emisambu kwo bhotoro bho Bherisebhuuri, omokoro o misambu ghyose.”

Mataayo 9:34

Amare Amabharisaayo bhakabhugha, “Mööhi, nakuhëëbha emisambu kwo bhotoro bho mokoro o misambu!”

Maariko 3:30

Yesu ꞉naabhabhooriire hangʼu gho kubha ibho mbaare bharabhugha, “Naanyi no omusambu.”

Yohana 10:20

Abhaaru ghate yaabho bhakabhugha, “Uno naanyi no omusambu wiiki m‑mochuuru. Ghwake mokomutëghëërëra?”

Yohana 8:48

Abhayahuuti bhakamobhoori Yesu bhakabhugha, “Kana, totaakobhugha obhuhëënë hano tokobhugha kubha iye n‑Omusamaariya, wiiki noonyi no omusambu?”

Yohana 8:49

Yesu akabhagharokeri akabhugha, “Eni ntighöötë omusambu. Eni nemosookiri Taata, amare inyu moghuntaraaha eni.

Yohana 8:52

Mbe, Abhayahuuti bhakamobhoorera Yesu bhakabhugha, “Ibheere ˆtokamënya kubha iye noonyi no omusambu! Abhurahamu ꞉naakuure, abharööti bhoose mbakuure, amare iye nokobhugha, ‘Omooto wowoose uno aghoghatambana ameeghi ghaane, taaghoku naabha.’

Amaköri gha Bhatomu 26:24

Hano Bhawuro are ariitachura, hayo hayo Bheesito aghasiikëra kwo riiraka ikoro arabhugha, “Oo Bhawuro! Kana m‑mochuuru onyi! Ghusöma koocho kwaru ˆghoghaghughëri ochuure!”