Yohana 6:29 - Eriiraghano Eriihë

²⁹ Yesu akabhagharokeri akabhugha, “Emeremo ghino Eryobha rekwënda mukörë nighyo ghino, ghonkumi eni, uno netomuru naryo.”

Yohana 6:29 ပူးပေါင်းရင်းမြစ်များ

Mataayo 17:5

Hano Bheetero are akeere arasiikëra, mööhi, rekaacha erishaaro rerarëngaari na kobhakundekeri. Bhakamara bhakooghu eriiraka koru Mwishaaro riyo rerabhugha, “Uno n‑Omoona waane omosiighani, neghuchömëru nawe, momutëghëërërë!”

Maariko 16:16

Omooto wowoose uno aghokumi na kubhatiisu, naghotooribhu. Amare, omooto wowoose uno akwanga ghokumi, naghoteneru ekiina.

Yohana 3:36

Omooto wowoose uno akomokumi Omoona o Ryobha naanyi no obhuhöru bho miishe ghyose. Amare omooto wowoose uno akomwanga taanyi no obhuhöru, gho kubha ghukarara kwo Waryobha ngokwëndërëra kubha ighoro yaache.

Yohana 5:39

“Inyu moghwiköngʼi chwee ghusöma Amandëkö Amatööbhiyu gho kubha mokwihëëbha kubha moghotora kubhöna muyo obhuhöru bho miishe ghyose. Amandëkö ghayo ghayo nigho ghaghungambëra eni.

Yohana 6:28

Niho ibho bhakamobhoori bhakabhugha, “Kana, tukörë ke kubha totore ghuköra emeremo ghino Eryobha rekwënda?”

Yohana 6:38

Eni niichiri koru Mwishaaro kubha nibhe neraköra amiigha gha Taata uno antomiri. Ntiichiri ghuköra amiigha ghaane.

Yohana 6:57

Taata uno antomiri m‑muhöru anyi, na neeni nekubhöna obhuhöru gho kohetera gho Taata. Hangʼu hangʼu, omooto wowoose uno akowure omobhere waane, nakubhöna obhuhöru gho kohetera ghokoone.

Amaköri gha Bhatomu 16:31

Bhakamugharokeri bhakabhugha, “Omokumi Omutëmi Yesu, niho oghotooribhu haghirohamu na abhaato bha mo‑ka yaacho.”

1 Abhatesaronike 1:3

Hano tookubha torabhasabhera o‑Taata wiito Waryobha, ntokohiita emeremo ghino muköriri kwo bhokumi. Ntokohiita ghwiköngʼi koonyu kuno ghokorwera mo‑bhosiighi bhoonyu, na kebhuno mwimeeriire mo‑bhokumi na kwo miitëngʼërö ghaanyu gha ghugharuka kwo Mutëmi wiito Yesu Kirisito.

Abheebhuraaniya 5:9

Kurëngʼaana na ghayo, Eryobha rekamohikeerani na kurëngʼaanera kubha simoka e bhotoori bho miishe ghyose gho ghiri e bhaato bhoose bhano bhakomosooka.

Yakobho 2:22

Nokorighi obhokumi bho Abhurahamu, mboore bhoraghe haghirohamu na amaköri ghaache, no obhokumi bhooche mbohikeriinu kwo maköri ghaache.

1 Yohana 3:23

Omoghiro waache niwe uno, kubha tomokumi Omoona waache, Yesu Kirisito, na ghosiighana, kinya bhuno ꞉aturagheriiri.

1 Yohana 5:1

Omooto wowoose uno aghokumi kubha Yesu n‑Kirisito, niwe omoona o Ryobha. Wowoose uno akomosiigha omwibhori, nakobhasiigha na abhaana bha mwibhori uyo.

Obhohunyurëru 2:26

Omooto wowoose uno aghokinda amasaki na kwëndërëra ghuköra amiigha ghaane mbagha mo‑ntenero, “Nekomuha obhotoro bho ghukangata abhaato bha matöngö ghoose.