Yohana 6:27 - Eriiraghano Eriihë

²⁷ Motakörëra emeremo ebhiinyakurë bhino bheghusarëka, amare mubhe moraköra gho ghiri e kubhöna ebhiinyakurë bhino bhetaaghusarëka, bhino bhekobhaha abhaato obhuhöru bho miishe ghyose. Eni Omoona o Mooto nekobhaha abhaato ebhiinyakurë bhiyo, gho kubha Taata Waryobha naaheere obhotoro ghuköra ghayo.”

Yohana 6:27 ပူးပေါင်းရင်းမြစ်များ

Mataayo 17:5

Hano Bheetero are akeere arasiikëra, mööhi, rekaacha erishaaro rerarëngaari na kobhakundekeri. Bhakamara bhakooghu eriiraka koru Mwishaaro riyo rerabhugha, “Uno n‑Omoona waane omosiighani, neghuchömëru nawe, momutëghëërërë!”

Mataayo 25:46

“Niho abhaköri bha masari bhaare bhaghutanura na ghuye ghoteneru ekiina ke miishe ghyose. Amare bhaare abhahëënë, mbaghusöha mo‑bhuhöru bho miishe ghyose.”

Mataayo 3:17

Eriiraka rekarwera Mwishaaro rerabhugha, “Uno n‑Omoona waane omosiighani, neghuchömëru nawe.”

Mataayo 6:19

“Motitoorera agharinga mo‑se ino, gho kubha nekwiröötëra ne ebhebhongi mbeghusari, na abhiibhi mbaghusöha na kwibha.

Mataayo 8:20

Yesu akamugharokeri akabhugha, “Chaambwe ncheenyi na chakoobho ne ebhinyönyi mbeenyi ne ebhenyumba. Amare eni uno neenyi Omoona o Mooto nteenyi koru na ha ghotoora omutu!”

Maariko 1:11

Niho eriiraka koru Mwishaaro rekabhugha, “Iye n‑Omoona waane omosiighani, uno neghuchömëru na niiye.”

Maariko 9:7

Niho erishaaro reghiika, rekabhakundekeri. Bhakooghu eriiraka re Ryobha rerarwera mo‑rishaaro riyo, rerabhugha, “Uno n‑Omoona waane omosiighani, momutëghëërërë!”

Ruuka 3:22

Akörö Ahörëëru ekamwikëra kinya egheghuuti na ghwikara ighoro yaache. Niho eriiraka koru Mwishaaro rekabhugha, “Iye n‑Omoona waane omosiighani, uno neghuchömëru na niiye!”

Ruuka 9:35

Koru Mwishaaro, hakarwera eriiraka, rerabhugha, “Uno n‑Omoona waane, omwahöru waane! Momutëghëërërë!”

Yohana 10:28

Eni neghochiha obhuhöru bho miishe ghyose, koru chetaakobhora naabha. Wiiki taanyi‑ho omooto uno aghotora ghochisara koru mo‑mabhökö ghaane.

Yohana 11:42

Nyeeche kubha nohaanyoghu eriibhagha ryose, amare neghosiikëra ghano gho ghiri e rikinda re bhaato bhano, kubha bhakumi kubha n‑iye ontomiri.”

Yohana 14:6

Yesu akamugharokeri akabhugha, “Eni n‑anchëra, no obhuhëënë, no obhuhöru. Taanyi‑ho uno aghotora kuucha o‑Taata aribha atahetiire ghokoone.

Yohana 15:24

Niköriri ebheroghooro bhekoro bhino bhetaamara bhiköru no omooto owonde. Erabha bhatangabherooche, mbangabheere bhataanyi na amasari. Amare ibheere, mbagharooche ghoose ghano ꞉niiköriri, koru hangʼu bhakeere bhandëghiri eni na Taata waane.

Yohana 17:2

Noheere obhotoro bho kobhakangata abhaato bhoose, kubha nebhahë abhaato bhano oheere obhuhöru bho miishe ghyose.

Yohana 3:15

kubha nebhahë abhaato bhano bhaghonkumi, obhuhöru bho miishe ghyose.”

Yohana 3:33

Omooto wowoose uno aghwishereri amangʼana gha Yesu, nakuhëënëhi kubha Eryobha n‑ihëënë.

Yohana 6:40

Amiigha gha Taata n‑ghano, omooto woose uno akumënya kubha eni n‑Omoona waache na ghonkumi, abhe no obhuhöru bho miishe ghyose. Eni nekuucha komoryoki mo‑rosiko ro ntenero.”

Yohana 6:47

“Mahëënë ˆnekabhabhoorera, omooto wowoose uno aghonkumi eni, naanyi no obhuhöru bho miishe ghyose.

Yohana 6:51

Eni n‑ekiinyakurë kino gheghwika koru Mwishaaro, kino ghekobhaha abhaato obhuhöru. Omooto wowoose uno akurë ekiinyakurë kiyo, naakubha no obhuhöru bho miishe ghyose. Ekiinyakurë kiyo n‑omobhere waane uno nekoworuusi gho ghiri e bhaato bhoose, kubha bhabhe no obhuhöru bho miishe ghyose.”

Yohana 6:53

Mbe, Yesu akabhabhoorera akabhugha, “Mahëënë ˆnekabhabhoorera, erabha motaakurë omobhere waane, na kunyo amasaahë ghaane, eni Omoona o Mooto, motaakubha no obhuhöru bho miishe ghyose.

Yohana 6:54

Omooto wowoose uno akurë omobhere waane na kunyo amasaahë ghaane naanyi no obhuhöru bho miishe ghyose, na neeni nekomoryoki mo‑rosiko ro ntenero.

Yohana 6:58

Mbe, eni n‑ekiinyakurë kino ghiikiri koru Mwishaaro, ghetanga kino bhasookoro bhaanyu ꞉bhaariire bhaaghaku. Amare omooto wowoose uno akurë ekiinyakurë kino, naakubha no obhuhöru bho miishe ghyose.”

Yohana 6:62

Mbe, nibhu ekubha erabha mokondighi eni Omoona o Mooto, ndatiira ghuye Mwishaaro hano neere ekimbërë?

Yohana 6:68

Simiyooni Bheetero akamugharokeri akabhugha, “Oo Omutëmi, toghi waawe? Iye omwene noonyi na amangʼana ghano ghaghotuha obhuhöru bho miishe ghyose.

Yohana 8:18

Gho nchëra ino eni neghwighambera eni omwene, na Taata uno antomiri naghungambëra.”

Amaköri gha Bhatomu 10:38

Mweche kubha, Eryobha ꞉ndeemwahwire Yesu o Nasareeti gho komuha Akörö Ahörëëru no obhotoro. Yesu ꞉naaghiire ino na ino, araköra amachömu na kuhöri bhoose bhano ꞉bhaare bharanyaakibhu na changuru che Rishambu, gho kubha Eryobha ndeere haghirohamu nawe.

Amaköri gha Bhatomu 2:22

Bheetero akëëndërëra kobhugha, “Inyu abhaato bha Isiraeri, muntëghëërërë bhoheene! Eryobha eryene ndëbhëërëkiri obhokoro bho Yesu o Nasareeti ghokoonyu, gho nchëra e bhiraghe, ne ebheroghooro, ne ebhyërëkërëri bhe manga maaru bhino Eryobha ꞉reemoheere ghuköra ghate yaanyu. Ghayo, inyu mogheeche bhoheene.

Abharuumi 4:11

Ghusaaru kooche, n‑ekingʼöchö ke Ryobha ghokooche kubha, ꞉ndeemubhariire obhuhëënë kurëngʼaana no obhokumi bhuno are nabho akeere ghusaaru. Gho nchëra iyo, Abhurahamu aghaköru kubha ishe o bhakumi bhoose bhano bhataamara ghusaaru, kubha bhoose bhabhareru kubha mbaanyi no obhuhëënë ambërë e Ryobha.

Abharuumi 6:23

Omooto wowoose uno anyi omusësë o masari, amareho ghaache n‑oroko ro miishe ghyose. Amare itu, Eryobha ndeghotuha obhuhöru bho miishe ghyose. Obhuhöru bhuyo taanyi amareho, amare n‑atuho ino toghosongʼaana kohetera Kirisito Yesu, Omutëmi wiito.

1 Abhakorinto 6:13

Abhande ghate yaanyu mbakobhugha kubha, “Hano tookubha na anchëra ntokwëndëru kuraaghëra, gho kubha emebhere ghiito ngekwënda ebhiinyakurë.” Hangʼu keenyi, amare eriibhagha ndekuucha rino Eryobha reghugharura emebhere ghiito ghibhe ghetaakwënda ebhiinyakurë. Motabhugha kubha nturëngʼaaniire ghuköra obhutaari, kinya bhuno tokwëndëru kuraaghëra eriibhagha toonyi na anchëra. Nekobhugha hangʼu, gho kubha Eryobha retatëëmiri emebhere ghiito gho ghiri e bhutaari, amare ꞉ndeeghitëëmiri gho ghiri e komuhökëri Omutëmi, nawe Omutëmi naghoghetugha bhoheene emebhere ghiito.

1 Abhakorinto 9:2

Koru aribha abhaato abhande bhakorighi kubha eni taanyi omotomu neenyi, amare eni ghokoonyu n‑omotomu, gho kubha obhokumi bhoonyu mo‑Kirisito n‑ekingʼöchö kino ghekwërëki kubha eni netomuru no Omutëmi.

2 Abhakorinto 4:18

Gho ghayo, totaakwihëëbhëra ebheghiro bhino bhekorighibhu, amare ntokwihëëbhëra bhino bhetaakorighibhu, gho kubha, bhino bhekorighibhu, m‑bhe eriibhagha ighuhe hangʼu, amare bhino bhetaakorighibhu, m‑bhe miishe ghyose.

Abhagharatiya 5:6

Mbe, aribha tughöötiine na Kirisito Yesu, ghusaaru hamu kwanga ghusaaru ghotaanyi ne ekebhune ghyokyose. Egheghiro ke bhwëra n‑obhokumi bhwito bhuno bhohaaköra emeremo kwo bhosiighi.

Abhabhiribhi 2:13

Mbe, mukörë hangʼu gho kubha Eryobha niryo reghuköra emeremo moose yaanyu, kubha mosiighe na ghuköra amangʼana ghano resiighiri ghaköru.

Abhakorosaayi 1:29

Kwo riyo neghwiköngʼi na ghuköra emeremo gho kuhökëri changuru inkoro chino Kirisito aheere.

Abhakorosaayi 2:22

Ghiyo ghyose n‑emeghiro na ameeghi gha bhaato hangʼu ghano ghaaghuye ne ebheghiro bhino bheghusarëka kwo riibhagha isuuhu bheramara kuhökëru.

Abhakorosaayi 3:2

Moghiihëëbhërë ghano ghaanyi Mwishaaro, motiihëëbha gha hano mo‑se,

1 Abhatesaronike 1:3

Hano tookubha torabhasabhera o‑Taata wiito Waryobha, ntokohiita emeremo ghino muköriri kwo bhokumi. Ntokohiita ghwiköngʼi koonyu kuno ghokorwera mo‑bhosiighi bhoonyu, na kebhuno mwimeeriire mo‑bhokumi na kwo miitëngʼërö ghaanyu gha ghugharuka kwo Mutëmi wiito Yesu Kirisito.

2 Timotewo 2:19

Amare abhaato bhano bhiimeeriire bhaköngʼiiri, n‑kinya obhoroso obhuchömu bhuno bhotooruru ne Eryobha. Ni ighoro e obhoroso bhuyo ꞉ngaandëkuru amangʼana ghano kubha, “Omutëmi Waryobha neeche abhaato bhaache,” wiiki, “Omooto wowoose uno ahaamusabha Omutëmi Waryobha kubha amotoori, atighe ghuköra amabhe.”

Abheebhuraaniya 12:16

Mubhe miisho kubha ataacha kubha‑ho omooto wowoose ghate yaanyu omutaari hamu uno ataakoresooka Eryobha kinya Esaawu. Iwe aghaghori omweya waache o bhutange gho ghiri e kiinyakurë ke riibhagha rimu hangʼu.

Abheebhuraaniya 4:11

Gho ghayo, ntwiköngʼi ghusöha ahaghiro hayo ha koweera. Tubhe toraköra hangʼu kubha ataacha kubha‑ho omooto wowoose uno aghokindu ghusöha gho ghiri e kwanga ghokumi kinya bhuno bhasookoro bhiito ꞉bhaaköriri.

Yakobho 1:11

Hano eryobha rehaarasa no omu ubhara, nohoomi emimërö ne ebhibhari mbehaagho no obhuchömu bhooche bhosira. Hangʼu hangʼu no omwame woose, arabha mo‑mahöki ghaache, nimu aghokwera.

1 Bheetero 1:24

Kinya Mandëkö Amatööbhiyu ghakobhugha, “Abhaato bhoose n‑kinya amanyaaki, no obhuchömu bhoobho n‑kinya ebhibhari bhe mo‑manyaaki. Amanyaaki ngahaanyaara ne ebhibhari mbehaagho,

2 Bheetero 1:17

Itu ntoore‑ho eriibhagha ahaabhuru asooko no obhokumi obhokoro koru o‑Taata Waryobha. Eriibhagha riyo, eriiraka rekaru kwo Waryobha uno anyi Obhokumi Obhokoro, rerabhugha, “Uno n‑Omoona waane omosiighani, uno neghuchömëru nawe.”