Yohana 5:46 - Eriiraghano Eriihë

⁴⁶ Aribha mahëënë mongamokumiri Musa, mbe, mongatoriri ghonkumi na neeni, gho kubha Musa ꞉naandëkiri amangʼana ghaane.

Yohana 5:46 ပူးပေါင်းရင်းမြစ်များ

Ruuka 24:27

Niho, Yesu akabhëërëkërëri amangʼana ghoose ghano ghaandëkuru ighoro yaache, korwera mo‑Mandëkö gha Musa, na mo‑Mandëkö ghoose gha bharööti.

Yohana 1:45

Mbe, Bhiiribho akamubhöna Natanaheri, akamobhoorera akabhugha, “Ntomorooche omooto uno Musa andëkiri amangʼana ghaache mo‑ghitabhu ke Meghiro, wiiki uno abharööti ꞉bhaandëkiri amangʼana ghaache. Eriina reeche n‑Yesu o Nasareeti, mwërëëti o Yusubhu.”

Yohana 5:47

Amare aribha motaaghokumi amangʼana gha Musa, mbe, nibhu moghotora ghokumi amangʼana ghaane?”

Amaköri gha Bhatomu 26:22

Koru hangʼu, Eryobha ndentooriri mbagha kohikera orosiko runo ro reero. Nikyo ˆgheghaghëri ˆnekiimeerera hano ambërë e bhakoro, na ambërë e bhaato bha haase, neghosiikëra amangʼana ghano ꞉neerooche. Ghataanyi‑ho wiiki amangʼana aghande ghano neghosiikëra ghokera ghaare ꞉ghaasiikiiru na abharööti, na ghano ꞉ghaasiikiiru na Musa, kubha ngakorwera.

Abharuumi 10:4

Kirisito nahikeriini emeghiro ghyose ghe Musa, kubha abhaato bhoose bhano bhakomokumi, bhabhareru kubha mbaanyi no obhuhëënë ambërë e Ryobha.

Abhagharatiya 2:19

Eriibhagha rino neere nighöötiri emeghiro ghe Musa, emeghiro ngenteniire ekiina. Amare ibheere nteeghughööta emeghiro ghiyo wiiki, kubha netore kumanya kinya bhuno Eryobha rekwënda.

Abhagharatiya 3:10

Amare bhoose bhano bhaghwitëngʼëra ghotooribhu gho ghuköra ghano ghakwëndëru ne emeghiro ghe Musa, bhayo bhiihiimuru. Amandëkö Amatööbhiyu ngakobhugha kubha, “Wowoose uno ataaghughööta na ghuköra ghoose ghano ghaandëkuru mo‑ghitabhu ke meghiro, niihiimuru.”

Abhagharatiya 3:13

Kirisito natotingwiri koru mo‑riihiimo re meghiro gho kwimoki eriihiimo riyo gho ghiri yiito. Amandëkö Amatööbhiyu ngakobhugha, “Wowoose uno amamburu mo‑musarabha, niihiimuru.”

Abhagharatiya 3:24

Emeghiro ngeere gheratukangata kinya omurëri wiito, mbagha eriibhagha rino Kirisito ichiri. Gho ghayo, gho komokumi Kirisito okwene, ntokubharu kubha abhaato abhahëënë ambërë e Ryobha.